ՀՀԿ-ականները ուզում են Սերժ Սարգսյանին հեռացնել ՀՀԿ նախագահի պաշտոնից

Հայաստանի Հանրապետական կուսակցությունում խուճապ է: Էլիտան հայտնվել է անորոշության մեջ: Այսօր ԱԺ-ում փակ դռների հետեւում տեղի ունեցած նիստն անցել է խիստ լարված մթնոլորտում: ՀՀԿ-ականներից մեկն ասաց, որ ընդհանուր հայտարարի գալ հնարավոր չի եղել, որից հետո պատգամավորները նյարդայնացած եւ անտրամադիր լքել են դահլիճը: Պատճառն այն է եղել, որ չեն կարողացել որոշում կայացնել վարչապետի թեկնածուի շուրջ: Ի դեպ, մայիսի 2-ին ԱԺ-ում վարչապետի ընտրություններ են սպասվում, իսկ ամենամեծ խորհրդարանական խմբակցությունում՝ ՀՀԿ-ում, պառակտում եւ տարաձայնություններ կան:

Մեր տեղեկություններով՝ ՀՀԿ-ն հավանաբար չի առաջադրելու վարչապետի թեկնածու: Այս հարցը վերջնականապես քննարկվելու է ապրիլի 26-ին կայանալիք ՀՀԿ ԳՄ նիստում: ՀՀԿ-ի մեր զրուցակիցը թեկնածու չառաջադրելը կապեց նրա հետ, որ որոշ պատգամավորներ արդեն պառակտման նշաններ են ցույց տալիս: Նրա խոսքով՝ պատգամավորներից Սեյրան Սարոյանը ԱՄՆ-ում է եւ պարզ չէ, թե, երբ է վերադառնալու: Մանվել Գրիգորյանն էլ իր վերջին հայտարարություններից հետո անգամ բարեւ չի տալիս գործընկերներին: Այսօրվա նիստին չկային նաեւ ՀՀԿ խմբակցության քարտուղար Գագիկ Մելիքյանը, Արտակ Սարգսյանը, Արկադի Համբարձումյանը, Շուշան Պետրոսյանը, Գալուստ Սահակյանը, Արայիկ Գրիգորյանը, Ռաֆիկ Գրիգորյանը, Ալիկ Սարգսյանը:

Նիստի ընթացքում նաեւ հետաքրքիր հարց է բարձրացվել: Ներկա պատգամավորներից ոմանք ասել են՝ «մեր վիճակն ի՞նչ է լինելու»: Ինչն էլ դարձել է լարված իրավիճակի պատճառ:

ՀՀԿ խմբակցության 30 րոպե տեւած նիստից պատգամավորները դուրս եկան մաս-մաս: Տպավորություն էր, որ յուրաքանչյուրը դահլիճը լքեց իր կարծիքը կիսողների հետ: ՀՀԿ խոսնակ Էդուարդ Շարմազանովը, որ երբեք չի խուսափում լրագրողներին մեկնաբանություններ տալ ցանկացած թեմաներով,  շատ անտրամադիր էր եւ մի քանի հարցերի մակերեսային պատասխաններ տվեց: ՀԺ-ն հետաքրքրվեց, թե արդյո՞ք այս նիստի ընթացքում ինչ-որ անհամաձայնություն ու պառակտում է եղել, ինչն էլ նրանց լարված վիճակի պատճառ է դարձել: Շարմազանովը հերքեց նման բան լինելու հավանականությունը:

Այնուհետ, մոտ 20 րոպե հետո դուրս եկան նաեւ ԱԺ ՀՀԿ խմբակցության ղեկավար Վահրամ Բաղդասարյանը եւ այլ պատգամավորներ: Բաղդասարյանը հայտարարեց, որ քիչ անց խմբակցությունը հայտարարություն կանի, բայց մինչ այս պահը այդ հայտարարությունը չկա: ՀԺ-ի հարցին, թե արտահերթ խորհրդարանական ընտրությունների հարց քննարկվե՞լ է, Բաղդասարյանը պատասխանեց՝ ոչ: Նա եւս հերքեց խմբակցությունում առկա տարաձայնությունների հավանականությունը:

Խմբակցության ղեկավար Վահրամ Բաղդասարյանն ավելի ուշ մանրամասնեց, որ դիմել են ՀՀ նախագահին, որպեսզի քաղաքական ուժերին քաղաքական երկխոսության հրավիրի։ Հարցին` վարչապետի թեկնածուն ՀՀԿ-ական կլինի՞, նա պատասխանեց. «Երբ այդ քաղաքական երկխոսությունները կլինեն, մենք որոշում կկայացնենք, դեռ որոշում չենք կայացրել»:

Վահրամ Բաղդասարյանը չի կարծում, որ ՀՀԿ-ականներ կլինեն, որ կողմ կքվեարկեն Փաշինյանին: «Հանրապետականը միասնական է, երբ որոշում կայացնենք, դրա մասին կխոսենք»,- ասաց նա։

Անդրադառնալով Փաշինյանի առաջարկած ժողովրդի թեկնածուին` նա ասաց, որ ժողովրդի թեկնածուն հարաբերական հասկացություն է, իրենք շարժվելու են Սահմանադրությամբ:

ՀՀԿ-ականներն ամբողջ օրը խորհրդարանում շատ լարված վիճակում էին: Պարզ զգացվում էր, որ անտրամադիր են, նաեւ խոստովանում էին, որ մտահոգված են դրսում տեղի ունեցող իրավիճակով եւ մարդկանց բազմությունից: Նրանք անհանգստացած ԱԺ-ում աջ ու ձախ էին գնում: Ոմանց հաջողվում էր լարված վիճակը թաքցնել, բայց շատերն ակնհայտորեն ցույց էին տալիս:

Ապրիլի 26-ին կայանալիք ՀՀԿ ԳՄ-ում քննարկվելու է Սերժ Սարգսյանին կուսակցության նախագահի պաշտոնից հեռացնելու հարցը: Սերժ Սարգսյանը որեւէ գործընթացի չի խառնվում եւ ըստ Վահրամ Բաղդասարյանի՝ էլ չի ցանկանում այս թեմաներում լինել:

«Կա վարչապետի պաշտոնակատար, որը նախագահի հետ որոշումները կայացնում է»,- ընդգծեց նա: Ճշտող հարցին` արդյո՞ք նա ամբողջովին մեկուսացել է այս գործընթացներից, Բաղդասարյանը պատասխանեց. «Իր հրաժարականով նա ամեն ինչ ասաց»:

Տպել
10532 դիտում

Բռնցքամարտիկ Արամ Ավագյանը պայմանագիր է կնքել ամերիկյան ընկերության հետ. կմարզվի աշխարհահռչակ Թայսոն Ֆյուրիի մարզչի հետ

3 տարի հետախուզման մեջ գտնվող գորիսեցին հայտնաբերվել է օդանավակայանում

Հովհաննես Թումանյանի ծննդյան 151-ամյակի կապակցությամբ տեղի կունենա ներկայացումների շարք

Արարատի մարզում հանցագործություն կատարած անչափահասների թիվն ավելացել է 42%-ով

Աշխատանքից ազատվել է Սոցիալական ապահովության վարչության պետ Ռուզաննա Զաքարյանը

ՀՀ ԶՈՒ ԳՇ պետ Արտակ Դավթյանն ԱԺ-ում է՝ մասնակցելու բանակում զինծառայողների մահվան դեպքերի վերաբերյալ փակ քննարկմանը

Փետրվարի 17-ից 18-ը Հայաստանի տարածքում գրանցվել է 75 հանցագործություն, 6 տրանսպորտային պատահար

Զովունիում 6 մեքենա է բախվել, այդ թվում՝ թիվ 269 և 39 երթուղայինները. կան վիրավորներ

ԿԸՀ-ն հանրաքվեին «Ոչ» քարոզչական կողմ գրանցելու դիմում է այսօր ստացել

Հայտնի է «ՈՉ»-ի շտաբի նախաձեռնող խմբի առաջին տասնյակը

Զարեհ Սինանյանը հանդիպել է «Կիլիկիա» բիզնես ակումբի անդամների հետ

Բանկոմատներից համակարգչային տեխնիկայի օգտագործմամբ hափշտակության գործը դատարանում է

Բացահայտվել է առանձնապես խոշոր չափերով թմրամիջոցների ապօրինի ներկրման և արտահանման փորձ. ԱԱԾ (տեսանյութ)

Աջափնյակ վարչական շրջանի ղեկավար կնշանակվի Թելման Թադեւոսյանը

Երևանում և 7 մարզերում էլեկտրաէներգիայի մինչեւ 6-ժամյա անջատումներ են սպասվում

Արմեն Սարգսյանը շնորհավորական ուղերձ է հղել Մոլդովայի նախագահին ծննդյան տարեդարձի առթիվ

Բանակում տեղի ունեցած դեպքերի քննարկմանը կայացվել են նաեւ կադրային կարեւոր որոշումներ. վարչապետ (տեսանյութ)

Արագածոտնի մարզի Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն

Ամենայն Հայոց կաթողիկոսի հայրապետական տնօրինությամբ կատարվել են նոր նշանակումներ

Փրկարարներն արգելափակումից դուրս են բերել 32 ավտոմեքենա՝ օգնելով 54 քաղաքացու