Վիգեն Սարգսյանը ՀՀԿ փոխնախագա՞հ. նա ո՛չ հերքում է, ո՛չ հաստատում

ՀՀԿ-ն թեւակոխել է քայքայման երկրորդ փուլը: Բանն այն է, որ Սերժ Սարգսյանի հրաժարականից եւ Նիկոլ Փաշինյանի վարչապետ ընտրվելուց հետո շատերը ՀՀԿ-ից դուրս եկան: Այս ընթացքում ՀՀԿ-ն լքեցին բիզնես դաշտի խոշոր խաղացողները: Մասնավորապես, Սամվել Ալեքսանյանը, Արման Սահակյանը, Արտակ Սարգսյանը եւ այլք: Մի քանի օր առաջ էլ հայտնի դարձավ, որ ՀՀԿ-ի առաջին փոխնախագահի պաշտոնից հրաժարվում է նախկին վարչապետ Կարեն Կարապետյանը:

Կարապետյանը կուսակիցների շրջանում նշել է, որ այս շրջանում ինքն ակտիվ չէ եւ արդարացի չի էլ լինի, որ շարունակի մնալ այս պաշտոնում: ՀՀԿ-ում Կարապետյանի նման որոշումն անակնկալ է եղել եւ հակառակ նրան, որ նա նշել է, թե շարունակում է կուսակցական մնալ, նրա այս քայլը համարել են հենց ՀՀԿ-ն լքելու միտում: ՀՀԿ-ի մի քանի պատգամավորներ ՀԺ-ի հետ ունեցած մասնավոր զրույցում նշեցին, որ Կարեն Կարապետյանը երկրից հեռանալու ցանկություն այն ժամանակ է ունեցել, երբ արդեն պարզ է դարձել, որ ՀՀԿ-ն իշխանության վերադառնալու ոչ մի շանս չունի:

Այս պահին ՀՀԿ-ականները չգիտեն, թե որտեղ է գտնվում Կարեն Կարապետյանը: Մասնավորապես, ՀՀԿ խորհրդի անդամ Շուշան Սարդարյանը ՀԺ-ի հետ զրույցում ասաց, որ տեղյակ չէ Կարապետյանի գտնվելու վայրից, ինչպես նաեւ չգիտի, թե ինչու է նա հրաժարվել ՀՀԿ առաջին փոխնախագահի պաշտոնից: Սարդարյանը նաեւ չնշեց, թե ում է ուզում տեսնել այդ պաշտոնում: ՀՀԿ ԳՄ անդամ, արդարադատության նախկին նախարար Դավիթ Հարությունյանն էլ մեր զրույցում նշեց, որ ՀՀԿ խորհրդի նիստի օրը դեռ հայտնի չէ: Նա փոխանցմամբ՝ առայժմ չի շրջանառվում որեւէ թեկնածուի անուն: Հանրապետականի խորհրդի կազմից Ալիկ Սարգսյանն էլ ասաց, որ իրեն ոչ ոք դեռ խորհրդի նիստի չի հրավիրել, եթե հրավիրեն, կգնա: Նա միաժամանակ ասաց, որ տեղյակ չէ Կարեն Կարապետյանի հրաժարականի մասին:

ՀՀԿ-ի հնաբնակներից Գագիկ Մինասյանն էլ նշեց՝ տեղեկություն չունի, որ ՀՀԿ-ն առաջին փոխնախագահի ընտրության օրակարգով խորհրդի նիստ է հրավիրելու: «Ես գործադիր մարմնի վերջին նիստին չեմ մասնակցել եւ տեղյակ չեմ, որ նա հրաժարվել է այդ պաշտոնից»:

Դիտարկմանը, որ ՀՀԿ-ն արդեն սկսել են լքել քաղաքական դեմքերը, Մինասյանը նշեց. «Ոչ, ձեր գնահատականը իրականությանը չի համապատասխանում»:

Ի դեպ, «Հայկական ժամանակ»-ը դեռ 2016 թվականին գրել էր, որ ՀՀԿ 16-րդ համագումարում կուսակցության կանոնադրության մեջ փոփոխություններ էր տեղի ունեցել եւ ստեղծվել էր կուսակցության առաջին տեղակալի պաշտոնը: Այն հատուկ արվել էր Կարեն Կարապետյանի «սիրտը շահելու» համար, սակայն Կարապետյանն այն լքում է, երբ արդեն չկա անձնական շահ: 2011 թվականին էլ նա Երեւանի քաղաքապետի պաշտոնն էր լքել ու մեկնել Մոսկվա:

Անդրադառնալով ՀՀԿ նախագահի առաջին տեղակալի թափուր պաշտոնին՝ նշենք, որ ՀՀԿ-ամերձ որոշ անձիք այս պաշտոնի հավանական թեկնածու տեսնում են պաշտպանության նախկին նախարար, Սերժ Սարգսյանի նախկին ռեֆերենտ Վիգեն Սարգսյանին: ՀՀԿ փոխնախագահ դառնալու մասին տեղեկությունը ՀԺ-ի հետ հեռախոսազրույցում Վիգեն Սարգսյանը ո՛չ հերքեց, ո՛չ հաստատեց: Նա սկզբից մինչեւ վերջ լսեց հարցը եւ ասաց. «Հանրապետական կուսակցությունը լուրջ կառույց է, մամուլի գրասենյակ ունի, ինչո՞ւ եք ինձ զանգում»,- ասաց Վիգեն Սարգսյանը եւ հրաժարվեց պատասխանել մեր հարցին:

Նշենք, որ ՀՀԿ պաշտոնական կայքի համաձայն՝ ՀՀԿ ԳՄ-ի եւ ՀՀԿ խորհրդի կազմում որեւէ փոփոխություն տեղի չի ունեցել:

Տպել
3260 դիտում

Աշոցքում ՔՊ անդամն է հաղթել, Հառիճում՝ ինչպես միշտ, 18 տարվա համայնքապետը

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում