Արմեն Սարգսյանն ի վիճակի է արտագաղթը մեղմել. Ծառուկյան դաշինքի պատգամավոր

Փետրվարի 24-ին ԲՀԿ-ում Գագիկ Ծառուկյանի գլխավորությամբ եւ ԱԺ Ծառուկյան խմբակցության պատգամավորների մասնակցությամբ տեղի է ունեցել աշխատանքային նիստ, որի ընթացքում որոշվել է ՀՀԿ-ի եւ ՀՅԴ-ի կողմից առաջադրված նախագահի թեկնածու Արմեն Սարգսյանին կողմ քվեարկել: 

Ո՞րն էր որոշման պատճառը, մեր հարցերին պատասխանեց ԱԺ Ծառուկյան խմբակցության պատգամավոր Գեւորգ Պետրոսյանը։

- Պարոն Պետրոսյան, ինչո՞ւ Ծառուկյան դաշինքը որոշեց կողմ քվեարկել ՀՀԿ նախագահի թեկնածուին։

- Իսկ կա ի՞նչ-որ տեղ արգելք, որ իրավունք չունենք կողմ քվեարկելու որոշում կայացնել։

- Ի՞նչը պատճառ հանդիսացավ, որպեսզի որոշեք կողմ քվեարկել։

- Մենք հանդիպեցինք պարոն Սարգսյանի հետ դաշինքով առանձին, բոլոր պատգամավորները հնարավորություն ունեցան իրենց հետաքրքրող հարցերը տալ, ստանալ պատասխանները, ու անձնական ընդհանուր տպավորությունը դրական էր, որին հաջորդեց պարոն Սարգսյանի եւ պարոն Ծառուկյանի հանդիպումը։ Պարոն Ծառուկյանը նույնպես դրական տպավորություն ուներ, դրանից հետո մենք խմբակցությունում որոշեցինք, որ քանի որ միակ թեկնածուն է, եւ ունի որոշակի դիվանագիտական աշխատանքի փորձ, միջազգային հարթակներում հարգված անձնավորություն է, որոշեցինք կողմ քվեարկել։ Բայց դա չի նշանակում, որ մենք հետագա գործունեությունից պետք է մեզ մեկուսացած զգանք, մենք կողմ քվեարկեցինք, ինչ-որ տեղ նաեւ այն հույսով, որ պարոն Սարգսյանը մոտ է կանգնած մեր նախընտրական ծրագրերին, այդ հանդիպումների ընթացքում այդպիսի տպավորություն ստացվեց, որ ինքը ի վիճակի է արտագաղթը մեղմել, փորձել ներդրումային կլիման բարելավել երկրում, որը մեր համար ընդունելի տարբերակ է։ Մենք ոչ թե նրա համար ենք կողմ քվեարկել, որ նա հանրապետականի թեկնածուն է, այլ որ ինքն իր անձնական կերպարով կիրթ, գրագետ, անցյալ ունեցող մարդ է, եւ չեմ կարծում, որ այդտեղ մեծ անճշտություն է եղել, կամ ինչ-որ արգելված բան ենք արել։ Որեւէ մեկի հանդեպ անհանդուրժողական մթնոլորտ չենք սերմանում, չենք տրվում այդ մթնոլորտին, եթե այդ թեկնածուն համոզիչ մարդ է, իր անցյալով խոստումնալից է, մենք կարող ենք կողմ քվեարկել, հետո նաեւ մեր անմիջական խորհրդարանական վերահսկողությունը ցուցաբերել հենց այդ նույն թեկնածուի նկատմամբ։

- Փաստորեն, Արմեն Սարգսյանը համապատասխանում էր Ծառուկյան դաշինքի պատկերացրած նախագահի հատկանիշների՞ն։

- Նախագահի հատկանիշները Ծառուկյան դաշինքը չի սահմանում, անմիջական հանդիպումների ժամանակ, եթե մեր տպավորությունը դրական չլիներ, մենք չէինք որոշի կողմ քվեարկել։ Բայց ինքը, ընդհանուր առմամբ թողել է կիրթ, բարեկիրթ մարդու տպավորություն, միջազգային հարթակներում բավականին լուրջ հեղինակություն ունեցող, մենք այն կարծիքին ենք, որ ինքը կարդարացնի ժողովրդի, քաղաքական ուժերի՝ իրեն ձայն տված ուժերի վստահությունը։ Բայց ոչ մի բան վերջնական չէ, նկատի ունեմ, մենք եւ կողմ ենք քվեարկելու, եւ նաեւ հետեւողական ենք լինելու, որ մեր վստահությունը նախագահը արդարացնի։

- Պարոն Պետրոսյան, դուք նշեցիք, որ նա միակ թեկնածուն է, դուք թեկնածու չունեի՞ք առաջադրելու։

- Մենք թեկնածու չառաջարկեցինք ոչ թե այն նկատառումներից ելնելով, որ մեր շարքերում արժանի մարդ չկա, այլ պարզապես քանի որ քաղաքական մեծամասնությունը պետք է ձեւավորեր այդ օրակարգը, նկատի ունեմ թեկուզ թեկնածու ունենալու դեպքում էլ մեր թեկնածուն չէր անցնելու, հաշվի առնելով ԱԺ-ում մեր ունեցած ձայների քանակը։ Այս պայմաններում մենք կամ պետք է ողջունեինք այլ քաղաքական ուժի թեկնածությունը կամ մերժեինք, հիմա այդ թեկնածությունը այնպիսի անձի շուրջ էր, որ մենք նպատակահարմար գտանք օժանդակել։ Իհարկե, իրենք առանց մեր օժանդակության էլ գիտեն, որ սահմանադրության համաձայն 3-րդ փուլում քվեարկության ձայների պարզ մեծամասնությամբ կարող են հաղթել։ Բայց քանի որ թեկնածուն նախընտրելի մարդ է, անձնական տպավորությունները դրական են, որոշեցինք սատարել, հիմա այստեղ չեմ կարծում, թե ինչ-որ մեծ բան կա։ Սա մեր քաղաքական ուժի կեցվածքը կասկածի տակ դնող բան չէ, պարզապես հաշվի առնելով իր անցյալը մենք ուզում ենք մարդուն հնարավորություն տալ մեր մասով նույնպես, որպեսզի ինքը կարողանա աշխատել երկիրը այս վիճակից դուրս հանել։

- Այսինքն՝ այս որոշումը Հանրապետական կուսակցության հետ կապ չունի՞։

- Բացարձակապես, նախ՝ ինքը անկուսակցական է, ինքը վերընտրվելու հնարավորություն չունի։ Այսինքն՝ կաշկանդված չէ ՀՀԿ-ի ցուցումներով, հրամաններով, անկախ անձ է։ Հիմա մենք իր հետ զրուցելով, որոշել ենք, մեր մասով նույնպես երաշխավորել, շանս տալ, եւ տեսնել, թե ինչպես է իր ծրագրերը ի կատար ածում Հայաստանում։

                                                                                                      Նիկոլայ Ավետիսյան

Տպել
1605 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան