Դստեր հետ կամրջից նետված կինը ԱԻՆ-ի կրճատումների տակ է ընկել, աշխատանքը կորցրել

Երեւանում երեկ արտառոց ու սահմռկեցուցիչ դեպք է տեղի ունեցել. Դավթաշենի կամրջից նետվել է 37-ամյա Գայանե Հ.-ն՝ 9-ամյա դստեր՝ Անահիտի հետ:

Դեպքի վայրում աշխատող իրավապահները հրաժարվեցին որեւէ տեղեկություն տրամադրել՝ նշելով, որ այս փուլում ասելու ոչինչ չունեն: Ականատեսների հետ նույնպես, որքան հասկանալի դարձավ, նրանք դեռ չէին զրուցել:

Մեզ հաջողվեց պարզել, որ Գայանեն ու Անահիտը Երեւանի բնակիչներ էին: Գայանեն ամուսնալուծված էր եւ ապրում էր ծնողների հետ: Հարեւանները, որոնք անակնկալի էին եկել կատարվածից, նշում էին, որ շատ համեստ ու կարգին ընտանիք է, բայց ապրում են մեկուսացած՝ շենքի բնակիչների հետ գրեթե չշփվելով: Մայրն ու դուստրը վերջին երեք օրերին համարվել են անհետ կորած: Նրանց անհետանալու մասին Ոստիկանության Մաշտոցի բաժին ահազանգել են հարազատները:

ՀՀ արտակարգ իրավիճակների նախարարության լրատվական ծառայությունից հաստատեցին տեղեկությունը, որ կամրջից նետված կինն աշխատում էր այս գերատեսչությունում: Մանրամասնեցին, որ «Սեյսմիկ պաշտպանության Արեւմտյան ծառայություն» ՊՈԱԿ-ի աշխատակից էր, գործի էր ընդունվել 2017 թվականի դեկտեմբերի 1-ին: Հարցին, թե արդյո՞ք նա չի խոսել որեւէ խնդիր ունենալու մասին կամ արդյոք որեւէ օգնություն-աջակցություն չի՞ խնդրել, նախարարության լրատվական ծառայությունից բացասական պատասխան տվեցին: Ասացին նաեւ, որ եռօրյա բացակայությունից առաջ Գայանե Հ.-ն աշխատավայրում ոչինչ չի ակնարկել, աշխատանքի չներկայանալու մտադրության մասին չի զգուշացրել:

Ավելի ուշ տեղեկացանք, որ Գայանե Հ.-ն, ինչպես նաեւ նրա մայրը, արտակարգ իրավիճակների նախարարությունում են աշխատել բավական վաղուց: Աշնանը երկուսի հաստիքներն էլ, ի թիվս բազմաթիվ այլ հաստիքների, համարվել են կրճատման ենթակա: Բայց Գայանեն դիմել է նախարարին, ներկայացրել իրենց ընտանեկան կարգավիճակը, խնդրել միանգամից երկուսին գործազուրկ չդարձնել: Նախարարն ընդառաջել է, եւ Գայանեին այլ աշխատանք առաջարկել, որտեղ էլ փաստորեն աշխատել է մինչեւ վերջին օրերը: Այս նոր աշխատանքի համար նա, սակայն շատ ավելի քիչ է վճարվել՝ չնչին աշխատավարձ:

Ինչ վերաբերում է երեխային, նրա դպրոցում նույնպես ցնցված են տեղի ունեցածից: Մեզ հաջողվեց պարզել, որ աղջնակի այս վերջին բացակայությունների մասին եւս այստեղ նախապես տեղեկացված չեն եղել ու այս ընթաքցում անհանգստացել են նրա համար: Ի դեպ, մոր հետ կամրջից նետված Անահիտը սովորում էր երեւանյան այն նույն դպրոցում, որտեղ աշխատող ուսուցիչներից մեկը օրեր առաջ ինքնասպանություն էր գործել:

Երեկ երբ «Հայկական ժամանակի» թղթակիցը ՀՀ ոստիկանության հասարակայնության հետ կապերի եւ լրատվության վարչությունից հետաքրքրվել է, թե դեպքի պահին որտեղ են եղել Դավթաշենի կամրջի վրա ծառայություն իրականացնող ոստիկանության աշխատակցիները, եւ ինչու չի կանխվել մոր եւ դստեր ինքնասպանությունը, նրան պատասխանել են, որ ընթանում է քննություն, որի շրջանակներում կպարզվեն բոլոր հանգամանքները:

Նշենք, որ ՀՀ կառավարության 2004 թվականի ապրիլի 29-ի N 1008-Ն որոշման համաձայն, Դավթաշենի, ինչպես նաեւ Հաղթանակի եւ Կիեւյան կամուրջներն ընդգրկված են ոստիկանության կողմից պետական պահպանության ենթակա շինությունների ցանկում: Նաեւ հիշեցնենք, որ սա առաջին դեպքը չէ, երբ ոստիկանները չեն գտնվում հերթապահության վայրում:

Նրանք չգիտես որտեղ էին նաեւ 2017 թվականի մայիսին տեղի ունեցած ողբերգական դեպքի ժամանակ, երբ 13-ամյա երեխան ընկել էր Դավթաշենի կամրջից ու մահացել: Կարատեիստ տղան քայլելիս է եղել կամրջի երկաթե արգելափակոցների վրա եւ հանկարծակի վայր է ընկել:

ՀՀ քննչական կոմիտեն երեկոյան հաղորդագրություն է տարածել՝ տեղեկացնելով, որ Երեւանի քննչական վարչության Արաբկիր վարչական շրջանի քննչական բաժնում հարուցվել է քրեական գործ՝ 1981թ. ծնված Գայանե Հ.-ի եւ նրա դստեր մահվան դեպքի առթիվ։ Նախնական վարկածով՝ կինը եւ նրա դուստրը կյանքի հետ անհամատեղելի մարմնական վնասվածքներն ստացել են Դավթաշենի կամրջից ընկնելու հետեւանքով։

Նկատի ունենալով, որ դեպքի առթիվ նախապատրասված նյութերում առերեւույթ առկա են ՀՀ քրեական օրենսգրքի 104-րդ հոդվածի 1-ին մասով եւ 110-րդ հոդվածի 1-ին մասով նախատեսված հանցագործությունների հատկանիշներ, Արաբկիր վարչական շրջանի քննչական բաժնում հարուցվել է քրեական գործ։ Ձեռնարկվում են անհրաժեշտ քննչական գործողություններ՝ դեպքի բոլոր հանգամանքները պարզելու ուղղությամբ։

Մեջբերված առաջին հոդվածը վերաբերում է «ապօրինաբար մեկ ուրիշին դիտավորությամբ կյանքից զրկելուն», երկրորդ հոդվածում նշվում է. «Սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը»:

Նյութը տպագրվել է «Հայկական ժամանակ» օրաթերթի փետրվարի 16-ի համարում:

Տպել
8687 դիտում

Արտաշատ-Երևան ավտոճանապարհին տեղի ունեցած վթարի հետեւանքով 2 հոգի հոսպիտալացվել է

Կենդանիների կենսաապահովման կետեր կկառուցվեն Հայաստանում

Թուրքիայում հայկական եկեղեցու պատերին արված գրաֆիտիները հեռացվել են (լուսանկարներ)

Վաղարշապատի 5 բնակիչ թունավորվել է գազի կաթսայից շմոլ գազի արտահոսքի հետևանքով

Դոնորների հետ համագործակցության համակարգման հարթակը կենսական պահանջ է․ փոխվարչապետ

Անահիտ Տեր-Մինասյանը ՀՀ ամենահեղինակավոր ուսումնասիրող­ներից է. վարչապետը ցավակցել է պատմաբանի մահվան կապակցությամբ

Շարունակում են փակ մնալ Արագածոտնի մարզի 17 գյուղերի միջհամայնքային ճանապարհները

28-ամյա քաղաքացին սպառնացել է նետվել Երեւանի Հաղթանակի կամրջից

Մանվել Գրիգորյանը լրատվամիջոցից պահանջում է 3 մլն դրամ. նոր հայցադիմում է ներկայացվել

ԵԱՀԿ ՄԽ համանախագահներին հետաքրքրել են Դավոսում ՀՀ վարչապետի և Ադրբեջանի նախագահի հանդիպման մանրամասները

Հանդիպել են Իրաքում ՀՀ դեսպան Հրաչյա Փոլադյանն ու Իրաքի կապի նախարարը

ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Նիկոլ Փաշինյանը և Աննա Հակոբյանը ներկա են գտնվել Հայ կոմպոզիտորական արվեստի 10-րդ փառատոնի բացմանը

Մենք եկանք անաղմուկ՝ հատուկ ընտրություններին քվեարկելու համար. Նիկոլա Ազնավուրը՝ վարչապետին

Վրաստանի պաշտպանության նախարարը պաշտոնական այցով վաղը կժամանի Երևան

Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Փետրվարի 20-ը հայոց ազգային վերազարթոնքի մի բացառիկ օրինակ էր. ուղերձ՝ Ղարաբաղյան շարժման տարեդարձի առթիվ

Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն

ՀՀ պաշտպանության նախարարն ընդունել է «Պատմության և մշակույթի էջեր» ծրագրի մասնակիցներին

Մրցանակներ՝ միջազգային կառույցներից. Արսեն Թորոսյանը մրցանակակիրներից մեկն է