Համակարգն ավելորդ անձերին դուրս է շպրտելու. Սերգեյ Բագրատյան

Նախօրեին ՀՀ վարչապետի պաշտոնակատար, ՀՀԿ առաջին փոխնախագահ Կարեն Կարապետյանն անդրադարձել էր Սերժ Սարգսյանի հետ շաբաթ օրն ունեցած հանդիպմանը՝ նշելով, որ որոշել են իրենց կուսակցական գործընկերներին առաջարկել այս ժամանակահատվածում ներկայիս կառավարման կոնֆիգուրացիան պահպանել, այսինքն, որպես առաջին դեմք ներկայացնել Սերժ Սարգսյանի թեկնածությունը:

Խորհրդարանական ուժերից ԵԼՔ դաշինքի մեջ մտնող Քաղաքացիական պայմանագիր կուսակցությունը եւ մի շարք արտախորհրդարանական ուժեր պայքարում են Սերժ Սարգսյանի հնարավոր վարչապետացումը կանխելու համար: Ծառուկյան խմբակցության հետագա քայլերն առայժմ պարզ չեն, մեզ հետ զրույցում խմբակցության մոտեցումը ներկայացրեց ԱԺ Ծառուկյան խմբակցության պատգամավոր Սերգեյ Բագրատյանը:

- Պարոն Բագրատյան, տարբեր քաղաքական ուժեր միավորվում են, որպեսզի իշխանության, մասնավորապես՝ Սերժ Սարգսյանի վարչապետացման դեմ պայքարեն, Ծառուկյան դաշինքն ի՞նչ է պատրաստվում անել:

- Ծառուկյան դաշինքն իր օրակարգով, իր ռազմավարությամբ, աշխատանքները կանոնակարգված առաջ է տարում, մենք բնականոն աշխատանքի մեջ ենք: Մենք ասել ենք, որ մեր խնդիրը համակարգային փոփոխություններն են: Համակարգային փոփոխությունները մենք տեսնում ենք այս օրենսդրական հնարավորություններն օգտագործելու միջոցով: Այսինքն՝ հիմա մենք ունեն Սահմանադրություն, ըստ որի՝ մենք անցել ենք արդեն խորհրդարանական կառավարման: Հետեւաբար, այդտեղ լուրջ օրենսդրական աշխատանք կա, որպեսզի մենք հակակշիռների եւ զսպումների մեխանիզմները կարողանանք ստանալ, եւ որպեսզի մենք դուրս չգանք այս ռեժիմից, եւ հնարավորություն չտանք, որպեսզի իշխանությունն իր միակողմանի օրենսդրական նախաձեռնություններով միայն սպասարկի իր համակարգերը: Մենք պարտավոր ենք աշխատել ամենօրյա աշխատանքային ռեժիմով, եւ կարողանալ պարտադրել հակակշիռները: Եթե մենք այդտեղ դժվարություններ կունենանք, իհարկե, նաեւ հանրային հարթակներ կստեղծենք, կդիմենք հանրությանը, որպեսզի մեզ օգնեն, որպեսզի կարողանանք այդ զսպումները տեղադրել` օրենքի տեսքով:

- Իսկ փողոցային պայքարի միանալ պատրաստվո՞ւմ եք, թե՞ ոչ:

- Այս պահին փողոցային պայքարի խնդիր, որպես այդպիսին, հանրային ընկալման մեջ մենք չենք տեսնում` պատրաստվածություն չկա: Նախ, պետք է իրազեկել, պետք է քաղաքացիների մոտ ընդհանուր նպատակ ձեւավորել, նոր կարողանալ նաեւ այդ ճանապարհը փորձել: Բայց այս պահին հանրությունը կարծես թմբիրի մեջ լինի, եւ դեռ պատրաստ չի ակտիվ քաղաքական գործընթացների մասնակցել:

- Կարեն Կարապետյանն իր անունից հայտարարել է, որ պատրաստվում են Սերժ Սարգսյանին առաջադրել որպես վարչապետի թեկնածու, Ծառուկյան դաշինքն ի՞նչ-որ որոշում կայացրել է այդ հարցով:

- Մենք այս պահին որեւէ քննարկում այդ հարցով չենք արել, քանի որ չկա թեկնածու: Ճիշտ է, ձեր ասած ելույթը ես ինքս լսել եմ, նայել եմ, ենթադրում եմ, որ այդպես կլինի, բայց մենք գիտենք, որ քաղաքականությունը ենթադրության արվեստ չէ, այլ հնարավորի արվեստ է, այնպես որ տեսնենք՝ ինչպես կլինի:

- Սերժ Սարգսյանին, որպես քաղաքական կերպար ճանաչելով, կցանկանա՞ք դառնա վարչապետ, թե՞ ոչ:

- Հիմա ցանկությունների դաշտում չքննարկենք, իմ համար կարեւորը, եթե համակարգի իմ ասած ձեւով, մեր ասած զսպումները եւ հակակշիռները տեղադրվեն եւ ճիշտ աշխատի, որեւէ մարդ, որեւէ խնդիր չի կարող առաջացնել այդ դեպքում: Այսինքն, նույնիսկ, եթե մենք այս պահին կառավարման համակարգը դիտարկենք ոչ լիարժեք, բնականաբար, անձերի դերը կա, երբ որ մենք կբերենք իրական կառավարման համակարգի, իրական մեխանիզմը կաշխատի: Բազմաթիվ երկրներում մենք տեսնում ենք դա, Գերմանիայում Մերկելը կլինի, թե մեկ ուրիշը, գերմանական արդյունաբերությունը եւ գերմանական կառավարման համակարգը իր ռեժիմով աշխատելու է՝ անկախ անձերից: Այսինքն, մենք պետք է այդ օրինակն ունենանք եւ այդ ուղղությամբ գնանք, ես այդպես եմ տեսնում:

- Հնարավո՞ր է առանց անձերին փոխելու, առանց իշխանությունը փոխելու հասնել նման արդյունքի, որ իշխանության ձեւը այդպես փոխվի:

- Համակարգը ինքն է թելադրում կադրեր, եթե մենք մի տեղ ենք աշխատում եւ չենք հասկանում այդ աշխատանքի բնույթը, գործառույթները եւ այլն, դա բոլորն են տեսնելու, եւ այդ դեպքում կամ քեզ կհանեն, կամ մեխանիկորեն դուրս կմնաս: Եթե մեզ հիմա բերեն էլեկտրոմոբիլ, եւ մենք ուզենանք վարել` չենք կարողանալու, որովհետեւ չգիտենք՝ դա ինչ է: Հետեւաբար՝ կգա այն վարորդը, որը գիտի էլեկտրոմոբիլ վարել, տեխնիկապես պատկերացնում է եւ տիրապետում է: Նույնը կառավարման համակարգն է, համակարգն ինքն ավելորդ անձերին դուրս է շպրտելու:

- Քաղաքացիական ուժեր կան, որ կարծում են Գագիկ Ծառուկյանը միայն այն ժամանակ կմիանա ժողովրդին, երբ Սերժ Սարգսյանի իշխանությունը տապալվելուց լինի արդեն, այդպե՞ս է:

- Լուրջ ձեւակերպում չի եւ քաղաքագիտական ձեւակերպում չի:

Նիկոլայ Ավետիսյան

Տպել
1502 դիտում

Քննարկվել է Ադրբեջանի կողմից հրադադարի ռեժիմի կոպիտ խախտման դեպքը. ԱՀ ԱԳՆ նախարար Մ. Մայիլյանը հանդիպել է Ա. Կասպշիկին

Երբ մարդ 16 տարի ֆուտբոլում է, ազդեցություն կարող է ունենալ. Մելիքբեկյանը՝ Ռուբեն Հայրապետյանի եւ այլ թեմաների մասին

Կամավոր հանձնել են «Մակարովի» նմանվող ատրճանակ, «Կալաշնիկով» ինքնաձիգ, պայթուցիչներով երկու նռնակ (տեսանյութ)

Ոստիկանությունը հորդորում է պահպանել համակեցության կաննոնները. օրենքով արգելվում է գիշերային ժամերին խախտել լռությունը

«Միակ խորհրդարանը, որ կրնայ սպիացնել հայ ժողովուրդին վէրքը՝ Թուրքիոյ խորհրդարանն է». Կարո Փայլան

Արցախում նոյեմբերին նվազել է ներմուծվող ապրանքների ծավալը, աճել՝ արտահանումը

ՊԵԿ-ը հորդորում է Նորագավիթում արագ ավարտել ձեւակերպումները, մեքենաները հանել մաքսային հսկողության տարածքից

Վերջին մեկուկես տարիների ընթացքում Հայաստանի և Ռուսաստանի ղեկավարները հանդիպել են 6 անգամ. Վլադիմիր Կարապետյան

Գրիբոյեդովի արձանը ներկելու փաստով նշանակվել է փորձաքննություն

Դերասան Հովհաննես Դավթյանը Նոր տարին Հրապարակում չի դիմավորելու

Նորքի զինված խմբի գործով այսօր հարցաքննվեց Հանրային հեռուստաընկերության 4 աշխատակից

Ապրիլյան պատերազմի մասնակիցների ուսման վարձի փոխհատուցումն ուշանում է, բայց կլինի. միգուցե նաեւ զեղչերը մեծացվեն

Ոստիկանության մայորը ապօրինի կերպով երկարաձգել է զենքերը պահելու և կրելու թույլտվության ժամկետները. (տեսանյութ)

ԿԳՄՍ փոխնախարար Գեւորգ Լոռեցյանին կալանավորելու որոշումը բողոքարկվել է Վերաքննիչ դատարան

Երիտասարդներն ապրում են անծանոթ տարեցի տանն ու խնամում նրան. կառավարությունը օրենքով կկարգավորի այս հարաբերությունները

ԱՀ նախագահ Բակո Սահակյանը խորհրդակցություն է անցկացրել Թալիշ գյուղում

ՏԿԵ նախարար Սուրեն Պապիկյանը Ժնևում կմասնակցի «Փախստականների գլոբալ ֆորումին»

ԱՄՆ դեսպանին Թուրքիայի ԱԳՆ են կանչել Հայոց ցեղասպանության մասին բանաձեւի կապակցությամբ

Դեղարտադրողները գոհ են նախարարության հետ համատեղ աշխատանքի ձեւաչափից

Արտակ Քամալյանը Մոսկվայում մասնակցել է ԱՊՀ ագրոարդյունաբերական համալիրի հարցերով միջկառավարական խորհրդի նիստին