Ազգով Աստված էլ կանչենք միայն էդ մարդը կա. Սարոյանը՝ Սերժ Սարգսյանի վարչապետության մասին

«Բոլորդ էլ տեսնում եք, որ Արմեն Սարգսյանը լուրջ մարդ է, բերեք, բոլորով օգնենք, այնպես չանենք, որ հավես չունենա, նույնիսկ, որ տնից դուրս գա, գնա գործի»,- ի պատասխան լրագրողների հարցին, թե ինչ է փոխելու նախագահի թեկնածու Արմեն Սարգսյանը, ասաց ԱԺ ՀՀԿ խմբակցության պատգամավոր, գեներալ Սեյրան Սարոյանը: Նա հույս հայտնեց, որ Արմեն Սարգսյանը նոր ներդրումներ կբերի: Դիտարկմանը, թե վարչապետն էլ էր խոստացել նեդրումներ բերել, նա արձագանքեց՝ բերել է: Ինչ վերաբերում է ԵԼՔ-ի մեղադրանքներին, թե Արմեն Սարգսյանը համապատասխան փաստաթղթեր չունի՝ քաղաքացիության հետ կապված, նա նշեց.

«Ընդդիմությունը միշտ էլ աժիոտաժ է սարքելու, չպիտի նեղանանք ընդդիմությունից, իրենց գործը էտ ա, եթե տենց չանի, մեր երկրում ընդդիմություն չի լինի, եղած բանն էլ կարող է շեղեն: Ոչ մի խնդիր չկա, ամեն ինչ օրենքի մեջ է»:

ԱԺ ՀՀԿ-ական պատգամավոր Սեյրան Սարոյանն այնուհետ հայտարարեց, որ Սերժ Սարգսյանն անփոխարինելի է եւ դա հիմնավորում է Արցախյան խնդրով: Խորհրդարանում լրագրողների հետ զրույցում նա հիշեցրեց, որ հիմա էլ Ալիևը Երևանն է ուզում, ինչի համար էլ կարևոր է, որ Սերժ Սարգսյանը մնա երկրի առաջնորդ: Դիտարկմանը` Ալիևը միշտ էլ ուզել է Երևանը, ասաց.

«Ես տենց բան չեմ իմացել, որ միշտ ուզել ա, եթե դուք իմացել եք, ես չեմ իմացել: Հարցին`փաստորեն Ալիևի ինադո՞ւ է Սերժ Սարգսյանը մնում, նա պատասխանեց. «Պրիչոմ տուտ Ալիևը: Այսինքն, եթե Ալիևը չլիներ՝ Սերժ Սարգսյանը մեզ պետք չէ՞ր գալու: Տենց մարդ հարյուր հատ ունենք, հա՞ էս երկրում, տենց նախագահ ունե՞նք: Դու, որպես հայ, քեզի լավ չես զգո՞ւմ, որ մեր նախագահն էդ միջազգային հանրության դեմ ելույթ ա ունենում ու ճիշտ ձևով ներկայացնում ա մեր պետությունը, քեզ դուր չի՞ գալիս, դու քեզի, որպես տղա, ուժեղ չես զգու՞մ»:

Անդրադառնալով արտագաղթին՝ Սարոյանն ասաց. «Կեթան էլ, կգան էլ, էլի: Գալիս էլ են»: ՀԺ-ի հարցին` ինչպե՞ս է ստացվում, որ միայն իշխանության ներկայացուցիչներն են տեսնում գալը, նա պատասխանեց. «Գնա այրոպորտ, գնա, դու էլ կտենաս: Ես էնքան ընկերներ ունեմ, երեխեք ջան, դրա համար ասում եմ, օդի մեջից, ստից չեմ խոսում: Իրոք, էթում էլ են, գալիս են էլ: Հլը գնա Մարտունի, տես՝ սաղ տղամարդիկ տունն են: Էթում են, փող են աշխատում, գալիս են»:

Դիտարկմանն էլ` պետք է Հայաստանում աշխատատեղ ստեղծել, նա ասաց. «Էդ էլ ենք անում: Դու գիտես հիմա բանվոր ճարելը հեշտ ա, հա՞, հլը գնա մի հատ շինարարություն արա, ընկի բանվոր ման արի, ուզի ճարես, թե կարենաս ճարես, գլուխդ կգովաս»:

Նորից անդրադառնալով Սերժ Սարգսյանի վարչապետ լինելուն՝ Սարոյանն ասաց. «Լսեք, նորից եմ ասում`մենք լավ ղեկավար չենք սիրում, էս ազգը դրա համար էլ միշտ քաշված ա, մենք մեր ամենաուժեղ տղերքին, ամենաուժեղ թագավորներին միշտ մեր ձեռով ենք սպանել: Հայի ձեռով կամ վարի ենք տվել, կամ փչացրել ենք, իմ ասածն էդ ա` համ լավին ենք փնովում, համ՝ վատին, հասկանու՞մ եք, որ պատրաստված չլիներ նա, ես էլ ձեր հետ կասեի՝ սենց ա, նենց ա, բայց էսօր ինձ հարց եք տալիս՝ կարողա լինի, ես շա՞տ գիտեմ՝ կլնի, թե չէ, էդ մարդն իրոք ոչ մի բան էլ չի ուզում, բայց ես ինքս, որպես հայ տղա, հայ մարդ, տենց եմ ուզում»,- ասաց նա, ապա հավելեց. «Իմ համար, իմ մտածելակերպով Սերժ Սարգսյանն անփոխարինելի է: Ինչ վերաբերում է Կարեն Կարապետյանին, նա ասաց, որ չի ասել, թե վարչապետը վատ է աշխատում: «Չէ. ես տենց բա՞ն ասեցի: Նա շատ լավ էկանամիստ ա, բայց մենք ղարաբաղյան խնդիր ունենք, էդ խնդրի մասին ո՞վ էքուց պիտի էթա միջազգային ատյաններում վիճաբանության մեջ մտնի` ո՞վ»,- հայտարարեց նա:

Դիտարկմանը, թե Սերժ Սարգսյանը հայտարարել է` չի հավակնի երկրի ղեկավարի պաշտոնին, ասաց. «Կարողա էսի տղայական բազառ ա՞, որ պիտի խոսքն անպայման մինչև վերջ անի, այ մարդ, քաղաքականություն ա, կյանք ա, փոխվում ա, այ քեզի բան: Հենա տենց լինի, ով ինչ ասես խոսում ա` էսօր էս յանից են խոսում, վաղը էն յանից»: Նա հավելեց, որ եթե Սերժ Սարգսյանը չցանկանա առաջադրվել վարչապետի պաշտոնում, նա կհամոզի:

«Ես կարողա համոզեմ, միտինգ չեմ անի, բացի իրենից չեմ էլ մտածում ուրիշ թեկնածուի մասին, իրոք, անկեղծ եմ ասում»,- ասաց նա: