Երևան
12 °C
Հայաստանի ֆուտբոլի ֆեդերացիայում նախագահի ու գործադիր կոմիտեի ընտրություններ են լինելու մինչեւ 2019 թ. փետրվար ամիսը: Գործող նախագահի ու գործադիր կոմիտեի պաշտոնավարման ժամկետը, որը 4 տարի է, լրանում է 2019-ի հունիսին, սակայն արտահերթ ընտրություններ պետք է լինեն, որովհետեւ մինչեւ 2019-ի փետրվար ՀՖՖ-ն պետք է իրավաբանական անձանց միությունից (ԻԱՄ) վերակազմավորվի հասարակական կազմակերպության (ՀԿ): «Հայկական ժամանակ»-ը ՀՖՖ վարչաիրավական դեպարտամենտի ղեկավար Լուսինե Բակումյանի հետ զրուցել է, թե ինչպես են տեղի ունենալու ընտրությունները եւ ովքեր իրավունք ունեն ընտրվելու:
-Ե՞րբ են լինելու ՀՖՖ նախագահական ընտրությունները:
-Համաձայն հասարակական կազմակերպությունների մասին օրենքի, որն ընդունվել է 2016 թ. դեկտեմբերի 16-ին եւ համաձայն քաղաքացիական օրենսգրքում կատարված փոփոխությունների՝ իրավաբանական անձանց միությունները դադարել են գոյություն ունենալուց, եւ ՀՖՖ-ն որպես ԻԱՄ պարտավոր է, ըստ օրենքի, վերակազմավորվել եւ դառնալ հասարակական կազմակերպություն: Վերակազմավորման վերջնաժամկետը, ըստ օրենքի, 2019 թ. փետրվարն է, ինչը նշանակում է, որ մինչեւ 2019 թ. փետրվար ՀՖՖ-ն պետք է գումարի անդամների ժողով եւ այդ ժողովի ընթացքում փոխի կանոնադրությունը այն համապատասխանեցնելով ՀԿ-ների մասին օրենքին, միաժամանակ պետք է իրականացվի ինչպես ՀՖՖ նախագահի, այնպես էլ գործադիր կոմիտեի անդամների ընտրություն:
-Ի՞նչ կարգով է ընտրությունը լինում:
-Համաձայն ՀՖՖ գործող կանոնադրության՝ գործադիր կոմիտեն է իրավասու գումարելու ժողովը: Գործադիր կոմիտեի կողմից ընտրական ժողովի գումարման օրը որոշելուց հետո (տվյալ դեպքում արտահերթ ժողովը պետք է գումարվի մինչեւ 2019 թ.-ի փետրվար) ՀՖՖ-ն, իր կանոնադրության համաձայն, 1 ամիս առաջ պարտավոր է ծանուցել իր բոլոր անդամներին, որոնք էլ ծանուցումը ստանալուց հետո իրավունք ունեն ներկայացնելու իրենց պատվիրակներին, ինչպես նաեւ ժողովի անցկացման օրվանից առնվազն 20 օր առաջ իրավունք ունեն ներկայացնելու նախագահի եւ գործադիր կոմիտեի անդամների թեկնածուներին:
-Պատվիրակներն ո՞վքեր են:
-Պատվիրակներն ադնամների ներկայացուցիչներն են, որոնք իրավուքն ունեն մասնակցելու ժողովին, անդամների անունից ընտրություն կատարելու եւ քվեարկելու բոլոր հարցերի շուրջ: Անդամների կողմից սահմանված ժամկետում իրենց թեկնածուներին ներկայացնելուց հետո ՀՖՖ-ն պարտավոր է այդ թեկնածուների ցուցակը ժողովից առնվազն 10 օր առաջ պաշտոնապես տրամադրել ՀՖՖ–ի անդամներին ժողովի օրակարգի եւ այլ փաստաթղթերի հետ միասին։ Գործադիր կոմիտեի անդամները, ըստ կանոնադրության, ժողովներին մասնակցում են առանց ձայնի իրավունքի։ ՀՖՖ անդամները, ինչպես նշեցի, մասնակցում են իրենց պատվիրակների միջոցով։ Ինչ վերաբերում նրան, թե ովքեր են անդամները, ապա դա ՀՖՖ-ին անդամակցած ֆուտբոլային ակումբներն են եւ ֆուտբոլային գործունեություն իրականացնող այլ կազմակերպություններ:
-Նրանք էլ ներկայացնում են իրենց թեկնածուներին...
-Այո՛, եթե ընտրական ժողովի մասին է խոսքը, ապա անդամները, բացի պատվիրակ ներկայացնելուց, նաեւ իրավունք ունեն սահմանված ժամկետում ներկայացնել իրենց թեկնածուների անուն-ազգանունները, կենսագրականները, ծրագրերը։
-Ո՞վ կարող է թեկնածու դառնալ:
-Այս պահին գործող կանոնադրության համաձայն՝ նախագահ կամ գործադիր կոմիտեի անդամ կարող է ընտրվել 25 տարին լրացած, ընտրական իրավունք ունեցող, ՀՀ-ում մշտապես բնակվող յուրաքանչյուր քաղաքացի: Սակայն ես չեմ բացառում, որ նոր կանոնադրությամբ ՀՖՖ պատվիրակների ժողովի կողմից կարող են այլ չափորոշիչներ սահմանվել արդեն հետագա ընտրությունների համար։
-Հնարավո՞ր է, որ ՀՖՖ-ն իրավաբանական անձանց միությունից ՀԿ-ի վերագրանցելու նիստը լինի, բայց այդ օրն ընտրություններ չլինեն:
-Ո՛չ, չի կարող նման բան լինել, որովհետեւ կազմակերպությունն ամբողջությամբ իր կազմակերպաիրավական ձեւը փոխում է, եւ նոր կազմակերպություն է ստեղծվում վերակազմավորման ընթացքում, որի արդյունքում պետք է նոր ընտություններ անցկացվեն:
-ՀՖՖ նախագահի ու գործկոմի պաշտոնավարման 4 տարի արդեն լրանում էր...
-4 տարին լրանալու էր 2019 թ. հունիսին: Եթե սովորական ժամանակացույցով գնայինք, պետք է ընտրություն լիներ 2019 թ. հունիսին:
-ՀԿ դառնալը ֆեդերացիայի գործունեության վրա ի՞նչ բացասական կամ դրական ազդեցություն կարող է ունենալ:
-Բացասական որեւիցե ազդեցություն չի առաջացնում: Ընդհակառակը ընդլայնվել է այն սուբյեկտների ցանկը, որոնք կարող են անդամակցել ՀՖՖ-ին: Եթե նախկինում գործող օրենքով՝ առկա էին սահմանափակումներ, որոնց արդյունքում ՀՖՖ-ի անդամ կարող էին դառնալ միայն ՀԿ-ները, ապա ներկայումս այդ սահմանափակումը վերացել է, եւ նոր օրենքով՝ ֆուտբոլային գործունեություն ծավալող բոլոր իրավաբանական անձիք, անգամ ֆիզիկական անձիք կարող են անդամակցել։ Սակայն օրենքը հնարավորություն է տալիս ՀԿ-ներին (տվյալ դեպքում ՀՖՖ-ին) ինքնուրույն որոշելու այն սուբյեկտների շրջանկը, որոնք կարող են դառնալ ՀՖՖ անդամ։
-Տարեկան նիստը պետք է հունիսի 8-ին լիներ, բայց տեղափոխվեց 30-ին: Ի՞նչն էր պատճառը:
-Գործադիր կոմիտեն՝ որպես ժողովը գումարելու իրավասություն ունեցող մարմին, որոշում է կայացրել այն հետաձգել հունիսի 30-ին, հավանաբար ավելի նպատակահարմար են գտել, որ ժողովն այդ օրն անցկացվի:
-Այդ օրը տեղի՞ է ունենալու նաեւ նախագահական եւ գործադիր կոմիտեի ընտրությունը:
-Ո՛չ: Ամսի 30-ին ընտրություն չի լինելու: Ամսի 30-ին լինելու է հերթական ժողովը, որը մենք պարտավոր ենք ֆինանսական տարվա ավարտից հետո 6 ամսվա ընթացքում անցկացնել: Դրանից հետո, երբ գործադիր կոմիտեն որոշում կայացնի գումարելու արտահերթ ժողով, այդ ժամանակ էլ լինելու են ընտրությունները:
-Մամուլում տեղեկություն կար, որ պետք է հունիսի 8-ին լինեին ընտրությունները:
-Սխալ է, դա ակնհայտ դեզինֆորմացիա է, որովհետեւ ՀՖՖ-ում անհնար է թաքուն ընտրություններ կազմակերպել: Ի վերջո մենք նաեւ պատասխանատու ենք ՖԻՖԱ-ի եւ ՈՒԵՖԱ-ի առաջ: Մեր բոլոր օրակարգերը նախապես, բացի ՀՖՖ անդամներին ուղարկելուց, ուղարկվում են նաեւ նշված մարմիներին, եւ բոլոր ընտրական ժողովների ընթացքում սովորաբար ներկա են լինում նաեւ ՈՒԵՖԱ-ի ներկայացուցիչները։ Եվ, ինչպես ասացի, ընտրություն կազմակերպելու համար գոյություն ունեն հստակ ընթացակարգեր: Ընտրական ժողով կազմակերպել, շրջանցելով դրանք, հնարավոր չէ, եւ մամուլում դրա վերաբերյալ առկա տեղեկատվությունը, մեղմ ասած, չի համապատասխանում իրականությանը:
-Այսպես էր միտքը, որ ֆեդերացիայի նախագահ Ռուբեն Հայրապետյանը փորձելու է գաղտնի կրկին ընտրվել:
-Դա կոնկրետ անձանց շահերը սպասարկելու համար տրված տեղեկատվություն է: Նման բան հնարավոր չէ անել:
-Ընտրական ժողովը բա՞ց է լինելու, ԶԼՄ-ները եւ քաղաքացիները կարո՞ղ են ներկա գտնվել:
-Ինչպես ասացի, դա պատվիրակների ժողով է: Թեեւ մեր կանոնադրությունը հստակ չի սահմանում այդ հարցը, սակայն պատվիրակները իրավասու են որոշելու՝ նպատակահարմար են համարում, որ լինի բաց, թե՝ փակ: Սովորաբար մինչեւ հիմա ժողովները նկարահանվել են, եւ այդ ժողովների վերաբերյալ ամբողջական ինֆորմացիան անմիջապես տեղադրվել է ՀՖՖ կայքում:
«Հայկական Ժամանակ»-ը Telegram-ումՆորատուս գյուղում գայլերը հոշոտել են շուրջ 70 գառ
Ամիօ լիզինգ. խելացի ընտրություն տեխնիկական վերազինման համար
Լավ, հոգեհանգիստ լինի՝ կարելի է համալիրում անել, բայց հարսանիք՝ ոչ, խելագարվել կարելի է ուղղակի. վարչապետ
Թոքաբանության ազգային կենտրոնը միացվում է Ինֆեկցիոն հիվանդությունների ազգային կենտրոնին
ԱԺ-ն ամբողջությամբ ընդունել է ցեմենտի ներքին շուկան և արտադրությունը պաշտպանելու նախագիծը և այլ նախագծեր
Ձրի հասկացության հետ մեր վերաբերմունքը պետք է ճշգրտենք. այս աթոռի վրա մի ժամ նստելը կոնկրետ գին ունի. վարչապետ
Նոր Նորք վարչական շրջանի ղեկավար է նշանակվել
15-ամյա պատանին վիճաբանության ժամանակ դանակով հարվածել է 16-ամյա եղբորը
Պայթյուն Ստավրոպոլում. սպանվել են ՌԴ ԶՈՒ վետերան, քաղաքային վարչակազմի պաշտոնյա Զաուր Գուրցիևը և ևս մեկ անձ
Ապրիլին վարձու աշխատողի չձևակերպման դեպքեր արձանագրվել են 70 հարկ վճարողի մոտ․ տուգանքի չափը՝ 49.5 մլն դրամ
Պուտինը շնորհավորել է միության գործընկերներին և ՀՀ վարչապետին ԵԱՏՄ օրվա կապակցությամբ
Մանկապարտեզի նախկին տնօրենի կողմից հափշտակվել է առանձնապես խոշոր չափերով գումար. նախաքննությունն ավարտվել է
Մասկը հեռանում է պետական պաշտոնից
Ապարան-Քուչակ ճանապարհի ավտովթարից տուժել է 12 անձ, Վանաձորում՝ 5 անձ. նախարարը հորդորում է զգոն լինել
12 մարդ տուժել է, մեկը՝ մահացել. խոշոր ավտովթար-հրդեհ Ապարան-Քուչակ ճանապարհին
Ադրբեջանի ԶՈՒ ստորաբաժանումները կրակ են բացել Խոզնավար բնակավայրի ուղղությամբ. վնասվել է տուն
1 զոհ և 4 վիրավոր, խոշոր ավտովթար Վանաձորում. լուսանկարներ
Երևանում ավտոմեքենաներ են այրվել
Կայացել է «Իմ քայլը» հիմնադրամի «Ստեղծենք միասին» նախագծի բարեգործական ընթրիքը. տեսանյութ
Վարդան Մինասյանը և մարզչական շտաբը լքում են «Արարատ-Արմենիա»-ն
Պտտահողմը Շիրակի մարզի Հառիճ գյուղից. տեսանյութ
ԱՊՀ անդամ պետությունների զբոսաշրջության հարցերով խորհրդի նիստ է տեղի ունեցել
Կայացավ հերթական հանդիպումս երիտասարդների հետ. Ալեն Սիմոնյան
Խաղաղության հասնելու ժամանակն է, համաձայնագրի ստորագրումը կարևոր է ԱՄՆ-ի համար. Թրամփն Ալիևին նամակ է գրել
Ռուսաստանի և Թուրքիայի արտգործնախարարները հեռախոսազրույց են ունեցել
Կանարյան կղզիներում միգրանտներին տեղափոխող նավ է խորտակվել. կան զոհեր
Ուրախ էի մասնակցել միջոցառմանը Սարդարապատում, որը ընդգծեց ուժեղ հայկական պետականության կարևորությունը. Գալագեր
Պաշտպանության փոխնախարարի գլխավորած պատվիրակությունը մասնակցում է «IDET» 18-րդ միջազգային ցուցահանդեսին
«Հավատարիմ ստրուկները». ընդդիմությունը Ռուսաստանի «ոտքերն» է ընկել. տեսանյութ
Հանրապետության տոնի առթիվ ՆԳՆ մի շարք ծառայողներ պարգևատրվել են պետական բարձր պարգևներով
Բախվել են «Մերսեդես»-ն ու մոտոցիկլը. մոտոցիկլավարը տեղափոխվել է հիվանդանոց
Հայտնի են ռուս-ուկրաինական բանակցությունների նոր փուլի օրն ու վայրը. Լավրովը հայտարարություն է արել
Ջրի կուտակման ավազանի մոտակայքում քաղաքացին ձորն է ընկել
Մոսկվան պատրաստ է խաղաղության, բայց ոչ ցանկացած գնով. Պուտինը պայմաններ է առաջադրել
Կոտայքում մեքենաներ են բախվել․ կա 7 վիրավոր, բոլորը երեխաներ են
Ժողովրդին կոչով դիմող Քոչարյանին հիշեցրեք, որ կապ չունի հայ ազգի հետ, ինքն է իրեն տարանջատել հայերից. Չախոյան
Ինչ անի վարչապետը՝ ոտքով դուռ բացի՞, ծեծի՞. Քոչարյանը չի պատկերացնում լինել ղեկավար ու մարդ չսպանել. տեսանյութ
Պտտահողմն ու կարկուտը Արթիկում ավերածությունների պատճառ են դարձել. լուսանկարներ, տեսանյութեր
Մահացել է փորձառու օդաչու Մերուժան Ծատուրյանը
Մերձմոսկվայում այրվում է «Արմենիա Մարկետ»-ը. տեսանյութ
© 2025 Հայկական ժամանակ
Website by MATEMAT