Միքայել Մինասյանի Արմնյուզում ճգնաժա՞մ է. գործընկերն ասում է՝ փողերն ուշացրել են

Սերժ Սարգսյանի փեսային՝ Վատիկանում ՀՀ արտակարգ եւ լիազոր դեսպան Միքայել Մինասյանին պատկանող «Պանարմենիան» մեդիա հոլդինգում ֆինասական խնդիրներ կան: Մասնավորապես, «Հայկական ժամանակ»-ին մեդիա գրուպի աղբյուրները փոխանցեցին, որ ծանր է հատկապես «Արմնյուզ» հեռուստաընկերության վիճակը: Մեղմ ասած, այն գտնվում է տնտեսական ճգնաժամի մեջ: Անգամ տեղեկություններ կան, որ Միքայել Մինասյանը հեռուստաընկերության բաժնետոմսերը դրել է վաճառքի եւ դրանցով հետաքրքրված են գործարար Խաչատուր Սուքիասյանը ու «RBC» ռուսական մեդիա հոլդինգի սեփականատերերը:

«Արմնյուզի» գլխավոր տնօրեն Հրաչ Քեշիշյանը հեռուստաընկերության վաճառքի մասին տեղեկությունները ՀԺ-ի հետ զրույցում հերքեց, նշելով՝ իրականությանը չի համապատասխանում: Նա նաեւ փոխանցեց, որ աշխատակիցների մեծ մասն այս պահին գտնվում է արձակուրդի մեջ, իսկ սեպտեմբերից «Արմնյուզը» մեծ թափով սկսելու է նոր եթերաշրջանը:

Մեզ հայտնի դարձավ, որ «Արմնյուզը» պարտքեր ունի «Ա1+» հեռուստաընկերությանը: Բանն այն է, որ այս երկու հեռուստաընկերությունները 2012 թվականից պայմանագիր ունեն, որի համաձայն՝ «Ա1+»-ն արտադրում եւ «Արմնյուզին» հեռարձակման համար տրամադրում է «Այբ-Ֆե+» լրատվական թողարկումը: Պայմանագրի համաձայն՝ «Արմնյուզը» վճարում է «Ա1+»-ին հեռուստաարտադրանքի համար: Սակայն մի քանի ամիս է՝ կուտակված պարտքեր կան, որոնք «Արմնյուզը» չի կարողանում մարել:

«Արմնյուզ հեռուստաընկերությունը որեւէ մեկին պարտք չէ, մանավանդ իր լավագույն գործընկերներից՝ Ա1+ հեռուստաընկերությանը: Տեղեկությունը կարող եք ճշտել Ա1+-ից»,- վստահեցրեց Հրաչ Քեշիշյանը:

«Ա1+»-ից, թեեւ հաստատում են, որ այս պահին պարտքեր չկան, բայց հստակ ընդգծում են, որ ոչ հեռավոր անցյալում «Արմնյուզը» «Ա1+»-ին պարտքեր ունեցել է:

«Այսօրվա օրով որեւէ պարտք արդեն չկա: Ամեն ինչ շատ հանդարտ, իր հունով շարունակվում է: Մենք մեր ձեւաչափն ենք մի քիչ փոխել եւ հուսով եմ, որ ուշացումներ եւ չմուծումներ էլ չեն լինի՝ մինչեւ վերջ: Ուշացումներ բոլորի մոտ էլ կան: Ես էլ եմ շատերին ուշացնում»,- մեզ հետ զրույցում ասաց «Ա1+»-ի սեփականատեր Մեսրոպ Մովսեսյանը:

Մովսեսյանի պատասխանին զուգահեռ, «Ա1+»-ի մեր աղբյուրները փոխանցում են, որ «Արմնյուզի» ֆինանսական վիճակը վերջին մեկ տարվա ընթացքում այնքան է վատացել, որ «Ա1+»-ին առաջարկել են կրճատել «Այբ-Ֆե+» լրատվական թողարկման ժամաքանակը, որպեսզի քիչ վճարեն: Նախկին 29 րոպեի փոխարեն այն «Արմնյուզով» եթեր է գնում ընդամենը 15 րոպե: ՀԺ-ի այս տեղեկության վերաբերյալ՝ Հրաչ Քեշիշյանն ասաց.

«Մենք փորձում ենք հեռուստադիտողին տարբեր ֆորմատներ առաջարկել: Նախկինում Ա1+-ի լրատվական թողարկումն արվում էր հաղորդավարով՝ Արամ Աբրահամյանն էր վարում, հետո նա գնաց «Շանթ» հ/ը եւ հիմա առանց հաղորդավարի է եթեր գնում: Ամառվա ամիսներին տեւողությունը կարճանում է, քանի որ լրատվության ծավալը չի բավարարում: Սովորաբար «Ա1+»-ի տեւողությունը եղել է 15-20 րոպե»:

«Արմնյուզի» սեփական լրատվական թողարկումները «թույլ են», այն իմաստով, որ վերահեռարձակում են «Պանարմենիան»-ին մաս կազմող «Արմենիա» հեռուստաընկերության «Ժամը» լրատվական ծրագիր ռեպորտաժները: Հարցին՝ արդյո՞ք սա ռեսուրսի բացակայության պատճառ է, Հրաչ Քեշիշյանը պատասխանեց.

«Դա կենտրոնացված համակարգով աշխատելու սկզբունք է, միասնական համագործակցություն է: «Ժամը» լրատվականն էլ որոշակի վերցնում է «Արմնյուզի» արտադրանքը: Մենք ռեսուրսներ չենք կրճատել: Որոշակի հաղորդումներ կան, որ սեպտեմբերին բացվելու են: Հիմա գործում է «Արմնյուզ 24» կաբելային հեռուստաալիքը, որը 24 ժամ միայն լրատվություն է եթեր հեռարձակում»,- ասաց նա եւ տեղեկացրեց, որ ոչ ֆուտբոլային օրերին «Արմնյուզի» ռեյտինգը բարձր է անգամ Հ1-ի ռեյտինգից:

Ի դեպ, նշենք, տեղեկություններ կան, որ «Պանարմենիան» մեդիա հոլդինգի սեփականատեր Միքայել Մինասյանը նեղ շրջանակում հայտարարել է, որ այլեւս դադարեցնում է լրատվամիջոցներին աջ ու ձախ ֆինանսավորել: Նա նշել է, որ մի կերպ պահելու է հոլդինգի լրատվամիջոցներին, իսկ հոլդինգից դուրս գտնվող եւ Մինասյանի գրպանի հաշվին ապրող ԶԼՄ-ները հետագա գոյատեւման համար նոր տանիք պետք է փնտրեն: Տեղեկություն կա նաեւ, որ ողջ կադրային եւ ֆինասական ռեսուրներն ուղղվում են «Արմենիա» TV-ի եւ Tert.am կայքի վարկանիշի պահպանմանը: Անհայտ պատճառներով՝ հոլդինգի լրատվական բաժինների ղեկավարներին ասվել է, որ նոր իշխանություններին չպետք է նեղացնել կոշտ եւ անցանկալի հարցեր տալով: Սա առնվազն տարօրինակ է. այս հոլդինգն ուներ բոլոր հնարավոր միջոցները՝ ընդդիմադիր լրատվամիջոց դառնալու համար, քանի որ սեփականատերերն այլեւս իշխանության ղեկին չեն:

Այս եւ այլ տեղեկությունների շուրջ փորձեցինք մեկնաբանություն ստանալ «Պանարմենիան» մեդիա գրուպի գլխավոր տնօրեն Արմեն Արզումանյանից, սակայն նա եւ հոլդինգի հանրային կապերի բաժինը մեր զանգերն անպատասխան թողեցին:

«Արմնյուզի» վաճառքի տեղեկությունների մասին հետաքրքրվեցինք նաեւ «Ա1+»-ի սեփականատեր Մեսրոպ Մովսեսյանից: Հարցին՝ արդյո՞ք «Արմնյուզի» ղեկավարությունից ինչ-որ կերպ տեղեկացրել են համագործակցության հավանական կասեցման մասին, Մովսեսյանը պատասխանեց.

«Շարունակում ենք համագործակցել, քանի որ մեր պայմանագիրը շարունակվում է մինչեւ դեկտեմբեր: Երեւի դեկտեմբերին կվերանայենք մեր մոտեցումները՝ դադարեցնել, թե՝ ոչ: Եթե այնպիսի բան տեղի ունենա, որ սեփականատերը փոխվի եւ հրաժարվի «Ա1+»-ի պայմանագրային վիճակից, ապա նա պարտավոր է, ըստ պայմանագրի՝ փոխհատուցում տալ: Եթե նա պատրաստ լինի փոխհատուցել վնասները, ապա մենք պատրաստ ենք չհամագործակցել: Մենք պատրաստ ենք մինչեւ դեկտեմբեր շարունակել մեր պարտավորությունները կատարել: Այդպիսի խոսակցություն չի եղել: Ես ենթադրում եմ, որ նման գործընթաց չի էլ սկսվել: 2010 թվականից այդ խոսակցությունները կան, որ «Արմնյուզը» վաճառվում է, վերավաճառվում է, բայց մինչեւ այսօր որեւէ բան չի փոխվել»:

Մեսրոպ Մովսեսյանը, խոսելով «Ա1+»-ի հնարավոր եթեր վերադառնալու մասին, նշեց, որ այն եթերազրկվել է անօրինական: Ըստ նրա՝ դա եղել է միայն երկրորդ նախագահ Ռոբերտ Քոչարյանի անձնական ցանկությունը եւ նա պետք է հատուցում տա հեռուստաընկերությանը:

«Հետաքրքիր կլիներ, որ Ռոբերտ Քոչարյանը բյուջե փող փոխանցեր եւ այդտեղից նոր «Ա1+»-ին հատկացումներ արվեր»,- ասաց ընկերության տնօրենը:

Տպել
8364 դիտում

Կորոնավիրուսի դեմ գործող պատվաստանյութերով ում է թույլատրվում պատվաստվել ու որն է աշխարհում ամենաէֆեկտիվը

Իրականացվել են մարտական հերթապահության հերթափոխի նախապատրաստական աշխատանքներ

ԵՄ Գրական մրցանակին ներկայացված Արամ Ավետիսն անլուրջ է վերաբերվում այդ մրցույթին. գրողն անգամ վաղվա հանդիպմանը չի գնալու

Խաղաղապահ ուժերի բրիգադի անձնակազմի հետ թրաֆիքինգի թեմայով սեմինար-քննարկմում է անցկացվել

Բեզոարյան այծի որսի հանգամանքները պարզվել են

Հայոց ցեղասպանության վերաբերյալ ավելի շատ փաստաթղթային ապացույցներ կան, քան Հոլոքոստի. հոդված իսպանական El Pais-ում

Ասֆալտապատվում են Արալեզ համայնքի մի շարք փողոցներ

Արթիկի բաժին բերման ենթարկվածի մեքենայում թմրամիջոցի նմանվող զանգվածներ են հայտնաբերվել (տեսանյութ)

Չեմ կարող «մեռնեմ օրենքին» ասել, դուռը խփել ու գնալ. Գեղամ Գեւորգյանը հրաժարականի դիմումը հետ վերցնելու և իր հայցի մասին

ԸՕ փոփոխությունների փաթեթն 1-ին ընթերցմամբ ընդունվեց. հնչեց առաջարկ՝ վատ պատգամավորներին հետ կանչելու կարգ ներդնել

«Ալաշկերտը» հաղթեց և դարձավ առաջատար, «Նոան» և «Արարատ-Արմենիան» չպարզեցին հաղթողին

ԱԳՆ հայտարարությունը Լատվիայի խորհրդարանի կողմից Հայոց ցեղասպանությունը ճանաչող հռչակագրի ընդունման առնչությամբ

Ավտոմեքենան դուրս է եկել ճանապարհի երթևեկելի հատվածից, ընկել Տերյան փողոցին հարակից շինհրապարակ

Նիկոլ Փաշինյանի նախկին փաստաբանը դատի է տվել Նիկոլ Փաշինյանին

ՎՏԲ-Հայաստան բանկն առաջարկում է վճարային քարտեր ուսանողներին

ԵԱՀԿ նախագահը քննարկել է հակամարտությունների, այդ թվում՝ ԼՂ խնդրի կարգավորման հեռանկարները. «Արմենպրես»

Անահիտ Ավանեսյանն աշխատանքային այցով այսօր եղել է Կոտայքի մարզում

Չկա որեւէ ՀԿ, որի գերին է «Իմ քայլը» դաշինքը. գործընկերության ոգին դուք ինքներդ խախտեցիք. Դանիելյանը՝ Գորգիսյանին

Էդմոն Մարուքյանն իրեն թույլ է տվել մերկապարանոց մեղադրանքներ հնչեցնել ԳՇ պետ Արտակ Դավթյանի հասցեին. Սամվել Ասատրյան

ԶՈՒ ԳՇ հետախուզության գլխավոր վարչության պետը հանդիպել է Վազգեն Սարգսյանի անվան ռազմական համալսարանի կուրսանտների հետ

ԵՊՀ-ն կդիմի Վարչական դատարան՝ վիճարկելու բուհերի վերաբերյալ Կառավարության որոշումը

Երևանն ու Նուրսուլթանը մեծ դերակատարություն ունեն հայ-ղազախական հարաբերությունների խորացման գործում

Թեհրանը համաձայն չէ Արևմուտքի պահանջներին

Սահմանում օպերատիվ մարտավարական կայուն իրավիճակը պահպանվել է

Արթիկում մսուր-մանկապարտեզ կկառուցվի. Կառավարությունը 100 մլն դրամ է հատկացրել

ԱՄՆ Պետդեպարտամենտը Կիևին խորհուրդ է տվել չշտապել ՆԱՏՕ-ին անդամակցելու հարցում

Իսրայելում առկա է հինգերորդ ընտրություններն անցկացնելու հավանականությունը

Բելգիայից՝ Սանդրոն, Թեհրանից՝ Թարան. շրջիկ բուժկենտրոնում COVID19-ի դեմ պատվաստվել ցանկացողների հոսքն այսօր մեծ էր

Հրատապ է ռազմագերիների, պատանդի կարգավիճակում գտնվող քաղաքացիական անձանց վերադարձը. Այվազյանը՝ Լավրովին (տեսանյութ)

Միացյալ Թագավորությունը հետաքրքրված է տարածաշրջանում կայուն խաղաղության պահպանմամբ․ ԱԺ նախագահն ընդունել է դեսպանին

«ՍԴ-ն Հռոմի պապից կաթոլիկ գտնվեց». ՀՀ գլխավոր դատախազը՝ 300․1 հոդվածի հակասահմանադրական ճանաչելու մասին

Մոտ ժամանակներս կկարողանանք լուծել պահվող անձանց վերադարձի խնդիրը. Սերգեյ Լավրով

Տեր-Պետրոսյանի երեկ հրապարակած չստորագրված հայտարարության մասով կարող եմ միայն երեք բան ասել․ Վահագն Ալեքսանյան

Կան ապացույցներ՝ Թուրքիայի միջամտությամբ ահաբեկչական խմբավորումներ ու վարձկաններ են տեղափոխվել Ադրբեջան. Արթուր Դավթյան

ԱԺ խորհուրդը քննարկում է այսօր երեկոյան արտահերթ նիստ հրավիրելու հարցը. օրակարգում մեկ հարց է

Սերգեյ Լավրովն այցելել է Հաղթանակ զբոսայգի

Անհրաժեշտ է վերականգնել խաղաղ գործընթացը՝ ԼՂ հակամարտության վերջնական կարգավորման հասնելու նպատակով. Փաշինյանը՝ Լավրովին

Աշխատանքի և սոցիալական հարցերի նախարարությունը հայտարարում է դրամաշնորհային մրցույթներ

Ադրբեջանի կողմից արգելված զինատեսակների օգտագործման փաստերով հարուցված են քրգործեր. Արթուր Դավթյան

Նիկոլ Փաշինյանը հանդիպել է Սերգեյ Լավրովի հետ