«Աշտարակ կաթ». մի «ռեյդերային զավթման» պատմություն. ի՞նչ կապ ունի Պարգեւ սրբազանը

13/07/2018 schedule21:10

Երեկ տարբեր կայքերում տարածվեց տեղակատվություն այն մասին, որ կառավարությունը որոշել է բիզնես խլել՝ մեջբերելով «Աշտարակ կաթի» շուրջ տեղի ունեցող պատմությունը:

Խոսքը ՀՀ վարչապետի գործերի կառավարիչ Գևորգ Աճեմյանի եւ «Աշտարակ կաթի» սեփականատեր «Պարգև» ՍՊԸ-ի ղեկավարների միջև տեղի ունեցած հանդիպման մասին է, որի ժամանակ էլ, ըստ նույն ԶԼՄ-ների, Աճեմյանն իբր սպառնալիքներ է հնչեցրել՝ գործարանը նախկին սեփականատիրոջը վերադարձնելու նապատակով: Շրջանառվեց անգամ նրանց կրոնական պատկանելության հարցը՝ իբր «Կայնքի խոսք» եկեղեցու հետեւորդ Աճեմյանն առաջին փոխվարչապետ Արարատ Միրզոյանի հրանահգով փորձում է բիզնես խլել հօգուտ Աշոտ Ափոյանի, որը «Աշտարակ կաթի» նախկին սեփականատերն է:

Հատկանշական է, որ այդ տեղեկատվության տարածումից հետո «Աշտարակ կաթի» Facebook-յան էջի միջոցով «Պարգև» ՍՊԸ-ն հաստատեց Աճեմյանի հետ հանդիպման փաստը՝ հերքելով սպառնալիքների մասին լուրերը: Ամենեւին չպնդելով, որ «սպառնալիքների մասին» լուրերը մամուլում հայտնվել էին «Աշտարակ կաթի» խողովակներով, միեւնույն ժամանակ պետք է նշել, որ բավականին հայտնի տեխնոլոգիա է, մի կողմից ապահովել «կառավարությունը բիզնես է խլում» երանգավորմամբ տեղեկատվության արտահոսք, մյուս կողմից պաշտոնապես մասամբ հաստատել այն՝ փորձելով նեղը դնել որոշում ընդունողներին:

Այս պատմությունը գոնե լրատվական դաշտում կարող էր ավարտվել, եթե «Հայկական ժամանակ»-ի տրամադրության տակ չհայտնվեր «Աշտարակ-կաթ» ՓԲԸ-ի նախկին սեփականատեր Աշոտ Ափոյանի դիմումը, որտեղ նա մանրամասն ներկայացնում է իր գործարանի «ռեյդերային զավթման» պատմությունը:

Դիմումի սկզբում Աշոտ Ափոյանը ներկայացնում է գործարանի ստեղծման պատմությունը, որը 15 աշխատակցից տարիների ընթացքում զարգացել եւ դարձել է մինչև 600 աշխատակից ունեցող ՀՀ տարածքում ամենախոշոր կաթնամթերք արտադրող ընկերությունը՝ հանդիսանալով որպես խոշոր հարկ վճարող կազմակերպություն: Նա նշում է, որ նախորդ իշխանությունների օրոք իր ընկերության նկատմամբ «պետական հովանավորությամբ» իրականացվել են «բազմաթիվ ապօրինի գործողություններ»:

Մասնավորապես, նրա խոսքով, «Պարգեւ» ՍՊԸ-ն, որի հետ տարիներ շարունակ համագործակցել է «Աշտարակ կաթ» ընկերությունը եւ որի, ըստ շրջանառվող լուրերի, ստվերային սեփականատերերից է նաեւ Արցախի թեմի առաջնորդ Պարգեւ արքեպիսկոպոս Մարտիրոսյանը, «առանց իրավական հիմքի, առանց պայմանագրի, առանց հանձնման-ընդունման ակտի, ապօրինի կերպով մտել է «Աշտարակ-կաթ» ՓԲԸ-ի տարածք, ընկերության անունից իրականացրել տնտեսական գործունեություն` ապօրինի կերպով յուրացնելով և օգտագործելով «Աշտարակ-կաթ» ՓԲԸ-ի գույքը, շրջանառու միջոցները` նյութերը, ակցիզները, տեխնոլոգիաները և ապրանքային նշանները»:

Այս երկու ընկերությունների միջեւ, Ափոյանի խոսքով, չի եղել որևէ իրավական հիմք «Աշտարակ կաթի» անունից տնտեսական գործունեություն իրականացնելու մասին:

Այնուհետեւ նա պատմում է, որ 2016 թ-ի նոյեմբերի 16-ից «Աշտարակ-կաթ» ՓԲԸ-ն փաստացիորեն ֆիզիկապես դադարեցրել է իր տնտեսական գործունեությունը, իսկ «Պարգև» ՍՊԸ-ի աշխատակազմը անօրինական մուտք է գործել Դրոյի 13 հասցում գտնվող գործարանի տարածք, ընկերության տարածքից դուրս հանել բոլոր հին աշխատակիցներին: Այսպիսով՝ հայտնի ՍՊԸ-ն իր աշխատակիցների փաստացի տնօրինման տակ է վերցրել «Աշտարակ-կաթ»-ի հաշվապահությունը, դրամարկղը, արտադրական մասը, պահեստները, մարկետինգի ծառայությունը, ավտոմեքենաների պարկը և բոլոր այլ ծառայությունները:

«Սկսած 2016 թ-ի նոյեմբերի 16-ից «Պարգև» ՍՊԸ-ն ամբողջ ՀՀ տարածքից սկսել է հավաքագրել «Աշտարակ-կաթ» ՓԲԸ-ի կողմից մինչև 2016թ-ի նոյեմբերի 16-ն առաքված ամբողջ ապրանքատեսականու դիմաց դրամական միջոցները: Բոլոր խանութներից կանխիկ գումարները հավաքագրվել են և մուտք են արվել «Պարգև» ՍՊԸ-ի դրամարկղ: Կատարվել է դրամի հափշտակություն», - պնդում է Աշոտ Ափոյանը՝ հավելելով, որ չնայած ՊԵԿ-ի արգելանքին՝ «Աշտարակ-կաթ»-ի գործունեության դադարեցման մասին, «Պարգև» ՍՊԸ-ն 2016 թ-ի դեկտեմբերի 2-ից մինչև «իմ իմանալով դեկտեմբերի 18-ը ներառյալ «Աշտարակ-կաթ» ՓԲԸ-ի անունից» նույն ՓԲԸ-ի ակցիզներով ՀՀ ողջ տարածքում իրացրել է գործարանի արտադրանքը եւ ստացված գումարները մուտքագրել «Պարգև» ՍՊԸ-ի դրամարկղ:  

«Դրանով իսկ ոչ միայն խուսափել է հարկային պարտավորություններից, այլ նաև ձեռնարկել ապօրինի ձեռնարկատիրական գործունեություն», - նկատում է Ափոյանը՝ տեղեկացնելով նաեւ սնանկության գործով «փաստաթղթերի կեղծման մասին»:

««Պարգև» ՍՊԸ-ն «Աշտարակ-կաթ» ՓԲԸ-ի սեփականությունը հանդիսացող ապրանքային նշանների վերաբերյալ գրավի պայմանագրի պատճեն, ոչ բնօրինակը, ներկայացրել է Երևան քաղաքի Արաբկիր և Քանաքեռ-Զեյթուն վարչական դատարանին սնանկության գործով, և 2017 թ-ի մայիս ամսին դարձել է որպես գրավով ապահովված պարտատեր՝ ձեռք բերելով սեփականության իրավունք: Ես որևէ առնչություն չունեմ այդ պայմանագրի բովանդակության հետ, այդ պայմանագիրը ես՝ Աշոտ Ափոյանս, չեմ ստորագրել և չեմ կնքել «Աշտարակ-կաթ» ՓԲԸ-ի կնիքով: Թույլ է տրվել նվազագույնը 5 միլիոն ԱՄՆ դոլար արժողությամբ «Աշտարակ-կաթ» ՓԲԸ-ի սեփականությունը հանդիսացող ապրանքային նշանների հափշտակություն», - հավելում է նա:

Բացի այդ, նրա խոսքով, առկա են մի շարք այլ խախտումներ, մասնավորապես.

  • ակցիզների և պիտակների ուղղակի գողություն,
  • առանց որևէ հաշվառման «Աշտարակ-կաթ» ՓԲԸ-ի շրջանառու միջոցների` տարրաներ, հումք և այլնի օգտագործում, որոնք հսկայական արժեք ունեն,
  • այս ընթացքում հարկային պարտավորությունների չկատարում և «Աշտարակ-կաթ» ՓԲԸ-ի հարկային բեռի ավելացում,
  • շուկայից մատակարարված ապրանքների դիմաց գումարների կանխիկ հավաքագրում և այլ ընկերության դրամարկղ մուտքագրում,
  • «Աշտարակ-կաթ» ՓԲԸ-ի սնանկության վարույթի հարուցում ընդամենը 40.000 ԱՄՆ դոլարով, այն ժամանակ, երբ ընկերության ակտիվներն ըստ անկախ գնահատողների՝ կազմել են 20-25 միլիոն ԱՄՆ դոլար,
  • սնանկության վարույթի կոպիտ և տարրական խախտումներ դատարանի և կառավարչի կողմից,
  • կառավարչի կողմից գույքագրման իրականացում` 1-ին անգամ օբյեկտիվ ցանկի նշումով, 2-րդ անգամ ուղղակի գույքագրված ապրանքների շուրջ 40 %-ի թաքցնում և լոտերում ամրագրում,
  • կառավարչի կողմից շուտ փչացող արտադրանքի, մասնավորապես կապույտ բորբոսով պանրի իրացման արգելք, որի հետևանքով առանձնապես խոշոր չափի վնասի հասցնում, մեծաքանակ ապրանքի փչացում և ոչնչացում,
  • անհիմն հայցերի հարուցում` հաշվապահական հաշվառման բազաների թաքցնում, որի հետևանքով անհիմն հարստացում:

Արդյունքում, Ափոյանի պնդմամբ, շուրջ 35 միլիոն ԱՄՆ դոլարին համարժեք դրամ շուկայական արժեք ունեցող ընկերությունը իր ամբողջ շարժական և անշարժ գույքով, ապօրինի գործարքների արդյունքում յուրացվել է «Պարգեւ» ՍՊԸ-ի կողմից իր 1.2 միլիոն ԱՄՆ դոլարի պարտավորության դիմաց:

Այժմ Ափոյանը դիմել է իրավապահներին, ինչպես ինքն է ասում՝ «արդարությունը վերականգնելու ակնկալիքով»: Պատասխանելով նաեւ «Պարգեւ» ՍՊԸ-ի՝ առաջացած խնդրի «լուծումը տալ բացառապես օրենքով սահմանված կարգով՝ դատարանի միջոցով» հայտարարությանը, Ափոյանը նկատում է, որ «իր խախտված իրավունքները վերականգնելու նապատակով» գործելու է իրավական ճանապարհով:

Հ.Գ. Այս պատմությունը «Հայկական ժամանակը» շուտով կներկայացնի Աշոտ Ափոյանի հետ հարցազրույցի տեսքով, որում կլինեն նշված դեպքերի մասին հետաքրքիր մանրամասներ՝ բավականին հայտնի մարդկանց անուն ազգանուններով:

«Հայկական Ժամանակ»-ը Telegram-ում
Տպել
31027 դիտում

Օհանյանը իր 50-ամյակն է նշել առանձնատանը. հայտնաբերվել են բարձրաստիճան պաշտոնյաների և հոգևորականների նամակները

Սևանի ափին 900-ից ավելի գույք է ստուգման փուլում. Օհանյանը միակը չէ, էլի նախկին բարձրաստիճան պաշտոնյաներ կան

Երևանի քաղաքապետ Տիգրան Ավինյանն ընդունել է ՀՀ-ում Նիդերլանդների դեսպանին

Հնդկաստանում ուժգին հեղեղումների ու սողանքների հետևանքով 30 մարդ անհետ կորած է

Անբարոյականը խոսում է բարոյականությունից, յուբկայով Գեբելս Զախարովան էլ՝ դեմոկրատիայից. Մեհրաբյան. տեսանյութ

Զավթելու էին իշխանությունը, հետո զիջելու էին ինքնիշխանությունը. եթե ծրագրված տեռորիզմը հաջողվեր. Կոնջորյան

«Հոկտեմբերի 27»-ից վտանգավոր բան էր ծրագրվում. սքեմը վերմակ չէ, որ քաշես վրադ, ահաբեկչություն անես. տեսանյութ

Հայաստանը Ղազախստանում ռազմական կցորդ կունենա. վարչապետը որոշում է ստորագրել

Տեղի է ունեցել «Քաղաքացիական պայմանագիր» կուսակցության վարչության նիստ. այն վարել է Նիկոլ Փաշինյանը. տեսանյութ

Կմեկտեղվեն անտառային հրդեհները կանխելու ջանքերը․ տեղի է ունեցել միջգերատեսչական աշխատանքային խմբի նիստը

Հարգանքին՝ հարգանքով, անարգանքին՝ անարգանքով. Վարդան Ղուկասյանը բացակայել է Շիրակի մարզխորհրդի նիստից

Վահագն Խաչատուրյանը ստորագրել է ՀԷՑ-ի պետականացման նպատակով ընդունված օրենքները

ԵՄ-ն հաստատել է Բուլղարիայի անդամակցությունը եվրագոտուն

ՀԾԿՀ-ն մերժել է ՀԷՑ-ի ներդրումային ծրագրի՝ 2025 թվականի մասով առաջարկվող փոփոխությունները

Քննարկվել է «Հրազդան ցեմենտ քորփորեյշն»-ի շուրջ ստեղծված իրավական գործընթացը. 450 մարդ աշխատավարձ չի ստացել

Արծվիկ Մինասյանին մեղադրանք է առաջադրվել. հայտնի է խափանման միջոցը

Թավիշն ավարտված է, պողպատե մանդատը ծանր հարվածներով իջնելու է մեր անկախությունը վաճառել պատրաստվողների գլխին

ՌԴ քաղաքացի Սամվել Կարապետյանը ընդունել է, որ ՀՀ պետականության դեմ կռիվ է տալիս. ինձ դատի է տվել. Չախոյան

ՀՀ անունից թողարկված եվրապարտատոմսերը հասանելի են Հայաստանի ֆոնդային բորսայում

Զորավարժադաշտում, նախնական տվյալներով ականանետային կրակոցի պայթյուն է եղել, կան տուժածներ. ՊՆ

Խաչփառ գյուղի տներից մեկում հրդեհ է. հայտարարվել է բարդության «Թիվ 2» կանչ

Այգեշատի մանկապարտեզը վերանորոգված և գույքով համալրված է. վարչապետ. տեսանյութ

Արծվիկ Մինասյանը Քննչական կոմիտեում է

Գումարի նշումներով անվանացուցակներ, գումար. Սամվել Կարապետյանի աջակցության հավաքի գործով դեպքեր են բացահայտվել

Հայտնի է Սեյրան Օհանյանի խափանման միջոցը

Թուրքիան Ֆրանսիային հորդորել է չմիջամտել իր դատական գործընթացներին

Այո, հարցաքննվում էի, մեղադրանք են առաջադրել, ես ցուցմունք չեմ տվել. Սեյրան Օհանյան

Արտակ Զեյնալյանին են հանձնվել ՍԴ դատավորի հատուկ համազգեստը՝ պատմուճանը, ինչպես նաև թղթապանակը

Չնախատեսված հանդիպում Լեռնանիստի բնակիչների հետ. վարչապետը տեսանյութ է հրապարակել

Սեյրան Օհանյանը Քննչական կոմիտեում է, հարցաքննվում է

Արթուր Սարգսյանը կկալանավորվի. ԱԺ-ն համաձայնություն տվեց ՀՀ գլխավոր դատախազի միջնորդագրին

Տեղի է ունեցել 80 մլրդ դրամ ծավալով պետական պարտատոմսերի տեղաբաշխման աճուրդ

Արհեստական բանականության վիրտուալ ինստիտուտն այլևս իրականություն է. ԲՏԱ նախարար

Սիսիանը և հարկայինը թալանածը Արցախի տեղը չգիտե՞ր, թե՞ ազգային արժեքը խառնել էր ազգային արժույթի հետ. Ղազարյան

Կա հիմնավոր կասկած, որ Արթուր Սարգսյանը կդիմի փախուստի. Վարդապետյանը՝ նրան ազատությունից զրկելու հիմքերի մասին

Անդրադարձ է կատարվել խաղաղության հաստատման քայլերին. հեռախոսազրույց են ունեցել ՀՀ և Հորդանանի ԱԳ նախարարները

Վարչապետն ընդունել է Սևծովյան առևտրի և զարգացման բանկի կառավարիչների խորհրդի տարեկան հանդիպման մասնակիցներին

Արթուր Սարգսյանը զրկվեց պատգամավորական անձեռնմխելիությունից

Վարչապետ Նիկոլ Փաշինյանն այցելել է Հրազդան համայնք․ մեկնարկել է կոշտ կենցաղային թափոնների կառավարման ծրագիրը

Տրվեց Կոտայքի և Գեղարքունիքի մարզերի կոշտ կենցաղային թափոնների կառավարման ծրագրի մեկնարկը․ վարչապետ