Ընդդիմադիրները խուճապի մեջ են, քննադատելու բան չեն գտնում. Շարմազանով

ԱԺ փոխխոսնակ Էդուարդ Շարմազանովը համամիտ չէ, որ ընդդիմության պայքարի քայլերն անտեսանելի են: Սակայն նրա կարծիքով՝ լավ ընդդիմությունն այն է, որ կարողանում է խորհրդարանում իր օրենսդրական գաղափարները պարտադրել իշխանությանը:

«Փողոցային պայքարը նրանց ներքին օրակարգային խնդիրն է: Ես չեմ ուզում մեկնաբանել նրանց ներկուսակցական կամ ներդաշինքային խնդիրները»,- «ՀԺ»-ի հետ զրույցում ասում է Շարմազանովը եւ անդրադառնում մարդկանց փողոց դուրս գալու պահանջին՝ նշում, որ Հայաստանը ժողովրդավարական երկիր է եւ քաղաքացիներն իրավունք ունեն հանրահավաքներ իրականացնելու: ՀՀԿ փոխնախագահի խոսքով՝ այն գործողությունները, որոնք կլինեն Սահմանադրության շրջանակներում կընդունվեն, իսկ որոնք կլինեն հակասահմանադրական, ուրեմն անընդունելի են:

Այս օրերին, երբ խոսք է գնում փողոց դուրս գալու եւ Սերժ Սարգսյանի վերարտադրության դեմ պայքարի մասին, իսկ իշխանական էլիտայի ներկայացուցիչն ասում է, որ հակասահմանադրական քայլերը կորակվեն անընդունելի, միանգամից հիշողության մեջ արթնանում է այն փաստը, որ 2008 թվականի Մարտի 1-ին էլ խաղաղ ցուցարարների գործողությունները որակվեց հակասահմանադրական: Շարմազանովի խոսքերն ինչ-որ տեղ նաեւ մեսիջ են ընդդիմությանը, որ հարկ եղած դեպքում իշխանությունը կօգտագործի իր բոլոր լծակներն՝ ընդդիմության քայլերը չեզոքացնելու համար:

Իշխող ՀՀԿ-ի ներկայացուցիչները տեւական ժամանակ «գազ» տված հայտարարում էին, որ ՀՀԿ առաջնորդ Սերժ Սարգսյանն անփոխարինելի է՝ երկրի արտաքին անվտանգության բանակցային հարցի շրջանակներում: Այսուհետեւ, ՀՀԿ-ականները նշեցին, որ անփոխարինելի ասելով նկատի չունեն, թե եթե Սերժ Սարգսյանը չլինի, ապա աշխարհը շուռ կգա: ՀԺ-ն Էդուարդ Շարմազանովից հետաքրքրվեց, թե սրանք արդյո՞ք հակասական կարծիքներ չեն Սերժ Սարգսյանի մասին:

«Անփոխարինելի մարդիկ կան, բայց երբ ասում եմ անփոխարինելի, չի նշանակում, որ, եթե այս կամ այն անձը չլինի, ուրեմն աշխարհը շուռ կգա: Ես ասել եմ, որ պառլամենտարիզմի համար Վահան Հովհաննիսյանն անփոխարինելի է, իսկ հիմա նրա տեղը երեւում է: Նույնն էլ Հայաստանի կառավարման համակարգում եւ ՀՀԿ-ի համար, որպես առաջնորդ Սերժ Սարգսյանն անփոխարինելի է, քանի որ նրա գործունեությունը շատ էական է, շատ կարեւոր է եւ տվյալ պահին, որ ասում ենք անփոխարինելի, նկատի ունենք, որ նա լավագույնը կարող է իրականացնել այդ քաղաքականությունը»,- ասաց նա:

ՀՀԿ խոսնակը համամիտ չէ, որ հասարակության շրջանում խուճապ կա ՀՀԿ-ի թեկնածուի հետ կապված: Մասնավորապես, շատերը մտահոգված են այն հարցով, որ ՀՀԿ-ն կարող է Սերժ Սարգսյանի թեկնածությունն առաջադրել 2018 թվականի վարչապետի պաշտոնի համար: Շարմազանովի խոսքերից ենթադրելի է, որ այս մասով խուճապ կա ընդդիմադիրների շրջանում, քանի որ իշխանության վարած քաղաքականությունն անթերի է, իսկ ընդդիմությունն այլեւս քննադատելու թիրախ չունի:

«Նման բան չկա: Որտե՞ղ եք խուճապ տեսել: Օպերայի միտինգը ցույց տվեց, որ խուճապ կա՞: Կարծում եմ, որ խուճապ կա այլ տեղ: Ես չեմ ուզում հիմա գնահատականներ հնչեցնել, բայց խուճապ փնտրեք, որտեղից, որ ձեր հարցը սկսեցիք: Մեր մոտ ու ժողովրդի մեջ խուճապ չկա: Ի՞նչ խուճապ, երբ Հայաստանը վերջին 10 տարվա ընթացքում լավագույն տնտեսական աճն է ապահովել, ԱՊՀ տարածքում լավագույն տնտեսական ցուցանիշներն ենք ապահովել՝ 7,5 տոկոս տնտեսական աճ: Միեւնույն ժամանակ խորացրել ենք առեւտրաշրջանառությունը Եվրասիական տնտեսական միության հետ եւ միեւնույն ժամանակ ստորագրել ենք պայմանագիր Եվրոպական միության հետ: Եվրոպացի գործընկերներից որեւէ մեկը հարցականի տակ չի դրել Հայաստանի ժողովրդավար ընտրությունները, ավելին՝ ասել են, որ Հայաստանի Հանրապետությունը գնում է ճիշտ ընտրությամբ: Այստեղ որտե՞ղ կա խուճապ:

Ես կարծում եմ, որ խուճապ կա այն մարդկանց մոտ, ում հանգիստ չի տալիս հանրապետական կուսակցության, իշխանության, նախագահի վարած արդար, արդյունավետ ներքին եւ արտաքին քաղաքականությունը: Սա իրենց հանգիստ չի տալիս, սա է խնդիրը, որովհետեւ տեսնում են, որ պետք է քննադատեն, բայց քննադատելու բան չկա: Եվրասիական տնտեսական միություն մտանք, ԵՏՄ-ն իր դրական բաները տվեց, մյուս կողմից ԵՄ-ի հետ կնքեցին համաձայնագիր, մյուս կողմից նախագահը գնում է Ստրասբուրգ, իսկ եվրոպական պաշտոնյաներն ասում են՝ Հայաստանը գնում է ճիշտ քաղաքական ուղղությամբ: Խոսում են ինչ-որ քաղաքական բանտարկյալների մասին, որ որեւէ եվրոպական կառույց, ԵՄ դեսպան դրա մասին չի խոսում: Մենք չենք ասում, որ մեր երկրում ամեն ինչ լավ է, բայց վերջին տասը տարվա ընթացքում տնտեսական ու արտաքին քաղաքականության ցուցանիշները լավագույնն են: Եվ ինչպես նշեց մեր նախագահը, եթե կարողանանք առաջիկա  մի քանի տարիների ընթացքում ապահովել ներդրման, տնտեսական աճի տեմպեր, ուրեմն կարող ենք ունենալ շատ լուրջ հաջողություններ»,- ասաց ԱԺ փոխխոսնակ Էդուարդ Շարմազանովը:

Նյութը տպագրվել է «Հայկական ժամանակ» օրաթերթի մարտի 14-ի համարում:

Տպել
3234 դիտում

Աշնանային արձակուրդը կերկարաձգվի ևս 2 շաբաթով. բացառությամբ՝ 12-րդ դասարանցիների. ԿԳՄՍՆ

Հրդեհ է բռնկվել Գութանասար գյուղում. այրվել է մոտ 65 հա խոտածածկույթ

Ջալալ Հարությունյանն ազատվել է Արցախի ՊՆ-ՊԲ հրամանատարի պաշտոնից, նա վիրավորում է ստացել. Ա. Հարությունյան

Երեկոյան թշնամին ակտիվորեն կիրառել է ԱԹՍ-ներ. ներկայում տեղային մարտեր են ճակատային գծի որոշ ուղղություններում. ՊԲ

Արցախի բոլոր բնակավայրերում համեմատաբար հանգիստ է եղել. ԱԻՊԾ

Ֆրանսիացի պատգամավորներն Արցախում են

Ով կարող է լինել 4-րդ միջնորդը. հրադադարի խախտումը հարված էր 3 նախագահների հեղինակությանը եւ պատասխան անպայման լինելու է

Թուրքիայում ահաբեկիչների վնասազերծման ժամանակ նրանցից մեկը պայթեցրել է իրեն (տեսանյութ)

Մեղադրանքներ, բոյկոտ ու վիրավորանք. Ֆրանս-թուրքական հեռակա հակամարտությունը

Սկզբում 5.000, հետո 40․000. Վանաձորում երեխաները էջանշաններ ու օրացույցեր են վաճառում, գումարը փոխանցում հիմնադրամին

Ադրբեջանի սպառնալիքներից չենք վախենում․ Հովհաննիսյանը՝ թուրքական F-16-երը կիրառելու Ալիևի հայտարարության մասին

Հաղթելու ենք նաեւ կրթությամբ ու գիտությամբ․ մեդալակիր հայ երիտասարդները մտադիր են իրենց գիտելիքով հզորացնել հայրենիքը

Հումանիտար ուղեբեռն առաջնահերթության կարգով ուղարկվում է Արցախ. ԱԻ փոխնախարար

Սյունիքի դարպասները հյուսիսից հարավ ամուր փակ են. դուխներդ տեղը, գլուխներդ բարձր. Արայիկ Հարությունյան

Թշնամական երկու ԱԹՍ քիչ առաջ ցած ընկավ. Վահրամ Պողոսյան

Ադրբեջանի կողմից հայկական էջերին ուղարկվող պատերազմական դաժանություններով տեսանյութերը կուղարկվեն միջազգային մարմիններին

Դարբնիկ գյուղում այրվել է մոտ 800 քմ խոտածածկույթ, փայտե շինություն, վառելափայտ և կենցաղային իրեր. ԱԻՆ

Հակառակորդը, այո, մոտեցել է Սյունիքի դարպասներին, բայց իրավիճակը ծայրահեղ չէ․ Արծրուն Հովհաննիսյան

Հայ գեներալի ու ժամկետայինի հակագրոհից փախուստի դիմեցին աշխարհի հզորներից համարվող հատուկջոկատայինները. Հովհաննիսյան

Երեկ երեկոյան հակառակորդին հաջողվեց գրավել Կուբաթլուն և որոշ ուղղություններով առաջանալ․ Արծրուն Հովհաննիսյան