Մասիսի քաղաքապետի փաստաբանի դեմ դատական հայց են ներկայացնելու. (լուսանկարներ)

Հունիսի 2-ին Երեւանի Կենտրոն եւ Նոր-Մարաշ վարչական շրջանների ընդհանուր իրավասության դատարանը ազատ էր արձակել Մասիսի քաղաքապետ Դավիթ Համբարձումյանին: Համբարձումյանի փաստաբանը` Տիգրան Աթանեսյանը, ոչ միայն Համբարձումյանի շահերը դատարանում պաշտպանեց, այլ նաեւ ֆեյսբուքյան իր էջում Մասիսի քաղաքապետի հետ լուսանկար էր տեղադրել՝ անելով հետեւյալ գրառումը. «Շատ կարգին մարդ, լավ քաղաքապետ, ցավոք, առայժմ մեղադրյալ՝ անհիմն մեղադրանքով, Մասիսի քաղաքապետի հետ իմ գրասենյակում»:

Vilen Gaifejian-ի լուսանկարը:

Ֆեյսբուքահայության մոտ դժգոհությունների ալիք առաջացավ, եւ դրանք վերածվեցին մեկնաբանությունների, Աթանեսյանի հրապարակած լուսանկարի տակ: Մասնավորապես, Աթանեսյանը «SOS» համացանցային հաղորդման համահեղինակ եւ հաղորդավար Վիլեն Գայֆեջյանի մեկնաբանություններից մեկին վիրավորելով էր պատասխանել:Vilen Gaifejian-ի լուսանկարը:

Աթանեսյանը նաեւ հայհոյել էր մի շարք օգտատերերի, ովքեր դժգոհություններ էին հայտնել լուսանկարի եւ դրա հետ արված գրառման հետ կապված, բայց քանի որ հայհոյանքները էթիկայի սահմաններից դուրս էին «Հայկական Ժամանակ»-ը դա չի տեղադրել:

Միջադեպի հետ կապված զրուցեցինք Վիլեն Գայֆեջյանի հետ:

Մեր հարցին՝ դեպքի հետ կապված քայլեր ձեռնարկե՞լ է, Գայֆեջյանը պատասխանեց. «Անպայման կատարելու ենք, դեռ նախնական փուլում է, մոտավորապես մի քանի օրվա ընթացքում դատական հայց եմ ներկայացնելու»: Հետաքրքրվեցինք՝ վիրավորական գրառումներից հետո Աթանեսյանի հետ կապ հաստատե՞լ է, Գայֆեջյանը արձագանքեց. «Ոչ, իհարկե, իմա՞ստը»:

Հարցին, թե ի՞նչ ակնկալիքներ ունի դատարանից, Գայֆեջյանը պատասխանեց, որ առայժմ փակագծեր չի ցանկանում բացել: Նա նաեւ նշեց, որ որպես փաստարկ օգտագործել են նաեւ լուսանկարի տակ Աթանեսյանի արած վիրավորանքները այլ մարդկանց հասցեին: 

Գայֆեջյանի նպատակների մեջ է մտնում Տիգրան Աթանեսյանին փաստաբանի լիցենզիայից զրկելու հարցը:

Միջադեպի հետ կապված պարզաբանում ստացանք նաեւ փաստաբան Տիգրան Աթանեսյանից:

- Պարոն Աթանեսյան, քաղաքացիները ձեր հրապարակած լուսանկարի եւ դրա հետ գրված գրառման շուրջ դժգոհություններ էին արտահայտել, դուք ոմանց շատ կոպիտ պատասխան էիք տվել, ոմանց անգամ հայհոյել էիք, ի՞նչն էր դրա պատճառը:

- Նախ հարցի ձեւակերպմանը կատեգորիկ համաձայն չեմ: Ես վստահ չեմ, որ դրանք քաղաքացիներ են, եթե դուք նկատի ունեք ֆեյք կամ անդաստիարակ մեկը, որը ինձ վիրավորում է, եւ այդ վիրավորանքին ես պատասխանում եմ, ապա շատ լավ եմ անում, որ վիրավորանքին պատասխանում եմ: Դա ֆեյքային հարձակում էր, մոտավորապես 300 ֆեյք, որոնց 80 տոկոս էջերը գրեթե միանման էին, եւ քերականական ոճը, իմաստային ոճը ինձ հուշում է, որ դա ընդհանուր միգուցե 5-ից 10 հոգու կողմից ղեկավարվող կազմակերպած հարձակում էր, որը տհաճ բան է, բայց ես հասկանում եմ, որ հիմա այս էմոցիոնալ անցքի վրա, մարդիկ առանց հարցի էությունը հասկանալու ինձ էին թիրախավորել, որը շատ ծիծաղալու էր: 

Ես կատարում եմ իմ փաստաբանի պարտքը, իմ աշխատանքը, ու կատարել եմ այս անգամ լավ: Դավիթ Համբարձումյանը իրոք անմեղ է, նրան զրպարտել է նախկին քաղաքապետի ինչ-որ բարեկամ, եւ ընդամենը մի անձի ցուցմունքի վրա մարդուն մեղադրում են զանգվածային անկարգություններ կազմակերպելու եւ մասնակցելու մեջ, ինչը ծիծաղելի է: Դավիթը առհասարակ այդտեղ չի եղել: Նաեւ շփոթեցնում են այլ անձի հետ, ուրիշ նկարներ են տեղադրում, ուրիշ դեպքի հետ են կապում, ոչ ոքի չհետաքրքրեց՝ ինչ է եղել եւ իրավաբանական հարցի կողմը որտեղ է: Եւ եղավ այս հարձակումը, որոնց ես հետո սկսեցի արգելափակել, բայց հասկացա, որ անիմաստ է, ես չեմ կարող 300 ֆեյքի հետ պայքարել եւ ցանկություն էլ չունեմ: 

Երբեք իմ փաստաբանական ամբողջ կարիերայի ընթացքում ես չեմ ենթարկվել հարձակման՝ որեւէ մեկին պաշտպանելու համար, այդ թվում 2008 թվականին «Հայկական Ժամանակ» թերթը տարբեր դատարաններում ներկայացնելու եւ Նիկոլ Փաշինյանին պաշտպանելու համար: Երբեք մեկը չի ասել ինձ մի բառ, որեւէ իշխանական տեղի, կամ որեւէ հասարակության հատվածից: Այսօր ես պաշտպանում եմ մի քաղաքացու, որին առաջադրված ծանր մեղադրանքի դեպքում դատարանը չի գտնում հիմնավոր կասկած եւ ազատ է արձակում: Այսինքն, ես իմ փաստաբանական աշխատանքն եմ կատարել, եւ ցավոք սրտի ինձ համար շոկ էր, որ նոր Հայաստանում ես կարող եմ քննադատվել, տռոլինգի ենթարկվել, վիրավորանք կարող են հասցնել` իմ մասնագիտական պարտականությունները` չեմ ամաչի ասել, լավ կատարելու համար:

- Ձեր դեմ ասում են, որ դիմել են դատարան, խոսվում է նաեւ, որ Փաստաբանների պալատ են դիմել՝ ձեզ լիցենզիայից զրկելու համար, մտավախություն չունե՞ք, որ հնարավոր է ձեզ լիցենզիայից զրկեն կամ տույժի ենթարկեն:

- Եթե ես իմ անձնական էջում վիրավորանքին վիրավորանքով եմ պատասխանում, դրա վիրավորանքը ո՞րն է: Փաստաբանների պալատն էլ շատ կուրախանա վերջապես ինձ արտոնագրից զրկելու համար: Նոր Հայաստանում ես վերջապես դրանից կզրկվեմ, Սերժ Սարգսյանի ռեժիմի օրոք ինչքան էլ փորձեցին, չստացվեց, եւ ուրեմն նոր Հայաստանում ես դրանից կզրկվեմ: Ես ինչ ասել եմ եղել է ինձ ուղղված վիրավորանքին համարժեք պատասխան:

- Այսինքն, մտավախություններ չունե՞ք հնարավոր պատիժ ստանալու:

- Ես բացարձակ մտավախություն չունեմ, ես հպարտ եմ նրանով, որ իմ աշխատանքը կատարում եմ ճիշտ, լավ եւ օրենքի սահմաններում` միշտ: 

- Քաղաքացիների դժգոհությունները հիմնավոր չե՞ք համարում, որտեղ հիմնականում կենտրոնանում էին լուսանկարում արված ձեր գրառման այն մասի վրա, որտեղ նշել էիք, որ Մասիսի քաղաքապետը առայժմ մեղադրյալ է անհիմն մեղադրանքով:

- Դա իմ ֆեյսբուքյան էջն է, ես հանրային ծառայող չեմ, ես չեմ ապրում հարկատուների հաշվին, ես ազատ մարդ եմ, դա իմ ֆեյսբուքյան էջն է, ինչ կուզեմ, կդնեմ: Ես շատ եմ տեղադրում նկարներ իմ տարբեր պաշտպանյալների, վստահորդների հետ, դա իմ ազատ գոտին է, եւ ես ոչ մեկին հաշվետու չեմ: Դավիթ Համբարձումյանի նկարը ես տեղադրել եմ, որովհետեւ այդ մարդու հետ շփվելուց, ծանոթանալուց հետո ունեմ իրենից շատ լավ տպավորություն, եւ իմ բոլոր խոսքերի մեջ ես վստահ եմ: Ինչի՞ց են մարդիկ դժգոհում, որ ասել եմ՝ շատ լավ մա՞րդ, ինքը շատ լավ մարդ է: Մեղադրանքը անհիմն է, որովհետեւ մեկ անձի զրպարտչական ցուցմունքով մարդուն երբեք չեն կալանավորում: Ես պատրաստ եմ բոլորին բացատրել` ինչքան ինձ թույլ է տալիս նախաքննության գաղտնիությունը, թե ես ինչ եմ ասում:

Ես ասում եմ՝ Էրեբունու դեպքերի հետ Դավիթ Համբարձումյանը որեւէ առնչություն չունի:

- Սխա՞լ էին նրան ձերբակալել: 

-Այո, եւ ճանաչվել է ձերբակալումը ոչ իրավաչափ, եւ կալանքի միջնորդությունն է մերժվել:

Հ.Գ. Տիգրան Աթանեսյանը երեկ ֆեյսբուքյան իր էջից ջնջել էր թե՛ վերոնշյալ լուսանկարը եւ թե վերջին շրջանում արված բոլոր գրառումները:

Տպել
14652 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը