Ռեստարտ ՀՅԴ ԳՄ-ում. Սերժ Սարգսյանին երիտասարդ լիդերների թեկնածուներ են առաջարկում

Լուսանկարում ՀՅԴ ԳՄ ներկայացուցիչ Արսեն Համբարձումյանն է

ՀՅԴ Գերագույն մարմնում ռեստարտ է տրվել. ազատվել են ծերակույտից: Ուշագրավ է, որ ՀՅԴ ԳՄ-ի երիտասարդացումը հաջորդեց երիտասարդ լիդերներ պատրաստելու մասին Սերժ Սարգսյանի հայտարարությանը: Չի բացառվում, որ ՀՅԴ-ն այսպիսով՝ Սերժ Սարգսյանին լիդերների թեկնածուների է առաջարկում: Հիշեցնենք, ՀՅԴ նորընտիր ԳՄ-ն բաղկացած է 9 հոգուց, որոնցից 6-ը նոր անդամներ են՝ կուսակցության երիտասարդական թեւից, իսկ նախկին կազմը բաղկացած էր 13 հոգուց: ՀՅԴ-ականների փոխանցմամբ՝ կուսակցության կանոնադրությունն է թույլ տալիս որոշակի թվերի միջակայքում երկու տարի ժամկետով ԳՄ կազմ ընտրել: ԳՄ նոր կազմում տեղ չեն գտել Աղվան Վարդանյանը, Դավիթ Լոքյանը, Լեւոն Մկրտչյանը, Արծվիկ Մինասյանը եւ այլք: ՀԺ-ն ՀՅԴ ԳՄ ներկայացուցիչ Արսեն Համբարձումյանից հետաքրքրվեց՝ արդյո՞ք դաշնակցության գերագույն մարմինը երիտասարդացնելիս Սերժ Սարգսյանի խոսքերը հաշվի առել են:

«Կոալիցիոն գործընկեր լինել չի նշանակում, որ մեր քայլերն ու գործողությունները պայմանավորված են ՀՀԿ-ի անելիքներով: ՀՅԴ-ի ԳՄ-ն միշտ ենթարկվել է փոփոխությունների: Այս դեպքում փոփոխություններն ավելի զգալի են, տեսանելի են, բայց սա ՀՅԴ-ի մեջ միշտ եղել է»,- ասաց Համբարձումյանը: Մեր ճշտող հարցին՝ այսինքն՝ ՀՅԴ-ում ցանկություն չունե՞ն Սերժ Սարգսյանի դարբնոցում թրծվելու եւ կարծում են, որ ՀՅԴ-ում ավելի լավ են երիտասարդ լիդերներ պատրաստում, Համբարձումյանն պատասխանեց.

«Չմոռանանք, որ ՀՅԴ-ն ունի շուրջ 128-ամյա պատմություն եւ վստահեցնում եմ, որ ցանկացած երիտասարդ ՀՅԴ-ի դպրոցն անցնելիս այնքան գիտելիք ու փորձ ձեռք բերելու առիթ է ունենում, որ միանգամայն բավարար է պետական աշխատանքներ իրականացնելու համար: Այս առումով շատերը ՀՅԴ-ից օրինակ վերցնելու առիթ պետք է ունենան»:

Անդրադառնալով ՀՅԴ ԳՄ կազմում տեղի ունեցած զգալի փոփոխություններին, Արսեն Համբարձումյանը նշեց, որ դրանք պայմանավորված են նախկին ԳՄ անդամների զբաղվածությամբ՝ կառավարությունում եւ խորհրդարանում, ուստի, ԳՄ-ի փոփոխությամբ ցանկացել են վերաաշխուժացնել կուսակցության աշխատանքները՝ նոր բովանդակության ակնկալիքով:

«Միեւնույն ժամանակ չենք կաշկանդի օրենսդիր եւ գործադիր իշխանություններում ընդգրկված մեր ընկերներին՝ պարտականությունները կատարելիս»,- ասաց Համբարձումյանը:

Հաշվի առնելով ՀՅԴ ԳՄ ներկայացուցիչ Արսեն Համբարձումյանի հայտարարությունը, թե ԳՄ կազմը փոխել են, որ օրենսդիրի ներկայացուցիչներն աշխատանքի ընթացքում կաշկանդված չլինեն, ՀԺ-ն հետաքրքրվեց՝ արդյո՞ք ցանկանում են առաջիկայում ՀՀԿ-ին կրկին քննադատել եւ ցանկություն կա, որ քննադատողները ՀՅԴ էլիտայի մաս չկազմեն:

«Դաշնակցությունը կաշկանդվող կուսակցություններից չէ: Առաջիկայում առավել եւս կաշկանդվելու առիթ չենք ունենալու, կոալիցիայի կազմում լինելով՝ ՀՅԴ-ն առանձին քաղաքական ուժ է, եւ այն բոլոր հարցերը, որոնք չկան հուշագրում ՀՅԴ-ն ազատ է իր կարծիքը հայտնելու համար: Սերնդափոխությունը խրախուսելի է, որովհետեւ եթե ուզում ենք երկրում բան փոխել, ուրեմն, դա պետք է բերի նաեւ դեմքերի փոփոխության»,- ասաց նա:

Համբարձումյանը հերքեց լուրերը, թե ԳՄ կազմի փոփոխության պատճառն այն է, որ նոր ձեւավորվելիք կառավարության կազմում ներգրավված են լինելու ԳՄ հին կազմի որոշ ներկայացուցիչներ, մասնավորապես, Աղվան Վարդանյանը նշանակվելու է մշակույթի նախարար:

«Նման օրակարգ չունենք: Ծանոթ եմ նման հրապարակումներին, պետք է ասեմ, որ շատ հեշտությամբ եք մարդկանց պաշտոնների նշանակում եւ ազատում: Նրանք ԳՄ անդամներ ընտրվելու համար թեկնածու առաջադրված չեն եղել, ես նշեցի, որ նրանք օրենսդիր եւ գործադիր մարմիններում են ներառված եւ չի ստացվում կուսակցական աշխատանքները լիարժեք կատարել: Որոշվել է, որ այս ժամանակահատվածի համար կուսակցական աշխատանքների նման վերաբաժանում պետք է լինի»,- ասաց Համբարձումյանը: Իսկ հարցին՝ նախորդ ԳՄ-ի աշխատանքից դժգո՞հ են եղել, Համբարձումյանը հայտարարեց. «Նախորդ ԳՄ-ի աշխատանքը դրական է գնահատվել»:

Ըստ ԳՄ ներկայացուցչի՝ ԳՄ կազմի լուրջ փոփոխությունը պայմանավորված է մի շարք հանգամանքներով:

«Դաշնակցական նախարարներն ու պատգամավորները, ովքեր ԳՄ անդամներ էին, բազմազբաղ են: Գերագույն ժողովը կարեւորել է կազմակերպչական հարցերի կազմավորումը. թե՛ նախարարները, թե՛ խորհրդարանականները երկու ճամբարով ծանրաբեռնված են լինում, հնարավորություն չի լինում աշխատանքները լիարժեք կատարելու: Որոշել ենք, որ այս ժամանակահատվածում աշխատանքների վերակազմակերպման համար ավելի նպատակահարմար կլինի այս կազմը: Այսինքն` այսպես ավելի արդյունավետ կլինի ԳՄ-ի աշխատանքը: Միեւնույն ժամանակ չենք կաշկանդի մեր ընկերներին պաշտոնեական պարտականությունների կատարմամբ»,- ասաց նա:

Ըստ Համբարձումյանի` ԳՄ-ն ընտրվել է համախոհությամբ` վստահության մեծ քվեով, ինչը հույս է տալիս, որ առաջիկա երկու տարում բոլոր առաջադրանքները կկարողանան պատվով կատարել: «ԳՄ անդամներից 6-ը Դաշնակցության ուսանողական միության նախկին անդամներ են, այսինքն` նոր սերնդի ներկայացուցիչներ: Թարմացրել ենք սաղարթը, ինչն օգտակար է ծառի աճի համար: Ծառի արմատները շատ ամուր են, բունը` հաստատուն»,- եզրափակեց ՀՅԴ Գերագույն մարմնի նորընտիր ներկայացուցիչը:

Տպել
1697 դիտում

Հայտարարություն մրցույթի մասին

QR վճարումներ Հայբիզնեսբանկի մոբայլ բանկինգի հավելվածում

Գրեմիի մրցանակակիր Jamiroquai խումբ, Բրեգովիչ, Եվգենի Պետրոսյան. մշակութային աշունը Երեւանում

Բացահայտվել է բնակարանային գողությունների շարք. երկու անձի մեղադրանք է առաջադրվել

Հայաստանում է Լիբանանի պաշտպանության նախարարի գլխավորած պատվիրակությունը

Հարգելի՛ դատավոր, Դուք «դռների տակ վնգստացող դատավորների» ցուցակո՞ւմ եք․ Ռոբերտ Քոչարյանի պաշտպան

Նյու Յորքում կբացվի անվանի հայ լուսանկարիչ Արա Գյուլերի ցուցահանդեսը

«Ռոմա»-ի երկրպագուները երգ են նվիրել Մխիթարյանին (ձայնագրություն)

Յուրի Ջորկաեֆը նշանակվել է ՖԻՖԱ-ի հիմնադրամի գլխավոր տնօրեն. նա հոկտեմբերի 6-ից 9-ը կայցելի Հայաստան

Փաշինյանի ԱՄՆ այցին ընդառաջ. ինչպես է ադրբեջանի քարոզչական նյութը հայտնվել է հայկական մամուլում

Նոյեմբերյանի քրեական հետախույզներն ապօրինի թմրաշրջանառության դեպք են բացահայտել (տեսանյութ)

Եթե գրավ չկիրառվի, նշանակում է՝ ուղղակի նպատակ ունեն դատը ձգձգելով՝ պատժել․ Լեւոն Քոչարյան

Երբեք թուլ չեմ տա արատավորել իմ անունը. Նազենի Հովհաննիսյան

Ռոբերտ Քոչարյանը կմնա կալանքի տակ. դատարանը նրան գրավի դիմաց ազատ չարձակեց

Վանաձորում աթլետներն արմատուրաների վրա քար են դնում, որ վազելիս վրաները չընկնեն (տեսանյութ)

Պաշպանությունից մինչև քաղաքական ու մշակութային հարցեր. Մնացականյանն ընդունել է Լիբանանի ազգային պաշտպանության նախարարին

Կոռուպցիայի դեմ պայքարին պետք է նոր թափ հաղորդենք. վարչապետի գլխավորությամբ տեղի է ունեցել խորհրդակցություն

Երևանում կայացել է ԵՄ Արտաքին ներդրումային պլանի մեկնարկային միջոցառումը․ փոխնախարարը կարևորել է պլանի ներդրումը ՀՀ-ում

Ըմբիշներ Կաջոյանն ու Բերիանիձեն նույնպես մեդալների համար չեն պայքարի աշխարհի առաջնությունում

Հրայր Թովմասյանի սանիկին՝ ԱԺ Վարչատնտեսական վարչության մատակարարման բաժնի պետին, մեղադրանք է առաջադրվել. ՔԿ