Ռուբեն Հայրապետյանը հրաժարական չի տվել

Հայաստանի ֆուտբոլի ֆեդերացիայի նախագահ Ռուբեն Հայրապետյանը հրաժարական չի տվել: «Հայկական ժամանակ»-ի հետ զրույցում տեղեկությունը հաստատեցին ՀՖՖ մամուլի քարտուղարությունից: Այսօր՝ հուլիսի 17-ին, Ավանի ակադեմիայում կայացել է գործկոմի նիստը, եւ կարծիքներ կային, որ Հայրապետյանը դրա ժամանակ հայտարարելու էր պաշտոնից հեռանալու մասին:

Հայրապետյանի՝ հեռանալու լուրին սպասում են հայկական ֆուտբոլային աշխարհի մի շարք ներկայացուցիչներ: Այս տարվա մայիսից ֆեդերացիայից լուրջ դժգոհություններ ունի «Շիրակը», որը 2017-18 մրցաշրջանի Բարձրագույն խմբի առաջնության 27-րդ տուրի «Բանանցի» դեմ խաղի հաշիվը կազմակերպելու փորձի համար լուրջ պատժի էր ենթարկվել ֆեդերացիայի կողմից:

Վերջերս իրենց դժգոհություններով հանդես եկան նաեւ «Փյունիկը» եւ Երեւանի «Արարատը»: «Փյունիկը» հայտարարել է, որ ՀՖՖ-ն իրենց թույլ չի տվել անվանափոխություն անել ու ակումբը կոչել «Երեւան», քանի որ Առաջին խմբի առաջնությունում հայտավորվել է «Երեւան» անունով ակումբ: «Փյունիկը» նաեւ նշել է, որ այդ թիմը կազմված է իր ակադեմիայի սաներով, որոնց իրենք 1 տարի ժամկետով հանձնել էին «Ավան ակադեմիային»: 2017-18 մրցաշրջանից հետո նրանց պետք է վերադարձնեին «Փյունիկ», սակայն ուղարկել են «Երեւան»:

Ակումբը հայտարարել էր նաեւ, որ Հայրապետյանը հրահանգել է թույլ չտալ, որ «Փյունիկն» օգտագործի Ծիծեռնակաբերդ հուշահամալիրի 4/7 հասցեում գործող մանկապատանեկան ֆուտբոլային մարզադպրոցի տարածքները: Թույլ չի տվել նաեւ Եվրոպա լիգայի 2018-19 մրցաշրջանի որակավորման խաղերի համար նախապատրաստվել ՀՖՖ տեխնիկական կենտրոնում, ՀՖՖ-ն թանկացրել է Վազգեն Սարգսյանի անվան «Հանրապետական» մարզադաշտի վարձավճարը

«Արարատն» իր հերթին նշել է, որ ՀՖՖ-ն խոչընդոտում է իրենց նոր մարզադաշտ գտնել տնային հանդիպումներ անցկացնելու համար: Ակումբը դժգոհություն է հայտնել նաեւ, որ ՀՖՖ-ի իմացությամբ՝ հայտավորվել է «Արարատ Արմենիա» անվանմամբ նոր թիմ, ինչը շփոթություն է առաջացրել ոչ միայն Հայաստանում, այլեւ միջազգային մամուլում:

Այսօրվա ժողովի ընթացքում, ինչպես պաշտոնապես հայտնում է ՀՖՖ-ն, հստակեցվել են նոր կանոնադրության հետ կապված հարցերը, որոշվել է արտահերթ նիստ անցկացնել 2018 թ. սեպտեմբերի 2-րդ տասնօրյակում: ՀՖՖ-ն նաև «Շիրակին» թույլ է տվել մասնակցել ՀՀ Բարձրագույն խմբի 2018-19 մրցաշրջանի առաջնությանը:

ՀՖՖ-ում նախագահի ու գործադիր կոմիտեի ընտրություններ են լինելու մինչեւ 2019 թ. փետրվար ամիսը: Արտահերթ ընտրություններ պետք է լինեն, քանի որ մինչեւ 2019-ի փետրվար ՀՖՖ-ն պետք է իրավաբանական անձանց միությունից (ԻԱՄ) վերակազմավորվի հասարակական կազմակերպության (ՀԿ):

Նրանց շրջանում, ովքեր սպասում են Հայրապետյանի հրաժարականին, որպես ՀՖՖ նախագահի նոր թեկնածու շրջանառվում է ԱԱԾ պետ Արթուր Վանեցյանի անունը: Ֆուտբոլային շրջանակներում կան կարծիքներ, որ նա ի վիճակի է ըստ արժանվույն ղեկավարելու կառույցը:

Տպել
2181 դիտում

Երևանի քաղաքապետարանը 100 միլիոն դրամ կհատկացնի COVID-19-ի դեմ պայքարող համայնքային բուժաշխատողներին

Փրկարարները շարունակում են որոնել Ներքին Խնձորեսկ գյուղի 30-ամյա բնակչին

Ամառային զորակոչին ենթակա զորակոչիկները կարող են մասնակցել 1991 ստորաբաժանման կազմում ծառայության անցնելու մրցույթներին

Կարեն Խաչատրյանի կալանք ժամկետը երկարացվել է երկու ամսով

Քաղաքացու փաստաթղթերը կընդունի մեկ աշխատակից, թոշակ նշանակելու որոշում կկայացնի մեկ ուրիշը. որ «շնորհակալություն» չլինի

Օրենքն արհամարհած ունեմ. ոստիկանությունը բերման է ենթարկել աղջկան (տեսանյութ)

Դիլիջանում հաճախորդը բռունցքով խփել է մատուցողուհու գլխին. բերման է ենթարկվել Հաղարծին գյուղի 24-ամյա բնակիչը

Ինքնաձիգ, հրացաններ, ատրճանակ. ոստիկանության բաժիններում հրազեններ են հանձնվել (տեսանյութ)

Հայաստանն ու ԱՄԷ-ն շահագրգռված են սերտ համագործակցությամբ. վարչապետը հրաժեշտի հանդիպում է ունեցել ԱՄԷ դեսպանի հետ

ՊՆ վարչական համալիրում կայացել է Դավիթ Տոնոյանի և Հայաստանում Չինաստանի արտակարգ և լիազոր դեսպան Թիան Էրլունի հանդիպումը

Վաղը հայտնի կդառնա Հայաստանի ֆուտբոլի Գավաթի խաղարկության հաղթողը. եզրափակիչ եզրափակչից առաջ

Փոխվարչապետ Մհեր Գրիգորյանն ընդունել է Հայաստանում իր առաքելությունն ավարտող Բելառուսի դեսպանին

Շնչառական հիվանդություններ ունեցողները հանրային բաց վայրերում կարող են դիմակ չդնել (տեսանյութ)

Ալեքսանդր Ազարյանին կրկին բարեվարքության կոչ ենք անում. ՀՀ ՀՔԾ

Բոլոր ռեստորաններն էլ կարող են աշխատել. արգելվում են կենդանի կատարումները, պարերն ու սերտ շփում ենթադրող միջոցառումները

Հուլիսի 31-ին հրավիրվել է ՀՀ դատավորների հերթական ժողով

Բուժանձնակազմերի երկու առաքելություններն էլ Հայաստան են եկել իշխանությունների հրավերով. ՀՀ-ում Ֆրանսիայի դեսպանություն

ՀՀ ոստիկանապետ Վահե Ղազարյանը ներկայացրել է ոստիկանության պետի նորանշանակ առաջին տեղակալին ու շտաբի պետին (տեսանյութ)

Կոտայքի մարզում կարդիականացվեն խմելու և ոռոգման ջրի համակարգերը, կգազիֆիկացվեն և կլուսավորվեն մի շարք թաղամասեր

Մարդու իրավունքների պաշտպանը ռեստորանային ոլորտի հետ կապված գրություններ է հասեցագրել պարետատուն