Ուզում եմ Մխիթարյանին նմանվել. Էրիկը՝ երազանքի ու ՖԻՖԱ-ի մրցաշարի մասնակցելու մասին

ՀՖՖ տեխնիկական կենտրոնի 2006 թ. ծնվածների թիմի հարձակվող Էրիկ Հարությունյանը պատրաստվում է Մոսկվայում ֆուտբոլային մրցաշարի մասնակցել: Հունիսի 8-15-ը ՖԻՖԱ-ի հովանու ներքո անցկացվելու է «Ֆուտբոլը բարեկամության համար» ծրագիրը, որին մասնակցելու են 211 երկրից ժամանած մինչեւ 12 տարեկան ֆուտբոլիստ: Հայաստանից ընտրել են Էրիկին՝ հիմք ընդունելով ֆուտբոլային որակները, անգլերենի իմացությունը եւ շփվելու ունակությունը: «Հայկական ժամանակ»-ի հետ զրույցում տղան կիսվեց տպավորություններով:

«Հպարտություն, ուրախություն եմ զգում: Ես չգիտեի, որ ինձ են ընտրելու, տրամադրված չէի, որ ինձ կընտրեն: Երբ լուրն ինձ հասավ, հուզվեցի եւ շատ ուրախացա: Տանեցիներն էլ ուրախացան, մեծ քեֆ արեցինք ու նշեցինք»,- ասաց նա:

Էրիկն անհամբերությամբ է սպասում մրցաշարին: Պատկերացնում է՝ ինչպես է նոր ծանոթություններ ստեղծելու, շփվելու, ընկերանալու հասակակիցների հետ, մարզվելու ու ֆուտբոլ խաղալու: Գիտակցում է, որ սա հիանալի հնարավորություն է ու իր ապագայի հարցում շատ կարեւոր ներդրում է:  

«Հետո ավելի կձգտեմ, որ ավելի ու ավելի լավ տեղեր գնամ, ինձ ցուցադրեմ, ու հնարավոր է, որ սա իմ ապագայի հիմքն է»,- ասում է նա:

Էրիկը նաեւ երազանք ունի: Ուզում է այնպիսի մեծ ֆուտբոլիստ դառնալ, ինչպիսին ՀՀ ֆուտբոլի ազգային հավաքականի եւ Լոնդոնի «Արսենալի» կիսապաշտպան Հենրիխ Մխիթարյանն է: Ճիշտ է՝ «Բարսելոնայի» երկրպագու է ու շատ է սիրում կատալոնցիների առաջատար Լիոնել Մեսսիին, բայց հենց Մխիթարյանին է ուզում նմանվել: Բացատրում է՝ ինչու:

«Ուզում եմ Հենրիխ Մխիթարյանին նմանվել: Մեր երկրի հպարտությունն է, եւ ես էլ կուզենայի նրա նման բարձրանալ»,- ասում է նա:

«Ֆուտբոլը բարեկամության համար» ծրագիրը ռուսական «Գազպրոմ» ընկերության հիմնադրած մրցաշարն է: Այս տարի, բացի Էրիկից, մրցաշարում Հայաստանը ներկայացնող պատվիրակության կազմում է լինելու նաեւ մինչեւ 12 տարեկան 1 եւ չափահաս 2 լրագրող: Նրանք աշխարհի 2018 թ. առաջնության բացման՝ Սաուդյան Արաբիա-Ռուսաստան հանդիպմանը ներկա գտնվելու հնարավորություն են ունենալու:

Տպել
1383 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)