Հայաստանի ֆուտբոլի ազգային հավաքականի ու «Բանանցի» դարպասապահ Արամ Հայրապետյանը մեծ հույսեր ունի Ազգերի լիգայի մեկնարկից առաջ: Վստահ է, որ ՀՀ-ն կկարողանա հաղթել մրցաշարի D լիգայի 4-րդ խմբում ու պայքարել Եվրո 2020-ի ուղեգրի համար: «Հայկական ժամանակ»-ի հարցին ի պատասխան՝ նա նշեց, որ հիմա է ուղեգրի համար պայքարելու իսկական ժամանակը:

«Կարծում եմ՝ շանսեր ունենք: Եթե ոչ հիմա, ապա ե՞րբ: Կարծում եմ՝ պարտավոր ենք այս խմբում առաջին տեղը գրավել: Այլ արդյունք չեմ տեսնում»,- ասաց նա:

Ազգերի լիգայի խմբային փուլի շրջանակներում սեպտեմբերի 6-ին Հայաստանը Երեւանի Վազգեն Սարգսյանի անվան «Հանրապետական» մարզադաշտում ընդունելու է Լիխտենշտեյնին: 3 օր անց հյուրընկալվելու է Մակեդոնիային: Հայրապետյանը հեշտ պայքար չի սպասում:

«Անձամբ ես հեշտ մրցակիցներ չեմ ունենում: Ասում են, իբրեւ Լիխտենշտեյնը հեշտ մրցակից է, բայց ոչ ոքի չի կարելի թերագնահատել: Պետք է խաղադաշտ դուրս գալ ու կենտրոնացած խաղալ, չմտածել՝ մրցակիցը հեշտ է, դժվար է: Չի կարելի թուլանալ»,- ասաց նա:

Հավաքականի մեկնարկային կազմում իր տեղի համար Հայրապետյանը պայքարելու է Արսեն Բեգլարյանի ու «Բանանցում» իր թիմակից Անատոլի Այվազովի դեմ: Ընդգծում է, որ ընդունելու է դարպասապահների մարզիչ Ռոման Բերեզովսկու ու գլխավոր մարզիչ Վարդան Մինասյանի որոշումը:

«Ռոման Բերեզովսկին ու Վարդան Մինասյանն են որոշումներ կայացնում: Այնտեղ Արսենն ու Անատոլին են: Չեմ կարող ասել՝ ով է խաղալու: Ես, երբ խաղում եմ, նվիրվում եմ 100 տոկոսով, կախված կլինի ե՛ւ ինձնից, ե՛ւ մարզիչներից, թե ինչ կասեն, ինչ կանեմ: Կտեսնենք»,- ասաց նա:

Հայաստան-Լիխտենշտեյն խաղը մեկնարկելու է ժամը 20:00-ին: Տոմսերը կարելի է ձեռք բերել «Հանրապետական» մարզադաշտի մուտքերի մոտ գտնվող տոմսարկղերից: Արեւմտյան տրիբունայի տոմսերն արժեն 8000-10000 դրամ, արեւելյան տրիբունայի տոմսերը՝ 5000-7000 դրամ, հյուսիսային եւ հարավային տրիբունաների տոմսերը՝ 2000 դրամ:

Մակեդոնիա-Հայաստան խաղում ՀՀ հավաքականի երկրպագուների համար հատկացված տոմսերը հնարավոր կլինի ձեռք բերել Սկոպյեի «Ֆիլիպ II» մարզադաշտի մերձակայքում գտնվող տոմսարկղերից: Հայ երկրպագուներին հատկացվել է հյուսիսային տրիբունայի 11-րդ սեկցիան: Տոմսերի արժեքն է մոտ 1100 դրամ: Կազմակերպվելու է նաեւ տոմսերի օնլայն վաճառք, որը հասանելի է լինելու սեպտեմբերի 3-ից՝ ժամը 14:00-ից հետեւյալ հղումով:

D լիգայի 4-րդ խմբում Հայաստանի հավաքականի մրցակիցն է նաեւ Ջիբրալթարը: Խմբային փուլում ՀՀ ընտրանու խաղացանկը հետեւյալն է.

06.09.2018 Հայաստան-Լիխտենշտեյն

09.09.2018 Մակեդոնիա-Հայաստան

13.10.2018 Հայաստան-Ջիբրալթար

16.10.2018 Հայաստան-Մակեդոնիա

16.11.2018 Ջիբրալթար-Հայաստան

19.11.2018 Լիխտենշտեյն-Հայաստան

Տպել
1502 դիտում

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության

ՍԴ-ն մերժեց Հրայր Թովմասյանի լիազորությունները դադարեցնելու վերաբերյալ ԱԺ դիմումը վարույթ ընդունել

Թուրքիային աջակցող «Սիրիայի ազգային բանակ» խմբավորումը հայտարարություն է տարածել