6-ի տղաներն ասեցին՝ Էդոյի գլխին սարքեցին. Սարի թաղի գործով մեղադրյալը կրկին կալանավորվել է

ՊՊԾ գնդի գրավման օրերին Սարի թաղում հուլիսի 19-ին ոստիկանների հետ տեղի ունեցած բախումների գործով մեղադրյալ Էդուարդ Զեյթունյանը կրկին կալանավորվել է:

Զեյթունյանն ազատ էր արձակվել երկրում տեղի ունեցած հեղափոխությունից հետո, հունիսի 8-ին:

Այժմ նա կալանավորվել է այլ քրեական գործի շրջանակներում: Զեյթունյանը մեղադրվում է նաեւ առանձնապես խոշոր չափի թմրամիջոց իրացնելու համար:

Այս մասին մեզ տեղեկացրեց նրա կինը՝ Լալա Բերնեցյանը, նշելով, որ «ամուսնու գլխին սարքել» են: Ազատ արձակվելուց հետո խցակցի պատճառով ամուսինը կրկին հայտնվել է իրավապահների ուշադրության կենտրոնում:

Բերնեցյանը պատմեց, որ Էդուարդի ազատ արձակվելուց մի քանի օր հետո՝ հունիսի 13-ին, նրան է զանգահարել իր խցակիցներից ոմն Սերոբը եւ խնդրել, որ գումար կա վերցնելու, ամուսինս գնա վերցնի: Նրա պատմելով՝ Զեյթունյանը փորձել է ամեն կերպ խուսափել գնալուց՝ նշելով, որ տանը հյուրեր կան եւ որ տաքսու գումար չունի, որպեսզի գնա եւ գումարը վեցնի: «Խցակիցը նշել է, որ դա իր թավանի՝ խաղաթղթով տարված գումարն է: Ես ոնց հասկացել եմ՝ նա ամուսնուս նկատմամբ ճնշում է գործադրել, ես այդ պահին տանը չեմ եղել, որ տանը լինեի, չէի թողի, որ նման դեպք տեղի ունենար: Ի վերջո ամուսինս գնացել է նշված ժամին, նշված վայր (Շանգրի լա խաղատան մոտ) գումարը վերցնելու ու տեսել, որ այդտեղ մարդ չկա: Խցակիցը զանգի միջոցով տեղեկացրել է, թե՝ ուշացել ես, էդ անձը թողել գնացել է, բայց ինչ-որ նշանի տակ ծխախոտի տուփի մեջ գումարը դրված է, վերցրու: Ամուսինս վերցրել է այդ տուփը ու նստել մենքենան, սակյան 6-րդ վարչության աշխատակիցները շրջափակել են իրեն: Ամուսինս ասաց՝ նույնիսկ չհասցրի հասկանալ, թե ինչ է կատարվում: Նրան տանում են բաժին, բացատրություն գրելուց ազատ է արձակվում լուսադեմին՝ ժամը 05:00-ին: Հաջորդ օրը ինքը գնացել է փորձաքննության, որ տեսնեն՝ ինքը թմրանյութ օգտագործող է թե՝ ոչ: Փորձաքննությունը մաքուր է եկել, որ ինքը օգտագործող չի»,- մեր զրույցում մանրամասնեց մեղադրյալի կինը:

Վերջինիս խոսքով, հուլիսի 3-ին իրավապահները խուզարկել են իրենց բնակարանը եւ որեւէ բան չեն հայտնաբերել: Ապա նույն օրը ամուսնուն հրավիրել են բաժին եւ ձերբակալման որոշում կայացրել: Կնոջ խոսքով՝ ամուսինն առ այսօր սույն գործով ցուցմունք չի տվել:

«Գնացել եմ հսկող դատախազ Կոստանդյան Արսենի մոտ, ասել, որ իր ձերբակալությունից հետո ես երկու տարի պայքարել եմ, շատ ակտիվ եմ եղել, ինքն էլ ի պատասխան ասաց՝ գնա ամուսնուդ ասա, թող ինքնախոստովանական ցուցմունք տա: Հետ եմ եկել քննիչի մոտ՝ բաժին, ինքն էլ ասաց՝ դատախազն ասում է՝ համբերեք Արթուր Դավթյանի հետ կխոսեմ: Մի քանի րոպե անց հետաքրքրվել եմ, թե դատախազն ինչ դիրքորոշում է հայտնել, ինչին ի պատասխան քննիչն ասաց, որ Արթուր Դավթյանն ասել է, որ կմտածի, կասի՝ կալանավորել, թե ոչ: Ինձ քննիչը նաեւ փոխանցեց, որ 6-րդ վարչության աշխատակիցներն ասել են, որ Էդոյի գլխին սարքեցին, ասել են՝ Էդոն մեղավոր չէր, վերջին վայրկյանում ստիպողաբար հայտնվեց, դա ինձ քննիչն է պատմել»,- նշեց Բերնեցյանը: Վերջինս գնացել է դատախազություն, հանդիպել Արթուր Դավթյանի օգնականի հետ, որն էլ հայտնել է, որ Էդուարդ Զեյթունյանը Սարի թաղի գործով հիմք է խախտել, ուստի պետք է կալանավորվի: «Ինձ այդպես էլ չեն ասում, թե ինչ հիմք է խախտել ամուսինս, դիմում եմ գրել դատախազությանը, սակայն դեռ չեն պատասխանել: Ի վերջո ինձ ոչ մի բան չեն բացատրում ու հուլիսի 5-ին դատարանն ամուսնուս կալանավորելու որոշում է կայացնում: Սարքած գործ է, ոնց է լինում՝ մարդուն ուղարկում են գումար վերցնելու ու հետեւից ուղարկում են 6-րդ վարչության աշխատակիցներին: Ես միշտ էլ բարձրաձայնել եմ քրեակատարողական հիմնարկի խնդիրները, կարծում եմ, որ սա իմ ու իմ ամուսնուն լռեցնելու մի տարբերակ էր, նախկին իշխանության կազմը հիմա այս կեղտոտ ձեւով է սարքում ամուսնուս գլխին: Ի՞նչ գործ ունի կալանավորի ձեռքում ամենավերջին սերնդի հեռախոս, որ ինքը ներսից դուրս ճնշում գործադրի մարդկանց վրա ու ինչ-որ մի տեղ ուղարկի: Այդ ամեն ինչը չէ՞ որ գալիս է բերդի պետից, բերդի աշխատողներից, եթե դուք ասում եք, որ ամուսինս այդ տուփը պետք է հանձներ երրորդ անձին, թողեիք, թող հանձներ երրորդ անձին, փաստերով, ապացույցներով դուք իրեն ձերբակալեիք»,- նշեց Բերնեցյանը:

Էդուարդ Զեյթունյանին տեղափոխել են «Արմավիր» ՔԿՀ-ի մենախուց. «Մի բուռ է դարձել, ասում է՝ եթե ես մեղավոր չեմ, ինչի գնամ ուրիշի տեղը պատասխան տամ, էն էլ նման կեղտոտ հոդվածով: Նախկին իշխանությունների հետեւորդները հիմա բանտերում են... Սարի թաղի գործով պարոն Փաշինյանն իմ խնդրանքով տեսակցել էր ամուսնուս, ինչից հետո իմ ամուսինը մեծ խնդիրներ է ունեցել, ՔԿՀ վարչակազմից ասել են՝ էս բերդը գողական տեղ է, ստեղ իշխանավոր մարդ չպիտի մտնի: Իմ ամեն ելույթից հետո ամուսինս բանտում խոսակցություն է ունեցել ու ես դրանք իմանում եմ իր ազատ արձակվելուց հետո: Նախկին իշխանությունները շարունակում են մեզնից վրեժ լուծել, որովհետեւ ես ու ամուսինս միշտ ակտիվ ենք եղել»,- եզրափակեց նա:

Սույն դեպքի վերաբերյալ երեկ հաղորդագրություն տարածեց նաեւ ՀՀ քննչական կոմիտեն՝ նշելով, որ բացահայտվել են առանձանպես խոշոր չափերի թմրամիջոցների ապօրինի շրջանառության դեպքեր: «ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնում ստացվել եւ վարույթ է ընդունվել ՀՀ քրեական օրենսգրքի 266-րդ եւ 268-րդ հոդվածների հատկանիշներով հարուցված 5 քրեական գործ, որոնք, քննիչի որոշմամբ, միացվել են մեկ վարույթում: Քրեական գործով ձեռնարկվել են մեծածավալ քննչական եւ օպերատիվ-որոնողական միջոցառումներ՝ թմրամիջոցների ապօրինի ձեռք բերման ու իրացմանն առնչություն ունեցող անձանց շրջանակը պարզելու ուղղությամբ:

Արդյունքում՝ բացահայտվել են առանձնապես խոշոր չափերով թմրամիջոցների, հոգեմետ նյութերի ապօրինի շրջանառության մի շարք դեպքեր, տվյալներ ստացվել՝ դրանց ձեռք բերման աղբյուրի վերաբերյալ։

Քննության արդյունքներով՝ թմրամիջոցների ապօրինի շրջանառության համար մեղադրանք է առաջադրվել 6 անձի, որոնցից մեկը ՀՀ ԱՆ «Նուբարաշեն» ՔԿՀ-ի կալանավոր է: (Խոսքը Սերոբի մասին է,-հեղ.) Մեղադրյալներից 4-ի նկատմամբ որպես խափանման միջոց է ընտրվել կալանավորումը, մեկի նկատմամբ՝ ստորագրություն չհեռանալու մասին»,- մասնավորապես ասված է ՔԿ հաղորդագրությունում:

Տպել
7239 դիտում

Սլավա Հայրապետյանը նույնպես դուրս մնաց գեղասահքի աշխարհի առաջնությունից

Հայաստանի ազգային հավաքականն արդեն Սարաևոյում է

Էկրաններին է աստղային դերասանական կազմով «Ա.Կ.Ա.» դրաման

Քաղաքապետարանը սկսում է կանաչապատել Սարալանջի համայնքապատկան հողերը՝ Մոնումենտից մինչև Մյասնիկյան

Ադրբեջանը սպառնալիքներ է ստեղծում Արցախի բնակչության գոյատևման համար. ԱԳ փոխնախարարը՝ Ադրբեջանի ԱԳ նախարարին

ԱՄՆ պետքարտուղարն այցելել է Երուսաղեմի Սուրբ Հարության տաճարի հայկական բաժին

Զինված ու դիմակավորված ավազակային հարձակում Արմավիրում․ հնչել են կրակոցներ

«Միսս Մոսկվա» մրցույթի հաղթողը պայմանագրի պահանջները չկատարելու պատճառով զրկվում է թագից եւ գլխավոր տիտղոսից

ԱԳ նախարարը հանդիպել է Շվեդիայի միջազգային զարգացման համագործակցության նախարարի հետ

Երբ մարդուն վտանգ ա սպառնում, ես կանխում եմ, ոչ թե ջարդում, քցում գետնին, մի քանի անգամ քացով տալիս. ԱԺ պատգամավոր

Չինաստանի գործարաններից մեկում պայթյունի հետեւանքով առաջացած հրդեհի մարմանը կցվել է 930 հրշեջ

Դպրոցի տարածքում վիճաբանությունն ավարտվել է դանակահարությամբ. Երիտասարդներից մեկը վնասվածք է ստացել սրտի շրջանում

«Վանաձոր» ՔԿՀ-ում տեսակցության եկածի մոտից գտել են 5.2 գր քաշով, դեղնականաչավուն զանգված

Մեծ Բրիտանիան ԵՄ-ից պետք է դուրս գա առավելագույնը մինչեւ ապրիլի 18-ը. ԵԽ նախագահ

«Օրենքով գող» Աստրախանցի Հայկոն ազատ է արձակվել, կալանքի հիմքեր չեն եղել

Երեւանի դատախազը Մարությանից պահանջել է գետնանցումներում եւ զբոսայգիներում տարածքներ զբաղեցնողների տվյալները

Էրդողանի ռեժիմի միջամտությունն այլեւս անընդունելի է Պոլսո Հայոց պատրիարքի ընտրության գործընթացում. Հայ դատի հանձնախումբ

Քաղաքապետարանի աշխատակիցները օրենքից դուրս գործող սգո սրահներ են հայտնաբերել. հարուցվել են քրգործեր

Դպրոցի տնօրենին անվստահություն կարող է հայտնել ծնողական խորհուրդը. Ավշարում կրքերը չեն հանդարտվում

ՊԵԿ-ը հորդորում է Բագրատաշենի մաքսակետից հանել աջ ղեկով մեքենաները, այլապես կգանձվի պահպանության վճար