Երևան
20 °C
searchclose
today
menuclose
Երևան
20 °C
Խորհրդարանական ԵԼՔ դաշինքի կուսակցություններում թեժ քննարկումներ են ընթանում: Առանցքում հետեւյալ հարցն է՝ դաշինքի մաս կազմող կուսակցությունները պետք է միասին մասնակցեն առաջիկա խորհրդարանական արտահերթ ընտրություններին, թե՞ դաշինքով: Այս ընթացքում դաշինքի մաս կազմող «Լուսավոր Հայաստան», «Հանրապետություն» եւ «Քաղաքացիական պայմանագիր» կուսակցությունների առանցքային ներկայացուցիչներ հայտարարում են, որ առայժմ որեւէ բան չեն կարող ասել սույն հարցով: Սակայն նրանց խոսքերից պարզ է, որ որոշողը ՔՊ-ն է: Մասնավորապես, «Հանրապետությունից» Արամ Սարգսյանը ՀԺ-ի հետ զրույցում ասաց, որ Քաղաքացիական պայմանագիրը իր խորհրդում պետք է քննարկի, թե ինչպես է ցանկանում գնալ ընտրությունների:
««Քաղաքացիական պայմանագիր» կուսակցությունը մինչեւ հեղափոխության հաղթանակը բացարձակ այլ կուսակցություն էր՝ մարդկային ռեսուրսով, հիմա այլ քաղաքական ուժ է՝ այլ մարդկային ռեսուրսով եւ այլ հնարավորություններով: Նման քննարկումներ պետք է լինեն նաեւ մյուս երկու կուսակցություններում: Այս խնդրի լուծումը կհայտարարվի ընտրություններից առաջ, անգամ եթե այսօր էլ իմանանք որոշումը»,- ասաց Սարգսյանը եւ նշեց, որ դաշինքում քննարկումներ չկան, իսկ կուսակցություններից էլ միայն ՔՊ-ն է քննարկումների փուլում գտնվում:
Պարզ է, որ հիմա ՔՊ-ն որպես քաղաքական ուժ ապրում է իր աստղային պահերը, քանի որ իրականացնելով հեղափոխություն վայելում է հասարակության համակրանքը: Ակնհայտ է նաեւ, որ եթե այլ քաղաքական ուժեր ընտրություններին մասնակցեն ՔՊ-ի հետ, ապա միայն շահող են դուրս գալու: Միեւնույն ժամանակ հարց է առաջանում, թե որքանո՞վ է արդարացի, որ այլ ուժեր ՔՊ-ի ռեյտինգի անվան տակ մասնակցեն ընտրություններին եւ ԱԺ-ում տեղեր ամրագրեն: «Հանրապետությունից» Արամ Սարգսյանն այս մասով ասաց.
«Արդարն ու անարդարը որոշողը հանրությունն է: Մենք դեռ չենք որոշել՝ միասին ենք գնում, թե առանձին»:
Պատգամավորը վստահեցնում էր, որ միասնական կուսակցություն դառնալու հուշագրային կետն անցյալի հիշողություն չի դարձել, բայց արդյո՞ք իրականություն կդառնա, թե՝ ոչ, դա եւս քննարկման թեմա է:
«Մենք երբեք որեւէ դաշինքում աղքատ բարեկամի կարգավիճակում չենք եղել, չենք լինի եւ չենք պատրաստվում լինել: Համագործակցում ենք այն ուժերի հետ, որոնց հետ ընդհանուր ընկալումներ ունենք եւ երբեք ամբիցիաներ չենք դրսեւորել»,- ասաց նա:
«Քաղաքացիական պայմանագիր» կուսակցության ներկայացուցիչ Լենա Նազարյանն էլ ՀԺ-ին փոխանցեց, որ միասնական կուսակցություն դառնալու հարցն օրակարգում է, բայց շահագրգռվածները իրենք չեն:
«Նախկինում մենք այս հարցը քննարկել ենք, ընդ որում՝ հարցը ՔՊ-ն է առաջ բերել, բայց զգացել ենք, որ այդ հարցը մեր գործընկերներին առանձնապես չի հետաքրքրել: Նրանք ասել են՝ դեռ շարունակենք աշխատել մասին եւ հարցը քննարկենք 2018-ի սեպտեմբերին: Սրանից հետո առանձնապես հետաքրքրություն չեն դրսեւորել եւ քննարկումներ չեն եղել»,- ասաց Լենա Նազարյանը եւ ընդգծեց, որ գործընկերների համար մեկ կուսակցություն դառնալը հետաքրքրության առարկա չի եղել մինչեւ փողոցային պայքարի դուրս գալը:
«Բայց քանի որ իրավիճակ է փոխվել եւ շուտով լինելու են արտահերթ ընտրություններ, մեկ կուսակցություն դառնալու հարցը առաջ է եկել եւ կարեւոր է դարձել կուսակցությունների համար: Ըստ իրենց՝ այս քննարկումները հիմա իմաստ ունեն»,- ասաց Նազարյանը:
Մեր հարցին՝ ինչու՞ նախկինում չէին ուզում, իսկ հիմա ակտիվորեն քննարկում են միասնական կուսակցություն դառնալու հարցը, Նազարյանը պատասխանեց. «Ասում էին՝ դեռ ժամանակը չէ, վաղ է: Հիմա կարող եմ ասել, որ շատ ակտիվ քննարկումներ չկան, քանի որ ՔՊ-ում այլ հարցերի ծավալն է շատ»:
Փորձը ցույց տվեց, որ «Լուսավոր Հայաստան» եւ «Հնարապետություն» կուսակցությունները վճռական պահին ՔՊ-ին միայնակ թողեցին: Լենա Նազարյանից հետաքրքվեցինք՝ արդյո՞ք ՔՊ-ում մտավախություն չունեն, որ արտահերթ ընտրություններից հետո այս երկու կուսակցությունների հետ համագործակցությունը ռիսկային է դառնում եւ էլի պառակտումններ կլինեն:
«Այդ իրավիճակը, որ ստեղծվեց, մեր կուսակցությունում շատ բացասական արձագանքներ է ստացել եւ դրանք մինչեւ հիմա կան: Հիմա, երբ նման քննարկումներ են տեղի ունենում, դիմադրության են արժանանում, որովհետեւ եղել են իրավիճակներ, երբ մեր գործընկերները մեր ակնկալած չափով չեն աջակցել: Մեկ կուսակցություն դառնալուն ՔՊ-ում շատ մարդիկ դեմ են»,- ասաց Լենա Նազարյանը:
«Լուսավոր Հայաստանից» Էդմոն Մարուքյանն էլ միասին ընտրություններին գնալ-չգնալու շուրջ քննարկումները կապում է երկրում ստեղծված նոր քաղաքական իրողությունների հետ: Լրագրողի հարցին՝ եթե ՔՊ-ն որոշի դաշինքով չգնալ, ապա ԼՀ-ն նպատակահարմար կգտնի՞ միայնակ մասնակցել ընտրություններին, Մարուքյանը պատասխանեց.
«Այդ հարցը որ տալիս եք, ինչպե՞ս եք կարծում: Այսինքն, եթե որեւէ դաշինքում չկանք, կարող ենք լուծարվե՞լ: Հարցն անհարգալից վերաբերմունք է մեր նկատմամբ: Բոլոր կոնֆիգուրացիաներով մենք կմասնակցենք»,- ասաց նա:
ՀԺ-ի հարցին էլ, եթե «Լուսավոր Հայաստանը» միայնակ գնա խորհրդարանական արտահերթ ընտրություններին, ապա խորհրդարան անցնելու ի՞նչ շանսեր ունի, քանի որ ՔՊ-ին միայնակ թողնելը բացասաբար է ընկալվել հասարակության կողմից, Մարուքյանը պատասխանեց.
«Ես այդպիսի կարծիքի ծանոթ չեմ: Միշտ դուք եք հնչեցնում այդ կարծիքը: Ես քայլում եմ Երեւանի, Վանաձորի փողոցներում, բայց մեզ այլ հարցերով են դիմում, ոչ թե ձեր ասած հարցերով»,- ասաց նա:
Անդրադառնալով մեկ կուսակցություն դառնալու հարցին՝ Մարուքյանն ասաց, որ դա դաշինքի հուշագրում է արձանագրված եւ այդ հուշագրում չկա արձանագրված մի բան, որը կյանքի չկոչվի:
Կառավարությունը չի կարող մտնել ամեն դպրոց, ասի՝ երեխաները, ուսուցիչները, տնօրենը՝ այստեղ, գնդակը՝ այստեղ. Փաշինյան
Խաղաղապահների կարիքն այլևս չկա, որովհետև ոչ ոք չի վիճում, թե ում է պատկանում Ղարաբաղը. Ժուրավլյով
36 կգ ոսկու և 293 մլն ռուբլու հափշտակության գործով հետապնդում է հարուցվել 12 անձի նկատմամբ, 5-ը կալանավորված են
Խաղաղապահների դուրս բերումը վկայում է ռուս-ադրբեջանական առավել խորացող դաշնակցային հարաբերությունների մասին. Մարգարյան
Գետափնյա գյուղի մոտակա կամրջով երթևեկությունը շարունակում է փակ մնալ
Մարտին ձմեռ էր, ապրիլին՝ ամառ. Սուրենյան
1 զոհ, 1 վիրավոր․ մեքենան բախվել է երկաթե արգելապատնեշներին, հողաթմբին և գլխիվայր շրջվել
Մադրիդի «Ռեալը» հաղթել է «Մանչեսթեր Սիթիին» և դուրս եկել Չեմպիոնների լիգայի կիսաեզրափակիչ
«Գրքի աշխարհ»-ը չկառուցելու դիմաց հափշտակված մոտ 236 քմ տարածքով գույք է վերադարձվել պետությանը
Պետդեպարտամենտից մեկնաբանել են Ղարաբաղից ռուս խաղաղապահների վաղաժամ հեռացումը
Իմ, երեխաներիս, կնոջս, ծնողներիս մասին ինչ ասես՝ ասվեց, ես արժանապատվություն չունե՞մ, պետք է զոհաբերես. Փաշինյան
Տնային կալանք և 7 մլն դրամ գրավ․ դատարանը որոշել է Սամվել Վարդանյանի խափանման միջոցը
«Էրեբունի» օդանավակայան տանող ավտոճանապարհին ավտոմեքենա է այրվել
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
