Ինձ համար կես ժամվա գործ է սահմանից ցույցերը դադարեցնելու կոչեր ստանալը. Վիգեն Սարգսյան

Այսօր Պաշտպանության նախարարությունում նախարար Վիգեն Սարգսյանի մամուլի ասուլիսն էր: Սարգսյանը անդրադարձավ վերջին օրերին հանրապետությունում իրականցվող բողոքի ցույցերին:

«Դպրոցական տարիքի երեխաների ներգրավվածությունը ցույցերին բացարձակ պետք է տարբերակել ուսանողներից, ես հենց դպրոցական տարիքի երեխաներին նկատի ունեմ, անչափահասներին նկատի ունեմ: Դրա մեջ տեսնում եմ երկու-երեք մակարդակի խնդիր` առաջինը զուտ ֆիզիկական անվտանգության խնդիրն է: Այս ակցիաներն անցնում են փողոցների երթևեկելի հատվածներով եւ յուրաքանչյուր վայրկյան մտքում նաև աղոթում եմ, որ որեւէ մեկի նյարդերը տեղի չտան եւ ոտքն արգելակի փոխարեն գազին չսեղմի: Այս օրերին շատ ենք տեսնում, երբ երեխաներին կանգնեցնում են տեսախցիկի առջեւ, բեմահարթակին եւ շատ ոգևորությամբ ընդունում, երբ մանկահասակ երեխան փորձում է զուգահեռներ անցկացնել միտինգի առաջնորդների ու Մոնթե Մելքոնյանի միջեւ` ոչ Մոնթե Մելքոնյանին առանձնապես գիտի, ոչ էլ կարող է լիարժեք գնահատել այդ առաջնորդին»,- ասաց Սարգսյանը:

Անդրադառնալով Սերժ Սարգսյանի եւ Նիկոլ Փաշինյանի երեկվա երկխոսության ընթացքում Սերժ Սարգսյանի այն հայտարարությանը, որ Փաշինյանը Մարտի 1-ից դասեր չի քաղել, Վիգեն Սարգսյանն ասաց. «Այս հայտարարության հետ կապված ՀՀ վարչապետի մամուլի խոսնակը մանրամասն պարզաբանում է տվել եւ կարծում եմ` դուք չեք ակնկալում, որ ես այլ պարզաբանում եմ տալու: Ես կարող եմ ընդամենը կրկնել, որ դա որեւէ կերպ սպառնալիք չի կարող եւ չպետք է դիտվի: Դա դիտվում էր որպես նախազգուշացում, որ նման իրադարձությունները կարող են բերել լարվածության, որը որեւէ մեկին անհրաժեշտ չի: Ես կարծում եմ, որ բուն բանակցությունների փաստը, չնայած բոլոր ձեւաչափերին, որոնք ակնհայտորեն միտված էին նրան, որ բանակցությունները չկայանան, ցույց է տալիս վարչապետի տրամադրվածությունը` այդ երկխոսությունը տանելու»,- պատասխանեց Սարգսյանը:

Վիգեն Սարգսյանը, անդրադառնալով բանակի ներգրավվածությանը տեղի ունեցող իրադարձություններին նշել է. «Ինչ վերաբերում է բանակի ներգրավվածությանը, մեր հասարակությունը պետք է վստահ լինի, որ մեր օրենսդրությունը շատ մանրամասն կարգավորում է այն եզրագիծը, որտեղ Զինված ուժերը կարող են ներգրավվել եւ ինչպես կարող են ներգրավվել նման իրավիճակների ժամանակ: Դա միմիայն արտակարգ դրության ռեժիմի պարագայում եւ շատ հստակ առանձին գործառույթներ կատարելու համար լրացուցիչ ուժի օգտագործման ձեւ է, բայց ոչ ֆիզիկական ուժի, այլ ուժի, որն անհրաժեշտ է պահպանելու համար համապատասխան ռեժիմի պայմանները: Իմ եւ նաեւ վստահ եմ` մեր բոլոր հայրենակիցների ակնկալիքն է, որ դրա կարիքը, այսինքն` արտակարգ դրության ռեժիմի կարիք չպետք է լինի` ոչ հիմա, ոչ հետագայում, բայց օրենսդրությունը գրում է, որ ինչ-որ մի պահի դրա անհրաժեշտությունը կարող է առաջանալ»,- ասաց նախարարը:

Երեկ ՊԲ-ն տեսանյութ էր տարածել շփման գծում հակառակորդի կենդանի ուժի եւ զինտեխնիկայի տեղաշարժերի ու կուտակումների մասին, այդ հարցի հետ կապված հասարակության մեջ կասկածներ էին առաջացել, որ դա հին տեսագրություն կարող է լինել: Սարգսյանը, անդրադառնալով դրան, ասաց. «Հուսով եմ` որեւէ մեկի մտքով չի անցնում, որ դա կարող էր կեղծված վիդեոնյութ լիներ, հուսով եմ` հասկանում եք, որ շատ օբյեկտիվ ու հասկանալի ձեւով, իրոք, հակառակորդը յուրաքանչյուր վայրկյան հետեւում է մեզ մոտ տեղի ունեցած զարգացումներին»,- ասաց Վիգեն Սարգսյանն` ընդգծելով.

«Նեղ մասնագիտական գիտելիքներ պետք չի ունենալ՝ հասկանալու համար, որ առկա մարտահրավերների պարագայում, հակառակորդի` իր առջեւ դրած խնդիրների տեսանկյունից, մեր ներքին անկայունությունն ուղիղ ճանապարհ է հարթում նրանց կողմից գործողություններ անելուն: Ես չեմ կարծում, որ մեր հայտարարությունն այդ առումով նոր բացահայտում էր, բայց մենք պարտավոր էինք, որպես պետական կառավարման մարմին, հիշեցնել այդ խնդրի մասին»,- ասաց Վիգեն Սարգսյանը:

Նրա խոսքով` սահմանային իրավիճակի մասին բարձրաձայնումը նպատակ չուներ կանխել կամ փոխել որեւէ մեկի ինքնուրույն որոշում կայացնելու իրավունքը: «Բայց դա նաեւ չի փոխում մեր պարտավորությունը ցանկացած պարագայում` նույնիսկ, եթե ամենածայրահեղ վիճակը լինի ներսում, շարունակել կատարել մեր պարտքը սահմանի վրա»,- ասաց պաշտպանության նախարարը:

Խոսելով ոստիկանների գործողությունների մասին՝ ՀՀ պաշտպանության նախարարն ասաց, թե այն, ինչ հիմա կասի, կարող է շատ մարդկանց մոտ որոշակի արձագանք առաջացնել: «Ցանկացած մասսայական հավաքի ժամանակ, ես տեսել եմ ամենատարբեր երկրներում, ոստիկանության գործողությունները միշտ կարող են ուժի կիրառման համաչափության կամ անհրաժեշտության եզրին գտնվել»,- ասաց Սարգսյանը:

Սարգսյանը ընդգծեց, որ ոստիկանները՝ շատ լուրջ վտանգելով իրենց, ծառայում են յուրաքանչյուր վայրկյան ծառայում են հանրային կարգը պահպանելու համար: Վիգեն Սարգսյանը նշեց, որ ամենաահավորն այս իրավիճակում միավորներ հավաքելու ցանկությունն է: «Այդ առումով երեկ, օրինակ, ինձ  հետաքրքրեց հրապարակում միջոցառումը վարող տղաների ձգտումը՝ չթողնել քաղաքական գործիչներին օգտագործել հարթակը, դա արդեն մի բան արժեր ինքն իրենով` անկախ նրանից, թե ինչքան ես համաձայն չեմ իրենց բարձրացրած հարցերի հետ», - ասաց նախարարը:

Վիգեն Սարգսյանը հայտարարեց, որ երեկ Հանրապետության հրապարակում ելույթ ունեցած տղան ապրիլյան պատերազմի մասնակից չէր: Սարգսյանը նշեց, որ մարտական հերթապահություն իրականացնող զորամասում է ծառայել այդ զինվորը, բայց ապրիլյան պատերազմի ժամանակ առաջնագծում չի եղել: Սարգսյանն ասաց, որ իր համար կես ժամվա գործ է՝ սահմանից հազարավոր նամակներ ստանալ, որոնք կոչ են անում դադարեցնել Երեւան քաղաքի ցույցերը, քանի որ դա վտանգավոր է առաջնագծի համար: Սարգսյանը հայտարարեց, թե եթե այդ խաղն են ուզում խաղալ, դա անհամարժեք խաղ է:

Տպել
5878 դիտում

Ժաննա Անդրեասյանը՝ դպրոցներում երկարօրյա ծառայությունների մասին

Հայաստանի տարածքում նամակի առաքումը 70 դրամից հասել է 230-ի. միջազգային առաքման սակագներն առավել սարսափեցնող են

Նորամարգ համայնքում ֆուտբոլի դաշտ է կառուցվել

Տարիների թշնամանքից հետո Իրանն ու Սաուդյան Արաբիան բանակցություններ են սկսել. հաշտեցման 2 պատճառ ունեն

Գեղանիստում խաչքար է կանգնեցվել պատերազմում հերոսացած տղաների հիշատակին

ՊՆ-ում նշվել է պաշտպանության կոմիտեի կազմավորման 30-ամյակը (լուսանկարներ)

Կարեն Կիրակոսյանն ընդգրկվել է ՊՆ զինծառայողների բնակարանային ապահովման հերթացուցակում․ ՄԻՊ (տեսանյութ)

Ես ափսոսում եմ, որ մենք էդ շարժման մեջ էինք. էլ ՀԱԿ չկա, Լեւոն Տեր-Պետրոսյանը թաղեց. ՀԺԿ քարտուղար

Շիրակի մարզում կորոնավիրուսի դեմ արդեն պատվաստվել է 807 քաղաքացի

«Օրենքով գող» Շահումյանցի Ժիրոյին մեղադրանք է առաջադրվել. նրան կալանավորելու միջնորդություն է ներկայացվել դատարան

Խաղաղապահ զորախումբը վերադարձել է Հայաստան

Այսօր ձերբակալված «օրենքով գողը» Շահումյանցի Ժիրոն է. գործով անցնում է նաև Կիլիկիացի Հարութիկը

Անահիտ Ավանեսյանն աշխատանքային այցով եղել է Տավուշի մարզում

ԱԺ-ն մայիսի 10-ին արտահերթ նիստ կգումարի. օրակարգում վարչապետի ընտրությունն է

Պարգևատրվել են ՊՆ ռազմական ոստիկանության մի խումբ աշխատակիցներ

Լուրերը, թե նախագահը հովանավորում է տարբեր ուժերի և կոչ է անում բոյկոտել ընտրությունները, կեղծ են․ նախագահի աշխատակազմ

ՀՀ զինված ուժերի գլխավոր շտաբի պետն այցելել է զորամասեր

Ուխտավորի երկյուղածությամբ կմոտենանք այս անկյանը. Գյումրու 2-րդ դպրոցում բացվեց նահատակված հերոս աշակերտների անկյուն

Մեքենայում վիճաբանելուց հետո 36-ամյա կինը ատրճանակից կրակոցներ է արձակել․ Shamshyan.com

Մանկապարտեզները 100 տոկոսով պատրաստ են ընդունելու երեխաներին. Հակոբ Կարապետյան

Ալենն իր կյանքում միշտ էր պատերազմում ու պայքարում, բայց՝ գրքով ու գրչով. պայքարող Ալենի մասին գիրք է հրատարակվել

Ժամանակավոր դադարեցվում է Ցեֆտոնուս դեղափոշի ներարկման լուծույթի շրջանառությունը

Ավտոմեքենաների համարանիշների հափշտակությունը կքրեականացվի. միայն Երեւանում արձանագրվել է 306 դեպք

Հանվել է երկարօրյա ծառայությունների եւ արտաուսումնական խմբակների կազմակերպման արգելքը, բայց սահմանվել են նոր կանոններ

Անահիտ Ավանեսյանն ընդունել է Չինաստանի դեսպան Ֆան Յունին․ կողմերն անդրադարձել են պատվաստումային գործընթացին

Աննա Հակոբյանը և Լենա Նազարյանը ներկա են գտնվել Վանաձորի N25 հիմնական դպրոցի նորոգված մարզադահլիճի բացման արարողությանը

Դժվար է լինելու, բայց ոչ անհնարին. հունահռոմեականների վիճակահանությունը օլիմպիական վարկանիշային մրցաշարում

Տեր-Պետրոսյանի հրապարակած հայտարարության տեքստը Սարգսյանը տեսնում է առաջին անգամ․ Սերժ Սարգսյանի գրասենյակի արձագանքը

ԱԺ-ն երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը

Կորոնավիրուսային հիվանդության դեմ պատվաստումների շեմն անցել է 10 հազարը

Հայաստանի տարբեր մարզերում ընթանում են ճանապարհների բարեկարգման աշխատանքներ (տեսանյութ)

Գերիների ազատ արձակման հարցում ուժեղացող միջազգային ճնշման ներքո Ադրբեջանը փորձում է առաջ քաշել կեղծ օրակարգեր․ ԱԳՆ

Ստեփանակերտ-Ասկերան ճանապարհին ավտոմեքենան գլորվել է և հայտնվել Կարկառ գետում․ վարորդը մահացել է

Արմեն Սարգսյանը մայիսի 8-ից կգտնվի կարճատեւ արձակուրդում, որը կանցկացնի Մոսկվայում

«Նախապես ասեմ՝ մերժելու ենք...». Նիկոլ Փաշինյանի խորհրդականի հումորային արձագանքը՝ Տեր-Պետրոսյանի առաջարկների շարքին

Մոդուլային դպրոցներ կկառուցվեն Մեդովկա և Հագվի համայնքներում, նաեւ մոդուլային մանկապարտեզ՝ Սպիտակ համայնքում

Վահրամ Դումանյանը Շուշիի Ղազանչեցոց մայր տաճարի վերաբերյալ նամակ է հղել ՅՈՒՆԵՍԿՕ-ի գլխավոր տնօրենին

Լեւոն Տեր-Պետրոսյանը օրեր առաջ հանդիպել է Սերժ Սարգսյանին եւ առաջարկել ՀԱԿ-ՀՀԿ դաշինք ստեղծել

Ոչ նախկիններին ենք սպասարկել, ոչ ներկաներին ենք սպասարկում, ոչ էլ ապագաներին ենք սպասարկելու. Վազգեն Ռշտունի

Գեղամ Հովեյանը ընտրվեց Հաշվեքննիչ պալատի անդամ