Պարտադիր պիտի գնամ #ԻմՔայլը շարժմանը, գնամ հասկանամ՝ ումից ինչ ենք պահանջում. Ե. Բորիսենկո

Դերասանուհի Ելենա Բորիսենկոն այն հայտնիներից է, որը բազմիցս մասնակցել է Հայաստանում տեղի ունեցող քաղաքական ու քաղաքացիական ակցիաներին ու մշտապես կանգնել քաղաքացիների կողքին: Նա «Էլեկտրիկ Երեւան»-ի ժամանակ էլ աչքի ընկավ իր ակտիվությամբ:

Այսօր «ՀԺ»-ի հետ զրույցում դերասանուհին ասաց, որ անպայման մասնակցելու է «Քաղաքացիական պայմանագրի» կողմից իրականացվող #ԻմՔայլը շարժմանը եւ այսօր երեկոյան, ժամը 18.30-ին գնալու է Ազատության հրապարակ, որտեղ մեկնարկելու են շուրջօրյա հանրահավաքները: «Պարզապես չեմ կարող անտարբեր անցնել: Պարտադիր պիտի գնամ, գնամ հասկանամ, թե ինչ է կատարվում, ումից ինչ ենք պահանջում, ինչ մասսա է հավաքվում, ովքեր են, դրանից էլ է շատ բան կախված: Չնայած ինչքան էլ ցավալի է՝ պիտի ասեմ, որ հիմա շատ հուսահատված եմ եւ հավատս կորցրած: Ամենավատն այն է, որ տեսնում ես անարդարություն եւ հասականում, որ դրա դեմ անզոր ես»,- ասաց Ելենա Բորիսենկոն:

Խոսելով Սերժ Սարգսյանի վարած քաղաքականության եւ նրա նախագահության 10 տարիներին Հայաստանում տիրող իրավիճակի մասին՝ ասաց. «Ինձ համար ոչ մի նախագահն էլ լավը չի եղել, այնպես չէ, որ միայն ինքն է վատը, մեր ընտրած նախագահներից ոչ մեկն էլ նախագահ չի եղել: Նույնիսկ Լեւոն Տեր- Պետրոսյանի ժամանակ, երբ բոլորը Լեւոն էին ընտրում՝ ես իրեն չեմ ընտրել, բայց դա կարող եմ ասել, որ միակ դեպքն էր, երբ հայ ժողովուրդն անկախ ու թափանցիկ ձեւով ընտրություն կատարեց»,- ասաց դերասանուհին: Նա ցավ հայտնեց, որ օրեցօր ամեն ինչ դեպի վատն է գնում եւ ոչ մի դրական փոփոխություն չկա. «Մարդիկ այստեղ վատ են ապրում, հուսահատ են, դադարել են ինչ-որ բանի հավատալ, եթե երեկ 10 հոգի էր ուզում գնալ երկրից, ապա այսօր 90 հոգի, ինչը սարսափելի է»:

Ելենա Բորիսենկոն նշեց, որ խիստ դեմ է այն արտահայտությանը, երբ ասում են, որ մեկ է՝ բան չի փոխվելու, սակայն ասաց, որ քանի գնում՝ իր մոտ էլ է այդ կարծիքը ձեւավորվում: Վերջինս պատմեց, որ մի քանի օր առաջ հայտնի մարդկանցից մեկի (անուն չցանկացավ նշել) երեկոյին էր ներկա եւ այնտեղ կային բարձրաստիճան պետական այրեր, որոնք բոլորը մեծ-մեծ խոսելուց եւ կեղծ ժպիտներ փոխանակելուց հետո, հերթով դուրս եկան եւ սկսեցին իրար մեջ ամեն ինչից բողոքել:

Աղունիկ Հովհաննիսյան

Տպել
3204 դիտում

Սոչիում կայծակը հարվածել է ինքնաթիռին վայրէջքի ժամանակ

Նորատուս գյուղի ռեստորանի շոգեբաղնիքը հրդեհվելու հետեւանքով մոխրացել է

Հայաստանի մեծ մասում ձյուն է տեղում, Շիրակի մարզի մի շարք հատվածներում բուք է, Լարսի ճանապարհը՝ փակ

Սյունիքի մարզում Իրանի քաղաքացին իր մեքենայով ընկել է ձորը. նա հոսպիտալացվել է

Թուրք մասնագետները կմեկնեն Ադրբեջան՝ S-300-ներն ուսումնասիրելու համար

73-ամյա Ժորայի ջերմոցում ոստիկանները հայտնաբերել են ավելի քան 12 կիլոգրամ կանեփ

ՀՀ և Վրաստանի վարչապետները Ենոքավանում ոչ ֆորմալ հանդիպում են ունեցել (լուսանկարներ)

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

Վարչապետին է ներկայացվել Ենոքավանի զարգացման ռազմավարությունը. զբոսաշրջիկների թիվը կհասնի 250 հազարի

Այսօր ու առաջիկա օրերին սպասվում է ձյուն եւ անձրեւ, քամու ուժգնացում, ջերմաստիճանի անկում

Աննա Հակոբյանի պաշտոնական կայքէջը պատրաստ է, մարտի 26-ից կսկսի գործել

Մասիսում մեքենա է այրվել. 12-ամյա երեխան այրվածքներով հոսպիտալացվել է ծայրահեղ ծանր վիճակում

Լոռու կրակոցները տեղի էին ունեցել Շիրակամուտի դաշտում. ոստիկանությունը փնտրում է դեպքի մասնակիցներին

Հայկական կողմն ինտենսիվ աշխատում է Կարեն Ղազարյանին վերադարձնելու ուղղությամբ. նախարարը՝ գերեվարվածի հորը

Հանրապետության մի շարք ավտոճանապարհներին ձյուն է տեղում, Աշոցքում բուք է

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 հոգի հիվանդանոցում են, այդ թվում՝ նախկին ու ներկա գյուղապետերը

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին