ՀՀ քաղաքացիների պայքարի ոգին այս անգամ էլ բարձր կլինի. «ՄերժիրՍերժին» ակցիայի նախաձեռնող

Ինչպես արդեն տեղեկացրել ենք՝ մարտի 24-ին Երեւանում երթ է տեղի ունենալու՝ Սերժ Սարգսյանի՝ իշխանությունից հեռանալու պահանջով՝ «#ՄերժիրՍերժին» խորագրով: «Հայկական ժամանակ»-ը զրուցել է «#ՄերժիրՍերժին» ակցիայի նախաձեռնող խմբի անդամ Արմեն Գրիգորյանի հետ:

Մեր հարցին՝ ինչպե՞ս կմեկնաբանեք Սերժ Սարգսյանի վերջին երկու հայտարարությունները՝ ՊՆ-ում ժողովի ժամանակ ասվածը՝ «այսուհետ ավելի հաճախ կլինեմ ձեր կողքին», եւ tert.am-ի հարցազրույցում ասածը, թե կհամաձայնի վարչապետ լինելը՝ մեկ հավելումով, սրանք խոսո՞ւմ են վարչապետ դառնալու վերջնական որոշման մասին, Գրիգորյանն ասաց, որ Սերժ Սարգսյանը դեռ շուտվանից էր որոշել վերարտադրել իր իշխանությունը, եւ շատերի համար հստակ էր, որ նա իր վերարտադրության համար է փոխում սահմանադրությունը: Ինչպես ասաց Գրիգորյանը՝  այս տեսանկյունից ՊՆ-ում տեղի ունեցած ժողովի ժամանակ ասվածը պարզապես ֆորմալ հայտարարություն է:

Արմեն Գրիգորյանն ասաց, որ մարտի 24-ին կայանալիք ակցիայի ժամանակ պատրաստվում են երթ անել.

«Երթը կմեկնարկի Թամանյանի արձանի մոտից, կանցնի Սարյան-Պուշկինի-Հյուսիսային պողոտա-Աբովյան-Հանրապետության հրապարակի-Նալբանդյան-Թումանյան-Մաշտոցի փողոցներով եւ կավարտվի Թամանյանի արձանի մոտ»:

Վերջինս ասաց, որ այլ գործողություններ պլանավորում են, որոնց մասին, սակայն այժմ չի կարող խոսել, որովհետեւ դրանք դեռ քննարկման փուլում են: 

Մեր այն հարցին, թե «#ՄերժիրՍերժին» ակցիայի նախաձեռնողները այլ քաղաքական ուժերի հետ համագործակցելո՞ւ են, Գրիգորյանը պատասխանեց, որ իրենք բաց են այլ ուժերի հետ համագործակցության համար.

«Կարծում ենք, որ տարբեր խմբերի ուժերի մոբիլիզացումը կարող է կարեւոր ազդեցություն ունենալ փողոցային պայքարի հաջողության վրա:

Գրիգորյանը խոսեց նաեւ հասարակական ներգրավվածությունն ապահովելու մասին.

«Հասարակությանը ներգրավելու ամենակարեւոր ձեւը քաղաքացուն դեր տալն է որեւիցե գործողությունում: Օրինակ մենք՝ որպես նախաձեռնող խումբ, աշխատում ենք, որպեսզի կազմակերպենք երթը, բայց նաեւ ակնկալում ենք, որ քաղաքացին եւս իր դերը կունենա: Օրինակ մենք կարգախոսների ցուցակ ենք գրել ֆեյսբուքյան իվենթում, սակայն ակնկալում ենք, որ քաղաքացին էլ իր կարգախոսը կտպի ու կբերի երթին: Հետագա գործընթացում նաեւ փորձելու ենք քաղաքացիների կարծիքը հաշվի առնել եւ ներգրավել շարժման գործընթացում»,- մեր զրույցում ասաց ակցիայի նախաձեռնող խբի անդամ Արմեն Գրիգորյանը:

Նրա կարծիքով՝ Հայաստանի քաղաքացիները միշտ էլ պատրաստ են պայքարի համար. «88-ից սկսած քաղաքացիները միշտ էլ պայքարել են ու փորձել են բարեկեցիկ երկիր կառուցել: Համոզված եմ, որ պայքարի ոգին միշտ էլ քաղաքացիների մոտ բարձր է եղել, եւ այս անգամ էլ այդպես կլինի»,-եզրափակեց Գրիգորյանը:

Նշենք, որ ակցիայի իվենթի մեկնաբանություններից մեկում ասված է, որ սա իրազեկման եւ փոխադարձ վստահության երթ է, եւ նման կարգախոսով ու նպատակով դեռ առաջին երթն է։ Մեկնաբանությունում ասված է, որ ցանկություն կա հետագա քայլերը քննարկել ակցիայի մասնակիցների հետ:

ՀայԱրփի Բաղդասարյան

Նյութը տպագրվել է «Հայկական ժամանակ» օրաթերթի մարտի 22-ի համարում: 

Տպել
3482 դիտում

Էջմիածնի քաղաքապետ Դիանա Գասպարյանի դեմ ներկայացված հայցը վարույթ է ընդունվել

Գյումրու տոնի գլխավոր համերգին Նունե Եսայանն իր մասնակցության համար գումար չի պահանջել. Լիլիթ Թովմասյան

Ավտոմեքենան դուրս է եկել ճանապարհի երթևեկելի հատվածից և ընկել ձորը. կա տուժած. ԱԻՆ

Առաջիկա տարիներին մանկապարտեզ կարող է հաճախել 3-6 տարեկան երեխաների 70%-ը. Արայիկ Հարությունյանը՝ վարչապետին

ԵԱՀԿ-ն դիտարկում կանցկացնի Օմարի լեռնանցքում

Դպրոցները կֆինանսավորվեն նոր բանաձեւով, կսահմանվի ուսուցչի նվազագույն աշխատավարձ. ԿԳՄՍՆ-ն որոշման նախագիծ է մշակել

Գնդեվազի նախկին գյուղապետն աճուրդով հող է վերցրել եւ մեծ գնով վաճառվել «Լիդիան Արմենիա»-ին. քրգործ է հարուցել

Թմրամիջոց պահելու եւ օգտագործելու կասկածանքով բերման ենթարկված քրեական հեղինակությունը բանգլադեշցի Վիրաբիկն է

Ամուլսարի հարցում կոռուպցիոն գործա՞րք է տեղի ունենեցել. դատախազությունը մամուլում առկա հրապարակումներն ուղարկել է ԱԱԾ

7-ից 18 տոկոս. Փաշինյանը ներկայացրել է Հայոց բանակի զինծառայողների աշխատավարձերի բարձրացման կոնկրետ ցուցանիշները

Իրանի հետ համագործակցությունը Հայաստանին օգուտ չի՞ բերի. ամերիկացի վերլուծաբանը փորձում է հակառակը համոզել

Քաղաքացու ինքնասպանության փորձը հաջողվել է կանխել. նա փորձել է ցած նետվել Նոր Հաճնի կամրջից

Հրդեհ Երեւանում. այրվում է սառնարանների պահեստը

Խոշոր հարկատուների առաջին տասնյակի 9 ընկերությունների վճարած հարկերը 2019-ի երկրորդ եռամսյակում աճել են

Ռոբերտ Քոչարյանի փաստաբանական թիմը հանդես է եկել հայտարարությամբ

Ննջասենյակի ներքնակի միջից գողացել էին 4 հազար դոլար. գողությունը կատարել էր տանտիրոջ դուստրը

Վանաձոր-Ալավերդի-Վրաստանի սահման ճանապարհն այսօր փակ է լինելու ժայռապայթեցման պատճառով

Էլեկտրաէներգիայի անջատումներ՝ Երևանում և 8 մարզերում

«Ձյունիկ սառնարան» ՍՊԸ-ի պահեստներում բռնկված հրդեհի մարմանը 11 մարտական հաշվարկ է մասնակցել

Հետաքրքրություն ներկայացնող ընկերությունների մեծ մասը զգալի ավելացրել է բյուջե վճարված հարկերը. Փաշինյան