«Արսենալի» գլխավոր մարզիչ Ունաի Էմերին հույս ունի, որ իր թիմի կիսապաշտպան Հենրիխ Մխիթարյանը կկարողանա օգնել թիմակիցներին Ադրբեջանում կայանալիք խաղում: Եվրոպա լիգայի խմբային փուլում լոնդոնցիների մրցակիցներից մեկը լինելու է ադրբեջանական «Քարաբագը»: Մրցակցի հարկի տակ 2-րդ տուրի հանդիպումը կայանալու է հոկտեմբերի 4-ին: Մինչեւ այդ ակումբը դեռ պետք է հասկանա՝ Մխիթարյանը կարող է մեկնել, թե՝ ոչ: Էմերին այդ հարցի վերաբերյալ դեռ տեղեկություններ չունի:

«Հուսով եմ՝ մենք կկարողանանք լուծում տալ հարցին, եւ նա կկարողանա օգնել մեզ, բայց դեռ նրա հետ չեմ խոսել»,- մասնագետի խոսքերն է փոխանցում metro.co.uk-ը:

Ակումբը նույնպես դեռեւս չգիտի՝ ինչպես վարվել: Պաշտոնական հայտարարություն է տարածել, որ որոշում կայացնելուց առաջ իրենք դեռ պետք է խոսեն Մխիթարյանի հետ:

«Ֆուտբոլիստների ու ակումբի մյուս աշխատակիցների անվտանգությունը մեզ համար առաջնահերթություն է: Մենք կուսումնասիրենք իրավիճակը, կխոսենք խաղացողի հետ եւ որոշում կկայացնենք»,- ասված է պաշտոնական հաղորդագրության մեջ:

Եվրոպա լիգայի 2018-19 մրցաշրջանում E խմբում «Արսենալը» կմրցի ոչ միայն «Քարաբագի», այլեւ «Սպորտինգի» ու «Վորսկլայի» դեմ: «Վորսկլայում» է հանդես գալիս Գեղամ Կադիմյանը, որը նույնպես կգանգնի նույն խնդրի առջեւ: ՈՒԵՖԱ-ն հայտարարել է, որ ստանդարտ գործողություններ է իրականացնելու. այն, ինչ միշտ անում է հանդիպումներից առաջ: Որեւէ լրացուցիչ գործողության մասին, որն ուղղված կլինի Մխիթարյանի կամ Կադիմյանի դեպքին, կառույցը չի նշել:   

«Դա ստանդարտ գործընթաց է, երբ ՈՒԵՖԱ-ն նամակներ է ուղարկում ազգային ասոցիացիաներին, ֆուտբոլային ակումբներին եւ դեսպանատներին այն նպատակով, որ ֆուտբոլիստները մուտքի վիզա ստանան, որպեսզի կարողանան մասնակցել ՈՒԵՖԱ-ի հովանու ներքո անցկացվող խաղերին»,- ասել են ՈՒԵՖԱ-ի մամուլի ծառայության բաժնից:

«Արսենալը» Եվրոպա լիգայի ֆավորիտներից է: Եթե դուրս գա մրցաշարի եզրափակիչ, Մխիթարյանը կարող է նաեւ 2-րդ անգամ բախվել նույն խնդրին, քանի որ եզրափակիչ հանդիպումը կայանալու է Բաքվում:

2015-16 մրցաշրջանում, երբ Մխիթարյանը Դորդմունդի «Բորուսիայի» ֆուտբոլիստ էր, Եվրոպա լիգայի խմբային փուլում գերմանական թիմի մրցակիցներից մեկը ադրբեջանական «Գաբալան» էր:

Ադրբեջանում կայացած հանդիպմանը չմասնակցեց անվտանգության նկատառումներով: Այդ խաղում դորտմունդցիները հաղթեցին 3:1: 2-րդ խաղում՝ Դորտմունդում, «Բորուսիան» հաղթեց 4:0: Մխիթարյանն էլ խփեց իր թիմի 4-րդ գոլը:

2018-19 մրցաշրջանի խմբային փուլի խաղերը մեկնարկելու են սեպտեմբերի 20-ին:

Տպել
1162 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ