Իսկ դու ռեյտինգ ունե՞ս. ՀՅԴ-ն ՀՀԿ-ին առաջարկում է վերընթերցել կոալիցիոն հուշագիրը

ԱԺ ՀՅԴ խմբակցության ղեկավար Արմեն Ռուստամյանը հավաստիացնում է, որ ռեյտինգային ընտրակարգի շուրջ ՀՅԴ-ի և ՀՀԿ-ի տարաձայնությունները երկու կուսակցությունների հարաբերությունների վատացման չի տանի, անգամ հավատացնում է, որ կոալիցիայից դուրս գալու պատճառ չի կարող լինել իրենց ցանկությունը: Ռուստամյանը հակված է կարծել, որ հարցը լուծվելու է կարգավորված մեխանիզմների մշակման դաշտում:

«Մենք այնտեղ շատ հստակ ասել ենք, որ այն հարցերը, որոնք մենք համատեղ չենք քննարկում, չենք համաձայնեցնում, ամեն կողմը իրավունք ունի իր տեսակետը պաշտպանել հրապարակային, մինչև այն պահը, որ դա դառնում է որոշում եւ պարտադիր է դառնում բոլորի համար»,- ասաց նա:

Ռուստամյանը շեշտեց, որ Ընտրական օրենսգրքի շուրջ եղած անհամաձայնությունների մեջ տարօրինակ բան չկա, բոլոր քաղաքական ուժերին, այդ թվում գործընկեր ՀՀԿ-ին դեռ կոալիցիոն հուշագիր ստորագրելուց են տեղեկացրել, որ ընտրական այս մոդելը իրենց սրտով չէ:

«Որեւէ անակնկալ մենք որեւէ մեկին, այդ թվում նաև ՀՀԿ-ին չենք մատուցել: Այն մոտեցումը, որը ես հրապարակել եմ՝ մեկնաբանելով մեր հայտարարությունը, այդ մոտեցմանը վաղուց բոլորը ծանոթ էին, մենք թաքուն չենք արել դա»,- նշեց Ռուստամյանը: Նա ընդգծեց, որ կոնսենսուսի համար են կողմ եղել այս ԸՕ-ին և որ վերապահումով են ընդունել Ընտրական օրենսգիրքը, որտեղ ամրագրված է ռեյտինգային այնպիսի համակարգ, որի վերաբերյալ դեռ ժամանակին շատ հստակ ասել են, որ սա իրենց կողմից անընդունելի է:

«Մենք համամասնական դասական ձեւերին ենք կողմնակից և ցանկացած շեղում, նորարարություն, միշտ պրոբլեմներ է առաջացնում: Տրամաբանությունը ասում էր, որ մեկ անգամ գոնե սա պետք է փորձել, որպեսզի տեսնենք՝ մենք ճի՞շտ էինք, թե՞ ոչ: Փորձարկումից հետո ավելի ենք համոզվել, որ մեր մոտեցումները շատ ճիշտ են եղել եւ այն ռեյտինգային ձեւը, որ Հայաստանում գործում է, սա շեղում է համամասնական ընտրակարգից»,- ընդգծեց ՀՅԴ խմբակցության ղեկավարը:

ԸՕ-ում փոփոխություններ կատարելու ՀՅԴ-ի հույսն ու հավատը դեռ նախորդ տարի ՀՀԿ-ի հետ ստորագրված կոալիցիոն հուշագրի այն կետն է, որտեղ ասվում է` պետք է կատարելագործվի Ընտրական օրենսգիրքը:

«Կատարելագործումն արդեն ենթադրում է, որ այն՝ ինչ կա, մեզ չի բավարարում եւ չի բավարարում ոչ միայն մեզ, այլ նաեւ Հանրապետականին, այլապես այդ կոաալիցիոն հուշագիրը չէր համաձայնեցվի այդ կետի հետ: Ուրեմն, մենք ինքներս ընդունում ենք, որ այդտեղ անելիք կա: Իրենք մի ծավալի անելիք են այդտեղ պատկերացնում, մենք՝ այլ ծավալի: Բնական իրավիճակ է, որ մենք մեր բանակցություններով ու խորհրդակցությւոններով հանգենք ընդհանուր հայտարարի: Ցանկացած քայլ, որը կտանի դեպի կատարելագործում, մենք, բնականաբար, ընդունելու ենք: Ես չեմ բացառում, որ այս կարեւորագույն հարցը տարաձայնություններ ձեւավորող խնդիր կառաջացնի, բայց մենք մեր տեսակետից չենք պատրաստվում հրաժարվել, քանի տրամաբանական պատասխան այս համակարգը պահելու հետ կապված չենք ստացել»,- շեշտեց Ռուստամյանը:

Այնուամենայնիվ, ՀՅԴ-ն իր պորտֆելներն ամեն կերպ է պահելու, այսինքն, չի նախատեսվում, որ իրավիճակի հանգուցալուծումը լինելու է կոալիցիայից դուրս գալը:

«Կոալիցիայից դուրս գալու խնդիր եթե լիներ, մենք չէինք էլ մտնի կոալիցիա: Պետք է նկատի ունենալ, որ այս տարաձայնությունը վաղուց կար, նախքան կոալիցիա ձեւավորելը կար: Տարաձայնությունը չի եղել հիմնական անկյունաքարը, որի վրա կառուցվել է կոալիցիոն համագործակցությունը: Այս համագործակցությունը պետք է օգուտ տա մեր ժողովրդին, մեր երկրին. սրա համար ենք մենք գնացել կոալիցիային»,- ասաց նա:

ԸՕ-ում փոփոխություններ կատարելու առումով ՀՅԴ եւ Ծառուկյան խմբակցությունների ճանապարհները ինչ-որ տեղ խաչվում են ու թեեւ Դաշնակցությունը հրապարակավ ԲՀԿ-ից համագործակցության առաջարկ է ստացել, բայց իշխանական այս ուժը ցանկանում է գործը միայնակ գլուխ բերել, որ հանկարծ ՀՀԿ-ում չսրտնեղեն, որ օգտվում են ընդդիմադիրների ռեսուրսներից: Ռուստամյանը պատճառաբանեց, որ Ծառուկյան խմբակցության մարտավարությունը իրենց համար ընդունելի չէ:

«Իրենք ասում են՝ տանենք, քվեարկենք, թող չընդունեն, մենք այդպիսի մոտեցումը չենք համարում կառուցողական: Ենթադրենք` այդ երկու ամիսը հետաձգվել է, երկու ամսվա մեջ բերել են հանձնաժողով եւ այն տվել է բացասական եզրակացություն: Ընթացքն ինչպիսի՞ն է. հետո գալու է ԱԺ, քվեարկվի և չմտնի օրակարգ, հետո՞, դրա հաճույքը ո՞րն է: Մենք գնանք նրան, որ հաստատ գիտենք՝ չի ընդունվելու, այդ ճանապարհն ինչու՞ անցնենք, դրա իմաստը ո՞րն է: Մենք պետք է անենք մի բան, որը արժեւորվի, կայնքի կոչվի: Ռեալ պոլիտիկս ասվածը դա է, որ դու կարողանաս քո ծրագրերը իրականացնել, ոչ միայն ինքնանպատակ հայտարարել, այդ ծրագրերով հրապուրվել, այլ այդ ծրագրերը կյանքի կոչել, դա է արել դաշնակցությունը մինչև հիմա: Մենք գիտենք, որ այս հարցը գլխավոր տարաձայնություններ առաջացնող հարցն է եղել եւ մեզ համար ԸՕ փոխելը չի նշանակում մենակ մի հարցով հրապարակ գալ: Պետք է փաթեթը ձեւավորենք, որովհետեւ առաջացել է խնդիր, նոր ընտրություններ են տեղի ունեցել, որոնց հետևանքները քննարկվել են և գնահատվել են միջազգային կառույցների կողմից և կան առաջարկություններ այդ կառույցներից բխած: Մենք այդ շտապողականությունը չենք հասկանում. ավելի լավ է դանդաղ գնանք, բայց տեղ հասնենք, այլ ոչ թե շտապենք` ինչ-որ մի կրակոց, հրավառություն տալու համար, որի արդյունքը զրո է»,­- նկատեց նա:

Պարզ է, որ ՀՅԴ-ում զգուշավոր են՝ առջեւում քաղաքական լուրջ գործընթացներ են եւ հավանական վերադասավորումները չեն բացառվում: Գուցե ստացվի այնպես, որ ՀՀԿ-ն ՀՅԴ-ի սիրտը չկոտրելու համար մեկ-երկու պորտֆել էլ տա՝ ապրիլյան իրադարձությունների ընթացքում: Սակայն մինչ այս ՀՀԿ-ականները մեկ ժողովրդավար են համարում այս ռեյտինգային կոչվող ընտրակարգը, մեկ՝ մատնացույց անում իրենց առանձին թեկնածուների խփած թվերը: Մասնավորապես, Շենգավիթ վարչկան շրջանից ընտրված Արայիկ Հարությունյանը «ՀԺ»-ի հետ զրույցում ընդգծեց, որ նախորդ տարի ապրիլի 2-ին 20 հազար քվեով է ԱԺ անցել: Հարությունյանն ընդգծում է, որ թեկնածուների պայքարը ոչ միայն այլ քաղաքական ուժերի թեկնածուների հետ է, այլեւ՝ սեփական կուսակցության, ուստի, ՀՀԿ-ականը կարեւորում է սեփական անձի վարկանիշի հարցը:

«Սա նոր համակարգ էր, առաջին ընտրություններն էին: Գուցե կային խնդիրներ, գուցե չկային: Ես արմատական վատ բաներ չեմ տեսել այս ընտրակարգից: Սա նորություն էր եւ ցանկացած նորություն իր հետ բերում է դժվարություններ, որովհետեւ եթե նախկինում մեծամասնական ընտրակարգ էր, գիտեինք, թե ով է մրցակիցը: Այս անգամ այլ իրավիճակ էր՝ պայքարում էիր ե՛ւ ներկուսակցական թեկնածուների ե՛ւ այլ կուսակցությունների թեկնածուների հետ»,- ասում է Արայիկ Հարությունյանը եւ ավելացնում, որ չկա որեւէ խնդիր որի պատճառով պետք է վերանայել օրենսգիրքը:

Նյութը հրապարակվել է «Հայկական ժամանակ» օրաթերթի փետրվարի 9-ի համարում:

Տպել
1703 դիտում

Հայաստանում է Լիբանանի պաշտպանության նախարարի գլխավորած պատվիրակությունը

Հարգելի դատավոր, դուք «դռների տակ վնգստացող դատավորների» ցուցակո՞ւմ եք․ Ռոբերտ Քոչարյանի պաշտպան

Նյու Յորքում կբացվի անվանի հայ լուսանկարիչ Արա Գյուլերի ցուցահանդեսը

«Ռոմա»-ի երկրպագուները երգ են նվիրել Մխիթարյանին (ձայնագրություն)

Յուրի Ջորկաեֆը նշանակվել է ՖԻՖԱ-ի հիմնադրամի գլխավոր տնօրեն. նա հոկտեմբերի 6-ից 9-ը կայցելի Հայաստան

Փաշինյանի ԱՄՆ այցին ընդառաջ. ինչպես է ադրբեջանի քարոզչական նյութը հայտնվել է հայկական մամուլում

Նոյեմբերյանի քրեական հետախույզներն ապօրինի թմրաշրջանառության դեպք են բացահայտել (տեսանյութ)

Եթե գրավ չկիրառվի, նշանակում է՝ ուղղակի նպատակ ունեն դատը ձգձգելով՝ պատժել․ Լեւոն Քոչարյան

Երբեք թուլ չեմ տա արատավորել իմ անունը. Նազենի Հովհաննիսյան

Ռոբերտ Քոչարյանը կմնա կալանքի տակ. դատարանը նրան գրավի դիմաց ազատ չարձակեց

Վանաձորում աթլետներն արմատուրաների վրա քար են դնում, որ վազելիս վրաները չընկնեն (տեսանյութ)

Պաշպանությունից մինչև քաղաքական ու մշակութային հարցեր. Մնացականյանն ընդունել է Լիբանանի ազգային պաշտպանության նախարարին

Կոռուպցիայի դեմ պայքարին պետք է նոր թափ հաղորդենք. վարչապետի գլխավորությամբ տեղի է ունեցել խորհրդակցություն

Երևանում կայացել է ԵՄ Արտաքին ներդրումային պլանի մեկնարկային միջոցառումը․ փոխնախարարը կարևորել է պլանի ներդրումը ՀՀ-ում

Ըմբիշներ Կաջոյանն ու Բերիանիձեն նույնպես մեդալների համար չեն պայքարի աշխարհի առաջնությունում

Հրայր Թովմասյանի սանիկին՝ ԱԺ Վարչատնտեսական վարչության մատակարարման բաժնի պետին, մեղադրանք է առաջադրվել. ՔԿ

1 մլն 190 հազար դոլարի լվացում. Միհրան Պողոսյանի մեղադրանքը լրացվել է

Որակական չափանիշների հարցում որևէ կոմպրոմիս չի կարող լինել. վարչապետը՝ ճանապարհաշինության մասին

Հաղորդավար Ժակը հեռացել է Հ1-ից. կատարելության հասնելու ճանապարհին նա խանգարո՞ւմ էր

Արտակ Բուդաղյանը պարգեւատրվեց Արիության մեդալով