ՌԴ ԱԳՆ են հրավիրվել երկրում ներկա բոլոր պետությունների դեսպանները. թեման Սկրիպալի գործն է

Ռուսաստանի Դաշնության Արտաքին գործերի նախարարությունը հրավիրել է ՌԴ տարածքում առաքելություն իրականացնող բոլոր օտարերկրյա պետությունների դեսպաններին՝ քննարկելու ՌԴ նախկին սպա, լրտեսության մեջ մեղադրվող Սերգեյ Սկրիպալի գործը: Հանդիպումը նշանակված է վաղը՝ մարտի 21-ին, փոխանցում է RT-ն:

Ավելի ուշ ՌԴ ԱԳՆ խոսնակ Մարիա Զախարովան հստակեցրել է հանդիպման թեման՝ նշելով, որ հիմնական քննարկումը Մեծ Բրիտանիայի վերջին հայտարարությունների շուրջ է լինելու:

Նախարարության աշխատակիցները փորձելու են դեսպաններին ներկայացնել Ռուսաստանի տեսակետը, հակադարձումներն ու դիրքորոշումը՝ Սկրիպալի թունավորման գործի մասին:

Ավելի վաղ ռուս դիվանագետները, որոնց վտարել են Լոնդոնից, հայրենիք՝ Ռուսաստան են վերադարձել այսօր: Դիվանագիտական կառույցների 23 անդամներն ու նրանց ընտանիքների անդամները Մոսկվա են հասել հատուկ չվերթով:

Ռուս-բրիտանական սկանդալն հասունացավ ռուս նախկին սպա, Մեծ Բրիտանիայից քաղաքական ապաստան խնդրած ու վերջին տարիներին այդ երկրի քաղաքացի համարվող Սերգեյ Սկրիպալի ու նրա դստեր՝ Յուլյա Սկրիպալի թունավորումից հետո:

Պառլամենտում ելույթի ժամանակ Բրիտանիայի վարչապետ Թերեզա Մեյը ուղիղ ձեւով մեղադրել էր Ռուսաստանին՝ Սերգեյ Սկրիպալի թունավորման համար ու խոստացել էր պատժիչ քայլերի գնալ: Ավելի ուշ Մեյը հայտարարել էր, որ սառեցվում են ռուս-բրիտանական բոլոր երկկողմ հարաբերությունները՝ դիվանագիտական ասպարեզում, սառեցվում են քաղաքական համագործակցությունները, սկսվելու է վերահսկողությունը՝ Մեծ Բրիտանիա մտնող մասնավոր ինքնաթիռների վրա, ինչպես նաեւ ռուսների համար կխստացվեն ստուգումները սահմանային անցակետերում:

Բարձրաստիճան պաշտոնյաներն ու արքայական ընտանիքի անդամները ներկա չեն լինելու Ռուսաստանում անցկացվելիք Ֆուտբոլի աշխարհի առաջնությանը: Լոնդոնը նաեւ ներկայացրել էր 23 դիվանագետների ցանկը, որոնք պետք է լքեին երկիրը:

Ռուսական կողմը Մեյի հայտարարությունը կոպիտ պրովոկացիա էր որակել,հետ էր կանչել ՌԴ ԱԳ նախարար Սերգեյ Լավրովի այցը Մեծ Բրիտանիա, պահանել թունավորման գործի նյութերը՝ նշելով, որ ռուսական կողմը կապ չունի այդ ամենի հետ:

Նախագահական ընտրություններից հետո ՌԴ նախագահ Վլադիմիր Պուտինն,անդրադառնալով այս հնչեղ գործին, նշել էր, որ իրենց կողմից առնվազն հիմարություն կլիներ ընտրությունների նախաշեմին ու Ֆուտբոլի աշխարհի առաջնությունից առաջ նման քայլերի գնալ:

Հիշեցնենք, որ Ռուսաստանի Գլխավոր հետախուզական վարչության նախկին աշխատակից Սերգեյ Սկրիպալը եւ նրա դուստր Յուլյան անգիտակից վիճակում հայտնաբերվել են մարտի 4-ին Մեծ Բրիտանիայի Սոլսբերիի այգու նստարանին:

Նրանց տեղափոխել են հիվանդանոց ծայրահեղ ծանր վիճակում, նրանք մինչեւ հիմա կոմայի մեջ են, բժիշկները նրանց վիճակը կայուն ծանր են գնահատում: Ոստիկանությունում պարզել են, որ նրանք թունավորվել են նյարդակաթվածահարող նյութով, թունավորված են եղել եւս 20 մարդ, այդ թվում՝ ոստիկան, որն առաջինն է այցելել դեպքի վայր եւ Սկրիպալի տուն: Թունավորման փաստով հարուցվել է քրեական գործ մահափորձի հանցակազմով:

Սերգեյ Սկրիպալը Մեծ Բրիտանիայից քաղաքական ապաստան էր ստացել 2010 թվականին, հանդիսանում էր Մեծ Բրիտանիայի քաղաքացի:

Տպել
1113 դիտում

Ոստիկանությունը մասնագիտական ստուգումներ է նշանակել Լոռու մարզում ծառահատման 2 դեպքով

Փոխվարչապետ Մհեր Գրիգորյանի նախագահությամբ կայացել է միջգերատեսչական հանձնաժողովի հերթական նիստը

Լոռու Գարգառ գյուղում անասնագոմ է հրդեհվել՝ այրելով մոտ 700 հակ անասնակեր

Ոստիկանները վկայել են, որ իրականում տեղեկություն չեն ունեցել զենքի ու զինամթերքի մասին. Վահե Գրիգորյան

Ում էր պետք Մաշադյանի որդու շուրջ աղմուկը

Գեմաֆին Գասպարյանը նշանակվել է աշխատանքի եւ սոցիալական հարցերի նախարարի առաջին տեղակալ

Առաջիկա շաբաթներին ԵՄ-ի կողմից Ռուսաստանի դեմ նոր պատժամիջոցներ կսահմանվեն. Մոգերինի

Մայրապետյանի հետ առերեսվել եմ, եւ նա ընդունել է, որ գումար եմ փոխանցել. Սիլվա Համբարձումյան

ՀԿ-ի նախագահը կասկածվում է տարբեր անձանցից 29,5 մլն դրամի հափշտակության մեջ

«Իմ քայլը հանուն Լոռու մարզի» բիզնես ֆորումի նախապատրաստական աշխատանքներն ավարտված են. մարզպետ

30 խոշոր հարկատուներից 25-ը նախորդ տարվա համեմատ ավելացրել են հարկերը, 5-ը՝ պակասեցրել. Բաբկեն Թունյան

Ալեքսանյանի ընկերության վճարած հարկերը ոչ թե նվազել, այլ ավելացել են. «Գազպրոմը» չի նվազեցրել հարկերը

Մարիխուաննա ծխող մարդիկ միշտ ժպտում են ու շատ բարի են. Արման Մարգարյան

ԱԱԾ-ն արձագանքել է Սեդրակ Քոչարյանին մեղադրանք առաջադրելու մասին տեղեկություններին

Վարչապետի՝ սպորտի հետ կապված ծրագրերը հեղափոխական չէին. Դավիթ Խիթարյան

Շվեյցարիայի բարձրագույն դատարանը մերժել է Հայոց ցեղասպանությանը նվիրված հուշարձանի տեղադրման դեմ բողոքը

Ավտովթար Լոռիում. կան վիրավորներ

Գյումրեցի կնոջ մահվան մեջ մեղադրվող ռուս զինվորականը ցուցմունք չի տվել, նմուշ չի հանձնել

«Նուբարաշեն» ՔԿՀ-ի դատապարտյալը «Արմենիա» ԲԿ-ից փախուստի է դիմել

Ուսման վարձի փոխհատուցում կստանան ապրիլյան պատերազմին մասնակցած նաեւ հեռակա սովորող ուսանողները