Երևան
12 °C
ԱԺ Ծառուկյան խմբակցությունը եւ ՀՀԿ-ի կոալիցիոն գործընկեր Հայ հեղափոխական դաշնակցությունը ցանկանում են Ընտրական օրենսգրքում վերանայել գործող ռեյտինգային ընտրակարգը եւ անցում կատարել 100 տոկոս համամասնական ընտրակարգին: Իշխող ՀՀԿ-ն, սակայն դեմ է դրան: ԱԺ ՀՀԿ խմբակցության ղեկավար Վահրամ Բաղդասարյանը «ՀԺ»-ին տված հարցազրույցում պարզաբանել է, թե ինչու են դեմ: Նա նաեւ խոսել է վարչապետի ՀՀԿ-ի թեկնածուի, ինչպես նաեւ կառավարության նիստերն այսուհետ փակ անցկացնելու որոշման մասին:
- Պարոն Բաղդասարյան, երեկ Ծառուկյան խմբակցությունն ԱԺ-ում, իսկ մի քանի օր առաջ էլ ՀՅԴ ԳՄ-ի եւ Բյուրոյի համատեղ նիստից հետո, ձեր կոալիցիոն գործընկերները հայտարարեցին, որ ցանկանում են Ընտրական օրենսգրքում վերանայել գործող ռեյտինգային ընտրակարգը: Արդեն պարզ է, որ ՀՀԿ-ն կողմ է ռեյտինգային ընտրակարգի մոդելի կիրառմանը: Հնարավո՞ր է, որ այս մասով ՀՀԿ-ի եւ ՀՅԴ-ի միջեւ տարաձայնություններ լինեն: ՀՀԿ-ն ի՞նչ է անելու այս մասով ՀՅԴ-ին «չնեղացնելու» համար:
- Այս առաջարկությունը, ի սկզբանե եղել է ՀՅԴ-ի կողմից եւ բավականին շուտ, երբ քննարկվում էր ռեյտինգային համակարգը: Եթե սա կոնֆլիկտի առարկա դառնար, մենք կոալիցիա չէինք կազմի: Այսինքն՝ այս խնդիրը դուրս է գալիս: Ռեյտինգային համակարգին ՀՅԴ-ն դեմ եղել է քննարկումների ժամանակ, իսկ 90-ականներին ՀՅԴ դեմ էր մեծամասնական ընտրակարգին: 1991 թվականից մինչեւ այսօր կրճատվել է մեծամասնական (այժմ՝ ռեյտինգային-խմբ.) ընտրական համակարգը: Ես չորս անգամ ընտրվել եմ մեծամասնական համակարգով եւ ինձ թվում է, որ կա անհրաժեշտություն շրջանների կապը իշխանությունների, կառավարության հետ, եւ այդ կապը ստեղծում են մարզերից ընտրված պատգամավորները: Եթե մենք հիմա անցում կատարենք համամասնականի եւ հրաժարվենք ռեյտինգայինից, ապա ցուցակները կկազմվեն այնպես, որ մարզեր կլինեն, որ որեւէ ներկայացուցիչ չեն ունենա Ազգային ժողովում: Դա ճիշտ չի լինի, քանի որ կան շահեր եւ պատգամավորների ճնշող մեծամասնությունը հարցեր են բարձրացնում տեղային խնդիրների մասին, լսելի են դարձնում մարզային բնակիչների խնդիրները: Չեմ կարծում, որ մեր քաղաքական ուժերը կարող են այդ խնդիրներին տիրապետել, մինչդեռ տեղի պատգամավորն ավելի տեղեկացված է: Սա զարգացումների հետ է կապված: Մենք չենք կարող այսօրվա քաղաքական դաշտը համեմատել 90-ականների դաշտի հետ: Դաշտն ավելի քաղաքականացված է, անում ենք ժողովրդավարական քայլեր: Շատ մեծ թռիչքային տարբերություններ կան 90-ականների հետ: Հարկ եղած դեպքում միշտ էլ վերանայվել է Ընտրական օրենսգիրքը՝ հատկապես ընտրություններից առաջ: Բնականաբար, լինելու են առաջարկներ, որոնք մենք քննարկելու ենք: Մենք չպետք է շարժվենք այնպես, թե որ քաղաքական ուժին, որ տարբերակն է ձեռք տալիս: Այն քաղաքական ուժերն են բարձրացնում այս հարցը, որոնք խնդիր են ունենում ռեյտինգային ձայներ հավաքելու համար: Ժամանակին, երբ Ծառուկյան դաշինքը Բարգավաճ Հայաստան էր, նրանք չունեին այս խնդիրը: Նրանք բավական մեծ թվով մեծամասնականով ընտրված պատգամավորներ ունենում էին Ազգային ժողովում: ՀՅԴ-ն ունեցել է խնդիրներ, նրանց մոտեցումը քաղաքական է, եւ մենք, հարգելով մեր գործընկերներին նրանց բարձրաձայնածը, քննարկման առարկա կդարձնենք:
- ՀՅԴ-ն վերոնշյալ նիստից հետո հայտարարություն էր տարածել, որ լավ կլինի, եթե մինչեւ ՀՀԿ-ՀՅԴ կոալիցիոն համագործակցության մեկ տարվա լրանալը գործընկերներն ամփոփեին մեկ տարվա գործունեությունը, եւ արդյունքները ներկայացնեին հանրությանը: ՀՀԿ-ում կատարվածն ամփոփելու անհրաժեշտություն տեսնո՞ւմ են: Եվ կրկին նույն պաշտոնական հաղորդագրությունից տեղեկանում ենք, որ ՀՅԴ-ին չեն բավարարում երկրի զարգացման տեմպերը, նրանք կարծում են, որ բարեփոխումների հանդեպ հանրային անվստահությունը դեռեւս հաղթահարված չէ: Կիսու՞մ եք Ձեր գործընկերների կարծիքը եւ եթե այո, ապա որտեղ է թերանում իշխող ուժը:
- Առաջին խնդրի հետ կապված. մենք չենք սպասում, որ լրանա մեկ տարին եւ մեր արած գործերն, անելիքները քննարկում ենք: Մեկ տարվա գործունեության հետ կապված մեր հավաքներում միշտ քննարկումներ անում ենք, եւ մեր կոալիցիոն գործընկերների հետ հանդիպելու, քննարկումներ անելու առումով որեւէ խնդիր չենք տեսնում: Զարգացման տեմպերի հետ կապված՝ մենք եւ մեր գործընկերը միշտ ձգտում ենք ավելիին, որեւէ մեկ անգամ «գոհ ենք» տերմին չենք օգտագործել: Մենք տեսլականներից գոհունակություն հայտնում ենք, որը բերելու է հետագա զարգացումներին: Տեմպերից գոհ լինել, նշանակում է՝ մնալ տեղում: Մենք էլ ենք ասում, որ դեռ տեղ ունենք տեմպերն արագացնելու: Սա չի նշանակում՝ թերանալ, սա նշանակում է, որ տեղ ունենք զարգացումն արագացնելու: Եթե գոհ լինենք զարգացումից, պետք է մտածենք պահպանման մասին: Ես այն կարծիքին չեմ, որ պետք է անընդհատ մտածենք ավելի զարգացնելու, առաջընթաց ապահովելու մասին: Կառավարության ծրագիրը ենթադրում է պայմաններ ստեղծել ապագա զարգացման համար: Եթե մենք հիմքեր են ստեղծում ապագա զարգացման համար, բնականաբար, պետք է մտածենք տեմպերի մասին:
- Պարոն Բաղդասարյան, նախատեսվում է կառավարության նիստերը ապրիլից դռնփակ անցկացնել, որովհետեւ նախարարներն իբր կաշկանդվում են լրագրողներից: Ի՞նչը կարող է պատճառ լինել, որ նախարարը կաշկանդվի լրագրողից: Դուք ի՞նչ կարծիք ունեք:
- Կառավարությունը կազմված է թիմից՝ կոալիցիոն գործընկերներից: Երբ որոշումներ են կայացվում այնտեղ, լրագրողներից կարող է կաշկանդվածություն լինել, որ թվերի մեջ կարծիքների ազատ արտահայտումը կաշկանդող լինի: Մենք նպատակահարմար ենք գտնում, որ ավելի ազատ լինեն քննարկումները, չխուսափեն ոչ մի բանից, քանի որ յուրաքանչյուր թիմում կարող են լինել տարաձայնություններ: Կառավարության նիստերը փակ են, բայց Ազգային ժողովի նիստերը բաց են: Այն, ինչ քննարկում են կառավարությունում, դրա ազատությունը պետք է ապահովի Ազգային ժողովը: Կառավարությունը պետք է լինի անկաշկանդ՝ իր քննարկումներում, այնտեղ չկա ընդդիմություն:
- Պարոն Բաղդասարյան, կառավարության նիստերը դռնփակ դարձնելը, համաներում շնորհելու պատիվը վարչապետին «հանձնելը», Ազգային անվտանգության խորհրդը վարչապետի ենթակայության տակ դնելը, ինչու չէ նաեւ Բաղրամյան 26-ի նախագահական շենքը ապագա վարչապետին տալը...ՀՀԿ-ն իր վարչապետի համար հարմարավետ պայմաններ է ստեղծում եւ սա այն համատեքստում, երբ ակտիվ քննարկվում է, որ վարչապետ լինելու է Սերժ Սարգսյանը: Ինչպե՞ս կմեկնաբանեք:
- ՀՀԿ-ն չի ստեղծում, Սահմանադրությունն է տանում դրան: Կարող եք խորհրդարանական երկրների օրինակները նայել, որ մենք առանձին որոշում չենք կայացնում մեր երկրի համար: Գիտեք, որ համակարգում վարչապետի դերակատարությունը մեծանում է: Իհարկե, Ազգային ժողովի վերահսկողությունն էլ է մեծանում: Ինձ թվում է, որ այստեղ շատ ճիշտ են որոշումները եւ նախագահը իր լիազորությունների շրջանակներում կկատարի իր լիազորությունները, իսկ վարչապետը՝ իր: Եթե այդ լիազորությունները վերապահեինք նախագահին, կասեին՝ օրինակ ցույց տվեք, թե որ խորհրդարանական երկրում է այդ լիազորությունները նախագահինը: Ներում շնորհելուն մասնակից են դառնում ե՛ւ վարչապետը ե՛ւ արդարադատության նախարարությունը: Անվտանգության խորհրդում կառավարության գործառույթներն են: Խնդրում եմ ենթադրություններ մի արեք, երբ գա ժամանակը, մենք կներկայացնենք մեր վարչապետի թեկնածուին: Մենք ամեն ինչ հարմարեցնում ենք Սահմանադրությանը:
- Ընդհանրապես ՀՀԿ-ում վարչապետի պաշտոնի հետ կապված ի՞նչ դիրքորոշում ունեն, թեեւ պաշտոնական մասով հարցը չի քննարկվել, բայց որպես իշխող քաղաքական ուժ պետք է արդեն թեկնածուներ ունենաք:
- Բացարձակապես որեւէ քննարկում չի եղել: Մենք զբաղված ենք նախագահի մեր թեկնածուով:
- Ի՞նչ արարողակարգ է նախատեսվում Սերժ Սարգսյանի պաշտոնավարման ավարտի օրը՝ ապրիլի 9-ին:
- Նման հարց չի քննարկվել:
Հարցազրույցը տպագրվել է «Հայկական ժամանակ» օրաթերթի փետրվարի 8-ի համարում:
«Հայկական Ժամանակ»-ը Telegram-ումԱնընդհատ փորձ է արվում ծխածածկույթ ապահովել, որպեսզի Հայաստանի և Ադրբեջանի միջև խաղաղությունը չերևա. վարչապետ
Հայաստանում «արևմտյան Ադրբեջան» չկա, դա տարածքային պահանջ է և նման հարցը մեզ համար քննարկելի չէ. Փաշինյան
ԵՄ-ի հետ մեր հարաբերությունների խորացումը չենք հակադրում մյուս գործընկերների հետ հարաբերություններին. վարչապետ
Հայաստանի կառավարությունն այդ հարցով հստակ դիրքորոշում է արտահայտել. վարչապետը՝ գերիների խնդրի մասին
«Զանգեզուրի միջանցք» արտահայտությունը ընկալվում է տարածքային նկրտում ՀՀ ինքնիշխանության դեմ. վարչապետը՝ NTV-ին
Տարածաշրջանի խաղաղությունը նաև Հայաստանի բարեկեցության գործոն է և երաշխիք. Նիկոլ Փաշինյան
Ապագայում Թուրքիան և ՀՀ-ն կկարողանա՞ն համագործակցել 3-րդ երկրներում. վարչապետը պատասխանել է TRT World-ի հարցին
Ուզում եմ հստակ լինի՝ Հայոց ցեղասպանությունը ՀՀ-ում և հայության շրջանում անառարկելի ճշմարտություն է. վարչապետ
Սա աննախադեպ է, նման ձևաչափով հանդիպում նախկինում երբեք չի եղել. վարչապետի հարցազրույցը թուրքական ԶԼՄ-ներին
Պատմության դասերը պետք է ծառայեցնենք այսօրվա Հայաստանի Հանրապետության պետական շահերին. ինչ է ընդգծել վարչապետը
Հայաստանի և Թուրքիայի միջև ուղիղ երկխոսություն կա, նախկինում զրկված ենք եղել նման հնարավորությունից. վարչապետ
Էստոնիան ողջունում է Հայաստանի և Ադրբեջանի միջև պատմական համաձայնագիրը. Մագնուս Ցահքնա
Խոտածածկ տարածքում բռնկված հդեհի հետևանքով ավտոմեքենա է այրվել
Փաշինյանն առանց վախենալու մեծ պատասխանատվություն է վերցրել, աղմուկից չվախենաք, գլուխներդ բարձր. Հարությունյան
Բաքվի դատավարությունից հետո դժվար թե գտնվի մարդ, որ համարի՝ ՌԴ-ն և ՀՀ-ն պետք է միահյուսվեն․ Ադամյան. տեսանյութ
Սպիտակում հարգանքի տուրք է մատուցվել Ճապոնիայի ցունամիի զոհերի հիշատակին. տեսանյութ
Ադրբեջանի և Հայաստանի միջև խաղաղության համաձայնագիրը շատ հարցերի լուծման բանալին կլինի. Ակիֆ Քըլըչ
Տեղի կունենա այս տարվա առաջին Լուսնի խավարումը. հայտնի է՝ երբ
Բրյուսելում ՀՀ դեսպանության համար ծառայողական շենք ձեռք կբերվի. Կառավարությունը գումար է հատկացրել
Ադրբեջանը փորձում է Հայաստանի համար նոր վտանգավոր իրավիճակ ստեղծել, ՀՀ-ն չպետք է այն լեգիտիմացնի. Խաչատրյան
ՀՀ ինքնիշխանության ու իրավազորության կտորները ինչու՞ եք կտրում, մի քիչ պատասխանատվություն ունեցեք. Ալեքսանյան
Ռուսաստանը համաձայն է ռազմական գործողությունները դադարեցնելու առաջարկներին՝ պայմանով. Պուտին
Խաղաղության համաձայնագրով ՀՀ սուվերեն տարածքից որևէ միջանցք կամ տարածք Ադրբեջանին չի տրվելու. Չախոյան
Ես ոչ միայն չեմ բացառում, այլև հաստատում եմ. վարչապետը խոսեց հաղորդակցությունների ապաշրջափակման մասին
Դիմակայունության բարձրացում՝ հանրային իրազեկման, կարողությունների զարգացման միջոցով․ աշխատաժողով Տավուշում
Իսրայելական օդուժն ավիահարված է հասցրել Դամասկոսին
Խաղաղության համաձայնագրի նախագծում չկա որևէ դրույթ, որը վերաբերում է միայն ՀՀ-ին կամ Ադրբեջանին. վարչապետ
Որոնք են Խաղաղության համաձայնագրի 2 հոդվածները, որոնք համաձայնեցվել են Ադրբեջանի հետ. վարչապետը մանրամասնել է
Պայմանավորվածություն է ձեռք բերվել տեսակապի միջոցով սպասարկել սահմանափակ կարողություններ ունեցող անձանց
Հայաստանը բարձր է գնահատում Թուրքմենստանի հետ հաստատված քաղաքական երկխոսությունը. նախագահին հրավեր է փոխանցվել
5 տարի ժամկետով ազատազրկում՝ դանակի գործադրմամբ անչափահասի առողջությանը ծանր վնաս պատճառելու համար
Սերժի «Պատիվ ունեմ»-ի շտաբի պետերից մեկը ընտրակաշառք է բաժանել, բռնվել և դատվել. Վահագն Մկրտչյանը՝ Գրիգորյանին
Հայտնի է վարչապետ Նիկոլ Փաշինյանի՝ թուրքական լրատվամիջոցներին տված հարցազրույցի եթեր հեռարձակման ժամը
Խաղաղության համաձայնագիրը պատրաստ է ստորագրման. ԱԳՆ
Նարեկ Մկրտչյանը ելույթ է ունեցել ՄԱԿ-ի կանանց կարգավիճակի հանձնաժողովի 69-րդ նստաշրջանի ընթացքում
Տեղաշարժման դժվարություններ ունեցող ընտրողները կարող են փոխել իրենց քվեարկության վայրը. ԿԸՀ
Քննարկվել է Հայաստան-Ղազախստան ուղիղ չվերթերի վերականգնման հնարավորությունը
Տներից մեկի հողամասում հրդեհը մարելուց հետո հրշեջները մոխրացած դի են հայտնաբերել
Մահացել է ԳԱԱ ակադեմիկոս, պրոֆեսոր Ալբերտ Ղուլյանը
Ռուբեն Վարդանյանը դադարեցնում է հացադուլը
© 2025 Հայկական ժամանակ
Website by MATEMAT