Երևան
26 °C
Ապրիլի 9-ին լրանում է Սերժ Սարգսյանի պաշտոնավարման ժամկետը: Ապրիլի 9-ից սկսած նախագահի աշխատակազմի աշխատակիցներից ոմանք աշխատանքի չեն գնալու: Բաղրամյան 26 կգնան միայն առանձին վարչությունների աշխատակիցներ: Երեկ՝ ապրիլի 6-ին, նախագահական նստավայրում կադրերի վարչության ղեկավարի մասնակցությամբ 4-5 ժամանոց խորհրդակցություն է եղել: Համենայնդեպս, երեկ ամբողջ օրվա ընթացքում, երբ զանգահարում էինք նախագահականի կադրերի վարչություն, մեզ փոխանցում էին, թե պետը խիստ կարեւոր խորհրդակցության է: Միաժամանակ վարչության աշխատակիցներից մեկը մեր զրույցում ասաց, որ ինքը երկուշաբթի՝ ապրիլի 9-ին, ներկայանալու է աշխատանքի, որովհետեւ տոն չէ: Սրան զուգահեռ երեկ տխուր եւ անկումային մթնոլորտ էր նախագահականի Գործերի կառավարչությունում: Նախագահի աշխատակազմի Գործերի կառավարիչ Վարուժան Գրիգորյանը «Հայկական ժամանակ»-ի հետ զրույցում տեղեկացրեց, որ ինքը երկուշաբթի աշխատանքի չի գալու, որովհետեւ «վերեւից» ասել են՝ աշխատողները գնան տուն եւ սպասեն՝ մինչեւ զանգահարեն եւ կանչեն աշխատանքի:
- Պարոն Գրիգորյան, ապրիլի 9-ից նախագահի աշխատակազմն ի՞նչ է անելու:
- Մեզ ինչ ասեն, մենք դա պետք է անենք: Օրենսդրությունը, Սահմանադրությունը ոնց է նախատեսում:
- Նախագահի աշխատակազմը չգիտի՞ երկուշաբթի աշխատանքի գալու է, թե՝ ոչ:
- Աշխատակազմն ի՞նչ պետք է իմանա:
- Անձամբ դուք երկուշաբթի գնալո՞ւ եք աշխատանքի:
- Ոչ, չեմ գնալու:
- Ինչու՞:
- Որովհետեւ նախագահի լիազորությունները լրանում են, դրա համար էլ չեմ գնալու:
- Լուծարվու՞մ է աշխատակազմը:
- Երեւի, էլի:
- Այսինքն, մինչեւ ապրիլի 17-ը Բաղրամյան 26-ի դռները փա՞կ են լինելու:
- Ես չգիտեմ՝ փակ է լինելու, բայց է լինելու: Ես ինքս գործի չեմ գնալու:
- Իսկ ձեզ ո՞վ է ասել՝ երկուշաբթի աշխատանքի չգնալու մասին:
- Ոչ մեկ չի ասել, ես եմ որոշել:
- Դուք որոշել եք, որ աշխատանքի չե՞ք գնալու:
- Աշխատանք չկա, ու՞ր գնանք: Հետո, երբ որ աշխատանք կլինի, նոր հրաման կլինի, կասեն՝ կգնամ:
- Աշխատակիցներին չե՞ն ասել, թե ինչ պետք է անեն ապրիլի 9-ից 17-ը:
- Ասել են՝ կգնաք, ձեր տունը կնստեք, երբ նորից աշխատատեղ կլինի, կգնաք ձեր գործերին:
Նախագահի աշխատակազմի հասարակայնության եւ տեղեկատվության միջոցների հետ կապերի վարչությունից մեր այս հարցերին առաջարկեցին պատասխանել գրավոր տարբերակով: Միաժամանակ տեղեկացնենք, որ ապրիլի 9-ին երդմնակալության արարողությունից հետո ՀՀ չորրորդ նախագահ Արմեն Սարգսյանը չի գալու Բաղրամյան 26: Արմեն Սարգսյանի գրասենյակի պատասխանատու Հասմիկ Պետրոսյանը «Հայկական ժամանակ»-ի հարցին ի պատասխան տեղեկացրեց, որ Արմեն Սարգսյանը միջոցառումից հետո միանգամից գնալու է Մաշտոցի 47՝ կառավարության ընդունելությունների տուն, որտեղ գտնվում է նախագահի նոր նստավայրը:
Արմեն Սարգսյանի գրասենյակի պատասխանատուն տեղեկացրեց նաեւ, որ մինչեւ երդմնակալության արարողությունը նախատեսվում է Սերժ Սարգսյանի եւ Արմեն Սարգսյանի միջեւ հանդիպում: Սակայն հանդիպման օրը եւ ժամը դեռ հստակեցման փուլում է:
Ապրիլի 9-ին Սերժ Սարգսյանի պաշտոնավարման ժամկետի ավարտից հետո կառավարությունը հրաժարական է տալու եւ գործող վարչապետ Կարեն Կարապետյանը, որը ապրիլի 17-ից հետո, ամենայն հավանականությամբ, դառնալու է առաջին փոխվարչապետ այդ մեկ շաբաթում լինելու է վարչապետի ժամանակավոր պաշտոնակատար: Սակայն վարչապետի ժամանակավորն պաշտոնակատար Կարեն Կարապետյանն այդ մեկ շաբաթվա ընթացքում վարչապետին փոխարինելիս չի տեղափոխվելու Բաղրամյան 26-ում: Կարապետյանի մամուլի խոսնակ Արամ Արարատյան այս մասով հետեւյալ մեկնաբանությունը տվեց.
«Կարծում եմ, որ ներկայիս աշխատավայրում է աշխատանքի: Վարչապետի ընտրությունն ապրիլի 17-ին է, եւ նա մինչեւ այդ լինելու է պաշտոնակատար, տրամաբանությունը ո՞րն է, որ նա գնա Բաղրամյան 26: Նա շարունակելու է իր աշխատանքը որպես պաշտոնակատար եւ շարունակելու է իր ներկայիս աշխատավայրից»,- ասաց Կարեն Կարապետյանի մամուլի խոսնակը:
ՀՀԿ խմբակցության պատգամավոր, ԱԺ պետաիրավական հանձնաժողովի նախագահ Գեւորգ Կոստանյանն այս թեմայի շուրջ ՀԺ-ի հետ զրույցում ասել էր՝ եթե լրացավ Սերժ Սարգսյանի պաշտոնավարման ժամկետը, նա պետք է դուրս գա Բաղրամյան 26-ում գտնվող կառույցից:
«Ապրիլի 9-ից հետո նախագահի պաշտոնավարման ժամկետը լրանում է, հետեւաբար, դրանից բխող որեւէ գործողության հնարավորություն չկա»,- ասել էր Կոստանյանը:
Հարցին, թե ի՞նչ պետք է լինի այս շենքի կարգավիճակը մինչեւ վարչապետի ընտրությունը, եթե նախագահն այլ նաստավայր է ունենալու, հնարավո՞ր է ստացվի այնպես, որ պարզապես դռները փակեն եւ գնան, Գեւորգ Կոստանյանը նշել էր, որ դա Սահմանադրությամբ չի կարգավորվում:
Տպագրվել է «Հայկական ժամանակ» օրաթերթի ապրիլի 7-ի համարում:
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
«Դինամո»-ում «Թաեքվոնդոյի» մարզիչը հայհոյել է ֆեդերացիայի նախագահին, ապա՝ ծեծի ենթարկել
Հայաստանն ու Չինաստանը համագործակցում են միջազգային հարթակներում. Հակոբ Արշակյան
Վենետիկի արվեստի միջազգային 60-րդ բիենալեին Հայաստանը կներկայանա պաշտոնական տաղավարով
16-ամյա տղան դանակահարել է 43-ամյա ոչ սթափ տղամարդուն. ձերբակալելիս պատանու մոտ թմրամիջոց է հայտնաբերվել
Ադրբեջանն էթնիկ զտումներ է իրականացրել Լեռնային Ղարաբաղի հայերի նկատմամբ․ Ջուդի Չու
ԼՂ-ում տեղակայված ռուս-թուրքական համատեղ մշտադիտարկման կենտրոնն ավարտում է իր գործունեությունը
ՔԿ զինվորական քննչական գլխավոր վարչության չորրորդ կայազորային բաժինը նոր ղեկավար ունի
Հայ ժողովուրդը կրկին ոտքի կկանգնի, ինչպես դա արեց Ցեղասպանությունից հետո․ ԱՄՆ կոնգրեսական
«Լունապարկում» 1 տարեկան երեխան ընկել է ատրակցիոնից, ծնողը մեղադրում է, որ նրան չեն ամրակապել
Ռուսաստանը Հայաստանից հստակ արձագանք է ակնկալում. Զախարովա
ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ
«Ուշ ա». Լիլիթ Հովհաննիսյանն ու GASOIIA-ն ներկայացրել են տեսահոլովակի պրեմիերա
Խոշոր ավտովթար Կոտայքի մարզում. ուղևորը մահացել է, վարորդը՝ հոսպիտալացվել (լուսանկարներ)
Սամվել Վարդանյանը ճանաչվել է տուժող. վերջինիս բռնության ենթարկելու հաղորդման հիման վրա նախաձեռնվել է վարույթ
Մահվան ելքով վրաերթի հեղինակ դարձած և փախուստի դիմած վարորդը հայտնաբերվել է
Եղանակը կտաքանա ևս 2-3 աստիճանով. սպասվում է կարճատև անձրև և ամպրոպ
«Նուբարաշեն» ՔԿՀ տեսակցության եկած անձը մարիխուանայով փաթեթ է բերել
Մարդը, կոռուպցիայի ակունքին նստած, գնում ես, ժպտում են, ասում՝ ամեն ինչ նորմալ է, թող գնա մենք մեր գործն անենք. վարչապետ
Սիմոնյանն ու Լիտվայի վարչապետը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում
© 2024 Հայկական ժամանակ