Փանիկում այսօր հանդիպել են ՀՀ ՊՆ Դավիթ Տոնոյանն ու 102–րդ ռազմաբազայի հրամանատար Ելկանովը

Ռուս զինվորականներ, վրաններ ու բարեկամական ռուսական հյուրասիրություն: Ընդամենն օրեր առաջ Փանիկում լարված հայ-ռուսական փոխհարաբերություններն այսօր, հուլիսի 22-ին,  բարիդրացիական էին: Ռուսները վրանը խփել, շիլա էին եփել, միրգ ու քաղցրավենիքով սեղան էին բացել, որ հյուրասիրեին եւ իրենցից վախեցած փանիկցիներին եւ մնացած հյուրերին: Բայց մինչ այդ փակ քննարկում-հանդիպում  կայացավ ՀՀ ՊՆ Դավիթ Տոնոյանի եւ ՌԴ 102-րդ ռազմաբազայի հրամանատար Վլադիմիր Ելկանովի միջեւ: Հանդիպման առիթը հուլիսի 17-ի առավոտյան Փանիկում ռուս զինվորականների կողմից առանց նախազգուշացման զորավարժություններ սկսելն ու գյուղը խուճապի մատնելն էր: Հանդիպման ավարտից հետո նախարար Տոնոյանը պատասխանեց  լրագրողների հարցերին: Ըստ նախարարի, ՌԴ 102-րդ ռազմաբազայի ստորաբաժանումներն այդ օրն իրականացրել են մարտական պատրաստության միջոցառում, որը տարեկան պլանով համաձայնեցված է եղել ՀՀ ՊՆ-ի հետ: Ճանապարհները, տեխնիկայի շարժն ու ուղղությունները տարեկան ծրագրերով պլանավորված են եղել: Բայց, քանի որ մարզումն իրականացրել է հետախուզական ստորաբաժանումը, վայրի մասին տեղեկությունը պահվել է գաղտնի,-ասաց Դավիթ Տոնոյանը։ 

«Հետախուզական ստորաբաժանման մարզման ընտրության վայրը եղել է սխալ և չհամաձայնեցված։ Բայց ձեզ մի գաղտնիք բացեմ. քանի որ նրանք հետախույզներ են, իսկ հետախույզները շատ մեծ տանջանքների տակ էլ չէին բացահայտելու իրենց մարզման վայրը, դրա համար խոսակցությունը եղել է լարված։ Վայրն ընտրվել է սխալ, չեմ ուզում պաշտպանել հետախույզներին, բայց  հետախույզները Փանիկին վերաբերվել են որպես իրենց աջակցող բնակավայրի, իսկ տարածքում գտնված շարասյունը եղել է որպես հակառակորդի շարասյուն։ Եվ յուրայիններին աջակցող բնակավայրի կողքն էլ իրականացրել են այդ միջոցառումը: Բայց ինչ վերաբերում է համադրմանը, համակարգմանը՝ կա սխալ եւ  և՛ ռուսական, և՛ հայկական կողմերի մոտ:

Ես պաշտոնապես հայտարարում եմ, որ ռուսական կողմը 1 օր առաջ տեղեկացրել էր շարասյունի տեղաշարժի վերաբերյալ և տեղեկացրել է, որ լինելու է մարզում, մարզման վայրը չի  նշել: Իրավական տեսանկյունից պետք է համաձայնեցվեր, բայց  իրենք իրենց սխալն ընդունել են պաշտոնապես: Ինչ վերաբերում է հայաստանյան կողմին, ծառայողական քննություն է իրականացվում՝ պարզելու համար մեղավորներին: Ռուսական կողմում եւս կլինի նման քննություն, բայց այդ արդյունքների վերաբերյալ չեմ կարծում, թե մենք կտեղեկացվենք, բայց պատժվելու են»,-վստահեցրեց ՀՀ Պաշտպանության նախարարը:Արդյոք հանարավո՞ր է հայ-ռուսական միջպետական պայմանագրերի եւ համաձայնագրերի վերանայում,-հարցին նախարարը պատասխանեց, թե դրանք քարի վրա գրված փաստաթղթեր չեն, և ժամանակի ընթացքում առաջանում են բավականին խնդիրներ, որոնք էլ պահանջում են պայմանագրաիրավական փոփոխություններ: Իհարկե, հնարավոր է: Այս միջադեպը կարող է խթան հանդիսանալ որոշ փոփոխությունների:Այսօր խիստ տարօրինակ վարք ուներ Փանիկի համայնքապետ Վարդան Մակեյանը: Հիշեցնենք, որ հուլիսի 17-ին, երբ ռուսական ստորաբաժանման զինվորականները տանկերով մտել էին Փանիկ, համայնքապետն էր կարողացել ժողովրդի հետ դադարեցնել զորավարժանքն ու տարածք էր հրավիրել ԱԱԾ եւ Արթիկի ոստիկանության ներկայացուցիչներին:

 Ընդամենը մի քանի օր առաջ ամբողջ հանրապետությունն իրար խառնած եւ պատասխաններ պահանջող համայնքապետն այսօր պնդեց, թե փանիկցիները կրակոցներից, տանկերից ու զինվորներից չէին վախեցել: «Ուղղակի հանկարծակիի էին եկել, իրենց վատ էին զգացել, մտածել էին երկրաշարժ է, կամ կողքի բենզալցակայանից է պայթյունը»,-ասաց Փանիկի համայնքապետը: Ըստ նրա, իրենց մարզային իշխանությունը զորավարժության մասին տեղյակ չի պահել:

Մակեյանը նաեւ նախարարին առաջարկեց Փանիկի ճանապարհի նշանակությունը համայնքայինից դարձնել միջպետական, քանի որ ռուսական տանկերը դրանք ավերում են, իսկ համայնքի բյուջով ճանապարհ նորոգելն անհնար է: Նախարարն ու Շիրակի մարզպետն, ըստ համայնքապետի, խոստացել են այս հարցում եւս հետեւողականություն դրսեւորել:

Տպել
5120 դիտում

Օտար լեզվի քննության ժամանակ արձանագրվել է արտակարգ դրության իրավական ռեժիմի կանոնների խախտման 27 դեպք

Ոչ մեկը հստակ չի կարող ասել, Նարեկը ուր է, սահմա՞նն է անցել, թե՞ ինչ-որ դեպք է տեղի ունեցել

Ամեն անգամ նմանատիպ դեպքերը մեզ համար կարծես նորություն են, դասեր չենք քաղում․ Մարտիրոսյանը՝ «Յուքոմ»-ի խափանման մասին

Փարիզի Աստվածամոր տաճարը հրդեհից հետո կվերականգնվի նախկին ճարտարապետությամբ

30-ամյա Նարեկ Սարդարյանը որոնվում է որպես անհետ կորած

«Աջարաբեթ»-ի գրասենյակում պայթուցիկ սարք չի հայտնաբերվել

Ռուսաստանը հուլիսի 15-ից վերսկսելու է միջազգային ավիահաղորդակցությունը. ով կարող է մեկնել ՌԴ եւ ինչպես

Նրա գմբեթը բավական մեծ էր բոլորի համար. Գարո Փայլանն անդրադարձել է Սուրբ Սոֆիայի տաճարը մզկիթի վերափոխելու որոշմանը

«Է»-ն լեզվի «փողկապ»- ն է, երբ այն չկա, մարդը բարեկիրթ չէ. Վիկտոր Կատվալյան

Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

Կարեն Վարդանյանի հոգեհանգիստը տեղի կունենա հուլիսի 12-ին, Նոր Նորքի 5-րդ զանգվածի Սբ. Սարգիս եկեղեցում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը

Բենիամինում կայծակնահար է եղել գյուղի նախրապանը. երեքով են եղել՝ ինքը, թոռը, տղան

Նոր Գեղիում անօդաչու թռչող սարքերի միջոցով բույսերի որակական ստուգման և բուժման առաջին փորձն է իրականացվել

Գեղարքունիք համայնքի 12 փողոցներում կանցկացվի գիշերային լուսավորության համակարգ

Կարեն Վարդանյանի մահվան կապակցությամբ կառավարական հանձնաժողով է ստեղծվել

Հինգերորդ զորամիավորման զորամասերից մեկում անցկացվել է մարտական հերթապահություն իրականացնող զինծառայողների հերթափոխ

21-ամյա երիտասարդը դանակահարվել է վիճաբանությանը միջամտելու ժամանակ. հարուցվել է քրեական գործ

Էջմիածնի բնակարաններից մեկում հայտնաբերվել է մոտ 23կգ մշակված կանեփի բույս, 240գ. նույն բույսի թաց զանգված, կաթուցիչ

Հուլիսի 6-9-ը Տեսաչական մարմինը մայրաքաղաքի նախադպրոցական հաստատություններում իրականացրել է 40 մշտադիտարկում