Քննարկվում են բուժաշխատողների աշխատավարձի հաշվարկման այլ տարբերակներ. ԵՊԲՀ-ի արձագանքը

Երեւանի պետական բժշկական համալսարանի լրատվական ծառայությունն արձագանքել է բուհի կազմում գործող «Մուրացան» հիվանդանոցային համալիրի մանկական եւ նորածնային վերակենդանացման ծառայության բուժաշխատողների բողոքին, որոնք նշում էին, թե իրենց վճարվող բոնուսները կրճատվել են, իսկ արդյունքում նվազել աշխատավարձը:

Համալսարանից նախ ներկայացրել են որոշ վիճակագրություն: Մանկական եւ նորածնային վերակենդանացման ծառայության դուրս գրված հիվանդների թիվը, ըստ տարիների, հետեւյալն է՝ 2016 թվականին՝ 1 010 հիվանդ, 2017 թվականին՝ 1 109 հիվանդ : 2016 թվականին բուժքույրերի միջին աշխատավարձը կազմել է շուրջ 207 հազար դրամ, իսկ 2017 թվականին՝ շուրջ 225 հազար:

Մանկական եւ նորածնային վերակենդանացման ծառայության աշխատակիցների կազմը, 2018 թվականի հունիսի 30-ի դրությամբ, ըստ նույն տվյալների, հետեւյալն է՝ Կլինիկայի ղեկավար՝ 1, բժիշկ՝ 12, կլինիկական օրդինատոր՝ 2 , ավագ բուժքույր՝ 1, բուժքույր՝ 34, մայրապետ՝ 6: «Էապես բարելավվել են այդ բաժանմունքի պայմանները, վերանորոգվել եւ հագեցվել է ժամանակակից սարքավորումներով: Բուժման էլ ավելի բարձր որակ եւ էֆեկտիվություն ու անվտանգություն ապահովելու նպատակով ավելացվել են հերթապահ պոստերը՝ մինչեւ 2016 թվականի հոկտեմբեր ամիսը ծառայությունում գործել է բուժքույրական 8 հերթապահ պոստ, 2016-ի նոյեմբերից առ այսօր գործում է բուժքայրական 9 հերթապահ պոստ (ավելացել են 4 բուժքույր)»,- մանրամասնում են Բժշկական համալսարանից:

Ինչ վերաբերում է տվյալ  ծառայության աշխատակիցների վարձատրությանը, նշվում է, որ աշխատավարձը հաշվարկվում է Առողջապահության նախարարի 31.01.2011 թվականի N101-Ա հրամանի համաձայն: «Այսինքն մանկական եւ նորածնային վերակենդանացման ծառայության համար հատկացվում է ծառայության ամսական եկամտի 40%-ը: Սակայն ԵՊԲՀ-ի ռեկտորի հրամանով մինչեւ 2014 թ-ի հունիսի 30-ը հատկացվել է ծառայության ամսական եկամտի 50%-ը: Նշենք, որ հրամանը կրկին փոփոխության է ենթարկվել եւ ներկա պահին ծառայության ամսական եկամտի 55%-ն է հատկացվում: Սահմանաչափը գերակատարելու մասով տեղեկացնենք, որ համաձայն ՀՀ առողջապահության նախարարի N74-Ա հրամանի 14–րդ կետի ՝ պետպատվերի շրջանակներում աշխատակիցների աշխատավարձի հաշվարկման համար հիմք են հանդիսանում տվյալ ամսում բուժված այն հիվանդների դեպքերը, որոնք պատվիրատուի ՝ ՀՀ ԱՆ –ի կողմից ընդունվել են փոխհատուցման եւ չեն գերազանցել ՀՀ ԱՆ պայմանագրով նախատեսված պայմանագրային գումարի կատարման ամսական համամասնությունները»,- պարզաբանում են բուհի լրատվական ծառայությունից՝ հավելելով.

«Այնուամենայնիվ, հաշվի առնելով այն հանգամանքը, որ հաստատությունում որոշ աշխատակիցներ ունեն դժգոհություններ վարձատրության հաշվարկման վերը նշված ձեւի հետ կապված, նշենք, որ կազմակերպվել է քննարկում ՝ ներգրավելով շահագրգիռ բոլոր կողմերին: Ներկա պահին քննարկվում են աշխատավարձի հաշվարկման ձեւի փոփոխության տարբերակները: Համապատասխան քննարկումներից եւ հաշվարկներից հետո կկայացվի որոշում, որի մասին կիրազեկվեն շահագրգիռ անձիք»:

Տպել
1625 դիտում

Ստեփանավանում 81-ամյա տղամարդը ինքնասպան է եղել շենքի տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում