Հրաժարականը հրաժարականի հետեւից. ի՞նչ կապ ունի Կոտայքի մարզպետը

Ռոմանոս Պետրոսյանի՝ Կոտայքի մարզպետ նշանակվելուց մեկ ամիս անց մի շարք համայնքային ու վարչական ղեկավարներ մեկը մյուսի հետեւից հրաժարականներ են ներկայացնում: Սկզբում՝ Հրազդանի քաղաքապետ Արամ Դանիելյանը, ապա օրերս Սոլակ համայնքի ղեկավար Բադալ Սարգսյանը, Արզական գյուղի վարչական ղեկավար Նորիկ Մովսեսյանը, Ակունք համայնքի Նոր գյուղ վարչական միավորի ղեկավար Գրիշա Թադեւոսյանը:

Կոտայքի մարզպետ Ռոմանոս Պետրոսյանից տեղեկացանք, որ այսօր հրաժարականի դիմում է գրել նաեւ Ձորագյուղի գյուղապետը: «Հայկական ժամանակ»-ի հետ զրույցում մարզպետը խոսեց հրաժարականների եւ դրանց հետ իր կապի մասին:

- Պարոն Պետրոսյան, վերջին օրերին մեկը մյուսի հետեւից հրաժարականի դիմումներ են գրում Կոտայքի մարզի համայնքապետեր, գյուղապետեր: Ինչի՞ հետ է սա կապված, Դու՞ք եք հորդորում, թե՞ քաղաքացիներն են պահանջում:

- Իրականում, ես որեւէ մեկին չեմ հորդորել, նույնիսկ իմ սահմանադրական լիազորությունների մեջ չի մտնում որոշում կայացնել համայնքների վարչական ղեկավարների հետ աշխատելու նպատակահարմարությունը կամ իրենց աշխատանքը գնահատելը: Պարզապես, ես մեր մարզում որդեգրել եմ կառավարման նոր մշակույթ ու կառավարման դինամիկ ոճ ենք մենք որդեգրել՝ օր առաջ լուծել ընթացիկ խնդիրները, օր առաջ իրականացնել լրջագույն բարեփոխումներ՝ մարդկանց կյանքի որակը դրականորեն փոխելու համար: Ու այս կոնտեքստում կան համայնքների ղեկավարներ, կամ գյուղապետեր, ովքեր իրենց չեն տեսնում այդ թիմի մեջ, այդ արժեհամակարգի մեջ: Իրենք չեն պատկերացնում իրենց աշխատանքը նման դինամիկ շարժի, պահանջների, կոռուպցիան արմատախիլ անելու այդ վճռականության ու նաեւ քաղաքական նոր իրողությունների ֆոնին, որում մենք այսօր գտնվում ենք: Ես իրենց որոշումները միայն այսպես կարող եմ մեկնաբանել:

- Այսինքն, իրենց անձնական որոշմամբ են գրել դիմումները:

- Իհարկե, դա իրենց իրավունքն է:

- Իսկ ընտրությունները ե՞րբ են լինելու կամ ժամանակավոր պաշտոնակատարներ ե՞րբ եք նշանակելու:

- Այն ՏԻՄ ղեկավարները, որոնք ընտրովի մարմիններ են, ասենք՝ Սոլակի գյուղապետը, Հրազդանի քաղաքապետը, օրենքով սահմանված կարգով ավագանին ընդունում է իրենց հրաժարականը, արձանագրությունը փոխանցում է մարզպետին, մենք սահմանված կարգով դա տրամադրում ենք տարածքային կառավարման եւ զարգացման նախարարին: Որից հետո արդեն լիազորված մարմինը նշանակում է արտահերթ ընտրություններ: Մեկուկես-երկու ամսվա գործընթաց է ենթադրում: Իսկ վարչական ղեկավարները պարզապես դիմումի համաձայն ազատվում են, եւ համայնքի ղեկավարն ինքը վարչական ղեկավար է նշանակում իր որոշմամբ: Իսկ համայնքի ղեկավարների որոշումների մասով՝ ես խնդրել, հորդորել եմ, որպեսզի իրենք ելնեն բացառապես քաղաքացու շահ սպասարկելու առաջնահերթությունից եւ իրենց համայնքներում նշանակեն այնպիսի վարչական ղեկավարների, որոնք իրենց կառավարման փորձով, արժեհամակարգով, իրենց անցած ճանապարհով կարող են բարեփոխումների մաս կազմել իրենց համայքներում, կարող են ծառայել համայնքային եւ պետության շահին, եւ ոչ մի դեպքում կլանային, ընտանեկան կամ նեղ անձնական շահին:

- Դուք ինքնե՞րդ եք այցելում գյուղեր ու համայնքներ, հանդիպումներ ունենում ղեկավարների կամ քաղաքացիների հետ:

- Այո, անձամբ ես, այցելում եմ մարզային ենթակայության բոլոր հաստատությունները, համայնքներ, վարչական շրջաններ: Եվ այդ այցերը հիմնականում լինում են անակնկալ, որպեսզի առօրյա գործունեության աչքով տեսնեմ այդ համայնքում ապրող իմ՝ Կոտայքի մարզային քաղաքացու կյանքի որակը: Արդեն եղել եմ քաղաքային բոլոր յոթ համայնքներում, հանդիպել եմ քաղաքապետերի եւ քաղաքապետարանների վարչակազմերի հետ: Այցելել եմ շուրջ երկու տասնյակ համայնքներ, հանդիպել եմ գյուղապետերի, գյուղական վարչակազմերի ղեկավարների հետ: Այցելել եմ մարզի բոլոր բժշկական կենտրոններ, մի շարք դպրոցներ: Գրեթե ամեն օր առավոտյան այց եմ կատարում մի համայնք կամ հաստատություն, ապա օրվա մյուս կեսն անց եմ կացնում աշխատասենյակում՝ ամփոփելով արդյունքներն ու կոնկրետ աշխատանք տանելով խնդիրների լուծման ուղղությամբ:

- Պարոն Պետրոսյան, իսկ Դուք տեղյա՞կ եք՝ նոր հրաժարականներ լինելո՞ւ են:

- Մեր այսօրվա կյանքի որակը ինձ չի բավարարում Կոտայքի մարզում: Իսկ այսօրվա կյանքի որակը հիմնականում պայմանավորված է տեղերում վատ կառավարմամբ եւ կառավարման այն մշակույթով, որ եղել է իմ նշանակումից առաջ: Այս կոնտեքստում ես չեմ բացառում նոր հրաժարականները:

- Եթե վատ աշխատած գյուղապետերը կամ համայնքապետերը իրենց կամքով հրաժարական չտան, Դուք կմիջամտե՞ք:

- Ես օրենքով սահմանված կարգով չեմ կարող պահանջել, որ իրենք հրաժարական տան, բայց ես կարող եմ ժողովրդական, հանրային պահանջ ունենալու դեպքում, բողոքների հիման վրա միջնորդել տարածքային կառավարման նախարարին՝ Սահմանադրությամբ ինձ վերապահված մասնագիտական եւ իրավական հսկողության գործառույթներ կատարել այդ համայնքներում: Արդեն ստուգումների արդյունքներով եղած տվյալներով պետք է հասկանանք՝ ինչ ունենք, հանցակազմ կա՞, թե՞ ոչ, ղեկավարները բարեխղճորեն կատարե՞լ են իրենց աշխատանքը, թե՞ ոչ, ապա որեւէ խնդիր չի լինի, ես իմ որոշումը կկայացնեմ եւ կփոխանցեմ համապատասխան մարմիններին:

Տպել
11475 դիտում

Տիգրան Ավինյանն այսօր եղել է Սև լճում

Բանակցությունները կշարունակվեն վաղը.ադրբեջանական կողմին կրկին առաջարկվել է առանց նախապայմանի վերադառնալ ելման դիրքեր.ՊՆ

Հայաստանի՝ ՀԱՊԿ-ին դիմելը Բաքուն որակել է որպես սահմանային իրավիճակի քաղաքականացում

Պետությունն աջակցում է ամուսին չունեցող կանանց մայրանալ. նախկինում նրանք ասոցացվում էին անառակի հետ, այսօր պատկերը այլ է

ՀԱԹ Բ2 թաղամասի բարձրահարկի հրդեհը մարվել է

Արա Այվազյանը հեռախոսազրույցներ է ունեցել ՀԱՊԿ ԱԳ նախարարների խորհրդի նախագահի և Ստանիսլավ Զասի հետ

Օրը 2 անգամ ջուրը նմուշառվում է. ՄԻՊ փաստահավաք աշխատանքների արդյունքները Վերին Շորժայում և հարակից սարատեղիներում

Ճանաչողական այցով Գյումրիում է դեսպան Ջոն Պատրիկ Գալագերին

ՀՀ-ում ստեղծված իրավիճակը ՀԱՊԿ-ի համար աննախադեպ փորձություն է և իմիջային հարց, որպես միջազգային անվտանգային կառույց. ԱԽ

Կկայանա Երվանդ Երկանյանի Թիվ 7 սիմֆոնիայի պրեմիերան. Սիմֆոնիկը հրավիրում է համերգի

Ասկերանի Իվանյան համայնքում ճաշարան է հրդեհվել

30-ամյա հետախուզվողը բերման է ենթարկվել

Իտալացի սենատորը հորդորել է ԱԳ նախարարին արձագանքել ՀՀ պետական սահմանն ադրբեջանցիների կողմից խախտելու փաստին.«Արմենպրես»

«Ակունքից՝ տիեզերք». ժողովրդական արվեստների թանգարանը կներկայանա նոր ցուցանմուշներով

Հայաստանը կլիմայի փոփոխության հետևանքների նկատմամբ խիստ խոցելի երկիր է (տեսանյութ)

Արա Այվազյանն ու Քուբադ Թալաբանին տարածաշրջանային և միջազգային օրակարգային հրատապ հարցեր են քննարկել

Թանգարանային գիշեր. հրավիրում է Հայաստանի բնության պետական թանգարանը

Վահան Քերոբյանը Դիլիջանում մասնակցում է «Հայաստանը՝ որպես արդի արդյունաբերական և գիտահեն պետություն» ֆորումին

Հայաստանի նկատմամբ ադրբեջանական սադրանքը պետք է դադարեցվի զորքերի անհապաղ դուրսբերմամբ. իտալացի պատգամավոր.«Արմենպրես»

Վահան Քերոբյանը Գյումրիում մասնակցեց «Դիստրիկտ» էկոթաղամասի հիմնադրման մեկնարկին

Հրդեհ Երևանի ՀԱԹ Բ2 թաղամասում. հայտարարվել է հրդեհի բարդության «1 ԲԻՍ» կանչ

Շրջանների զգալի մասում սպասվում է կարճատև անձրև և ամպրոպ, առանձին հատվածներում՝ նաև կարկուտ

ՀՀԿ-ն և «Հայրենիքը» հուշագիր են ստորագրել. Սերժ Սարգսյանը նորաստեղծ դաշինքի ցուցակում չի լինի

Սյունիքում երեկ կատարվածի փաստով հարուցված քր. գործով կա 1 ձերբակալված, հարցաքննվել են մի շարք անձինք. Քննչական կոմիտե

Սպանության մեղադրանքով հետախուզվողները հայտնաբերվել են Պռոշյան գյուղում (տեսանյութ)

Արցախում ընթացքի մեջ է կորոնավիրուսի դեմ պատվաստման գործընթացը

Մհեր Գրիգորյանն Իրաքյան Քուրդիստանի փոխվարչապետին է ներկայացրել ԵԱՏՄ շուկայի բիզնես գործունեության առավելությունները

Ատոմակայանի աշխատանքը կանգնեցվեց. այն չի աշխատի 141 օր

Պատերազմից հետո 38-ամյա քաղաքացին յուրացրել է ՊՆ-ին պատկանող «ՈՒԱԶ»-ը

Մինչև 1 տարեկան երեխաների համար ՀՀ մուտք գործելիս ՊՇՌ թեստավորման պահանջը հանվել է

Հայաստանի Հանրապետությունը վճռական է բոլոր միջոցները ձեռնարկել՝ ապահովելու իր տարածքային ամբողջականությունը. ԱԳՆ

Մենք խաղաղ էինք մեր լեռների պես, Դուք հողմերի պես խուժեցիք վայրագ. Ջոնաթան Լաքոթը հայերենով Շիրազ է հրապարակել

Մեղրի-Քաջարան ճանապարհահատվածը դարձել է միակողմանի անցանելի. իրականացվում է մաքրման աշխատանք

«Ի սեր հայ ու հայկականի». Գյումրիում անցկացվեց «Շիրակի էսքիզներ» հանրապետական պարային մրցույթ-փառատոնը (լուսանկարներ)

Սևանի ՃՈ անշարժ պահակակետի հարակից տարածքում հետախուզվող է հայտնաբերվել

Արցախում կորոնավիրուսի 4 նոր դեպք է հաստատվել. ստացիոնար բուժում է ստանում 30 վարակակիր

Սյունիքում երեկվա ակցիայի մասնակից 8 անձ է բերման ենթարկվել. կա ձերբակալված

Խոշոր քարաթափում հայ-իրանական սահմանի Մեղրիի լեռնանցքի հատվածում. ճանապարհահատվածը երկկողմանի փակ է

Հաստատվել է կորոնավիրուսային հիվանդության 282 նոր դեպք. առողջացել է 636, մահացել՝ 13 մարդ

ԱԻ նախարարի պաշտոնակատար Անդրանիկ Փիլոյանը Մոսկվայում հանդիպել է ՌԴ և Բելառուսի ԱԻ ղեկավարների հետ (տեսանյութ)