ՇՊՀ ուսանողները բաց նամակով դիմել են Սերժ Սարգսյանին. համալսարանում դասադուլ է

Շիրակի պետական համալսարանում վաղ առավոտից դասադուլ են հայտարարել սոցիալական գիտությունների եւ իրավունքի ֆակուլտետի որոշ բաժինների ուսանողները: Դասի չեն նստել, հավաքվել են բակում եւ բողոքել համալսարանի ռեկտոր Սահակ Մինասյանի մարտի 15-ի որոշումների դեմ, որոնք վերաբերում են համալսարանի դասախոսներ Գագիկ Համբարյանին եւ Հովհաննես Խորիկյանին աշխատանքից ազատելուն: Ուսանողները նաեւ բաց նամակ են ուղղել երկրի նախագահ Սերժ Սարգսյանին եւ 3 կետով ներկայացրել իրենց պահանջը.

 1) Բեկանել ռեկտորի մարտի 15-ի որոշումները եւ անհապաղ աշխատանքի վերադարձնել դասախոսներ Գ. Համբարյանին եւ Հ. Խորիկյանին,

 2) ապահովել մարտի 24-ին կայանալիք գիտխորհրդի  եւ հոգաբարձուների խորհրդի  համատեղ ընդլայնված նիստի թափանցիկությունը, այն  կազմակերպել լրագրողների, բողոքին մասնակից ուսանողների հատուկ խմբի եւ Հ. Խորիկյանի ու Գ. Համբարյանի ներկայությամբ

 3) ապահովել բուհի ֆինանսական վիճակի թափանցիկությունը եւ համալսարանի պաշտոնական կայքում զետեղել 2016թ. փոփոխված եւ 2017թ.նախահաշիվները եւ նույն թվականների ֆինանսական  հաշվետվությունները, 2018 թվականի բյուջեի նախահաշիվը: Բաց նամակն արդեն  մոտ 70 ուսանող է ստորագրել, օնլայն հարթակում ուսանողներն ունեն 200-ից ավելի համակիր:

Դասադուլ հայտարարած ուսանողների կարծիքով ռեկտորի որոշումն անհիմն է, համալսարանի պրոռեկտոր Երվանդ Սերոբյանն էլ պնդում է, որ համալսարանում երբեք կամայականություններ չեն եղել, ո՛չ որեւէ ուսանողի իրավունք է խախտվել, ո՛չ որեւէ դասախոսի: «Ես ուզում եմ հասկանալ, ձեր իրավունքը որտեղ է ոտնահարվել, որ դուք էսօր բողոք եք ներկայացնում»,-դասադուլավորներին դիմեց պրոռեկտոր Երվանդ Սերոբյանը: Ուսանողներն էլ պատասպանեցին, որ առանց իրենց հետ խոսելու աշխատանքից ազատել են դասախոսներին:   « Կա՞  մի կետ աշխատանքային օրենսգրքում, որը նախատեսում է, որ   ձեր կարծիքը հաշվի պիտի առնեին»,-հակադարձեց պրոռեկտորը: Նաեւ առաջարկեց դիմել դատարան, եթե  դասախոսները գտնում են, որ իրենց իրավունքները ոտնահարվել են:

«Եթե ռեկտորի կողմից տեղի է ունեցել մարդու իրավունքների ոտնահարում, եթե խախտվել են պարոնայք Համբարյանի եւ Խորիկյանի իրավունքները, ապա ես անկեղծորեն եմ ասում դիմեք դատարան, թող պատժեն ռեկտորին, թող վերականգնեն մարդկանց իրավունքները: Եթե ռեկտորի մակարդակով տրվել է հրաման, հաստատ  ռեկտորը  մտածել է, խախտու՞մ է  օրենք, թե՝ ոչ: Եթե նա մտածված խախտել է օրենքը, անկեղծորեն ասում եմ, դատարանով թող Խորիկյանն ու Համբարյանը վերականգնվեն , ռեկտորն էլ կրի իրա պատիժը, ես ստեղ պրոբլեմ չեմ տեսնում»,-հայտարարեց Երվանդ Սերոբյանը:

Համալսարանի բակում գրեթե 30 ուսանող էր հավաքվել, դասադուլավորները, սակայն, պնդեցին, որ  իրենց միանալու ցանկություն շատերն ունեին, ուղղակի դասախոսները թույլ չեն տալիս, որ շենքից դուրս  գան:  «Ուսանողները 1000 հոգի են, վարչական աշխատակիցները՝ 20, մենք ոնց կարող ենք նրանց պահենք»,-ասաց պրոռեկտոր Սերոբյանը:  

Լրագրողներից մեկն էլ բարձրաձայնեց, որ համալսարանում դասախոս Կարինե Սահակյանը խոչընդոտել է իրենց աշխատանքը: Պրոռեկտորը զայրացավ: «Սահակյան Կարինեն շատ վատ է արել, որ ասել է,  ես որեւէ բառ ասի՞, թե ինչի եք խոսում  էս երեխեքի հետ, լավ եք անում»:

Պրոռեկտոր-ուսանողներ զրույցն այդպես էլ չստացվեց: Պրոռեկտորն ասաց լսելու ցանկություն չունեն, քանի որ ուղորդում են, թե չէ իրենք դասադուլ չէին անի: Ուղորդողն էլ տարածքում է:  Եկեղեցու մոտ: «Հլը հմի քանի փաստը չունեմ, չեմ կարող ասել, հենց նկարն ունեցա, ես ձեզ կուղարկեմ էդ նկարը»,-ասաց նա:  

Ուսանողներն էլ պատմեցին, որ իրենց  ճնշում են, զանգում են ծնողներին, ազգականներին, ծանոթներին, անգամ այն դպրոցների տնօրեններին, որտեղ նախկինում սովորել են բողոքող ուսանողները: Հորոդորում են դասադուլի չդիմել, վերադառնալ լասարան:

ՇՊՀ ուսանողական խորհրդի նախագահ Արմեն ՄԵքոնյանի բնակարանում եւս նման զանգ ստացվել է: «Երեկոյան մեր տուն եղավ զանգ մեր հեռու բարեկամներից մեկից, որ խնդրում է պարոն Մինասյանի կինը զանգահարել իրենց տուն, կամ, իմ հայրն աշխատանքի գնալուց առավոտյան, ներկայանա իրենց տուն: Մենք հեռավոր ազգակցական կապ ունենք: Իսկ մինչ այդ, երբ որ վերջին գիտխորհրդի նիստում ես իմ դիրքորոշումը հստակ կերպով հայտնեցի, որ անկախ սկզբնական շչջանում Խորիկյանի հետ ունեցած իմ տարաձայնություններին, ես նրա հետ որեւէ խնդիր չունեմ, ոչ մասնագիտական, ոչ մարդկային առումով, ռեկտորն ինձ կանչեց իր մոտ եւ ասաց, որ էդ քայլով շոպլիկանում ես, իրա բառն եմ ցիտում: Բուհում չի հանդուրժվում  ինքնուրույն մտածելակերպ ունեցող մարդկանց դիրքորոշումը, եթե դու չեզոք ես, ինչը փորձեցի անել ամիսներ շարունակ,  դու թշնամի ես »,-պատմեց Արմենը:

Պրոռեկտորն անդրադարձավ նաեւ ԱԺ պատգամավորական խմբի այցին: Դժգոհ էր: «Կարող եմ դա նաեւ փոխանցել պարոն Բոստանջյանին,  էն  տոնը, ոճը, մթնոլորտը, հմի մոդայիկ բառ կա աուրան, որ կար ներսում, անկեղծ ասած ես երկրոդ օրը լսել եմ պարոն Բոստանջյանի ելույթը, հետո լսեցի նաեւ 3-րդ օրվա  ելույթը,երկու իրար բավական հակասող ելույթներ էին,   պիտի ասեմ, որ առաջին ելույթն ընդհանրապես իրավիճակին չէր համապատասխանում ներսի,  եթե գալիս է հանձնաժողովը, հարցը եթե քննարկվում է, բդի քննարկվի բազմակողմանի, երբ մենք լսում ենք մի կողմին վիճաբանության, հաստատ սխալ որոշում են կայացնելու»:

Պրոռեկտորն ուսանողներին խորհուրդ է տվեց վերադառնալ լսարան: Վերջիննես, սակայն  գնացին Սախորովի անվան մարդու իրավունքների պաշտպանության կենտրոն, ասուլիս հրավիրեցին եւ հայտարարեցին, որ լսարան կվերադառնան միայն իրենց դասախոսների հետ:

Կշարունակեն դասադուլն այնքան ժամանկ, ինչքան պետք լինի: Ասում են գրեթե բոլոր դասադուլավորներն անվճար համակարգում են սովորում, գիտեն, որ հնարավոր է խնդիրներ ունենան, բայց քանի որ գաղափարական պայքար են սկսել, շարունակելու են: Բացականեր ստանալուց չեն վախենում: Մինչ դասադուլը կանոնավոր են հաճախել: 

Համալսարանի ռեկտոր Սահակ Մինասյանն օրվա առաջին կեսին լրագրողների հետ խոսելու ցանկություն չուներ: Աշխատակիցը փոխանցեց, որ ռեկտորն իր ասելիքը կասի մարտի 24-ին կայանալիք գիտխորհրդի եւ հոգաբարձուների խորհրդի համատեղ ընդլայնված նիստում:

Տպել
1384 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ