Փորձելով արդարացնել վարչապետ դառնալու՝ Սերժ Սարգսյանի որոշումը, ՀՀԿ-ականները վերջին շրջանում հայտարարում են, թե չի կարելի արտաքին անվտանգության չլուծված խնդիր ունենալով հանդերձ՝ երկրում հեղափոխություն իրականացնել: #ԻմՔայլը նախաձեռնության անդամ, ԱԺ պատգամավոր Արարատ Միրզոյանը ՀԺ-ի հետ զրույցում նշեց, որ ՀՀԿ-ականների հայտարարությունները ընդամենը «լոլոներ» են, եւ քանի դեռ իշխանության գլխին Սերժ Սարգսյանն է՝ Արցախի հիմնախնդիրը չի լուծվելու:

Պարոն Միրզոյան, ՀՀԿ-ական պատգամավոր, նախկին ոստիկանապետ Ալիկ Սարգսյանը, անդրադառնալով ՔՊ-ականների այն հայտարարություններին, որ փողոցներ եք փակելու, ԱԺ շենքի մուտքերն եք փակելու, նշել է՝ «իրավապահները կմաքրեն տարածքը, որպեսզի պատգամավորները ներս մտնեն»: Սա սպառնալի՞ք է իշխանության կողմից:

- Միանշանակ սպառնալիք է, եթե Ալիկ Սարգսյանը լիազորված է այդպիսի բան ասելու, իսկ եթե դա իր ինքնագործունեությունն է, ապա ես պետք է ասեմ, որ Ալիկ Սարգսյանը շատ թյուր պատկերացումներ ունի մարդու եւ քաղաքացու իրավունքների մասին: Թող իրենց սպառնալիքներն ու գնահատականներն իրենց պահեն, մենք մեր գործողություններն անելու ենք: Իսկ Ալիկ Սարգսյանը գիտի՞, որ 50 հազար մարդ, եթե ոտքի կանգնի եւ իրացնի իր իրավունքները, ի՞նչ վիճակում կարող են հայտնվել նախկին ու ներկա պաշտոնյաները, որոնք օրենքն իրենց սեփական շահերին են ծառայեցրել: Սրա շուրջ էլ թող ինքը մտածի:

- Նա իր խոսքում նշել էր, որ երկրի առջեւ լուրջ խնդիրներ կան: Մասնավորապես, նա առանձնացրել էր անվտանգության խնդիրը, Արցախի հարցը եւ նշել, որ նման իրավիճակում մարդկանց ոտքի հանելը միայն արկածախնդրություն է:

- Այս լոլոլն բոլոր ՀՀԿ-ականները թող փաթաթեն մի թղթում եւ պահեն իրենց դարակում: Արցախի եւ Հայաստանի անվտանգությունը վտանգված է այնքան ժամանակ, որքան իշխանության գլխին է գտնվում Սերժ Սարգսյանը եւ ՀՀԿ-ական կույտը:

- Պարոն Միրզոյան, իսկ որո՞նք են լինելու ձեր քայլերը, երբ փողոցներ փակելու համար ոստիկանությունը կսկսի ցուցարարներին բերման ենթարկել: Արդեն հայտարարել եք, որ բռնությանը բռնությամբ չենք պատասխանելու, կանգնելու եք նայեք, թե ինչպե՞ս են բերման ենթարկում:

- Մենք այս մասին շատ ենք խոսել: Միմյանց պահելու ենք եւ բռնությանը բռնությամբ չպատասխանելը չի նշանակում ոչինչ չանել: Նրանց նպատակը պետք է լինի մեզ տվյալ վայրից հեռացնելը, եթե տանում են եւ երեք ժամ պահում են քաղմասում, դրանից հետո այդ մարդը վերադառնում է նույն տեղը: Չստացվե՞ց, որ մենք մերն անում ենք ու հաղթում ենք: Այսինքն՝ հեռացնելը դառնում է անիմաստ, որքա՞ն պետք է մեզ հեռացնեն: Աշխարհում կան բազմաթիվ հաղթանակներ՝ այս պայքարի մեթոդաբանությամբ իրականացված եւ եթե ստանանք քաղաքացու աջակցությունը, անպայմանորեն հաղթելու ենք:

- Այսինքն, որքա՞ն մարդ պետք է լինի, որ մեկը մյուսին լրացնի՝ մինչեւ բերման ենթարկվածները հետ վերադառնան:

- Ես չեմ ուզում թվային որեւէ կանխատեսումներ անել: Որքան մարդ կորոշի, որ պետք է որպես քաղաքացի իր խոսքն ասի, այդքանն էլ դուրս կգա եւ իր գործողությունները կանի:

- Պարոն Միրզոյան, արդեն 3-րդ մարզի տարածքում եք: Տպավորությունն ինչպիսի՞ն է, մարդիկ ոտքի կանգնելու ցանկություն ունե՞ն:

- Դուք որոշ դրվագներ մեզ հետ քայլել եք եւ տեսնում եք, թե ինչպես են մարդիկ մեզ աջակցում: Կգա՞ն այդ մարդիկ Ազատության հրապարակ, թե՞ ոչ, ես չեմ կարող պատասխանել: Ես ուզում եմ բոլորին կոչ անել՝ դադարեցնեն հուսահատության քարոզը, դադարեցնել ասել, որ ոչ մեկ դուրս չի գա կամ դուրս գալուց հետո ոչ մի բան չի փոխվի: Աշխարհի բռնապետությունների պատմության մեջ ոչ Սերժ Սարգսյանն է ամենաամուր տղան, ոչ էլ իրենց ռեժիմն է ամուր: Այնպիսի բռնապետություններ են փլվել՝ քաղաքացիների կամքի ներքո:

- Իսկ կանխատեսումներ ունե՞ք՝ արդյո՞ք իշխանությունները կդիմեն բռնությունների՝ հաշվի առնելով մինչ այս նման նախաձեռնությունների ժամանակ նրանց կատարած քայլերը:

- Չեմ կարող ասել, բայց մենք ոչ մի առիթ չենք տալու եւ պարտադրելու ենք մեր, ժողովրդի կարծիքն՝ առանց բռնության: Եթե սրանից հետո նրանք կգնան բռնության, ուրեմն դա կառաջացնի ողջ աշխարհի ցասումը: Կլինի կոպտագույն խախտում, որն իրենք ի վիճակի չեն լինի մարսել, դրա համար պետք է, որ չգնան նման քայլերի:

Տպագրվել է «Հայկական ժամանակ» օրաթերթի ապրիլի 7-ի համարում:

Տպել
2275 դիտում

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի