Դուք կասկածու՞մ եք, որ Միքայել Մինասյանը երիտասարդ է. մի կասկածեք ոչ մի բանի վրա

Սերժ Սարգսյանի մեկ հարցանի հարցազրույցը շարունակում է քաղաքական դաշտում սուր քննադատությունների արժանանալ: Երեկ ԱԺ նիստի ժամանակ խորհրդարանի ընդդիմադիրները կրկին հիշեցին Սերժ Սարգսյանի 2014 թվականի ապրիլի 10-ին արված հայտարարությունն այն մասին, որ նախագահ ու վարչապետ դառնալու հավակնություններ չի ցուցաբերի, իսկ հարցազրույցից հետո նշում էին, որ այսպիսով Սերժ Սարգսյանը մոլորության է մատնել սահմանադրական հանրաքվեին «Այո» քվեարկած քաղաքացիներին: Ըստ նրանց՝ շատերը կողմ էին քվեարկել Սահմանադրությանը՝ իմանալով, որ Սերժ Սարգսյանը որեւէ պաշտոն չի զբաղեցնելու: ՀՀԿ խմբակցության քարտուղար Գագիկ Մելիքյանին երեկ հիշեցրեցինք Սերժ Սարգսյանի այս խոսքերը՝ եթե իր կամքին հակառակ կառավարման մոդել ընտրվի, այսինքն՝ խորհրդարանական, ապա չի հավակնելու վարչապետի պաշտոնին:

«Դուք չեք կարծու՞մ, որ դրանք բացարձակապես տարբեր քաղաքական մեկնաբանություններ ունեն»,- ասաց Մելիքյանը, իսկ հարցին, թե Սերժ Սարգսյանն ի՞նչ է նկատի ունեցել, պատասխանեց.

«Ինքը շատ հստակ ասել է այն, ինչ ուզեցել է ասել: Ինքը, որպես բարձր կարգի քաղաքական գործիչ, արտահայտել է այն մտքերը, ինչը ցանկացել է ասել: Շատ հստակ, շատ պարզ եւ շատ ընկալելի»:

Գագիկ Մելիքյանը համաձայն չէ, թե Սերժ Սարգսյանի ասածից ընկալվում է, որ եթե Սահմանադրական բարեփոխումներն անցնում են, ինքը չի լինում վարչապետ: «Ինքը նման բան չի ասել»,- հայտարարեց ՀՀԿ խմբակցության քարտուղարը:

- Պարոն Մելիքյան, Սերժ Սարգսյանն իր վերջին հարցազրույցում նշել էր, որ իր խոսքերում քաղաքական կոնտեքստ կա, ի՞նչ կոնտեքստի մասին է խոսքը, գուցե մարդի՞կ չեն հասկանում:

- Քաղաքական մտքի, վերլուծական մտքի կոնտեքստ կա, եւ ինքն այնպիսի բան չի ասել, որ որեւէ մեկը չի հասկանում: Բայց ես չգիտեմ, թե դուք ի՞նչը չեք հասկանում:

- Ի՞նչ կա հետեւյալ արտահայտության կոնտեքստում. «...Եթե վերջնական քննարկումների արդյունքում իմ ցանկությանը չհամապատասխանող ուղի ընտրվի, նկատի ունեմ պառլամենտական կառավարման մոդելը, ապա ես չեմ հավակնի նաեւ վարչապետի պաշտոնին» (մեջբերում Սերժ Սարգսյանի եւ Սահմանադրական բարեփոխումների աշխատանքային խմբի զրույցից, 2014, ապրիլի 10):

- Հա, բայց ի՞նչ կա այստեղ չհասկանալու: Այս ամբողջը հենց քաղաքական միտք է, քաղաքական տրամաբանություն եւ սա բարձր քաղաքական գործչի միտք է: Նա ընդամենն ասել է՝ չեմ հավակնում:

- Այսինքն՝ չի հավակնում, բայց պատրաստվո՞ւմ է լինել վարչապետ:

- Դա արդեն կախված է այն որոշումից, որը կկայացնի պարոն նախագահի կուսակցությունը:

- Սերժ Սարգսյանը խոսել էր նաեւ անվտանգության պահպանման մասին: Եթե նա անվտանգության երաշխավոր է, ապա ինչո՞ւ ունեցանք ապրիլյան պատերազմ եւ տարածքներ կորցրեցինք:

- Ես չեմ կարծում, որ ձեր հարցը տրամաբանության մեջ է, ես չեմ կարծում, որ մենք ապրիլին պատերազմ ենք ունեցել, ուրեմն մեր մոտ անվտանգության ապահովման ուղղությամբ աշխատանքներ քիչ են կատարվել: Ես համոզված եմ, որ անվտանգության ապահովման ուղղությամբ լուրջ աշխատանքներ են կատարվել, կատարվում են եւ կատարվելու են ապագայում, բայց չի բացառվում, որ Թուրքիան ու Ադրբեջանը սկսեն պատերազմական գործողություններ:

- Պատերազմ է եղել եւ այդ պատերազմի ժամանակ տարածքներ են գրավել:

- Տարածքներ չենք կորցրել, 800 հեկտարը չավարտված պատերազմի պայմաններում տարածքների գրավում չէ եւ ցանկացած պահի կարող է հետ վերադարձվել:

- Առանց Սերժ Սարգսյանի Հայաստանը չի՞ կարող ոչ մի պատերազմում հաղթել:

- Ինքը բարձր կարգի քաղաքական գործիչ է, պատերազմին մասնակցած գործիչ է, բարձր կարգի պետական գործիչ է եւ իր մնալը քաղաքական բուրգի գագաթին շատ ճիշտ է: Մնացած գործընթացներն ընթացքում կլինեն: Անվտանգության խնդիրը որոշված չլինելու պայմաններում, երբ պատերազմի, երկրի գրավման, մեր մշակույթի ոչնչացման վտանգ կա, այս ամենից հետո ժողովրդավարությունը ոչ մեկի չի էլ հետաքրքրի: Այս առումով պարոն նախագահն անփոխարինելի է:

- Սերժ Սարգսյանը հարցազրույցում նաեւ նշել էր, որ ոչ կուսակցական մակարդակներում վարչապետի պաշտոնի շուրջ քննարկումներ եղել են: Այդ քննարկումների ընթացքում անձամբ Սերժ Սարգսյանին ասվե՞լ է, որ ինքն անփոխարինելի է:

- Պարոն նախագահը շատ հստակ ասել է, որ քննարկումներ եղել են: Ես անձամբ իրեն չեմ ասել, որ ինքն էլ արձագանքի:

- Սերժ Սարգսյանը հայտարարել էր, որ եթե իրեն առաջադրեն վարչապետի թեկնածու, ապա պետք է երիտասարդ լիդերներ պատրաստի, բայց ՀՀԿ-ում երիտասարդ լիդերները քչություն են անում:

- ՀՀԿ-ում բազմաթիվ լիդերներ կան: Բոլոր նրանք են, ովքեր մտել են ակտիվ քաղաքականություն ու շարունակում են մտնել:

- Ինչո՞ւ է Սերժ Սարգսյանը մտահոգված լիդերներով:

- Նա մտահոգված է Ձեզ համար, որ Դուք լավ ապրեք, բարեկեցիկ կյանքով ու անվտանգ երկրում ապրեք: Միշտ առաջընթաց ունենաք:

- ՀԺ-ի հետ զրույցում քաղաքագետ Արմեն Բաղդասարյանը հարց էր բարձրացրել, թե ինչու են Սերժ Սարգսյանի բոլոր հարցազրույցները հեռուստատեսությամբ հեռարձակվում, իսկ այս մեկը տեքստային ձեւով է հրապարկվում: Քաղաքագետը դիտարկել էր՝ պատճառն այն է, որ դժվար էր մարդկանց աչքերին նայել տեսագրությունով, իսկ այստեղ գրավոր տեքստ է: Իսկապե՞ս Սերժ Սարգսյանի համար դիսկոմֆորտ կլիներ նման ձեւաչափով հարցազրույց տալը:

- Ես Ձեր ասած քաղաքագետին չեմ ճանաչում, նրա մակարդակի մասին տեղեկություն չունեմ: Չգիտեմ՝ նա իրեն նման բան իսկապես թույլ տվե՞լ է, թե՞ ոչ: Եթե թույլ է տվել, ուրեմն ինքը պարոն նախագահին լավ չի ճանաչում եւ ինքը սխալ է ընտրել քաղաքականությունը, պետք է փոխի:

- Հնարավո՞ր է, որ երիտասարդ լիդերների ցանկում տեսնենք Միքայել Մինասյանին եւ նա մի օր փոխարինի Սերժ Սարգսյանին:

- Դուք կասկածու՞մ եք, որ նա երիտասարդ է: Մի կասկածեք ոչ մի բանի վրա:

Հարցազրույցը տպագրվել է «Հայկական ժամանակ» օրաթերթի մարտի 21-ի համարում:

Տպել
3758 դիտում

Արտաշատ-Երևան ավտոճանապարհին տեղի ունեցած վթարի հետեւանքով 2 հոգի հոսպիտալացվել է

Կենդանիների կենսաապահովման կետեր կկառուցվեն Հայաստանում

Թուրքիայում հայկական եկեղեցու պատերին արված գրաֆիտիները հեռացվել են (լուսանկարներ)

Վաղարշապատի 5 բնակիչ թունավորվել է գազի կաթսայից շմոլ գազի արտահոսքի հետևանքով

Դոնորների հետ համագործակցության համակարգման հարթակը կենսական պահանջ է․ փոխվարչապետ

Անահիտ Տեր-Մինասյանը ՀՀ ամենահեղինակավոր ուսումնասիրող­ներից է. վարչապետը ցավակցել է պատմաբանի մահվան կապակցությամբ

Շարունակում են փակ մնալ Արագածոտնի մարզի 17 գյուղերի միջհամայնքային ճանապարհները

28-ամյա քաղաքացին սպառնացել է նետվել Երեւանի Հաղթանակի կամրջից

Մանվել Գրիգորյանը լրատվամիջոցից պահանջում է 3 մլն դրամ. նոր հայցադիմում է ներկայացվել

ԵԱՀԿ ՄԽ համանախագահներին հետաքրքրել են Դավոսում ՀՀ վարչապետի և Ադրբեջանի նախագահի հանդիպման մանրամասները

Հանդիպել են Իրաքում ՀՀ դեսպան Հրաչյա Փոլադյանն ու Իրաքի կապի նախարարը

ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Նիկոլ Փաշինյանը և Աննա Հակոբյանը ներկա են գտնվել Հայ կոմպոզիտորական արվեստի 10-րդ փառատոնի բացմանը

Մենք եկանք անաղմուկ՝ հատուկ ընտրություններին քվեարկելու համար. Նիկոլա Ազնավուրը՝ վարչապետին

Վրաստանի պաշտպանության նախարարը պաշտոնական այցով վաղը կժամանի Երևան

Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Փետրվարի 20-ը հայոց ազգային վերազարթոնքի մի բացառիկ օրինակ էր. ուղերձ՝ Ղարաբաղյան շարժման տարեդարձի առթիվ

Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն

ՀՀ պաշտպանության նախարարն ընդունել է «Պատմության և մշակույթի էջեր» ծրագրի մասնակիցներին

Մրցանակներ՝ միջազգային կառույցներից. Արսեն Թորոսյանը մրցանակակիրներից մեկն է