«Կոնտինենտտեքս» կարի ֆաբրիկայի աշխատակիցները աշխատավարձերի խնդրով դիմում են Ն. Փաշինյանին

Արդեն 4 տարի է ՝ լուծարվել է «Կոնտինենտտեքս» ՓԲԸ-ն, սակայն աշխատակիցներն այդպես էլ չեն կարողանում ստանալ իրենց վերջին 8 ամսվա չվճարված աշխատավարձերը, որը կազմում է մոտավորապես 33 մլն դրամ: ՀՀ ոստիկանության ենթակայության տակ գտնվող կարի ֆաբրիկայի լուծարվելուց հետո աշխատակիցները բազմիցս դիմել են տարբեր ատյանների, սակայն՝ ապարդյուն:

«Բազմիցս ենք դիմել տարբեր պաշտոնյաների, ընդհուպ մինչեւ նախկին նախագահին, բայց ոչ մի արդյունք: Ասում են՝ «Ձեր պահանջն արդարացի է, բայց ոչնչով չենք կարող օգնել»,- ասում են նրանք: Կարի ֆաբրիկայի աշխատակիցները ստորագրահավաք են կազմակերպել եւ նամակով դիմում են ՀՀ վարչապետ Նիկոլ Փաշինյանին՝ խնդրում որեւէ ձեւով միջամտել:

Ոստիկանության ենթակայության տակ գտնվող «Կոնտինենտտեքս» ՓԲԸ-ն, Երեւան քաղաքում երկար տարիներ գործող կարի արտադրամասը 1995 թվականից սկսած մոդելավորում եւ արտադրում էր Հայաստանի ՆԳՆ եւ ոստիկանության աշխատողների համազգեստները։ Երեւան քաղաքի Կենտրոն եւ Նորք-Մարաշ վարչական շրջանների ընդհանուր իրավասության դատարանի վճռով ընկերությունը սնանկ է ճանաչվել եւ 2013 թվականի հոկտեմբերին լուծարվել:

Անգամ արտադրամասի շենքն է վաճառվել: Կարի արտադրամասն արդեն 4 տարի է՝ փակված է, իսկ աշխատակիցների 8 ամսվա աշխատավարձը չի վճարվել: Նրանց մեծ մասն այսօր դարձել է գործազուրկ: Ֆաբրիկայի փակման պատճառը հարկային պարտավորություններն են եղել: 2012 թվականի տարեկան հաշվետվության համաձայն՝ ընկերության վնասը կազմել էր 55,2 մլն դրամ:

Այս ընկերությունը ժամանակին մասնակցում էր պետական գնումներին: Սակայն 2009-2013 թվականների ընթացքում էապես նվազել էին ընկերության հիմնական գծով արտադրանքի իրացման ծավալները: Աշխատողների խոսքով` աշխատավարձի պարտքերը գոյացել են այն ժամանակ, երբ ձեռնարկությունը դեռեւս պետական է եղել եւ երբ տնօրենի պաշտոնում Աշոտ Ավետիսյանին փոխարինել է Սամվել Բեկչյանը: 

Ի դեպ, Սամվել Բեկչյանը ՊԵԿ քննչական բաժնում հարուցված գործի շրջանակում ներգրավված է որպես մեղադրյալ։ Նրան մեղադրանք է առաջադրվել Հայաստանի ՔՕ 193 հոդվածով եւ 205 հոդվածի առաջին մասով՝ վտանգավոր հասարակական գործողությունների համար: Իսկ այժմ գտնվում է հետախուզման մեջ:

«Մեր վերջին տնօրենը, որին նշանակել էր ոստիկանությունը, թալանեց հիմնարկն ու անհետացավ: Մեր տնօրենը հիմա Մոսկվայում իր բիզնեսն է ծաղկեցնում, իսկ մենք ընկած ենք դռնեդուռ, մեր աշխատավարձն ենք այս կամ այն պաշտոնյաներից մուրում: Հիմա էլ իբրեւ հետախուզման մեջ է ու զարմանալին այն է, որ չեն կարողանում իբր գտնել: Հիմա ո՞վ չի հասկանում, որ նրա թիկունքում ոստիկանության պաշտոնյաներն են կանգնած եղել, դրա համար էլ չեն ուզել գտնել»,- ասում են «Կոնտինենտտեքս»-ի աշխատակիցները:                                                                    

Հարց է, թե աշխատակիցներն ինչքանով են մեղավոր, որ պետական մարմինները լուծարման հարցում պատճառաբանում են տնօրենի վատ աշխատանքը, որին ղեկավար էր նշանակել ոստիկանությունը. «Մենք չենք ընտրել տնօրենին, որ այսօր նրա արածների համար պատասխան տանք: Երբ ղեկավարն իր վրա դրված պարտականությունները չի կատարում, օրենքով սահմանված  պատասխանատվության է ենթարկվում», -վրդովված  պատմում են նախկին աշխատակիցները:

Համաձայն լուծարային հանձնաժողովի՝ աշխատակիցների աշխատավարձը պետք է հատկացնել գույքի վաճառքից:  Սակայն նրանք մինչ օրս տեղյակ չեն, թե պարտապանի գույքի վաճառքի օտարումից ստացված փոխհատուցված միջոցները ինչպես են բաշխվել, քանի որ նրանց բացառապես չեն իրազեկում հանձնաժողովի որոշումների մասին: Հայտնի է միայն, որ եղած արժեքավոր գույքը վաճառվել է, մնացել են միայն ոչ պիտանի ապրանքներ:        

Աշխատակիցները նաեւ պնդում են, որ ՀՀ ոստիկանությունը, որին պատկանել է «Կոնտինենտտեքս» ՓԲԸ-ն, իր կողմից ստացված ապրանքների գումարը, որը կազմում է 23. 948. 412 դրամ, անօրինական կերպով չի վճարում. «ՀՀ ոստիկանության հաշվետվություններում դա երեւում է որպես դեբիտորական պարտք, բայց դա պակասորդ է եւ առաջացել է ղեկավարների մեղքով»:

Քաղաքական փոփոխություններով պայմանավորված՝ նախկին կոնտինենտտեքստեցիները հուսադրվել են եւ իրենց խնդրով դիմում եմ ՀՀ վարչապետ Նիկոլ Փաշինյանին: Նրանք հույս են հայտնում, որ իրենց տարիների աշխատանքով  վաստակած աշխատավարձերի հետ կապված բոլոր խոչընդոտները կվերանայվեն, եւ պահանջը կստանա արդարացի լուծում:                    

Տպել
18207 դիտում

Ո՞ւմ հորդորով Խաչատուրովը չեկավ ԱԺ. Ապրիլյան պատերազմի վավերագրությունը պատրաստ է, սպասենք սենսացիոն բացահայտումների

Սարդարապատ համայնքում սուբվենցիոն ծրագրի շրջանակում կտեղադրվի 10 հակակարկտային կայան

Տարիների աղետ Արկտիկայի համար. ինչ է հայտնի գետերը լցված 21 հազար տոննա նավթամթերքի մասին

Լանջազատ համայնքում գազաֆիկացման աշխատանքների կատարման համար հայտարարվել է մրցույթ

Գյումրու Սավոյան փողոցի տնակներից մեկից հեռուստացույց ու համակարգիչ են գողացել (տեսանյութ)

ԱՀ նախագահ Արայիկ Հարությունյանը խորը վշտով է տեղեկացել Սաթենիկ Սաֆարյանի մահվան մասին

Վարակը չի ստիպել վայր դնել զենքը. արյունալի հակամարտությունները շարունակվում են

ԶՈՒ ԳՇ պետ Արտակ Դավթյանն այցելել է զինվորական հոսպիտալ

Վաղը օլիմպիադաների հանրապետական փուլն է. նախարարը ծնողներին խնդրում է հեռու լինել դպրոցից և կուտակումներ թույլ չտալ

Մենք պայքարում ենք և ձեզ վերադարձնում ընտանիք, դուք էլ մեր համար պայքարեք և մեզ վերադարձրեք մեր ընտանիք. ռեանիմատոլոգ

Սահմանափակումներին վերադառնալու դեպքում տնտեսապես այդ բեռը կլինի անտանելի, բայց հարցը քննարկվում է. վարչապետ

Գերմանիայում աշխատող բժշկին գումար են առաջարկել, որ հայ հասարակության շրջանում խոսի ընդդեմ դիմակների և պատվաստանյութերի

ԱԱԾ-ն չի պատասխանում Գագիկ Խաչատրյանի ընտանիքին առնչվող քրեական գործի մասին ՀԺ-ի գրավոր հարցմանը

Կորոնավիրուսը հնարավոր չէ կանխարգելել որևէ դեղով, պաշտոնապես հայտարարում եմ. Արսեն Թորոսյան (տեսանյութ)

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում