«Երեւան սիթի»-ի հաճախորդների թիվը բոյկոտից հետո պակասել է

Մարտի 31-ից, երբ սկսվեց ԱԺ ԵԼՔ խմբակցության ղեկավար Նիկոլ Փաշինյանի #ԻմՔայլը շարժումը ընդդեմ Սերժ Սարգսյանի եւ ՀՀԿ-ի, հասարակությունը շատ ավելի գլոբալ դարձրեց հարցը՝ բոյկոտ սկսելով նաեւ ՀՀԿ-ական պատգամավորներ Սամվել Ալեքսանյանին պատկանող «Երեւան սիթի» սուպերմարկետների ցանցի եւ Արտակ Սարգսյանի ՍԱՍ սուպերմարկետների ցանցի դեմ:

Սոցցանցերում սկսվեցին տարբեր տեսակի բողոքի ակցիաներ, որտեղ քաղաքացիները կոչ էին անում գնումներ չկատարել «Երեւան սիթի» եւ ՍԱՍ սուպերամարկետների ցանցերից: Մի շարք մարդիկ «Երեւան սիթի» սուպերմարկետի բոնուս քարտով գնացել էին գնումներ կատարելու վերջին անգամ եւ հետո կոտրել քարտը: Փոխարենը քաղաքացիներն առաջարկում էին գնումներ կատարել փոքրիկ կրպակներից, որպեսզի չհարստանան այն մարդիկ, ովքեր «հողին են հավասարեցնում մեր երկիրը», ասված էր կոչերի մեջ:

Վերջին օրերին մամուլում հրապարակումներ եղան, որ այդ սուպերմարկետներում առեւտուրը վատացել է, եւ հասարակության բոյկոտը լուրջ ազդեցություն է ունեցել այդ ամենի վրա: Անգամ նշվում էր, որ «Երեւան սիթին» չի վճարել աշխատողների այս ամսվա աշխատավարձերը՝ պատճառաբանելով, որ «մինչ իրավիճակը չկարգավորվի՝ աշխատավարձ չեն ստանա»:

Մենք փոքրիկ հետախուզություն անցկացրեցինք առեւտրի ամենաթեժ` ընդմիջման ժամին՝ 13.00-ից 14.00-ն այցելելով «Երեւան սիթի» եւ ՍԱՍ սուպերմարկետներ, ինչի արդյունքում որոշակի բացահայտումներ արեցինք:

Այցելելով մի քանի «Երեւան սիթի»-ներ՝ ակներեւ էր, որ նախկինի համեմատ հաճախորդները պակասել են: Մեր հարցին, թե արդյո՞ք առաջվա համեմատ պակասել է հաճախորդների թիվը, «Երեւան սիթի» սուպերմարկետներից մեկի մենեջերը, ցույց տալով դեպի հաճախորդների կողմը, պատասխանեց. «Դուք ինքներդ տեսեք՝ պակասե՞լ է հաճախորդների քանակը, թե՞ ոչ»: Մեր հարցին, թե ճի՞շտ է, որ աշխատողների աշխատավարձերը չեն վճարում՝ մինչ ստեղծված իրավիճակը կկարգավորվի, մենեջերը պատասխանեց. «Մեզ մոտ երբեք չի եղել ու չի լինի նման բան»: «Երեւան սիթի» սուպերմարկետների մի քանի մասնաճյուղերում նկատեցինք, որ հաճախորդների թիվ քիչ չէ, սակայն աշխատողներից մեկը մեզ հետ մասնավոր զրույցում նշեց, որ առաջվա համեմատ որոշակի չափով պակասել է հաճախորդների թիվ:

ՍԱՍ սուպերմարկետի պարագայում իրավիճակը փոքր-ինչ այլ է: Բանն այն է, որ այս սուպերմարկետը գնային քաղաքականության առումով որոշակիորեն թանկ է մնացած սուպերմարկետներից, եւ այնտեղից օգտվում է հիմնականում հասարակության միջին եւ բարձր խավը: Շրջելով ՍԱՍ-ի մի քանի մասնաճյուղերում՝ բավական տխուր տեսարանի ականատես եղանք. մատների վրա կարելի էր հաշվել հաճախորդներին: Չնայած ՍԱՍ-ի մասնաճյուղերից մեկի մենեջերը մեզ հետ զրույցում նշեց, որ բոյկոտը բացասական ազդեցություն չի ունեցել, դեռ մի բան էլ՝ առաջվա համեմատ հաճախորդների քանակը շատացել է: ՍԱՍ-ում նույնպես, մենեջերի պնդմամբ, աշխատավարձերի վճարման հետ կապված խնդիրներ չկան: Մեզ հետ զրույցում սուպերմարկետի աշխատողներից մեկը նշեց, որ առեւտուրը ընթանում է սովորականի պես, եւ սուպերմարկետն ունի իր հիմնական հաճախորդները, որոնք չեն դադարել օգտվել ցանցից:

Տպել
5399 դիտում

ՌԴ և Վրաստանի հարաբերությունների վատանալու համար մեղավոր են իշխանությունները. Բուրջանաձե

Ո՛չ Ռոբերտ Քոչարյանը, ո՛չ նրա պաշտպանական խմբի անդամները չեն մասնակցի այսօրվա դատական նիստին. հայտարարություն

Դանակահարություն Արաբկիր վարչական շրջանում. մեղադրանք է առաջադրվել 32-ամյա տղամարդուն

Մանվել Գրիգորյանի պաշտպանը միջնորդեց գործը քննել դռնփակ. դատարանը մերժեց

Լոռու մարզում կինը ձեռքերով սեղմել է անչափահաս դստեր պարանոցին և խեղդամահ անելով սպանել նրան. ՔԿ

Սյունիքի մարզի Գորայքում արտահերթ ընտրություններ տեղի կունենան. փակել են միջպետական ճանապարհը, լարված իրավիճակ է

ԱԺ-ն երկրորդ ընթերցմամբ և ամբողջությամբ ընդունեց Հարկային օրենսգրքի փոփոխությունների փաթեթը

ՀՀ պաշտպանության նախարարի գլխավորած պատվիրակությունը մասնակցում է միջազգային ռազմատեխնիկական համաժողովին

Մանվել Գրիգորյանի ինքնազգացողությունը վատացավ. պաշտպանը խնդրեց, որպեսզի բժիշկը նրան թթվածին տրամադրի

ՄԱԿ-ը հարցեր է հղել Թուրքիային 1915-1923թթ. բռնի տեղահանված հայերի ճակատագրի և նրանց վախճանի մասին

Մանվել Գրիգորյանը քիչ առաջ անվասայլակով բերվեց դատարան

Վարչապետը Մասիսում ներկա է գտնվել Ֆրանկոֆոնիայի զբոսայգու և ընտանեկան մարզահամալիրի բացման արարողությանը

Հանուն ձեր մայրերի և քույրերի, եղե՛ք միմյանց նկատմամբ խնամքով, պատասխանատու և զգոն. Աննա Հակոբյանը՝ զինծառայողներին

Ավարտվեց Կոպա Ամերիկա 2019-ի խմբային փուլը

Իտալիան կընդունի 2026 թ. ձմեռային օլիմպիական խաղերը. ՄՕԿ-ը 925 մլն դոլար կտրամադրի

ՀՀ-ն Վրաստան-Ռուսաստան լարվածությունը հանելու համար պատրաստ է երկկողմ օդային ուղեւորափոխադրում իրականացնել. Ճաղարյան

Ստորագրվել է 35 որոշում՝ մաքսային գործի տարբեր բնագավառների վերաբերյալ. ՊԵԿ

Էլմար Մամեդյարովի պնդումները չեն համապատասխանում իրականությանը. ԱԳՆ-ի արձագանքը

Առաջիկա օրերին շրջանների զգալի մասում սպասվում է անձրեւ եւ ամպրոպ

Ռուսաստանը վերադարձավ ԵԽԽՎ, դեմ հանդես եկող երկրները չեն պատրաստվում հանձնվել․ Ն. Զոհրաբյան