Չնայած ոստիկանների խոչընդոտներին Սեֆիլյանն ու Ավետիսյանը ողջագուրվեցին

«Նոր Հայաստան» հանրային փրկության ճակատի առաջնորդ Ժիրայր Սեֆիլյանի եւ մյուսների գործով քիչ առաջ դատարան բերվեց նաեւ «Սասնա ծռեր» խմբի անդամ Վարուժան Ավետիսյանը:

Չնայած ուղեկցող ոստիկանների խոչընդոտներին, Ժիրայր Սեֆիլյանը մոտեցավ Ավետիսյանին եւ ողջագուրվեց: Նշենք, որ Սեֆիլյանն ու Ավետիսյանը դատարանում հանդիպեցին երկարատեւ դադարից հետո:

Վարուժան Ավետիսյանը, սակայն ամբիոնին չմոտեցավ, ի պատասխան դատավորի զգուշացման, նա ասաց. «Ես այստեղ դատարան չեմ տեսնում, դա ռեժիմի գործիք է, ես այստեղ եմ պաշտպանների միջնորդությամբ եւ պատրաստ եմ պատասխանել նրանց հարցերին»: Նրա պաշտպան Մուշեղ Շուշանյանն ասաց, որ իր պաշտպանյալը պատրաստ է ցուցմունք տալ, եւ եթե նա հրաժարվում է մոտենալ ամբիոնին, ապա դա իր իրավունքն է: «Իմ պաշտպանյալը սա որպես դատարան չի ճանաչում, դա իր դիրքորոշումն է, այդ դիրքորոշմամբ պայմանավորված՝ չի կարող սահմանափակվել Վարուժան Ավետիսյանի հարցաքննելու իրավունքը: Խոսում եք դատավարական կարգի մասին, անտեղի խոսել շատ պետք չէ, որովհետեւ դատավարական կարգը չի կարող հիմք հանդիսանալ անձանց իրավունքները սահմանափակելու համար»,- հայտարարեց Շուշանյանը:

Դատավորը, դիմելով Վարուժան Ավետիսյանին, ասաց, թե վերջինս իր վարքագծով հրաժարվում է հարցաքննությունից, հետեւաբար, դատարանը ստիպված է լինելու դատավարական միջոցներ կիրառել: «Ձեզ հրավիրել ենք այստեղ, որպեսզի զանգվածային անկարգության նախապատրաստման հետ կապված ձեզ հարցադրումներ տա: Ձեր հաղորդած տեղեկությունները կարող են կարեւոր նշանակություն ունենալ պաշտպանության կողմի համար, քանի որ, ըստ էության, նրանց միջնորդությամբ եք դուք դատարան հրավիրվել»,- դիմելով Ավետիսյանին՝ ասաց դատավոր Տաթեւիկ Գրիգորյանը՝ հավելելով, որ եթե նա չի մոտենալու ամբիոնին, ապա պետք է կանգնած ցուցմունք տա: Ի պատասխան Ավետիսյանը նշեց. «Ես արդեն ասացի, որ Հայաստանում դատարան չկա, դա ռեժիմի գործիքն է: Պատրաստ եմ պատասխանել պաշտպանների հարցերին՝ սակայն նստած»,- ասաց նա:

Նստած հարցերին պատասխանելու համար դատավորը կրկին նախազգուշացում հայտարարեց Ավետիսյանին, ապա ասաց, որ պարտավոր է դատավորին դիմել ոտնկայս: «Ես պարտավոր եմ լինել ՀՀ քաղաքացի, որպես ՀՀ քաղաքացի ես զինված ապստամբություն եմ իրականցրել ազգադավ եւ ոճրագործ ռեժիմի դեմ եւ առիթից օգտվելով՝ կոչ եմ անում ժողովրդին՝ նորից դիմել զինված ապստամբության եւ ազատագրվել գաղութային այս կախյալությունից եւ որպես ՀՀ քաղաքացի, ես լիիրավ կերպով իրականցում եմ իմ իրավունքը»,- հայտարարեց Ավետիսյանը: Դատարանը որոշեց Ավետիսյանին, այնուամենայնիվ, հեռացնել նիստերի դահլիճից: Դատարանի այս որոշումը դժգոհություն առաջացրեց պաշտպաններ Տիգրան Եգորյանի եւ Տիգրան Հայրապետյանի մոտ եւ նրանք առարկեցին դատարանի գործողությունների դեմ:

Նշենք, որ մինչ այդ դատարանում պաշտպանության կողմի հարցերին պատասխանել էր «Սասնա ծռեր» խմբի անդամ Պավել Մանուկյանը: Նրանք դատարան էին բերվել պաշտպանական կողմի միջնորդությամբ:

Տպել
3089 դիտում

Վանաձոր-Ալավերդի-Բագրատաշեն ճանապարհահատվածը բեռնատարների և ավտոբուսների համար փակ է

Դատական բարեփոխումները չպետք է խաթարեն համակարգի բնականոն աշխատանքը. դատավորների միություն

Երևանում 50-ամյա որդին ծանր մարմնական վնասվածքներ էր հասցրել 76-ամյա հորը

Երևանում ծառից էլեկտրալարով կախվել է 62-ամյա տղամարդ. մահից առաջ երկտող է թողել

ԿԳ նախարարի եւ ԵԹԿՊԻ ուսանողների հանդիպումն ավարտվել է. նրանք էլի կհանդիպեն

Տավուշի սահմանամերձ Սարիգյուղ եւ Ծաղկավան համայնքների համար ձեռք կբերվի կոմբայն. Սիփան Փաշինյան

Կառավարությունը 2 համայնքի ղեկավարների արտահերթ ընտրություն անցկացնելու մասին որոշում կկայացնի

Ներդրողի միջոցներով վերգետնյա անցում կառուցելու առաջարկը ինչո՞ւ է մերժվել․ պարզաբանում

Գառնիկ Բադալյանը նշանակվել է Աֆղանստանում ՀՀ դեսպան

Պատվաստման տարեք ձեր երեխաներին. վարչապետը հյուրընկալել է Նոբելյան մրցանակի դափնեկիր Հարալդ Զուր Հաուզենին

Պատրաստվում են անցնել հակագրոհի ամբողջ ճակատով. «Ժողովրդի դեմ խաղ չկան»-ն պետք է ամեն օր ապացուցել

Տիմատիի ու Նազիմայի նոր տեսահոլովակում Հայաստանի բնությունն է՝ իր ողջ շքեղությամբ (տեսանյութ)

Իտալիայում տուրիստական ավտոբուսի վթարի հետևանքով 5 վիրավոր ՀՀ քաղաքացի կա. ԱԳՆ

Խոսրով Հարությունյանը դատական հայց է ներկայացրել Արման Բաբաջանյանի դեմ

Հրդեհվել է Սպիտակ քաղաքի զինկոմիսարիատի տանիքը

Հավատարիմ եմ եղել իմ կանանց ու դավաճանել եմ սիրուհիներիս. հայտնի մտքեր Ազնավուրից

Չենք բողոքարկի որոշումը, քանի դեռ դատարանը չի հանդիսանում խախտված իրավունքը վերականգնող մարմին. Սանասարյան

Մայիսի 27-ին դատավորների արտահերթ ժողով է հրավիրվել

Բյուջեի 62 մլրդ դրամ ավելցուկի մի մասով զինվորների և ուսուցիչների աշխատավարձը կբարձրանա. ինչպես ծախսել մնացածը

Շիրակի մարզից ԱՆ ուղղաթիռով հիվանդ է տեղափոխվել Երեւան