ԽՍՀՄ տարիներին «Արարատում» ու Աբովյանի «Կոտայքում» հանդես եկած դարպասապահ Բագրատ Ստեփանյանը չի կարծում, որ Դավիդ Յուրչենկոն այդքան անհրաժեշտ է ՀՀ ընտրանուն: «Տոսնոյի» 32-ամյա դարպասապահին ՀՀ ֆուտբոլի ֆեդերացիան երկար ժամանակ է՝ փորձում է համոզել հագնել հավաքականի մարզաշապիկը: Նա էլ ասում է, որ ուզում է գալ, սակայն չի կարող, քանի որ ՌԴ-ում լեգեոներ կհամարվի: Նախկինում նաեւ ՌԴ ընտրանու կազմում ընդգրկվելու ցանկություն է հայտնել: «Հայկական ժամանակ»-ի հետ զրույցում Ստեփանյանը նշեց, որ Յուրչենկոն չի համապատասխանում ՀՀ հավաքականին, քանի որ հուսալի չէ:

«Այս տղան մի դեպքում գնդակը հանում է դարպասի վերին անկյունից, 4 անգամ գոլ է ընդունում ոտքերի արանքով: Նրա բնորոշ սխալներն են՝ սխալ ելքեր է կատարում, իր թիմի դեմ 11-մետրանոց նշանակելու պատճառ է դառնում: Երբ դուրս է գալիս կա՛մ նրան խաբում են գնդակն ուղարկում դեպի դարպասը, կա՛մ անցկացնում նրա վրայով: Տակտիկապես անգրագետ է, բայց լավ ցատկեր ունի, ինչ-որ տեղ գրավիչ: Ասում եմ՝ այն պահերը, որ սխալ է անում, տվեք, կուղղեմ: Շատ աննշան ուժեղ է մեր տղաներից, բայց այնքան չէ, որ Ռուբեն Հայրապետյանն ասում է՝ մենք գրկաբաց սպասում ենք, ու որ այդքան էլ հետեւից ընկնում են»,- ասաց նա:

Ստեփանյանը նշում է, որ նրա վարկանիշն արհեստականորեն են բարձրացնում: Նա կարծում է, որ գործակալները կարողանում են այնպես անել, որ լրատվամիջոցներն անընդհատ դրական հրապարակումներ անեն նրա մասին: Բայց Ռուսաստանի հավաքականի մասնագետների վրա դա չի ազդում: Նրանք Յուրչենկոյին համառորեն չեն հրավիրում:

«Նա այնքան մեծամիտ տղա է, գերարժեքության կոմպլեքսով է տառապում ու այնքան ճարպիկ գործակալներ ունի, որ իրեն փորձում են այնպես ներկայացնել, որ ՌԴ հավաքականում խաղա, բայց չէ՞ որ Ստանիսլավ Չերչեսովը (ՌԴ հավաքականի մարզիչը) դարպասապահ է եղել, տեսնում է, որ սա չի կարող խաղալ: 5 դարպասապահ են կանչում հավաքին, նրան չեն կանչում, բայց լրագրողները գրում՝ օ~, տեսեք ինչպես բռնեց: «Անժիում» 1-ին խաղն էր, ՌԴ դրոշն էին բարձրացնում, նա ձեռքը դրած կրծքին երգում էր հիմնը: Հիմա ի՞նչ, պետք է գա, ձեռքը դնի կրծքին, Հայաստանի հիմնը երգի՞: Ուզում էր ասել՝ նվիրված եմ Ռուսաստանին, ինձ կանչեք հավաքական, Հայաստանը կանչում է, չեմ գնում: Աճուրդի է դրել իրեն: Հայաստանն օգտագործում են, որ այնտեղ նրան բարձրացնեն»,- ասաց նա:

Բագրատ Ստեփանյանը դարպասապահների մարզիչ է եղել «Փյունիկում», Հայաստանի մինչեւ 17 տարեկանների հավաքականում: Նաեւ ժամանակին դարպասապահների խմբակ է ունեցել: 10 տարեկան երեխաների է հավաքել ու պատրաստել որպես դարպասապահ: Նշում է, որ փորձ ունի ու կցանկանար աշխատել հավաքականի դարպասապահների հետ: Դիտարկմանը, որ այժմ նրանց մարզում է Ռոման Բերեզովսկին, նա ասաց.

«Թող մարզի, բայց չգիտեմ՝ կարող է պոտենցիալ բացել: Ալյոշա Աբրահամյանն էլ էր մարզում իր տղային: Կարողացա՞վ դարպասապահ սարքել, չկարողացավ: Բերեզովսկին շատ լավ դարպասապահ էր, բայց արդյո՞ք կարող է դարպասապահ պատրաստել, դա հարց է, բայց ես արդեն պատրաստի եմ, փորձ ունեմ, նա այդքան փորձ չունի»,- ասաց նա:

Ստեփանյանը նշում է, որ Հայաստանում կարելի է լավ ու տաղանդավոր դարպասապահներ գտնել: Ըստ նրա՝ բոլորն էլ պոտենցիալ ունեն, պարզապես պետք է նրանց հետ ճիշտ աշխատել, օգնել նրանց շտկել սխալներն ու օգտագործել ունակությունները, որոնցով օժտված են: Բարձր կարծիքի է այս պահին հավաքականի ճամբարում գտնվող Արամ Հայրապետյանի («Բանանց») եւ Արսեն Բեգլարյանի («Ալաշկերտ») մասին: Հատկապես, տպավորված է Բեգլարյանով: Վստահ է, որ նա այնպիսի որակներ ունի, որ լիովին կարող է գերազանցել Յուրչենկոյին:

«Շատ լավն են, բոլորն էլ լավն են: Վատ դարպասապահ չունենք: Մարզել է պետք, պոտենցիալը բացել է պետք: Բեգլարյանն այնպիսի որակներ ունի, խոսք եմ տալիս, որ 3 ամսում բերեմ, Յուրչենկոյից անցնի: Երբ Բեգլարյանը նոր էր սկսել հավաքականում խաղալ, շատ վստահ էր գործում, բայց, երբ սկսեցին Յուրչենկոյին կանչել, խաղերից մեկում խայտառակ վիճակ էր նրա մոտ: Միայն Յուրչենկոյին կանչելով՝ նրան ընկճել էին»,- ասաց նա:

Ստեփանյանը ժամանակին ունեցել է նախագիծ, որով, ըստ նրա, հնարավոր կլիներ հավաքականներին ու թիմերին մշտապես դարպասապահներով ապահովել: Դեմ չէր լինի այն հիմա էլ կյանքի կոչել: Ծրագիրը, որը հիմնված պետք է լիներ դարպասապահների իր խմբակի վրա, 2002 թ. ՀՖՖ նախագահ Ռուբեն Հայրապետյանին է ներկայացրել է: Վերջինս այն հավանության է արժանացրել, սակայն հետագայում իրականություն չի դարձել:

«Ծրագիրս հետեւյալն էր. ամեն տարի 10 տարեկան 10 երեխա եմ վերցնում: 1 տարի հետո բերում եմ, ցույց են տալիս այն տեխնիկան, որը բարձրագույն խմբի դարպասապահի միկրոտեսակն է: Հետո ցրում եմ նրանց տարբեր ակումբներ ու նորից 10 տարեկան երեխաներ եմ հավաքում, բայց նախորդներին ուշադրության կենտրոնում եմ պահում: Այն ժամանակ Հայրապետյանն ասաց՝ գնա «Փյունիկ»՝ Խորեն Հովհաննիսյանի մոտ (այն ժամանակ «Փյունիկի» նախագահ): Գնացի նրա մոտ՝ ասաց դրա համար շուտ է: Ծրագիրս վերացավ, չկա: Մնացի երեխաների՝ դարպասապահների մարզիչ: Մի օր ասում են՝ սրա հետ պարապիր, մի օր ասում են՝ նրա հետ պարապիր»,- ասաց նա՝ ավելացնելով, որ ուրախությամբ հիմա էլ կզբաղվեր նման խմբակով:

Առաջիկայում ՀՀ հավաքականի կազմում դարպասապահի դիրքում կփորձեն հաստատվել Արամ Հայրապետյանը, Արսեն Բեգլարյանը եւ Վալերի Ոսկոնյանը («Փյունիկ»): Նրանք առջեւում ընկերական 2 հանդիպում ունեն: Մայիսի 29-ին ՀՀ ընտրանին հանդիպելու է Մալթայի հետ: Հունիսի 4-ին էլ տեղի է ունենալու Մոլդովայի դեմ հանդիպումը:

Տպել
4410 դիտում

Իրանը հայտարարել է Իսրայելի դեմ գործողության ավարտի մասին

Երևանի մանկապարտեզներից մեկում շչակ է գործարկվելու

Մահվան ելքով վրաերթ Երևանում. հետիոտնը մահացել է ճանապարհին

Իսրայելը բացել է օդային տարածքը

Տոկաևը կժամանի Հայաստան. հայտնի է հանդիպումների շրջանակը

Իրան-Իսրայել լարվածության ֆոնին Նեթանյահուն առաջին անգամ հայտարարություն է արել

ԱՄՆ-ը հրավիրել է G7-ի առաջնորդներին՝ Իրանի «լկտի» հարձակման պատասխան մշակելու համար

ԱՄՆ-ն օգնեց Իսրայելին ոչնչացնել գրեթե բոլոր անօդաչու սարքերն ու հրթիռները. Բայդեն

Իսրայելը կպատժվի. Իրանի գերագույն առաջնորդ

Երուսաղեմի հայկական թաղամասում ամեն ինչ հանգիստ է. զոհեր և վիրավորներ չկան

Իսրայելի՝ Թել Ավիվ քաղաքի երկինքը (տեսանյութ)

Սա աննախադեպ էսկալացիա է և լուրջ սպառնալիք տարածաշրջանային անվտանգության համար․ Բորել

Խստորեն դատապարտում ենք Իրանի հարձակումը Իսրայելի վրա․ Մեծ Բրիտանիայի վարչապետ

Մի շարք երկրներ փակել են իրենց օդային տարածքները

Իրանական բալիստիկ հրթիռներն Իրաքի օդային տարածքում (տեսանյութ)

Հեզբոլլահի հարվածներն Իսրայելի հյուսիսին (տեսանյութ)

Ցանկացած երկիր, որը կբացի իր օդային տարածքը Իսրայելի առաջ՝ Իրանի վրա հարձակվելու համար, կստանա մեր ուժգին պատասխանը

Նեթանյահուն ռազմական շտաբում արտահերթ նիստ է գումարել

Ռուսաստանը դադարեցրել է դեպի Իսրայել, Իրաք և Հորդանան թռիչքները

Իսրայելի ուղղությամբ անօդաչու թռչող սարքերի արձակումն իրականացվել է ոչ միայն Իրանից, այլև տարածաշրջանի այլ երկրներից

Իրանն Իսրայելի ուղությամբ արձակել է ԱԹՍ-ների երրորդ խմբաքանակը․ արաբագետ

Իրանը հայտարարել է Թեհրանի օդային տարածքը փակելու մասին

Իսրայելը պատրաստ է իրադարձությունների զարգացման բոլոր սցենարներին. Իսրայելի վարչապետ

Իրանը տասնյակ անօդաչու սարքեր է արձակել Իսրայելի ուղղությամբ

«Դեպի դասական Եվրատեսիլ» մրցույթում Հայաստանը կներկայացնի Հայկ Հեքեքյանը

Ձվաբջջի դոնոր՝ 500 հզ դր, տղամարդու դոնորություն՝ 30 հզ դր, սուրոգատ մայր՝ 20 հզ դոլար. «ինչ արժի» երեխա ունենալը ՀՀ-ում

«Ուրալ»-ների՝ զինվորների հաշվին վերանորոգման հայտարարության առնչությամբ ծառայողական քննություն կանցկացվի․ ՊՆ

Երևանում 27-ամյա վարորդը վրաերթի է ենթարկել հետիոտնին. վերջինը տեղափոխվել է հիվանդանոց

«Հարսնացուն հյուսիսից». ռուս նկարչուհին, որը խելագարվում է սարյանական գույների, Երևանի հոտի համար (տեսանյութ)

Գյումրու ողջ տարածքում իրականացվել են մաքրման, աղբի հեռացման աշխատանքներ

Մասնագիտական կողմնորոշման ամուր հիմք․ ամփոփվել է համադպրոցական գիտության 4-րդ փառատոնը

Երևանը կլինի 11-րդ մայրաքաղաքն աշխարհում, որը կընդունի Անգլիայի ազգային բալետին (տեսանյութ)

Հայտնի սուպերմարկետներից մեկի տիրոջ տանը հայտնաբերվել է տղամարդու մարմին

Վահան Քերոբյանի՝ խափանման միջոց տնային կալանքը երկարաձգվել է

Գերմանիան Ուկրաինային կտրամադրի ևս մեկ «Patriot» համակարգ

Իսրայելի ԱԳ նախարարը Իրանին մեղադրել է ծովահենության մեջ

Երկրաշարժ Հայաստանում՝ Երևանից 8 կմ հյուսիս-արևելք․ ցնցումները զգացվել են Գառնի և Ձորաղբյուր գյուղերում

Սանկտ Պետերբուրգում տղամարդը կրակել և վիրավորել է ռեստորանի այցելուին, փորձել է խեղդել մյուսներին

Լիլիթ Մակունցն ու ԱՄՆ կոնգրեսական Ռոբերտ Ադերհոլթը քննարկել են ՀՀ և Ադրբեջանի միջև խաղաղության գործընթացի հեռանկարները

Մեկ տարբերակ կա, որով հնարավոր է Ադրբեջանին բերել կառուցողական դաշտ. Արմինե Մարգարյանը մանրամասնել է