«Շիրակը» ՀՖՖ-ին զգուշացնում է, որ իր թիմերը կհանի ՀՀ ֆուտբոլի բոլոր առաջնություններից

«Շիրակ» ֆուտբոլային ակումբը չի ընդունում Հայաստանի ֆուտբոլի ֆեդերացիայի կողմից իր նկատմամբ սահմանված պատիժը: Մայիսի 5-ին, տեղի ունեցած կարգապահական նիստում ՀՖՖ-ն «Բանանցի» կողմից ներկայացված փաստերի հիման վրա եկել է եզրակացության, որ «Շիրակի» մարզիչ, մարզական տնօրեն Արարատ Հարությունյանը փորձել է «Բանանցի» ֆուտբոլիստ Էդվարդ Կպոդոյին համոզել, որ գումարի դիմաց այսօր նախատեսված ՀՀ Բարձրագույն խմբի առաջնության 27-րդ տուրի «Բանանց»-«Շիրակ» խաղում այնպպիսի սխալներ թույլ տա, որ իր թիմը պարտվի «Շիրակին»: ՀՖՖ-ն Հարությունյանին ցմահ զրկել է ֆուտբոլայի գործունեություն ծավալելու հնարավորությունից, ակումբին տուգանել է նվազագույն աշխատավարձի յոթհազարապատիկի չափով, ընթացիկ առաջնությունում թիմի արդյունքները նվազեցնել 12 միավորով: Այս առիթով ակումբը հանդես է եկել հայտարարությամբ:

«Այսօր «Շիրակի» հերթական հաղթանակից հետո՝ չեմպիոնության նախաշեմին, տեղեկացանք, որ Հայաստանի ֆուտբոլի ֆեդերացիան որոշում է կայացրել 12 միավոր եւ 7մլն ՀՀ դրամ տուգանքի մասին հիմնավորելով, որ ակումբը «Բանանց» թիմի ֆուտբոլիստին խաղի ելքի վրա ազդելու առաջարկ է արել։ Ակումբը պաշտոնապես հայտարարում է, որ Հայաստանի ֆուտբոլի ֆեդերացիան որեւէ փաստ չունի, որ «Շիրակը» ներգրավված է եղել նման առաջարկ ներկայացնելու որեւէ գործընթացում եւ որ ՀՖՖ որոշումը ապօրինի է։ «Շիրակը» չի ընդունում ակումբին վերաբերող որեւէ փաստարկ։ Ակումբը ձեռնամուխ կլինի իր իրավունքների պաշտպանությանը եւ կձեռնարկի բոլոր իրավական միջոցները ապօրինի որոշումը չեղարկելու, եւ «Շիրակ» ֆուտբոլային ակումբի բարի համբավը վերականգնելու համար։ Տեղեկացնում ենք, որ, եթե ՀՖՖ-ն մեր բողոքարկման ընթացքում ապօրինաբար կիրառի սույն որոշումը, ապա «Շիրակ» ֆուտբոլային ակումբը բոլոր թիմերով պարտադրված կլինի լքել բոլոր առաջնությունները»։

Այդ խաղը, որի հանդիպումը, որի վերաբերյալ, ըստ ՀՖՖ-ի, Հարությունյանը փորձել է պայմանավորվածություն ձեռք բերել, մայիսի 5-ի Երեւանում՝ «Բանանցի»  հարկի տակ ավարտվեց «Շիրակի» 2:0 հաշվով հաղթանակով: Գյումրեցիների կազմում 64-րդ րոպեին աչքի ընկավ Մուսա Փոլ Բակայոկոն: 88-րդ րոպեին 11-մետրանոցից հաշիվը կրկնապատկեց Սոլոմոն Իմե Ուդոն:

Հաղթանակից հետո «Շիրակը» միավորների քանակը հասցրեց 48-ի եւ առաջնության ավարտից 3 տուր առաջ միանձնյա գլխավորում է մրցաշարային աղյուսակը: 2-րդ տեղում գործող չեմպիոն «Ալաշկերտն» է 45 միավորով: Լավագույն եռյակը եզրափակում է «Գանձասար-Կապանը» (41),որի էլ 39 միավորով հաջորդում է «Բանանցը»:

Պատժի վերաբերյալ որոշումը ՀՖՖ-ն հրապարակել է մայիսի 5-ին «Բանանց»-«Շիրակ» հանդիպումից հետո: ՀՖՖ պաշտոնական կայքում այս պահին ներկայացված մրցաշարային աղյուսակում «Շիրակից» դեռեւս միավորններ հանված չեն: Եթե հանվեն թիմը կունենա 36 միավոր եւ կնահանջի 4-րդ հորիզոնական՝ զիջելով «Ալաշկերտին», «Գանձասարին» եւ «Բանանցին»:

Տպել
4857 դիտում

Ադրբեջանը հայկական անօդաչու չի խոցել, ակնհայտ հին կադրեր են. ՊԲ հայտարարությունը

Թուրքմենստանի ֆինանսների և էկոնոմիկայի նախարարն ու երկրում ՀՀ դեսպանը հանդիպում են ունեցել

Հայաստանը ներառվել է երկշաբաթյա հանգստի համար ամենամատչելի երկրների հնգյակում

Փետրվարի 26-ին Հայաստանի զգալի մասում սպասվում են տեղումներ՝ ձյուն, ձնախառն անձրեւ

Post Classical Ensemble-ի` 2020թ. գարնանը կայանալիք հայկական փառատոնի գալա համերգը ՀՀ դեսպանությունում

Երևան-Սևան ավտոճանապարհին. 28-ամյա վարորդը տեղում մահացել է

ՀՀ տարածքում կան փակ և դժվարանցանելի ավտոճանապարհներ

UNESCO-ն արևմտահայերենը համարում է Թուրքիայում վերացման վտանգի տակ գտնվող լեզու

Մոսկվայի օդանավակայաններում հետաձգվել կամ չեղարկվել է ավելի քան 100 չվերթ

Երևանում և 6 մարզում այսօր էլեկտրաէներգիայի պլանային անջատումներ կլինեն

Բացահայտվել է Երեւանի բնակարաններից մեկից կատարված գողությունը

Վարդենյաց լեռնանցքը փակ է կցորդիչով բեռնատարների համար, մարդատարների համար՝ դժվարանցանելի

Երեւանի տներից մեկում գազի բալոնի արտահոսքից 3 քաղաքացի է թունավորվել

Թուրքիան Հայաստանի հետ սահմանին լայնամասշտաբ զորավարժություն է անցկացնում (լուսանկարներ)

Իսրայելի վտանգավոր արկածախնդրությունը կարող է բերել տարածաշրջանում ռազմական հակամարտության. Իրանի ԱԳ նախարար

Քննչական կոմիտեի նախագահն ընդունել է ԱՄՆ դեսպանության թմրամիջոցների դեմ պայքարի ծրագրի տնօրենի պատվիրակությանը

Քննարկումներ մրցակցության ոլորտի օրենսդրական խնդիրների շուրջ

Սուրբ Աթոռում ՀՀ դեսպանը հանդիպում է ունեցել Սուրբ Աթոռի պետությունների հետ հարաբերությունների քարտուղարի հետ

Ստեփանծմինդա-Լարս ավտոճանապարհը ժամը 20:30-ի դրությամբ բաց է տրանսպորտային բոլոր միջոցների համար

Ըստ մեղադրանքի՝ Արմեն Գևորգյանը այլ գործողություններով օժանդակել է Ռոբերտ Քոչարյանին սահմանադրական կարգը տապալելու համար