Մկրտումյանի տան վրա զինված հարձակման գործով խուզարկել են օրենքով գողի առանձնատունը

Լուսանկարում՝ աջից կասկածյալ Հովհաննես Ռիժենկոն

Վճռաբեկ դատարանի նախկին նախագահ Արման Մկրտումյանի տան վրա երեկ գիշերը տեղի ունեցած զինված հարձակման գործով այսօր մի շարք խուզարկություններ են կատարվել:

Մեր տեղեկություններով, քրեական գործի շրջանակում խուզարկություն է կատարվել նաեւ օրենքով գող Մանեթի տղա Սամվելիկի առանձնատանը: Բանն այն է, որ Մանեթի տղա Սամվելիկը երջանիկ պատահականությամբ Արման Մկրտումյանի հարեւանն է. նրա առանձնատունը նաեւ տեսահսկվում է: Զինված անձանց շարժը, երթուղին պարզելու նպատակով իրավապահները փորձել են այդ տարածքում առկա բոլոր տեսախցիկներն առգրավել, բայց քանի որ այս դեպքում գործ ունեին օրենքով գողի հետ, որը չէր համաձայնի «օգնել» իրավապահներին, ուստի նրանք դատարանի որոշմամբ խուզարկություն են կատարել եւ առգրավել Մանեթի տղա Սամվելիկի առանձատան տեսագրությունները:

Նախօրեի գիշերը արտակարգ դեպք էր տեղի ունեցել. ժամը 22:00-ի սահմաններում, դիմակավորված զինված անձինք հարձակվել են դատական համակարգի հայտնի դեմք ՀՀ վճռաբեկ դատարանի նախկին նախագահ Արման Մկրտումյանի՝ ՀՀ Կոտայքի մարզի Ձորաղբյուր գյուղում գտնվող առանձնատան վրա:

Արման Մկրտումյանի անվան շուրջ այս տարիների ընթացքում եղած հրապարակումներից ենթադրվում էր, թե ինչ-որ անձ կամ անձինք որոշել են հաշվեհարդար տեսնել նրա հետ: Սակայն իրավապահների տարածած պաշտոնական հաղորդագրություններից պարզ դարձավ, որ գործ ունենք շարքային ավազակային հարձակման հետ:

Ըստ պաշտոնական հաղորդագրության՝ ՀՀ վճռաբեկ դատարանի նախկին նախագահ Արման Մկրտումյանի առանձնատան տարածք է մուտք գործել դիմակավորված ու զինված 3 անձ։ Այդ ընթացքում առանձնատանն են եղել Արման Մկրտումյանն ու նրա որդին՝ Գոռը: Հայր եւ որդի դիմադրություն են ցույց տվել առանձնատուն խուժած անձանց, որի ընթացքում Գոռ Մկրտումյանն իր անվամբ հաշվառված «Վալտեր» մոդելի գազային ատրճանակով վնասազերծել է  հարձակվողներից մեկին, ում ձեռքին եղել է ինքնաձիգ, մյուս երկուսը դիմել են փախուստի: Միջադեպի հետեւանքով վնասվածք է ստացել ինչպես Արման Մկրտումյանը, այնպես էլ՝ վնասազերծված ենթադրյալ հանցագործություն կատարած անձը: Դեպքի վայրի զննությամբ տան բակից հայտնաբերվել է 16 հատ 7,62 տ/չ պարկուճ, «ԱԿՄ» տիպի ինքնաձիգ, սպորտային պայուսակ, որի մեջ եղել է կպչուն ժապավեն եւ լինգ: 

Ձերբակալվածը Շիրակի մարզի Գյումրի քաղաքի բնակիչ 43-ամյա Հովհաննես Ռիժենկոն է, որը ըստ շրջանառվող տեղեկությունների՝ մի քանի ամիս է, ինչ Ռուսաստանից վերադարձել էր Հայաստան. նա նախկինում դատված չի եղել:

Դեպից մի քանի ժամ էր անցել, սակայն իրավապահները չէին հայտնում, թե ի վերջո ինչ վնասվածք է ստացել Մկրտումյանը՝ հրազենային, թե՝ օրինակ կտրող-ծակող:  Տեղեկացանք, որ Մկրտումյանը բուժօգնության է դիմել ոչ թե դեպքից անմիջապես հետո, այլ մի քանի ժամ անց միայն: Ավելի ուշ՝ ՀՀ քննչական կոմիտեի նախագահի խորհրդական Սոնա Տռուզյանը մեր հարցին ի պատասան ասաց, որ վարույթն իրականացնող մարմնին տրամադրված բժշկական տեղեկանքի համաձայն՝ Արման Մկրտումյանի մոտ ախտորոշվել է «ձախ գոտկային շրջանի ձախ նստատեղի հրազենային միջանցիկ, ձախ նստատեղի ստորին երրորդականի հրազենային շոշափող վնասվածք»։ Արման Մկրտումյանը բուժօգնության համար դիմել է «Էրեբունի» ԲԿ. կենտրոնի գործադիր տնօրեն Միքայել Մանուկյանը մեր զրույցում ասաց, որ Մկրտումյանի վիճակը բավարար է, վերքի առաջնային վիրաբուժական մշակում է արվել: Մանուկյանի խոսքով՝ Մկրտումյանը չի հոսպիտալացվել, քանի որ ինքը չի ցանկացել:  Ինչ վերաբերում է միջադեպի հետեւանքով վնասվածքներ ստացած կասկածյալին, ապա նա բուժօգնություն է ստացել հենց «Էրեբունու» ձերբակալվածների պահման վայրում:

Այսօր այցելեցինք Մկրտումյանի առաձնատուն՝ դեպքի վերաբերյալ իր վարկածները եւս լսելու. այցի պահին, փոխում էին առանձնատան դռան կողպեքը: Մեզ «դիմավորեց» Մկրտումյանի որդին՝ Գոռը, սակայն հրաժարվեց պատասխանել հարցերին՝ խնդրելով բավարարվել պաշտոնական հաղորդագրությամբ: Նկատեցինք, որ նա եւս միջադեպի հետեւանքով քերծվածքներ էր ստացել, սակայն բուժօգնության չէր դիմել: Նա փոխանցեց, որ Արման Մկրտումյանը եւս չի ցանկանում խոսել լրագրողների հետ: Փոխարենը նկատեցինք նրա առանձատան մոտ թանկարժեք մեքենաների ավտոշարասյունը. Մկրտումյանը հյուրերի պակաս չուներ:

Այս գործի շրջանակում իրավապահները խուզարկություն են կատարել նաեւ գործով այժմ միակ կասկածյալ 43-ամյա Հովհաննես Ռիժենկոյի բնակության, ինչպես նաեւ հաշվառման հասցեներում: Քրեական գործի շրջանակում առգրավվել են նաեւ Արման Մկրտումյանի տան տարածքում գործող անվտանգության տեսախցիկների տեսագրությունները։ Այս պահին տեղի ունեցած տեղեկատվությունից թերեւս ակնհայտ է, որ Արման Մկրտումյանը ենթադրյալ հանցագործություն կատարած անձանց թիրախում չի եղել. այլ կերպ ասած հանցագործները տուն էին ներխուժել ոչ թե Մկրտումյանին սպանելու այլ՝ հափշտակություն կատարելու պատճառով. սա է վկայում նաեւ այն, որ հանցագործները անակնկալի են եկել եւ անկանոն կրակոցներ արձակելով դիմել են փախուստի:

Սույն դեպքի առթիվ հարուցվել է քրեական գործ՝ ՀՀ քրեական օրենսգրքի 175-րդ հոդվածի 2-րդ մասի 1-ին, 3-րդ եւ 4-րդ կետերով (ավազակություն, որը կատարվել է մի խումբ անձանց կողմից բնակարան ապօրինի մուտք գործելով՝ զենքի գործադրմամբ, պատժվում է ազատազրկմամբ՝ վեցից տաստ տարի ժամկետով), ՀՀ քրեական օրենսգրքի 235-րդ հոդվածի 1-ին մասով (ապօրինի կերպով զենք-զինամթերք ձեռք բերելը, կրելը պահելը կամ փոխադրելը, պատժվում է ազտազրկմամբ՝ առավելագույնը երեք տարի ժամկետով)։

Քրեական գործի շրջանակում Արման Մկրտումյանը տուժող է ճանաչվել: Նա ՀՀ վճռաբեկ դատարանի նախագահի պաշտոնից հրաժարվել է թավշյա հեղափոխության հաղթանակից մոտ մեկ ամիս անց՝ հունիսի 5-ին: Մկրտումյանը 1998 թվականից մինչեւ 2008 թվականը եղել է ՀՀ Վճռաբեկ դատարանի քաղաքացիական եւ վարչական պալատի նախագահ։ 2008 թվականի սեպտեմբերի 17-ին Սերժ Սարգսյանի հրամանագրով նշանակվել է ՀՀ Վճռաբեկ դատարանի նախագահ։ Հենց նրա դեմ էր ՄԻԵԴ-ը վճիռ կայացրել. մասնավորապես Մարդու իրավունքների Եվրոպական դատարանը 2016թ. հոկտեմբերի 27-ին, «Վարդանյանն ու Նանուշյանն ընդդեմ Հայաստանի» վճիռ էր կայացրել, որտեղ կոշտ գնահատականներ են տրված տվյալ գործով Վճռաբեկ դատարանի նախագահ (այժմ նախկին) Արման Մկրտումյանի գործունեությանը՝ դիմումատուների գործը քննելու ընթացքում:ՄԻԵդ հայտնի վճռից հետո մի խումբ փաստաբանները պահանձեցին նրա հրաժարականը, սակայն ապարդյուն:

Արման Մկրտումյանի անվան հետ կապված հրապարակումները բազմաթիվ են:

Տպել
8849 դիտում

Անակնկալ ստուգայցերը շարունակվում են

Որդեկորույս ծնողներն անվճար օգտվելու են տարբեր ծառայություններից. «Հերոսների վերականգնողական քաղաքը» նոր ծրագիր է սկսում

Ֆուտզալի Հայաստանի ազգային հավաքականը կմեկնի Իսրայել

Բաքվի մարզադահլիճներից մեկում մահացել է Ալիևի անվտանգության ծառայության պետը

Երևանի Քոչինյան փողոցի ընկերության պահեստից գողություն է կատարվել

Հայաստանը՝ հաջողության օրինակ. «Թրանսփարենսի ինթերնեշնլ»-ը հրապարակել է կոռուպցիայի ընկալման 2021 թվականի համաթիվը

Ամասիա-Բավրա ավտոճանապարհը դժվարանցանելի է

Լոռու մարզպետը ծանոթացել է Վանաձորի շենքերի վերելակների նորոգման ավարտական աշխատանքներին

Համատեղ կյանքը չի հաջողվում, որոշել են շտկել. վերջին տարիներին ամուսնությունների և ամուսնալուծությունների պատկերը ՀՀ-ում

Բելառուսում քննարկվել է Հայաստանի զարգացման օրակարգի առաջ մղման գործում հայկական սփյուռքի ներգրավման հնարավորությունը

Երևանյան լճում դի է հայտնաբերվել

Հրազդանի կիրճից բերման ենթարկված քաղաքացու մեքենայում 300 գրամից ավելի մարիխուանա է հայտնաբերվել

Լարսի ռուսական կողմում բեռնատարներ են կուտակվել. ավտոճանապարհը փակ է

Պետք է կարողանանք ուսուցչի 400.000 դրամ աշխատավարձը դարձնել իրականություն. Ժաննա Անդրեասյան

Փոքրիկների համար գրելիս պետք է նախ նրանց աշխարհը հասկանալ. կայացավ «Կախարդին + ագռավ» գրքի շնորհանդեսը

Ջրականից հայտնաբերվել է ևս մեկ կամավորականի աճյուն

Գողացել են Սոթք-Հաթերք օդային գծի հոսանքալարերը. կան բերման ենթարկվածներ (տեսանյութ)

Ռազմական ոստիկանությունում քննարկվել է միջանձնային հարաբերությունների հետ կապված խնդիրը. ՌՈ պետը հանձնարարականներ է տվել

Կառուցվում է Մարտակերտ-Ճանկաթաղ-Ստեփանակերտ ռազմավարական նշանակության մայրուղին

Հայ-իրանական հարաբերություններն առողջապահության ոլորտում իրացման մեծ ներուժ ունեն

Ավտոմեքենան «կարմիր գծերի» տարածքում կայանելու ամենաէժան միջոցը ամբողջ տարվա համար վճարելն է. Երևանի քաղաքապետարան

ՀՀ զինված ուժերը համալրվել է նոր ուղղաթիռներով. ՊՆ (լուսանկարներ)

Ավստրիայի արտաքին գործերի նախարարը կայցելի Հայաստան

Հայրը, որդին ու պապը. պատերազմն ու սերը երեք սերունդների աչքերով (տեսանյութ)

Հայաստանը «Եվրատեսիլ 2022» երգի միջազգային մրցույթում կներկայանա առաջին կիսաեզրափակչում

Փոխվարչապետը և Երևանի քաղաքապետը քննարկել են «Հին Երևան» պատմաճարտարապետական միջավայրի ծրագրի իրականացնումը

«Զինվորի տան» տղաներն աշխատանք կունենան քաղավիացիայի ոլորտում

«Զվարթնոցում» ՃՈ աշխատակիցը վարչական իրավախախտման տուգանքի չափի վերաբերյալ վարորդներին հայտնել է ուռճացված տեղեկություն

Համապատասխան բուժզննումն ավարտելուց հետո Արմեն Սարգսյանը կվերադառնա Հայաստան

Դոլարի փոխարժեքն աճել է. եվրոն շարունակում է էժանանալ

Վրաստանում վերջին մեկ օրվա ընթացքում կորոնավիրուսից մահացել է 42 մարդ

Բենզալցակայանի դիմաց բախվել են ավտոմեքենաները, ինչի հետևանքով «Նիվա»-ն գլխիվայր շրջվել է. կա վիրավոր

Ամրացված հույսեր՝ կառուցված տանը. տասներեք տարվա սպասումից հետո, բնակարանամուտ է նշվել (լուսանկարներ)

Ինդոնեզիայում մոտ 20 մարդ է մահացել փողոցային բախումների հետևանքով

Թուրքիան մտադիր է ավիաչվերթներ բացել դեպի Հայաստանի մարզեր

Գյումրու հրապարակում արված լուսանկարն «Ինստագրամ»-ում հրապարակելը Վիեննային հավասար է դարձել. Դավիթ Առուշանյան

Սյունիքի մարզի ավտոճանապարհներին տեղ-տեղ առկա է մերկասառույց

Ռուսական ռազմաբազայի մասնագետները սկսել են Տաջիկստանի բանակի վերապատրաստումը

Ռոբերտ Քոչարյանը կորոնավիրուսի թեստ է հանձնել. դատական նիստը հետաձգվեց

Դեբետի գյուղապետարանում բռնկված հրդեհի հետևանքով ողջ արխիվն այրվել է