Դատական խորհուրդը կստիպի իշխանություններին դրսեւորել քաղաքական կամք. Գագիկ Հարությունյան

Այս պահին Ազգային ժողովում են Բարձրագույն դատական խորհրդի ՀՀԿ-ի եւ ՀՅԴ-ի թեկնածուները, ՍԴ նախագահ Գագիկ Հարությունյանը եւ արդարադատության նախկին նախարար Գեւորգ Դանիելյանը: Մյուս երեք թեկնածուների անունները շարունակում են անհայտ մնալ: ՀՀԿ-ականների հետ հանդիպելուց հետո Գագիկ Հարությունյանը, պատասխանելով լրագրողների հարցին, թե Բարձրագույն դատական խորհուրդն ի՞նչ է փոխելու արդարադատության ոլորտում, ասաց.

«Մենք սրա մասին սկսեցինք մտածել Սահմանադրական բարեփոխումների սկզբնական փուլում՝ ստեղծելով սահմանադրական երաշխիքներ, հետո ստեղծել օրենքով անհրաժեշտ երաշխիքներ, որոնք կկարողանան ապահովել ֆունկցիոնալ, ինստիտուցիոնալ եւ սոցիալական անկախությունը: Եթե մենք այդ երաշխիքները չստեղծեինք, ապա այսօր որեւէ մեկը չէր կարող առաջ գնալ»,- ասաց Գագիկ Հարությունյանը:

Հարցին, եթե իշխանությունը քաղաքական կամք չունենա, ապա այդ երաշխիքները բավարա՞ր են, որ արդարադատություն իրականացվի, Հարությունյանը պատասխանեց.

«Այս մարմինը կկարողանա ստիպել իշխանություններին՝ դրսեւորել այդ քաղաքական կամքը: Այս մարմնից շատ բան է կախված՝ իրավունքի անմիջական գործողությունը երաշխավորելու առումով, շատ կարեւոր է, որ կարողանա երկրի մակարդակով շատ կարեւոր երեք փոխկապակցված խնդրի լուծում գտնել, երբ ամեն մի անհատի սոցիալական վարքագծի հիմքում կդրվի իրավունքի գերակայությունը, քաղաքական վարքագծի հիմքում կդրվի իրավունքի գերակայությունը եւ հարային իշխանությունների վարքագծում կդրվի իրավունքի գերակայությունը: Այդ ամենն ապահովելու համար այս ինստիտուտի դերակատարությունը շատ մեծ է, եւ մենք փորձելու ենք առավելագույնն անել»,- ասաց Գագիկ Հարությունյանը:

Հարցին, թե նա՞ է ղեկավարելու Դատական Բարձրագույն խորհուրդը, Գագիկ Հարությունյանը պատասխանեց.

«Չեմ կարող ասել, որովհետեւ խորհրդի թեկնածուներից յուրաքանչյուրը կարող են լինել»,- ասաց նա եւ հաջորդ հարցին, թե՝ իրեն չե՞ն ասել, որ ինքն է ղեկավարելու, պատասխանեց.

«Այդպիսի խոսակցություն չի եղել, որեւէ պայմանավորվածություն չկա: Ես տեսնում եմ այնպիսի թեկնածուներ, որոնք կարող են լինել: Խնդիրն այստեղ x կամ y թեկնածուն չէ: Ինձ համար կարեւոր է, որ այդ մարմինը կարողանա գործունակ լինել»,- նշեց Հարությունյանը:

Հարցին էլ՝ Հրայր Թովմասյանին տեսնո՞ւմ է ՍԴ նախագահի պաշտոնում իրեն արժանի ժառանգորդ, պատասխանեց.

«Նա գալիս է այնտեղ եւ լինելու է դատավորներից մեկը: Յուրաքանչյուր դատավոր էլ կարող է լինել ՍԴ նախագահ»:

«Հայկական ժամանակ»-ի դիտարկմանը, որ ընդդիմադիրների շրջանում կարծիքներ կան, թե ՍԴ որքան հայց է գնացել, որոշում կայացվել է ի շահ իշխանությունների, Գագիկ Հարությունյանն արձագանքեց.

«Այս կարծիքը սխալ է, որովհետեւ մենք տասնյակներով որոշումներ ենք կայացրել՝ պաշտպանելով նրանց իրավունքները: Եթե մեր որոշումները չլիներ, ես չգիտեմ, թե ձեր անկախությունն ինչ վիճակում կլիներ: Իսկ ընտրություններն այլ թեմա է: Ընտրությունների վերաբերյալ մենք վեց անգամ արդյունքներն անվավեր ենք ճանաչել: Համապետական ընտրությունների վերաբերյալ մեր բոլոր որոշումները եղել են համապատասխան՝ դիմումների բովանդակությանը: Ընտրությունների վերաբերյալ ես պատրաստ եմ իմ ստորագրած բոլոր որոշումների տակ ստորագրել 50 անգամ, եթե նույն բովանդակությամբ ներկայացվի»,- ասաց նա՝ ընդգծելով, որ երբեմն հասարակությունում ուրիշ բան են խոսում, իսկ փաստաթղթերում այլ բան է:

ՀԺ-ի մյուս հարցին, թե որպես ՍԴ նախագահ ի՞նչ է կարծում՝ Հայաստանում քաղբանտարկյալներ կա՞ն, Գագիկ Հարությունյանը նշեց. «Այդ թեման չի վերաբերվում այս խոսակցությանը»:

Տպել
3072 դիտում

Ընտրվեցին ԱԺ մշտական հանձնաժողովի նախագհաները. ով՝ որքան քվե է ստացել

2018թ. արձանագրվել է սպանության 36 դեպք. նվազագույն ցուցանիշը 1980 թվականից ի վեր. դատախազություն

Արամ Հարությունյանը Հայաստանում է գտնվում. նրա պաշտպանը հաստատեց, որ նրան չեն թույլատրել լքել երկիրը

Մեզ սպասվում է դինամիկ, շահագրգիռ ու արդյունավետ աշխատանք ԱԺ-ում. Լենա Նազարյան

Տիկնիկայինի աշխատակիցները բողոքում են Ռուբեն Բաբայանից. նրանք դիմելու են դատարան

Վերջնական որոշում այս պահին չկա. Միրզոյանը՝ կառավարության կառուցվածքի նախագծի մասին

Իշխանությունն արդեն լուծել է իր առջեւ դրված թիվ մեկ մարտահրավերը. ԱԺ նախագահը՝ Միքայել Մինասյանին

Սարքում ես Կիկոսի մահը. Գագիկ Ծառուկյանը՝ Հրանտ Մարգարյանին

Մենք հնդկահավերի ֆերմա չունենք. Մանուկյանի որդին՝ աղմուկ հանած հնդկահավերի մասին

Լեւոն Երանոսյանի կողմից պաշտոնեական լիազորություններն անցնելու փաստով նոր քրեական գործ է հարուցվել

Գագիկ Ծառուկյանը՝ 16 տարվա ընթացքում առաջին անգամ ելույթ ունենալու մասին

Դատարանը քիչ առաջ Արամ Հարությունյանին կալանավորելու որոշում կայացրեց

Երեւանի քաղաքապետարանն ամբուլատոր-պոլիկլինիկական բուժհաստատություններում հերթապահություն է սահմանել

Հայաստանը ցանկանում է խորացնել համագործակցությունը Եվրապոլի հետ. ՀՀ դեսպանը հանդիպել է կառույցի գործադիր տնօրենին

Թուրքիայի Մեջլիսը մերժել է Հրանտ Դինքի սպանության ուսումնասիրության պահանջը

Մանվել Գրիգորյանի գործով դատավորը երկրորդ անգամ մերժեց ինքնաբացարկի միջնորդությունը

ՄԻԵԴ-ում ՀՀ ներկայացուցիչը ձեռնարկում է անհրաժեշտ քայլեր Մայրապետյանի գործով դատարանի որոշումը կատարելու համար. ԱՆ

Երեւանում արտակարգ դեպք է գրանցվել. անցած գիշեր զինված մտել են «ՍԱՍ» սուպերմարկետ

Սպասվում է առանց տեղումների եղանակ, բայց ջերմաստիճանը կնվազի 3-5 աստիճանով. ԱԻՆ

Ամեն մեկս պետք է մյուսի վրա պարապի, ստորակետ գտնի. Ծառուկյանի պատասխանը՝ Միքայել Մինասյանին