Գալիս եմ Գյումրի, որ մեր մայլի ցեխի հոտն առնեմ. վերջին հրաժեշտը տվեցին Ալբերտ Մկրտչյանին

Այսօր «Մհեր Մկրտչյան» արտիստական թատրոնում վերջին հրաժեշտը տվեցին ՀՀ ժողովրդական արտիստ, կինոռեժիսոր, սցենարիստ Ալբերտ Մկրտչյանին: Շիրակի մարզպետարանի աշխատակազմի մշակույթի բաժնի ղեկավար Հասմիկ Կիրակոսյանը, խոսելով գյումրեցիների անունից, ասաց, որ կաթիլ առ կաթիլ հավաքել, բերել է բոլոր գյումրեցիների ցավն ու ափսոսանքը:

«Սիրելի Ալբերտ, քո մանկությունն եմ բերել ինձ հետ Գյումրիից, քաղաքիդ կարոտն եմ բերել, քո բառով ասած՝ «ապշեցնող» մանկությունդ: Թե այդ տեքստիլագործների բանվորական թաղամասում, որբության ծոցում ի՞նչ զորություն կար, որ ծնվեցին այսպիսի տաղանդներ»,- ասաց նա:

Հասմիկ Կիրակոսյանը նշեց, որ չի կարող չհիշատակել այն եռյակին, որոնք հավերժություն գնացին՝ Ալբերտ Մկրտչյան, Ֆրունզիկ Մկրտչյան, Գալյա Նովենց: Երբեւէ չի մոռացվի՝ «դու սեւ թուղթ կերած կա՞ս», «ինչղ սիրուն ես, աղջիկ ջան, ինչղոր Ռուբենիս Վարթուշը եղնիս», «Էս աշխարհը ինչի՞ է էսպես ծուռ» եւ մի շարք նմանատիպ արտահայտություններ, որոնք ֆիլմերից դուրս գալով՝ մտան ժողովրդի մեջ եւ դեռ երկար կհիշվեն: Պատմեց, որ Ալբերտ Մկրտչյանը հաճախ էր ասում. «Գալիս եմ Գյումրի, որ մեր մայլի ցեխի հոտն առնեմ»:

Ալբերտ Մկրտչյանի լավագույն ընկերներից կինոգետ Ռոբերտ Մաթոսյանը «Հժ»-ի հետ զրույցում ասաց, որ երկար տարիներ ընկերներ են եղել ժողովրդական արտիստի հետ, ականատես է եղել նրա բոլոր հաջողություններին: Նրան համարում է 60-ականների վերջին մոհիկանը: «Սպիտակում մեր տանն էինք, այդ օրը տեղի հասարակության հետ էին հանդիպելու Ալբերտ եւ Ֆրունզիկ Մկրտչյանները: Մեր տանը զրուցում էինք, մեկ էլ Ֆրունզն ասաց. «Ալբե՛րտ, մինչեւ հիմա ասում էին, որ դու իմ եղբայրն ես, այսինքն՝ Ֆրունզիկ Մկրտչյանի եղբայրն ես, բայց «Մեր մանկության տանգո»-ից հետո կասեն, որ ես եմ քո եղբայրը, այսուհետ ես եմ քեզնով ներկայանալու»,- պատմում է ընկերը: Ասում է, որ աննկարագրելի էր գյումրեցիների սերը Ալբերտ Մկրտչյանի եւ իր եղբոր հանդեպ:

«Ալբերտը ճակատային էր, կարող էր ջարդելով գնալ իր նպատակին հասնելու համար, մեզանից քչերն ունեին իր կամքի ուժն ու եռանդը»,- ասաց Ռոբերտ Մաթոսյանը: Ռոբերտ Մաթեւոսյանը հիշեց 1983 թվականին Լենինգրադում կայացած համամիութենական փառատոնը, որում Ալբերտ Մկրտչյանի «Հին օրերի երգը» ֆիլմն արժանացել է ժյուրիի «Հատուկ» մրցանակի:

«Ֆիլմի  դիտումից հետո մեզ մրցակից ռեժիսոր Տիմոֆեյ Լեւչուկը, որը ամբողջ կյանքը նվիրել է հակապատերազմական ֆիլմերին, փնտրում էր Ալբերտին, որ ասի՝ մրցանակը քոնն է: Ալբերտը ներկա չէր, ինձ մոտեցավ, ասեց՝ խնդրում եմ, փոխանցեք:

Մինսկի համամիութենական կինոփառատոնում «Մեր մանկության տանգո» ֆիլմը արժանացավ «գլխավոր» մրցանակի:«Ամբողջ դահլիճը շնչում էր տանգոյով, որտեղ Գալյա Նովենցն արժանացավ կանացի լավագույն մրցանակի»: Հայ կինոյի պատմության մեջ «Մեր մանկության տանգոն» միակ ֆիլմն է, որտեղ Գալյա Նովենցն արժանացավ ժյուրիի ամենաբարձր մրցանակի: Ալբերտ Մկրտչյանի մեջ պարփակված էր մի ամբողջ հանքակտոր, որը կամաց-կամաց հուշարձան լուսանկարներից դարձավ համամարդկային արժեք»:

«Մհեր Մկրտչյան» թատրոնի դերասան Գեորգի Հովակիմյանը նշեց, որ Ալբերտ Մկրտչյանից հետո մի ողջ պատմություն է մնալու, սերունդներ են դաստիարակվելու: Նրան բախտ չի վիճակվել կինոյում աշխատել Ալբերտ Մկրտչյանի հետ, բայց երկու երեք տարի թատրոնում են աշխատել՝ խաղացել է Ալբերտ Մկրտչյանի բեմադրած պիեսներում: Բացի ստեղծագործականից՝ կյանքում էլ շատ է առնչվել.

«Ստեղծագործական սահմանից դուրս Ալբերտ Մկրտչյանը շատ ուրախ մարդ էր, ուտող- խմող հումորով: Շատ հումորով էր, բայց այնքան լուրջ տոնով էր այդ հումորն ասում, որ պետք էր մտածել, թե արդյո՞ք դա որպես հումոր ասաց, թե՝ ոչ»,- մեր զրույցում ասաց դերասանը:

Ալբերտ Մկրտչյանին հրաժեշտ տալու էին եկել մի շարք անվանի դերասաններ, թատրոնի եւ կինոյի ներկայացուցիչներ, կինոգետներ, մշակութային գործիչներ, այդ թվում՝ մշակույթի նախարար Արմեն Ամիրյանը, Կինեմատոգրաֆիստների միության նախագահ Հարություն Խաչատրյանը, Երեւանի քաղաքապետ Տարոն Մարգարյանը եւ այլք:

Փոխանցելով բոլոր արվեստագետների, մշակույթի գործիչների եւ հանրության ցավակցությունները՝ մշակույթի նախարարն իր խոսքում նշեց, որ Ալբերտ Մկրտչյանի ոչ միայն ֆիլմերը, այլ նաեւ այն ուսանողները, որոնց մեջ իր ավանդն է ներդրել Ալբերտ Մկրտչյանը, հայ կինոտարեգրության մեջ դեռ երկար ճանապարհ ունեն անցնելու:

                                                                                         Աղունիկ Հովհաննիսյան

Տպել
4568 դիտում

Ինչպես են բաշխվել մանդատները 6 համայնքների ավագանիներում. ԿԸՀ-ն հրապարակել է ամբողջական ցանկը

Տեխնոլոգիական զարգացումները և դրանց ազդեցությունը տարբեր ոլորտների վրա. քննարկումներ «Մտքերի հայկական գագաթնաժողով»-ում

Առողջապահության նախարարն այցելել է «Եկեք պատվաստվենք» միջոցառմանը

Հայտնի է՝ Գյումրու ՏԻՄ ընտրություններին մասնակցած ուժերից որը քանի մանդատ է ստացել. ՏԸՀ-ն ամփոփել է արդյունքները

Երևան-Գյումրի ավտոճանապարհին կատարվում են անվտանգության բարելավման հավելյալ միջոցառումներ

ԿԳՄՍ փոխնախարար Կարեն Գիլոյանը մեկնել է Բելգրադ

Ինչ ունեցվածք է հայտարարագրել ՀՀ արդարադատության նախարար Կարեն Անդրեասյանը

Բռնցքամարտի Հայաստանի հավաքականը 2 մարզում է անցկացրել Սերբիայում

Հայտնի են «Էլ Կլասիկոյում» թիմերի մեկնարկային կազմերը

Հայաստանն ի թիվս եվրոպական տարածաշրջանի երկրների, հռչակվել է «պոլիոմիելիտից ազատ» երկիր

Հայտնի է Կապանի ՏԻՄ ընտրություններում «Շանթ դաշինքի» նախընտրական ցուցակը

Ուզբեկստանում նախագահական ընտրություններ են. դիտորդները անակնկալներ չեն կախատեսում

Բրիտանական Կոլումբիայի ափերի մոտ հրդեհ է բռնկվել նավերից մեկի վրա. բնապահպանական աղետի վտանգ կա

Հրշեջ-փրկարարները 3 օրում մարել են ընդհանուր 341.7 հա տարածքում բռնկված հրդեհները

Դադարեցվել է Երևան քաղաքի Ղափանցյան փողոցի մի հատվածի առանձնատների գազամատակարարումը

ՀՀ նախագահը և Yandex-ի փոխտնօրենը «Մտքերի հայկական գագաթնաժողով»-ում քննարկել են տեխնոլոգիաների հնարավորությունները

Հայտնի է Իջևանի ՏԻՄ ընտրություններում «Քաղաքացիական պայմանագիր» կուսակցության նախընտրական ցուցակի առաջին 20 անունը

Թալիբները չեն մասնակցի Աֆղանստանի հարցով 6 երկրների նախարարական հանդիպմանը

Օդի ջերմաստիճանը կնվազի 8-11 աստիճանով. առաջիկա օրերին սպասվում է անձրև

Երևանում տեղի կունենա Yerevan Jazz Fest միջազգային 7-րդ ջազ փառատոնը

Արփունք գյուղում այրվել է պահեստավորված մեծաքանակ անասնակեր

Թուրքիայի տնտեսությունը նման է վերակենդանացման բաժանմունքում գտնվող հիվանդի. Կարո Փայլան

Հայտնի է Կապանի ՏԻՄ ընտրություններում «Քաղաքացիական պայմանագիր» կուսակցության նախընտրական ցուցակը

Մահճակալային ֆոնդը սպառման եզրին է. բոլորս պետք է համախմբվենք և երկու բան անենք. Ավանեսյան

Արման Եղոյանը հանդիպել է Իտալիայի խորհրդարանի արտաքին հարաբերությունների հանձնաժողովների նախագահների հետ

«Մտքերի գագաթնաժողով»-ներն ավելի լավ աշխարհ ունենալու համար գաղափարներ ու լուծումներ որոնելու ճանապարհ են. Ռոջեր Գրեյսի

Հրդեհ «Հոգեկան առողջության պահպանման ազգային կենտրոն»-ի նկուղում. 60 մարդ է տարհանվել

Երևանի Բաղրամյան պողոտայում 6 ավտոմեքենաներ են բախվել․ կան տուժածներ

Հրդեհ Զանգակատուն գյուղում. այրվել է մոտ 300 հա խոտածածկ

Արցախում կորոնավիրուսային հիվանդության 47 նոր դեպք է գրանցվել

Կիրակի Երևանում պատվաստումների օր է. շարժական կետերը կաշխատեն մինչև երեկո

Հիմնանորոգվում է Ստեփանավանի կենտրոնական` Բաղրամյան փողոցն` իր բոլոր ենթակառուցվածքներով․ Պապիկյան

Մահճակալային ֆոնդն այլևս չի բավարարում, հիվանդանոցներն աշխատում են խիստ ծանրաբեռնված. Թորոսյան

Կորոնավիրուսի մեկօրյա վիճակագրությունն օր օրի աճում է. հաստատվել է 2354 նոր դեպք, գրանցվել՝ 38 մահ

Հայաստանը բռնցքամարտի Եվրոպայի երիտասարդների առաջնության 2 չեմպիոն ունի (տեսանյութեր)

Առողջապահության նախարարն ու տեղակալն այցելել են քովիդ կլինիկայի մանկաբարձագինեկոլոգիական բաժանմունք

20 հայ գերիների անհետացումների ու սպանությունների վերաբերյալ նոր գործեր են ներկայացվել ՄԻԵԴ

«Հանուն Հանրապետության» կուսակցությունը հաստատապես մասնակցելու է տեղական ընտրություններին․ Արման Բաբաջանյան

2 զինված ադրբեջանցիներ տարել են Կոռնիձորի բնակչին պատկանող 107 ոչխար և 5 այծ. ՄԻՊ

Հայաստանի հումանիտար առաքելության խմբի ականազերծած տարածքները հանձնվել են Հալեպի իշխանություններին