Արմեն Սարգսյանը ՀՀԿ-ականներին անհարմար վիճակի մեջ դրեց. պատգամավորների տպավորությունները

Մարտի 1-ին ՀՀ ԱԺ-ում 4-րդ նախագահի թեկնածու Արմեն Սարգսյանը ներկայացրեց իր ծրագրերը: Նրա մեկ ժամանոց ելույթը բազմաբովանդակ էր: Մի քիչ քննադատություն, մի քիչ շնորհակալություն, իսկ վերջում ծափահարություններ: Սակայն, նրա քննադատություններում առավել ուշագրավ էր այն, որ նա խոսեց Հայաստանի սոցիալական անարդարության մասին, որտեղ բեւեռացած են մեծ թվով աղքատները եւ պատկառելի հարստություն ունեցող անհատները: Թեկնածուի ելույթի այդ հատվածն ուշագրավ էր նրանով, որ այդ հարստություն ունեցող անհատներն այսօր իշխանության մի մասն են կազմում: Խորհրդարանական քաղաքական ուժերը տարբեր կերպ են մեկնաբանում 4-րդ նախագահի ելույթը: Այս առումով թեեւ առավել կաշկանդված էին հենց Արմեն Սարգսյանին նախագահի պաշտոնում տեսնող ՀՀԿ-ականները: Նրան ամեն կերպ ջանում էին չանդրադառնալ Սարգսյանի սոցիալական անարդարության մասին խոսքերին:

Օրինակ ՀՀԿ-ի կանանց խորհրդի նախագահ Հերմինե Նաղդալյանը մեր զրույցում ասաց, որ Արմեն Սարգսյանի ելույթի այդ հատվածը չի լսել, սոցապ նախկին փոխնախարար Ջեմմա Բաղդասարյանն էլ շտապում էր՝ ապագա նախագահի բարձրաձայնած խնդրին անդրադառնալու ժամանակ չուներ: ՀՀԿ խմբակցության ղեկավար Վահրամ Բաղդասարյանն էլ պատասխանելով մեր հարցին, թե՝ երկրում առկա անհադուրժողականության, խորացող սոցիալական լավածության համար ձեր առաջարկած նախագահի թեկնածուն մեղադրու՞մ է գործող իշխանությանը, ասաց. «Դուք տարեգրությունը նայեք: Մենք որեւէ քննադատությունից չենք խուսափում: Քաղաքական զարգացումներն առաջ են ընթանում: Կարող է 20-30 տարի առաջ, ովքեր որ եղել են իշխանության մեջ, կարող է բացթողումներ ունեցել են: Կարող է նաեւ ՀՀԿ-ն է եղել, բայց 1990-ականներին ՀՀԿ-ն չի եղել իշխանության մեջ, ես ինչքան գիտեմ»,- ասաց Բաղդասարյանը եւ անդրադառնալով Սարգսյանի՝ միասնական լինելու կոչերին, ասաց, որ իրատեսական է իշխանության եւ ընդդիմության երկխոսությունը: Բաղդասարյանը պնդում է, որ իրենց դռները միշտ բաց է քննարկումների համար:

Ընդդիմադիրներից էլ «Ծառուկյան» խմբակցության պատգամավոր Վարդան Բոստանջյանը բարձր է գնահատում Արմեն Սարգսյանի ելույթն, ասում է, որ թեկնածուն բարձրաձայնել է երկրի առջեւ ծառացած կնճռոտ խնդիրները:

«Սոցիալական անարդարությունը գոյություն ունի ամբողջ աշխարհում, բայց Հայաստանում անարդարության դոզան ավելի շատ է եւ պարզ է, որ սոցիալական անարդարության հիմնական մեղավորը իշխանությունն է»,- ասում է Բոստանջյանը եւ նշում, որ իշխանությունն ու ընդդիմությունը պետք է պատրաստ լինեն երկխոսության սեղանի շուրջ նստել: Բոստանջյանն ասածը փորձում է օրինակով հիմնավորել:

«Ծառուկյան դաշինքի կողմից իշխանության թեկնածուին սատարելը ընդդիմության եւ իշխանության երկխոսության լավագույն օրինակն է, որը մենք անում ենք հանուն մեր երկրի շահի»,- ասում է Վարդան Բոստանջյանը:

Ծառուկյան խմբակցության այս պատգամավորն անհրաժեշտություն չի տեսնում, որ Արմեն Սարգսյանը Մեծ Բրիտանիայից քաղաքացիությունից հրաժարվելու համապատասխան տեղեկանք ներկայացնի: Ասում  է՝ «մանր-մունր» հարցերի մեջ խորանալու անհրաժեշտություն չկա: Բոստանջյանին քաղաքացիության մասով բավարարում է Արմեն Սարգսյանի մակարդակը, խելքը, հնարավորությունները, մարդկային հարաբերությունները եւ դիվանագիտական կապերը: Սրան զուգահեռ էլ ԵԼՔ-ից Արամ Սարգսյանը հակառակն է պնդում, թե՝ Արմեն Սարգսյանը ՀՀԿ-ի «զոհ»-ն է եւ այլ ելք չունենալով է քաղաքացիությունից հրաժարվելու եւ իր անունը ցանկից չհանելու պատմությունը հորինել:

«ՀՀԿ-ն նման ախմախ Սահմանադրություն չպետք է գրեր, որ պարտադիր պայմաններից մեկն էլ լինի այն, որ վերջին 6 տարում պետք է լինի ՀՀ քաղաքացի: Հաշվի չեն առել այդ հանգամանքը, Արմեն Սարգսյանին կանգնեցրել են փաստի առաջ, իսկ նա էլ ստիպված պետք է ասի՝ դիմել եմ, որ քաղաքացիությունից հանեն: Սրա մեղավորը ՀՀԿ-ն է եւ Արմեն Սարգսյանը, որ իր համաձայնությունը տվել է: Նա չունի այդ թուղթը եւ ցույց չի տալիս այդ թուղթը: Նա եթե այդ դիմումը ներկայացնի՝ քաղաքացիությունից դուրս գալու, ես ներողություն կխնդրեմ»,-ասում  է Սարգսյանը եւ շարունակում, որ Արմեն Սարգսյանի ելույթը իրեն հիշեցրել է Սովետական Միության կոմկուսի ժողով, որտեղ հաջորդաբար եղել է գովաբանություն, քննադատություն եւ ծափահարություն:

Սովետական տարիներին էլ քննադատությունն անուղակի էր, խոսում էին կոռոպցիայից, բայց մեղավորների մասին չէին խոսում: Քիչ հավանական է, որ ՀՀԿ-ի թեկնածուն անուններ տալով խոսի կոռուպցիայի մասին, եթե մարդը համաձայնել է լինել այդ թիմի նախագահի թեկնածուն, ապա այդ թիմը ինքն իրեն չի ինքնահրկիզում, իրեն ապահովում է, բայց այդ թիմը կարողանում է մարդուն 10 րոպեում աղտոտել»,- ասում է ընդդիմադիր պատգամավորը:

ՀՅԴ ԳՄ-ի ներկայացուցիչ Արծվիկ Մինասյանն էլ հորդորում է չզարմանալ, որ Հայաստանում կան աղքատներ եւ հարուստներ՝ Արմեն Սարգսյանը հայտնագործություն չի արել:

«Գաղտնի՞ք էր, որ երկրում կան աղքատներ եւ հարուստներ: Ի՞նչ կապ ունի թեկնածուն է ասում, թե պարզ քաղաքացին: Իրականությունն ասելը վա՞տ բան է»,- ասաց Մինասյանը:

Այնուամենայնիվ, Արմեն Սարգսյանի՝ հարուստների եւ աղքատների բեւեռացված լինելու հայտարարությունը անհարմար իրավիճակի մեջ էր դրել ԱԺ-ի ՀՀԿ-ականներին: Շատերն այդպես էլ չմեկնաբանեցին նրա այդ խոսքերը:

Տպել
2400 դիտում

28-ամյա վարորդը Mercedes-ով տապալել է ծառն ու բախվել բնակելի շենքի պատին

Նիկոլ Փաշինյանը շնորհավորական ուղերձ է հղել Վրաստանի վարչապետին՝ երկրի ազգային տոնի առթիվ

Վերին Լարսի անցակետը բեռնատար տրանսպորտային միջոցների համար փակ կլինի մինչև 19.00-ն

«Para TV» կայքի աշխատակիցը հավաքի ժամանակ չի դանակահարվել, այլ կենցաղային վեճի արդյունքում. Ջանոյան

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան