Ինչո՞ւ է լռում ԲԴԽ-ն՝ Ռոբերտ Քոչարյանի գործի վերաբերյալ. պարզաբանում

Վերջերս զանգվածային լրատվության միջոցներում եւ ինտերնետային կայքերում հաճախ է հարց հնչում, թե ինչո՞ւ Բարձրագույն դատական խորհուրդը դիրքորոշում չի արտահայտում Հայաստանի Հանրապետության երկրորդ նախագահ Ռոբերտ Քոչարյանի գործով Վերաքննիչ քրեական դատարանի դատավոր Ալեքսանդր Ազարյանի կողմից գործով ինքնաբացարկ չհայտնելու կամ նրա կայացրած որոշման իրավաչափության կապակցությամբ:

Այս առնչությամբ, դատական դեպարտամենտի մամուլի եւ հասարակայնության հետ կապերի ծառայությունից հայտնում են, որ պատճառներն իրենց բնույթով զուտ իրավական են:

Հայաստանի Հանրապետության Սահմանադրության 173-րդ հոդվածի համաձայն՝ Բարձրագույն դատական խորհուրդն անկախ պետական մարմին է, որը երաշխավորում է դատարանների եւ դատավորների անկախությունը: Ընդ որում, իր սահմանադրական առաքելությունը Խորհուրդը կարող է իրականացնել բացառապես իր լիազորություններն իրականացնելու միջոցով: Այդ լիազորություններից է դատավորին կարգապահական պատասխանատվության ենթարկելու եւ դատավորների լիազորությունների դադարեցման հարցի քննարկումը եւ լուծումը (Սահմանադրության 175 հոդվ., մ. 1, կկ. 7-8), որը կարող է իրականացվել բացառապես Դատական օրենսգրքով սահմանված կարգով (Սահմանադրության 175 հոդվ., մ. 4), մասնավորապես՝ հիշյալ Օրենսգրքի 19-րդ գլխում ամրագրված կանոններով:

Չափազանց կարեւոր է այն, որ Օրենսգիրքը Խորհրդին չի վերապահել դատավորի նկատմամբ կարգապահական վարույթ հարուցելու իրավասություն, բացառել է նույնիսկ վարույթի հարուցման փուլում կամ մինչեւ կարգապահական պատասխանատվության ենթարկելու մասին միջնորդությամբ Խորհրդին դիմելը վարույթ հարուցող մարմինների վրա որեւէ եղանակով ներգործելու հնարավորությունը:

Համապատասխան առիթների առկայության դեպքում (խախտման մասին հաղորդումներ, ԶԼՄ-ների հրապարակումներ եւ այլն) վարույթ հարուցելու իրավասությամբ օժտված համապատասխան մարմինը (այդպիսիք են՝ Կարգապահական հարցերի հանձնաժողովը, որը Բարձրագույն դատական խորհրդին ենթակա մարմին չէ, եւ Արդարադատության նախարարը) պարտավոր են հարուցել կարգապահական վարույթ, ուսումնասիրել դատավորին կարգապահական պատասխանատվության ենթարկելու հիմքերի առկայության հարցը եւ կատարված ուսումնասիրության արդյունքում կա՛մ դիմել Բարձրագույն դատական խորհրդին դատավորին կարգապահական պատասխանատվության ենթարկելու վերաբերյալ միջնորդությամբ, կա՛մ կայացնել կարգապահական վարույթը կարճելու մասին որոշում:

Քանի դեռ վարույթ հարուցող մարմինը չի դիմել Բարձրագույն դատական խորհրդին դատավորին կարգապահական պատասխանատվության ենթարկելու վերաբերյալ միջնորդությամբ, Խորհուրդն իրավասու չէ կոնկրետ դեպքի (դիմումի) առնչությամբ որեւէ գործողություն կատարել:

Սահմանադրության համաձայն՝ դատավորին կարգապահական պատասխանատվության ենթարկելիս Խորհուրդը հանդես է գալիս որպես դատարան:

Ակնհայտ է, որ նման կարգավորման պայմաններում թե՛ Խորհուրդը, ընդհանուր առմամբ, եւ թե՛ Խորհրդի յուրաքանչյուր անդամ, առանձին վերցրած, պետք է ղեկավարվեն իրավունքի գերակայության հրամայականով եւ դրսեւորեն այնպիսի վարքագիծ, որը ողջամիտ դիտորդի մոտ կասկած չի հարուցի նրանց անկողմնակալության հարցում: Դատավորին կարգապահական պատասխանատվության ենթարկելու, առավել եւս նրա լիազորությունները դադարեցնելու հարցի քննարկումը լրջագույն իրավական խնդիր է, որի ընթացքում խստագույնս պետք է ապահովվեն օրինականությունը, արդար դատաքննության իրավունքը, ինչպես նաեւ դատավորի դատական գործունեությանը չմիջամտելու, դատավորի եւ դատարանի անկախությունը հարգելու եւ հեղինակությունը բարձր պահելու, կատարված կարգապահական խախտման համար նշանակվող կարգապահական տույժի համաչափության, կամայականության ու խտրականության արգելքի սկզբունքները (Օրենսգրքի 141 հոդվ.):

Խորհրդի անդամները, որոնց համար եւս Օրենսգրքի 66-րդ հոդվածի համաձայն պարտադիր են դատավորի վարքագծի կանոնները, բոլոր հանգամանքներում պարտավոր են զերծ մնալ.

1. դատական իշխանությունը վարկաբեկող, ինչպես նաեւ դատական իշխանության անկախության եւ անաչառության վերաբերյալ հանրության վստահությունը նվազեցնող վարքագիծ դրսեւորելուց,

2. մեկ այլ դատավորի կողմից արդարադատության իրականացմանը միջամտելուց,

3. դատավորի մասնագիտական եւ անձնական որակները հրապարակայնորեն կասկածի տակ առնելուց,

4. դատարանի գործողությունները, դատական ակտերը հրապարակայնորեն կասկածի տակ առնելուց,

5. որեւէ դատարանում քննվող կամ ակնկալվող գործի վերաբերյալ հրապարակայնորեն կարծիք հայտնելուց,

6. այնպիսի հայտարարություն անելուց կամ վարքագիծ դրսեւորելուց, որը վտանգում կամ կասկածի տակ է առնում դատավորի կամ դատարանի անկախությունը եւ անաչառությունը (Օրենսգրքի 69 հոդվ.):

Դատավորի կարգապահական պատասխանատվության, այդ թվում՝ նրա լիազորությունները դադարեցնելու հիմք հանդիսացող հանգամանքների վերաբերյալ Խորհրդի դիրքորոշումը եւ գնահատականները կարող են ձեւակերպվել բացառապես դատավորին կարգապահական պատասխանատվության ենթարկելու վերաբերյալ միջնորդության քննության արդյունքում կայացված հիմնավորված եւ պատճառաբանված որոշման շրջանակներում: Այլ կերպ դիրքորոշում արտահայտելու կամ գնահատականներ տալու իրավասություն չունեն ո՛չ Խորհուրդը եւ ո՛չ էլ Խորհրդի անդամները: Եվ քանի որ ցանկացած նախապես արտահայտված դիրքորոշում հետագայում կարող է ողջամիտ կասկած հարուցել Խորհրդում ակնկալվող գործով Խորհրդի անդամների անաչառության մեջ, Խորհրդի անդամները, պարտավոր լինելով ողջամտության սահմաններում իրենց դրսեւորել այնպես, որ նվազագույնի հասցվեն ինքնաբացարկի անհրաժեշտություն առաջացնող դեպքերը (Օրենսգրքի 70 հոդվ., մ. 1, կետ 14 կետ), հետայսու եւս ձեռնպահ կմնան նախնական գնահատականներ հնչեցնելուց:

Տպել
4217 դիտում

Ադրբեջանն ապացուցում է, որ պատրաստ չէ խաղաղության համաձայնագրի ստորագրմանը. Վահագն Խաչատուրյանը՝ Խորվաթիայի ԱԳ նախարարին

Արթուր Հարությունյանն ազատվել է Գլխավոր հարկադիր կատարողի տեղակալի պաշտոնից

Թուրքիայում և Սիրիայում երկրաշարժի հետևանքով վնասվել են պատմական շինություններ, այդ թվում՝ Տիգրանակերտի ամրոցը

Թուրքիայի հայաշատ Հաթայ նահանգում վիճակն աղետալի է․ քաղաքային հիվանդանոցը ևս փլուզվել է

Հայաստանում Չեխիայի նորանշանակ դեսպանը ցավակցություն է հայտնել Թուրքիայի երկրաշարժի կապակցությամբ

Կյանքից հեռացել է բուսաշխարհագետ, կենսաբան Սամվել Բալոյանը

Հրազդանի կիրճում՝ Դավթաշենի կամրջի տակ, բախվել են ավտոմեքենաներ. կա տուժածներ

Դիարբեքիրում ապրող հայազգի երգչուհի Զիլան Տիգրիսն ու ամուսինը մնացել են երկրշարժի փլատակների տակ

Առատ ձյան պատճառով շտապ օգնության մեքենան չի կարողացել հասնել 2-ամյա երեխային օգնության. միջամտել են փրկարարները

Զորամասը ծախել են՝ առաջնորդվելով «մեր դեմ խաղ չկա» սկզբունքով, պետականության ոչնչացումն այս կերպ է լինում. Պապոյան

Կուրիլյան կղզիների մոտ ուժգին երկրաշարժ է տեղի ունեցել

2 ամսով կալանավորվել են զբոսաշրջիկներին կողոպտած Գյումրու ավագանու անդամն ու ևս 3 անձ

«Մալաթիա» տոնավաճառն այսօրվանից աշխատում է, փակելու որոշումը չեղարկվել է․ տնօրեն

Օհանյանը հատուկ նշանակության հողամասերը վաճառել է այլոց և հափշտակել դրանք. Գլխավոր դատախազը ներկայացրեց միջնորդություն

Նիկոլ Փաշինյանի որոշմամբ՝ նշանակվել է Սննդամթերքի անվտանգության տեսչական մարմնի ղեկավար

Սեյրան Օհանյանի նկատմամբ հանրային քրեական հետապնդում հարուցելու երկրորդ միջնորդությունը ԱԺ-ն կքննարկի դռնփակ

Ադրբեջանը պետք է դադարեցնի Լաչինի միջանցքի արգելափակումը. Մարդու իրավունքների միջազգային ընկերություն

ՀՀ-ում գործել է այնպիսի իշխանություն, որը զբաղված է եղել մասսայական սեփականություններ կոնվերտացնելով. Գուրգեն Արսենյան

Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար

Դիմակավորված անձինք փորձել են պայթեցնել բանկոմատն ու գողություն անել․ խմբի անդամները ձերբակալվել են (տեսանյութ)

Եթե Սեյրան Օհանյանը համաձայներ վաղեմության հիմքով գործը փակել, իմ այստեղ լինելը կլիներ ժամանակավրեպ. գլխավոր դատախազ

Կադաստրի Վեդու տարածքային միավորի ղեկավարը իր ցուցմունքում ուղիղ նշում է, որ իրեն սպառնացել են. Գլխավոր դատախազ

Ամենայն հայոց կաթողիկոսը Թուրքիայում տեղի ունեցած երկրաշարժի առնչությամբ ցավակցություն է հայտնել Պոլսո հայոց պատրիարքին

ԱԺ-ն փակ նիստում կքննարկի Հայաստանի զինված ուժերում ստեղծված իրավիճակը. զեկույցով հանդես կգա Սուրեն Պապիկյանը

Կյանքից հեռացել է անկախ Հայաստանի ըմբշամարտի ֆեդերացիայի առաջին նախագահը

Լիլիթ Մակունցը ԵԱՀԿ ՄԽ ամերիկացի համանախագահի հետ քննարկել է Լաչինի միջանցքում ստեղծված իրավիճակը

Արայիկ Հարությունյանը Կրթության տեսչական մարմնի աշխատակազմին է ներկայացրել նորանշանակ ղեկավարին

Հարբած տղամարդը փորձել է գողանալ Լենինի դին

Տաշիրի և Սարատովկայի բնակիչները հայհոյել, ծեծի են ենթարկել իրենց ընկերոջը տուգանած պարեկներին. 3 անձ կալանավորվել է

Ծանր հիվանդություններով 6 անձ Արցախից տեղափոխվել է ՀՀ բժշկական կենտրոններ

Թուրքիայի ավերիչ երկրաշարժի զոհերի թիվը մոտենում է 4 հազարի, վիրավորներինը՝ գերազանցում 20 հազարը

Նյու Յորքում գրանցվել է վերջին 40 տարվա ամենաուժգին երկրաշարժը

ԱԺ օրակարգում Սեյրան Օհանյանի և Արմեն Չարչյանի նկատմամբ քրեական հետապնդում հարուցելու համաձայնություն տալու հարցն է

Վահան Քերոբյանն ու Էդուարդո Էռնեկյանը քննարկել են «Զվարթնոց» օդանավակայանի ընդլայնման նախագիծը

Թուրքիայում գրանցվել է ևս մեկ ուժգին երկրաշարժ

Մալաթիայում երկրաշարժից զոհված հայ ամուսինների մանկահասակ երեխաներից մեկը հիվանդանոցում մահացել է

Մասամբ փակ են Արագածի և Սիսիանի տարածաշրջանների ավտոճանապարհները. ՀՀ մարզերում առատ ձյուն է, բուք, մերկասառույց

«Մալաթիա» տոնավաճառն այսօրվանից մասամբ սկսել է գործել

Ադրբեջանի կողմից արդեն վեցերորդ անգամ խափանված գազատարը դեռ չի գործում. ԱՀ ԱԳՆ-ն կոչ է անում միջազգային պատժամիջոցների

ՄԱԿ-ի գլխավոր քարտուղարը վստահեցրել է, որ կարվի ամեն ինչ՝ Սիրիային օգնելու համար