Ինչ ռազմական ուղղաթիռով և ինչ նպատակով է Արցախ մեկնել ամերիկահայ միլիոնատեր Դեն Բիլզերյանը

«Ինստագրամի արքա», հայկական արմատներով ամերիկացի միլիոնատեր Դեն Բիլզերյանն այսօր Արցախ է մեկնել ՀՀ ԶՈՒ ռազմական ուղղաթիռով: Այս մասին «Հայկական ժամանակ»-ը տեղեկացավ ՀՀ ՊՆ մամուլի խոսնակ Արծրուն Հովհաննիսյանից:

Ըստ Հովհաննիսյանի մեկնաբանության՝ Բիլզերյանին ռազմաօդային ուժերի ուղղաթիռ տրամադրվել է Արցախի ղեկավարության դիմումի համաձայն՝ ՀՀ ԶՈՒ ԳՇ պետի հանձնարարականով: Բացի այս տարբերակից՝ ռազաօդային ուժերի սովորական ուղղաթիռներ կարող են տրամադրվել համապատասխան վճարի դիմաց, բայց Դեն Բիլզերյանը վճարել է, թե՝ ոչ, հայտնի չէ:

«Հայկական ժամանակ»-ը Դեն Բիլզերյանի՝ Արցախ կատարած այցի ու վերջինիս հատկացված ռազմաօդային ուղղաթիռի տրամադրման վերաբերյալ զրուցեց նաեւ Արցախի նախագահի մամուլի խոսնակ Դավիթ Բաբայանի հետ: Ստորեւ ներկայացնում ենք մեր բլից հարցազրույցը:

- Պարոն Բաբայան, մեր ունեցած տեղեկությունների համաձայն՝ հայկական արմատներով ամերիկացի միլիոնատեր Դեն Բիլզերյանը Արցախ է եկել Արցախի ղեկավարության դիմումի համաձայն՝ ռազմաօդային ուժերի ուղղաթիռով: Ինչո՞ւ է Արցախի ղեկավարությունը հատուկ դիմում գրել՝ Բիլզերյանին ուղղաթիռ տրամադրելու համար:

- Որտեղի՞ց ձեզ այդ տվյալները: Արցախի Հանրապետության ղեկավարության դիմումի համաձա՞յն:

- Այո, ՀՀ պաշտպանության նախարարությունից հաստատել են այն տեղեկությունը, որ Արցախի ղեկավարության դիմումի համաձայն՝ ՀՀ ԶՈՒ ԳՇ պետի հանձնարարականով ռազմաօդային ուղղաթիռ է տրամադրվել Դեն Բիլզերյանին:

- Եթե տրամադրվել է, չի նշանակում, որ եղել է դիմում: Ճիշտն ասած՝ չգիտեմ: Բայց կարեւորը դա չէ: Կարեւորն այն է, որ մեր հայրենակիցն Արցախ է ժամանել:

- Իսկ ի՞նչ նպատակով է Բիլզերյանն այցելել Արցախ:

- Ինչքան գիտեմ՝ նա այստեղ է ճանաչողական այցով: Ուզում է ծանոթանալ իր պատմական հայրենիքի մի մասի հետ: Մենք ողջունում ենք այդպիսի պատրաստակամությունը: Կարծում եմ, որ ընդհանրապես լավ կլիներ, որ յուրաքանչյուր հայ գոնե տարին մեկ անգամ պարբերաբար այցելեր Արցախ ու մայր Հայաստանի տարբեր վայրեր:

- Պարոն Բաբայան, իսկ Դեն Բիլզերյանն իր հետ ինչ-որ խորհրդանշական նվեր բերե՞լ է Արցախ:

- Ճիշտն ասած՝ չգիտեմ: Կարծում եմ, որ ինքը գալիս է, եւ ընդհանրապես, հանրաճանաչ մարդիկ, որ գալիս են Արցախ, դա արդեն ինչ-որ կարեւոր քայլ է, որպեսզի Արցախն էլ ավելի ճանաչելի դառնա աշխարհում: Որովհետեւ այդ մարդկանց ճանաչում են, եւ երբ ինքը գալիս է Արցախ ու մարդիկ տեսնում են, որ ահա, հանգիստ երկիր է, սա շատ կարեւոր է իմիջի համար, վարկանիշի: Եւ կարծում եմ՝ այս տեսանկյունից այցը շատ կարեւոր է: Թե չէ այստեղ ոչ մի քաղաքական կամ այլ ենթատեքստ չկա: Պարզապես, մարդը գալիս է՝ տեսնելու իր հայրենիքի մի մասը:

- Ապրիլյան պատերազմի օրերին խոսվում էր այն մասին, որ Դեն Բիլզերյանը զինամթերք է ուղարկել Արցախ: Նման բան իրականում եղե՞լ է:

- Ես չգիտեմ, տեղյակ չեմ այդպիսի փաստերից: Իրենից կարող եք հարցնել:

- Իսկ այս այցի ժամանակ իր հետ զենքեր բերե՞լ է, նման տեղեկություն ունե՞ք:

- Ինչի Արցախի բանակը զենք չունի՞: Էդ մարդը պարզապես գալիս է, կրկնում եմ, ճանաչողական այցով, ոչ մի քաղաքական կամ այլ բան չկա: Եւ կարծում եմ՝ նման հարցադրումը ճիշտ չէ: Կստացվի՝ Արցախի բանակը զենք չունի, եւ առանձին անհատներն են մատակարարում: Դա այդպես չէ: Հիմա, երբ տարբեր մարդիկ ինչ-որ ձեւ օգնում են, դա ողջունելի է, բայց դա չի նշանակում, թե Արցախի Զինված ուժերը զենք չունեն ու սպասում են, որ մարդիկ գան, մեկը մի ատրճանակ, մեկը մի չգիտեմ ինչ բերի:

Տպել
16158 դիտում

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի