Երևան
19 °C
Այսօր սպասվում է ՀՀ վարչապետի պաշտոնակատար Կարեն Կարապետյանի եւ համաժողովրդական շարժման նախաձեռնող Նիկոլ Փաշինյանի հանդիպումը: Օրակարգում ՀՀԿ-ի կողմից իշխանության անցնցում փոխանցումն է ժողովրդին: Քաղաքագետ Արմեն Բաղդասարյանը կարծում է, որ ՀՀԿ-ն այլ ելք չունի ստեղծված իրավիճակի համատեքստում եւ տրամաբանական է, որ նրանք լուռ հեռանան իշխանությունից:
ՀԺ-ի հարցազրույցը Արմեն Բաղդասարյանի հետ՝ ստորեւ.
- Պարոն Բաղդասարյան, Նիկոլ Փաշինյանին հաջողվեց ոտքի հանել հարյուր հազարավոր քաղաքացիների, որի արդյունքում Սերժ Սարգսյանը հրաժարական տվեց: Սպասելի՞ էր նման վերջաբան:
- Ինձ համար այս վերջաբանը սպասելի չէր: Ես սպասում էի տեւական պայքարի, չէի սպասում, որ այսքան կարճ կտեւի: Ես կարծում էի, որ շարժում կսկսվի, կամաց-կամաց կհզորանա եւ 2022 թվականին նոր հաջողության կհասնի: Մարդկանց թվացյալ հուսահատությունն էր պատճառը, որ չէինք մտածում նման վերջաբանի մասին, բայց որեւէ մեկը չէր կանխատեսել Սերժ Սարգսյանի նկատմամբ այս ատելության, անհանդուրժողականության ծավալները: Եվ հետո, առաջին անգամ էր անկախ պետության մեջ, որ անձը, կոպտորեն խախտելով բոլոր օրենքները, ցանկանում էր 3-րդ անգամ ղեկավարել: Սա էր, որ լցրեց ժողովրդի համբերության բաժակը եւ, իհարկե շատ գրագետ կազմակերպված պայքարը՝ թավշյա հեղափոխության սկզբունքով: Նիկոլ Փաշինյանը իշխանություններին առիթ չտվեց անհամաչափ ուժ կիրառել:
- Սերժ Սարգսյանը հրաժարականի նախորդ օրը՝ ապրիլի 22-ին, երբ հանդիպեց Փաշինյանի հետ եւ լսեց իր հրաժարականի պահանջը, քմծիծաղ տվեց, ապա հայտարարեց, որ սա ուլտիմատում է օրինական իշխանությանն ու պետությանը, իսկ հաջորդ օրը հրաժարական տվեց: Ըստ ձեզ՝ այս երկու գործողությունները միմյանց չե՞ն հակասում եւ ի՞նչը փոխեց Սերժ Սարգսյանի դիրքորոշումը մեկ օրում:
- Ես կարծում եմ, որ Նիկոլ Փաշինյանը շատ ճիշտ բացատրեց, ասաց, որ Սերժ Սարգսյանն ադեկվատ չի պատկերացնում իրավիճակը: Սերժ Սարգսյանը հույս ուներ, որ Նիկոլ Փաշինյանին ձերբակալելուց հետո շարժումը կմարի, բայց դրանից հետո շարժումն ավելի հզորացավ: Սերժ Սարգսյանը տեսավ, որ նույնիսկ ուժ կիրառելը որեւէ իրավիճակ չի փոխի, այլ իր հետագա ճակատագիրը կբարդացնի: Նա հրաժարական տվեց ոչ թե, որ բարի էր եւ չէր ուզում ուժ կիրառել, այլ որովհետեւ վախեցավ: Նա մի օրվա ընթացքում տեսավ համաժողովրդական շարժման հզորությունը եւ իր համար ամենաթեթեւ լուծումը գտավ:
- Նա իր հրաժարականի հայտարարության մեջ նշել էր. «Ստեղծված իրավիճակն ունի մի քանի լուծում, բայց դրանցից ոչ մեկին ես չեմ գնա։ Դա իմը չէ»: Ըստ ձեզ՝ որոնք էին այդ լուծումները, որին նա չգնաց:
- Ենթադրում եմ, որ նկատի ուներ ուժի կիրառումը՝ ժողովրդի վրա կրակելը: Նա հասկացավ, որ ոչ մի բան չի կարող իրեն փրկի այդ իրավիճակում: Եթե կրակոցներ լինեին, ապա այդ հարյուր հազարները վերածվելու էին 2-3 միլիոնի: Դժվար է ասել՝ նա այդ իրավիճակում ողջ կմնար, թե՞ ոչ:
- Պարոն Բաղդասարյան, ստեղծված իրավիճակում ինչպիսի՞ լուծում եք տեսնում: ՀՀԿ-ն կշարունակի՞ իշխանության փոխանցման անցնցում գործընթացը, թե՞ ոչ:
- Ամեն ինչ հստակ կլինի Կարեն Կարապետյանի հետ բանակցություններից: Տրամաբանական կլինի, որ ՀՀԿ-ն անցնցում իշխանությունը հանձնի ժողովրդին՝ այն օրակարգով, որը Նիկոլ Փաշինյանը բարձրաձայնել է: Կարեն Կարապետյանն ասաց, որ օրակարգը բաց է, կարող են քննարկել այլ հարցեր, բայց տրամաբանական կլինի Նիկոլ Փաշինյանի օրակարգով շարժվելը: Այն լիովին համապատասխանում է գործընթացների տրամաբանությանը:
- Նիկոլ Փաշինյանն ասում է, որ պետք է ժամանակավոր կառավարության ղեկավար ընտրվի ժողովրդի թեկնածուն: ՀՀԿ-ն դիտավորյալ երկու անգամ կձախողի՞ ընտրությունները, թե՞ ի վերջո, հաշվի առնելով պայքարի դուրս եկածների թիվը, որ զիջումների գնա:
- Արտահերթ խորհրդարանական ընտրությունների կազմակերպումը լավագույն ճանապարհն է: Պայմանով, որ կկարողանա վերջնականապես այս երկրում արդար ընտրություններ անցկացնել: Եթե դա տեղի չունենա, ապա ոչ մի ընտրություն իմաստ չի ունենա: Դրա համար պետք է, որ վարչապետի պաշտոնը զբաղեցնի ժողովրդի ընտրյալը, որպեսզի նա կարողանա նորմալ ընտրություններ կազմակերպի: Ժողովրդի թեկնածուն էլ բնականաբար կարող է լինել Նիկոլ Փաշինյանը: Այլ թեկնածուի մասին խոսելը տրամաբանությունից զուրկ կլիներ, որովհետեւ այդ մարդը, ըստ էության, մեն-մենակ կարողացավ Սերժ Սարգսյանին հեռացնել իշխանությունից եւ հարյուր հազարավոր մարդիկ վարչապետ տեսնում են Նիկոլ Փաշինյանին: Անիմաստ է այս ընթացքում ժողովրդական այլ թեկնածուի քննարկել:
- Եթե ընտրվի ժողովրդի թեկնածուն, ապա նա, խորհրդարանում չունենալով մեծամասնություն, կկարողանա՞ արդյունավետ աշխատել:
- Մինչեւ նոր ընտրություններ կկարողան, իսկ ընտրություններից հետո կարծում եմ, որ պետք է լինի համագործակցություն այլ ուժերի հետ: Դա կարող է լինել Ծառուկյան դաշինը կամ այլ քաղաքական ուժ, սա կախված կլինի ընտրությունների արդյունքների հետ:
- Եթե հնարավոր չլինի հարցը երկխոսության ճանապարհով շարունակել, հնարավո՞ր է, որ ժողովուրդը չդադարեցնի սկսած գործողությունները, քանի որ արդեն ֆեյսբուքում քննարկվում է, որ չեն հանդուրժի որեւէ ՀՀԿ-ականի:
- Չեմ կարծում, որ երկխոսությունը կձախողվի Կարեն Կարապետյանի հետ: Եթե այդ երկխոսությունը հաջողությամբ չավարտվի, ապա այդ գործողությունները ոչ միայն կշարունակվեն, այլեւ ավելի կհզորանան: Նման գործընթացները կիսատ չեն մնում:
- Ի՞նչ եք կարծում, ՀՀԿ-ն կպառակտվի՞, թե կշարունակի իր գործունեությունը:
- Այս կուսակցությունը կհեղինակազրկվի, կդառնա շարքային, փոքրիկ կուսակցություն: Կլինի այնպիսի կուսակցություն, ինչպիսին էր մինչեւ Վազգեն Սարգսյանի կողմից այս կուսակցության առաջնորդ լինելը:
Առաջին անգամ կա հնարավորություն ունենալ սահմանազատված պետական սահման, որտեղ կտեղակայվեն սահմանապահներ. Հովհաննիսյան
Ողջունում ենք Հարավային Կովկասի վերաբերյալ «Մեծ յոթնյակի» երկրների ԱԳ ղեկավարների հայտարարությունը․ Արարատ Միրզոյան
Սեփական տան լոգարանում հայտնաբերվել է ՊՆ N զորամասի ջոկատի հրամանատարի 31-ամյա տեղակալի դին
Եթե հայ-ադրբեջանական հանձնաժողովի ձեռք բերած պայմանավորվածությունը կյանքի կոչվի, կլինի լուրջ հաջողություն. Իոաննիսյան
Հանձնաժողովների պայմանավորվածության մեջ չափազանց կարևոր է Ալմա-Աթայի սկզբունքի շուրջ համաձայնությունը. Խանդանյան
Կապան-Քաջարան ճանապարհահատվածում հարկադիր քարաթափում է իրականացվել
«Մեծ յոթնյակը» պետք է հրաժարվի Հայաստանի և Ադրբեջանի նկատմամբ հավասարական մոտեցումներից․ Գարդման-Շիրվան-Նախիջևան
Տավուշի մարզի ոչ մի սանտիմետր չի կարող տրվել որևէ մեկին, ՀՀ տարածքային ամբողջականությունը պաշտպանված է․ Կոնջորյան
Պետք է արդյունավետ հավասարակշռություն գտնենք արհեստական բանականության ընձեռած հնարավորությայն և ռիսկերի միջև. Ջուլհակյան
Պապոյանը ՀԱՀ ընկերություններին հրավիրել է մասնակցելու Հայաստանում պետական աջակցությամբ իրականացվող տնտեսական ծրագրերին
ՊՎԾ-ն ամփոփել է վարչապետի հանձնարարությամբ քաղշինկոմիտեում և ԿԳՄՍՆ-ում իրականացված ուսումնասիրությունների արդյունքները
էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)
Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ
Օլաֆ Շոլցը և Ադրբեջանի նախագահը բանակցություններ կվարեն Բեռլինում
Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. քարտեզ
Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ
Ալիևը կմեկնի Մոսկվա՝ Պուտինի հետ բանակցությունների
Թուրքիայում կրկին երկրաշարժ է տեղի ունեցել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին
Ադրբեջանը խեղաթյուրում է Հայաստանի ներկայացրած փաստական ապացույցները․ Եղիշե Կիրակոսյանի ելույթը ՄԱԿ-ի դատարանում
Օդի ջերմաստիճանը չի փոխվի․ առանձին շրջաններում կարճատև անձրև կտեղա
Հայաստանում անհետ կորել է Ջաթին Շարման
Ռուբեն Վարդանյանը Բաքվում հացադուլ է հայտարարել. նա պահանջում է բոլոր հայ բանտարկյալների անհապաղ արձակումը
Գոռ Աբրահամյանը մեկնաբանել է Շենգավիթի քննչական բաժնում անձի խոշտանգման մասին տեղեկությունները
Բլոգեր Յուլիա Ֆինեսը անմեղսունակ է, կարիք ունի հարկադիր բուժման. ՔԿ-ն մանրամասներ է հայտնել խուլիգանության գործից
Հայաստանն ինքը դեռ չի գծել սահմաններն Ադրբեջանի հետ. Լավրովը վիրավորված խոսել է ՀԱՊԿ-ին ներկայացված պահանջների մասին
Հայաստանին ուզում են արագացված տեմպերով պոկել Ռուսաստանից, ԱՄՆ-ն ուզում է փակել ՀՀ ատոմակայանը. Լավրով
Կեղծ են տեղեկությունները, թե հիվանդանոցներում պետպատվերով բուժումները կասեցվել են. ԱՆ
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
Դեպի Ռուսաստան տանող Վերին Լարսի անցակետը բեռնատարների համար փակվել է
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
© 2024 Հայկական ժամանակ