Վարդան Մինասյանը ֆուտբոլիստների աչքերում տեսնում է կրակը, որը ուզում էր

Հայաստանի ֆուտբոլի ազգային հավաքականի ֆուտբոլիստները հոգեբանորեն լավ են տրամադրված Ազգերի լիգայի D դիվիզիոնի 4-րդ խմբի Լիխտենշտեյնի դեմ խաղին: Այս մասին այսօր՝ սեպտեմբերի 5-ին, լրագրողների հետ հանդիպման ժամանակ ասաց թիմի գլխավոր մարզիչ Վարդան Մինասյանը: Նա խոսեց մեկնարկող սեպտեմբերի 6-ին Վազգեն Սարգսյանի անվան «Հանրապետական» մարզադաշտում կայանալիք Լիխտենշտեյնի դեմ հանդիպմամբ, ինչպես նաեւ հավաքականին վերաբերող այլ հարցերի մասին:

- Հավաքականի բոլոր ֆուտբոլիստները պատրա՞ստ են խաղին: Հարցը, հատկապես, Կարլեն Մկրտչյանին է վերաբերում, քանի որ վնասվածք ուներ:

- Բոլոր ֆուտբոլիստները պատրաստ են: Ինչ վերաբերում է վնասվածքներին, ունենք մի խնդիր. Հրայր Մկոյանը չի մասնակցի առաջիկա հանդիպումներին, որովհետեւ խնկի վնասվածք ունի, հնարավոր է վիրահատվի: Մնացած ֆուտբոլիստները պատրաստ են: Ճիշտ է կա դիսբալանս, որովհետեւ որոշ ֆուտբոլիստներ շատ խաղաժամանակ ունեն իրենց թիմերում, ոմանք քիչ, բայց համենայնդեպս, ամենակարեւորը հոգեբանությունն է, ես այս 2-3 օրերին տեսա, որ ամեն ինչ լավ է: Ինչ վերաբերում է Մկրտչյանին, վնասվածքի պատճառով բաց չի թողել խաղը, հոգնածություն ուներ, խնդրել է մարզչին, որ չխաղա, որպեսզի հավաքականի խաղերի ավելի պատրաստ լինի:

- Հոգեբանորեն ու ֆիզիկապես ինչպե՞ս է պատրաստ:

- Հոգեբանորեն շատ լավ վիճակում են: Անցած ընկերական խաղերից հետո ասացի, որ ուզում եմ նրանց աչքերում կրակ տեսնել, այս 2-3 օրը տեսել եմ մարզումների ժամանակ: Հուսով եմ՝ նույնը կտեղափոխվի դաշտ:

- Հայտացուցակը ամենաօպտիմա՞լն է:

- Այս պահին օպտիմալ ենք ընտրել, բայց սա մեր մարզչական շտաբի որոշումն է, ու շատ բնական է, որ որոշ մարդիկ համաձայն չլինեն: Դա նորմալ եմ համարում, որքան մարդ, այնքան կարծիք: Որոշ ֆուտբոլիստներ վնասվածքի պատճառով չմիացան: Շատ կուզենայինք Յուրա Մովսիսյանը մեզ միանա, այդ առումով ափսոսանք կա, բայց ինչ-որ հիմա ունենք մեր ձեռքի տակ, մեր կարծիքով, դա օպտիմալ է:

- Գագիկ Դաղբաշյանի բացակայությունը ինչո՞վ է պայմանավորված:

- Այս պահին նրան չեմ տեսնում հավաքականում:

- Ի՞նչպիսի մրցակից է Լիխտենշտեյնը, որոնք են նրանց առավելությունները ու թույլ կողմերը:

- Հիմա չեմ ասի նրանց ուժեղ եւ թույլ կողմերը: Խաղից հետո կասեմ, բայց լավ ուսումնասիրել ենք, գիտենք: 2 օր առաջ ժողով ունեցանք ֆուտբոլիստների հետ ու նրանց ասել ենք, որ այստեղ չկա ուժեղ ու թույլ մրցակիցներ:

- Յուրա Մովսիսյանի մասին ի՞նչ կասեք:

- Նրա հետ միշտ կապի մեջ եմ: Վերջին անգամ մոտ 10 օր առաջ եմ զրուցել: Մինչեւ վերջին պահը ակումբ էր ման գալիս: Նրան ասել էի՝ եթե ակումբ գտնես, հասցնես գոնե 2 խաղ խաղալ, ինչը եղավ օրինակ Հովհաննես Համբարձումյանի հետ, միանշանակ հրավիրվելու ես, որովհետեւ շատ ես պետք: Փառք Աստծու, վնասվածքից շուտ է ապաքինվել: Հուսով եմ՝ ակումբ կգտնի ու հոկտեմբերի խաղերին կմիանա:

- Վահագն Այվազյանին ինչո՞ւ չեք հրավիրել: Կայուն խաղ է ցույց տալիս, աչքի ընկնում տուգանայիններից:

- Բոլորի խաղերը նայել եմ: Վահագն Այվազյանին ես շատ լավ ճանաչում եմ: Եթե պետք է վերցնենք ֆուտբոլիստ, որ լավ տուգանայիններ է իրացնում, առանց նրա էլ գիտե՞ք որքան տուգանային իրացնողներ ունենք: Դա առաջինը: Երկրորդը՝ Վահագն Այվազյանը, իմ կարծիքով, աջ պաշտպան չէ: Որքան հիշում եմ նրա ֆուտբոլային կարիերան, միշտ խաղացել է աջ կամ ձախ եզրում՝ կիսապաշտպանությունում: Ուղղակի հիմա հանգամանքների բերումով... դա իհարկե, «Բանանցի» մարզչի խնդիրն է, նա խաղացնում է աջ պաշտպանի գոտում: Աջ պաշտպանը ինձ համար լրիվ այլ ֆունկցիաներ պետք է կատարի: Այս պահին այն ֆուտբոլիստներին, որ ես ընտրել եմ այդ դիրքի համար, այդ ֆունկցիաները ավելի լավ են կատարում:

Ո՞րն է մեր հավաքականի ուժեղ կողմը:

- Մի անգամ ասել եմ՝ մեր միտքն է շատ ճկուն, մեր միտքը շատ լավն է: Ընդհանրապես, հայ ազգի միտքը լավն է: Մեզ մի բան է պակասում, որ այդ ճկուն միտքը ճիշտ հունով տանենք:

Մինչեւ հոկտեմբերի խաղերը փոփոխություններ են սպասվում հայկական ֆուտբոլում: Կարո՞ղ ենք վստահ լինել, որ, եթե ֆեդերացիայի նոր նույն վստահությունը ունենա ձեր նկատմամբ կշարունակեք աշխատել գոնե մինչեւ խմբային փուլի ավարտը:

- Ես այդ հարցին հիմա չեմ պատասխանի, ինչի համար, որ լրիվ անկեղծ եմ ասում՝ իմ բոլոր մտքերը առաջիկա 2 խաղերի հետ են կապված:

Հավաքականի վերաբերյալ պաշտոնական հայտացուցակում նշված էր, որ Պետրոս Ավետիսյանը չի հրավիրվել վնասվածքի պատճառով, բայց նա հրավիրվեց ՀՀ հավաքական:

- Պետրոսի հետ զրուցել եմ, եթե չեմ սխալվում «Արցախի» խաղի ժամանակ: Վնասվածքից նոր ապաքինվել էր, բայց վախ կար նրա մեջ: Փաստն այն է, որ ապաքինվելուց հետո ոչ մի հանդիպում չի անցկացրել:

Ծանո՞թ եք ՀՖՖ նախագահի նոր թեկնածուին եւ ինչպե՞ս կամփոփեք Ռուբեն Հայրապետյանի պաշտոնավարումը:

- Վանեցյանին ծանոթ եմ մամուլից ու կարծիք ասել չեմ կարող:

Իսկ ինչպե՞ս կամփոփեք Հայրապետյանի պաշտոնավարումը:

- Ինձ թվում է՝ Դուք հարցը տեղին չեք տալիս, ավելի լավ է՝ վաղվա խաղից խոսենք:

Հայաստանի առաջնությունում լեգեոներների թվի սահմանափակում մտցնելու գաղափարի հետ կապված ի՞նչ կասեք:

- 2 ճանապարհ կա. դու կարող ես ֆեդերացիայով լիմիտ դնել, կարող ես պատասխանատվությունը թողնել ակումբների վրա: Համենայնդեպս, եթե սահմանափակում մտցնենք, այս ու հաջորդ մրցաշրջանները բացառվում են, որովհետեւ դուք գիտեք՝ շատ լեգեոներներ կան, որոնք պայմանագրեր ունեն: Եթե լիմիտը մտցնենք, լավ բանի չի բերի: Եթե լիմիտ մտցնենք, դա կարող է լինել, օրինակ, 2020-21 թթ. առաջնությունում: Բայց այս հարցը մանրակրկիտ ուսումնասիրության կարիք ունեի:

Տպել
964 դիտում

Սորոսից դրամաշնորհ չեմ վերցրել, ավտո նվեր չեմ ստացել, վարձով եմ ապրում․ Դ․ Սանասարյանը՝ իր անձի հետ կապված ստերի մասին

Տավուշի Ակնաղբյուր համայնքում 17,1 հա գյուղատնտեսական նշանակության հողատարածքի ոռոգման համակարգ կկառուցվի․ Ս․ Փաշինյան

Թիմի աշխատանքից լիարժեք գոհ չեմ, իմ աշխատանքից էլ լիարժեք գոհ չեմ. Նիկոլ Փաշինյան

Հանձնարարականը պոզով-պոչո՞վ է լինում, արդեն 10 ամիս ուշացել եք. վարչապետը՝ ոստիկանությանը

Ունենք կառավարություն, որտեղ ընդգրկված հաշմանդամություն ունեցող մարդիկ ի զորու են խնդիրներ լուծել. վարչապետ

Երևանը պետք է ունենա գրադարանների կառավարման նոր համակարգ, և այն պետք է բխի հասարակության շահերից. փոխքաղաքապետ

Աննա՞, էդքան անհետաքրքիր ա՞. վարչապետի կնոջ «աչքը կպել էր» ֆեյսբուքյան ուղիղ եթերի ընթացքում

Ն. Փաշինյանը խոստացավ անձամբ զբաղվել ծնողազուրկ զինվորին Արցախ չտեղափոխելու խնդրանքով

Գործ հարուցելու համար պարտադիր պետք են հիմքեր. վարչապետը՝ Սերժ Սարգսյանի նկատմամբ քրգործ հարուցելու մասին

Շատ եմ վերլուծել այդ օրվա իմ գործողությունները. վարչապետը՝ մաքսատան աշխատակցի ազատման մասին

Մենք այժմ մշակում ենք մի ծրագիր, որով պետք է պատանիներին ներգրավենք մշակութային միջոցառումների մեջ. Փաշինյան

«Պապ, բա Աշոտը ե՞րբ ա գալու». փոքրիկ Արփին ուղիղ եթերում դիմեց Նիկոլ Փաշինյանին

Սաշիկի արգաչափերը, կոռուպցիան, բյուջեն ու կադրային ջարդը. վարչապետը՝ կետ առ կետ իր խոստումների մասին

«Հենց քուչի մեջն էլ մորթեք». Երեւան քաղաքի դատախազը հրապարկեց քրեական հեղինակությունների գաղտնալսումները

«ՀԺ»-ի ֆոտոլրագրողը՝ ոստիկանության՝ «Մակարով» տեսակի ատրճանակից հրաձգության առաջնության հաղթող

Տավուշի մարզպետարանը պարզաբանում է Դիլիջանի խմելու ջրի որակի ուսումնասիրությունների արդյունքները

Փաստը, որ ՊՎԾ պետն ԱԱԾ-ին մեղադրում է «շինծու» փաստեր ներկայացնելու մեջ, լրացուցիչ հնչեղություն է տալիս միջադեպին

2020 թվականից Հայաստանը կունենա նաեւ կանանց ֆուտբոլի ազգային հավաքական

ԱԺ նախագահը գոհ է ԱՊՀ ՄԽՎ 49-րդ լիագումար նստաշրջանի աշխատանքներից

Գարեգին Բաղրամյանն ազատվել է էներգետիկ ենթակառուցվածքների և բնական պաշարների փոխնախարարի պաշտոնից