«Փյունիկի» 5 խաղացող Ղազախստանի վիզա չի ստացել. մրցակից ակումբը ուշացրել է փաստաթղթերը

ՀՀ-ում Ղազախստանի դեսպանատունը «Փյունիկ» ֆուտբոլային ակումբի 5 ֆուտբոլիստի մուտքի արտոնագիր չի տվել, որովհետեւ «Տոբոլը» միգրացիոն ծառայության միջոցով նրանց հրավեր չի ուղարկել: Թիմակիցների հետ այսօր՝ հուլիսի 25-ին, Ղազախստան՝ Եվրոպա լիգայի որակավորման 2-րդ փուլի «Տոբոլի» դեմ առաջին խաղին մասնակցելու չեն կարողացել մեկնել Մոհամեդ Կոնատեն, Դրիսա Դիարասուբան, Բակար Բալդեն, Դիդյե Կադիոն եւ Անդրիա Դրագոեւիչը: ՀՀ-ում Ղազախստանի հյուպատոսը «Հայկական ժամանակ»-ին ասաց, որ այս ֆուտբոլիստները այն երկրներից են, որոնց քաղաքացիներին Ղազախստան մեկնելու համար անհրաժեշտ է մուտքի արտոնագիր, հետեւաբար «Տոբոլը» միգրացիոն ծառայության միջոցով նրանց համար պետք է հրավեր ձեւակերպեր, ինչը չի արել:

«Փյունիկից» ՀԺ-ին ասացին, որ ակումբը արել է իրենից պահանջվող ամեն բան: Դիմել է «Տոբոլին», որպեզի նշված ֆուտբոլիստների համար հայտ ներկայացնեն միգրացիոն ծառայություն, սակայն ղազախական կողմը ուշ է սկսել զբաղվել այդ հարցերով:

Տեղի ունեցածը քննարկվում է ոչ միայն հայկական, այլեւ ռուսական մամուլում: Ֆուտբոլային ճանաչված գործակալ Դմիտրի Սելյուկը, որը ներկայացնում է Մոհամեդ Կոնատեի շահերը, հացրազրույց է տվել sport24.ru-ին: Նա նշել է, որ իր հաճախորդը Ղազախստանում կացության կարգավիճակ ունի, եւ երկիր մուտք գործելու հետ կապված պետք է խնդիր չունենար: Նա կարծիք է հայտնել, որ ղազախական ակումբը փորձ է կատարել պատասխանատու խաղից առաջ մրցակցին զրկել կարեւոր խաղացողներից: Կոնատեն, օրինակ, որակավորման առաջին փուլի «Վարդարի» դեմ առաջին խաղում խփել է հանդիպման միակ գնդակը ու հաղթանակ պարգեւել իր թիմին: Պատասխան խաղում դուբլի հեղինակ է դարձել Բալդեն, ու «Փյունիկը» հաղթել է 2:0:

«Փյունիկի» մարզիչ Անդրեյ Տալալաեւը այսօր նախախաղյա ասուլիսի ժամանակ չի ցանկացել պատասխանել հարցին՝ արդյոք այդ ֆուտբոլիստների փաստթղթային խնդիրներ լուծվել են, թե ոչ: Ինչպես փոխանցում են ղազախական ԶԼՄ-ները, նա միայն նշել է, որ իրենք արժանի փոխարինողներ ունեն:

«Մեր կազմում կան բավականաչափ խաղացողներ, որոնք կներդնեն բոլոր ջանքերը, որպեսզի խաղադաշտում ստիպեն հարգել իրենց»,- ասել է նա:

«Տոբոլ»-«Փյունիկ» խաղը կկայանա վաղը: Պատասխան հանդիպումը Երեւանում տեղի կունենա հուլիսի 31-ին:

Տպել
1344 դիտում

ԵՊՀ հոգաբարձուների նոր խորհուրդը օրակարգային հարց կդարձնի՞ ռեկտորի հետագա պաշտոնավարման նպատակահարմարությունը

Շիրակի մարզպետի տեղակալը պաշտոնից ազատվելու դիմում է գրել

Դատավոր Արսեն Նիկողոսյանի տրամադրվածությունն ակնհայտ էր. Մանվել Գրիգորյանի պաշտպանները ստացել են դատարանի որոշումը

Ալիևը մեկնաբանել է Ադրբեջանի՝ ՀԱՊԿ անդամակցության հավանականության հարցը

Նիկոլ Փաշինյանն ու Իլհամ Ալիեւը հանդիպել են, մտքեր փոխանակել շուրջ 1,5 ժամ

Հանդիպել են Ղազախստանում ՀՀ դեսպանն ու երկրի պետական քարտուղարը

Այս պարագայում ես կարծիք չունեմ. դպրոցի տնօրենը՝ նախարարի ֆեյսբուքյան գրառման մասին

Նիկոլ Փաշինյանը հանդիպել է Բրազիլիայի նախագահի, Լյուքսեմբուրգի և Եգիպտոսի վարչապետների հետ

Ռոբերտ Քոչարյանի պաշտպանները երեկ ստացել են դատարանի որոշումը

Արարատ Միրզոյանն ընդունել է ՀՀ-ում Շվեդիայի Թագավորության դեսպանին

Վաղարշյան 1 հասցեի վիճաբանությունը կրակոցներով չի սահմանափակվել. բնակիչներն ահազանգում են՝ իրենց ահաբեկում են

Նիկոլ Փաշինյանը Դավոսում հանդիպելու է Իլհամ Ալիևի հետ

Հայտարարություն մրցույթի մասին

Նիկոլ Փաշինյանը հարցազրույցներ է տվել միջազգային առաջատար մի շարք լրատվամիջոցների

Մի երկու տարի կնստես, կհելնես, գողական աղջիկ կդառնաս. հետաքննիչները հերքել են Հասմիկ Սարգսյանի ցուցմունքները

Մեղադրանք է առաջադրվել 20-ամյա երիտասարդին՝ ատրճանակով ու պայթուցիկով սպառնալու, ավազակության համար

Կապված Լարսի ճանապարհների փակ լինելու հետ՝ հեղուկ գազի որոշակի դեֆիցիտ է առաջացել. Շաբոյան

ՀՀ ֆուտբոլի ֆեդերացիան կանանց 3 ազգային ընտրանի կունենա

Նվազել են գրիպով պայմանավորված շտապօգնության կանչերը և հոսպիտալացման դեպքերը

Կրակոցներ Արարատի մարզում. կան վիրավորներ ու վնասված ավտոմեքենաներ