Հայաստանի ֆուտբոլի ազգային հավաքականի նախկին պաշտպան Ռոբերտ Արզումանյանը դրական է վերաբերվում Հայաստանի ֆուտբոլի ֆեդերացիայում կայանալիք փոփոխություններին: ՀՖՖ-ն շուտով նոր գործադիր կոմիտե ու նախագահ կունենա: «Հայկական ժամանակ»-ի հետ զրույցում ֆուտբոլիստն իր կարծիքն արտահայտեց առաջիկա զարգացումների մասին: Մասնավորապես՝ նախագահի միակ թեկնածուի՝ Հայաստանի ազգային անվտանգության ծառայության տնօրեն Արթուր Վանեցյանի ներկայությունը ֆուտբոլում, ըստ նրա, այս պահին անհրաժեշտ է:

«Ֆուտբոլային մարդիկ բնականաբար լինելու են եւ ղեկավարելու են, բայց անհրաժեշտություն էր, որ հենց նա լիներ: Չմանրամասնելով, բայց տեսնելով նախորդը, ընդհանուր ֆուտբոլի վիճակը՝ կապված խաղադրույքների եւ այլնի հետ, շատ կարեւոր է, որ պետության հետ անմիջապես կապ ունեցող մարդ լինի: Իմանալով հայկական ֆուտբոլը, թե ովքեր կան դրա մեջ, շատ կարեւոր է, որ ուժեղ մարդ լինի, որպեսզի, իմ կարծիքով, քաոսային վիճակ, այսպես ասած՝ կոնկուրենցիա, «բազար» չլիներ, թե ով է լինելու, ինչ է լինելու: Վստահ եմ, որ զարգացման լավ ծրագիր է լինելու, ու ժամանակը ցույց կտա՝ ինչպես կհաջողվի իրականացնել: Հավատում եմ, որ կարելի է իրականացնել»,- ասաց նա:

Եթե Վանեցյանի թեկնածությունը ի սկզբանե, ընդհանուր առմամբ տարակարծություններ չառաջացրեց, ապա նույնը չի կարելի ասել գործադիրի կազմի մասին: Թեկնածուների անունների պաշտոնական հրապարակումից հետո համացանցում աղմուկ բարձրացավ: Երկրպագուների ու մարզական լրագրողների շրջանակներում կարծիքների բաժանվեցին: Մի մասին դուր չեկավ այն, որ ցանկում կան, այսպես ասած, ոչ ֆուտբոլային մարդիկ: Խոսքը վերաբերում է, օրինակ, ՀՀ առողջապահության նախարար Արսեն Թորոսյանին ու տարածքային կառավարման եւ զարգացման նախարար Սուրեն Պապիկյանին: Մյուսներն էլ մտածում են, որ ոչ ֆուտբոլային ոլորտի ներկայացուցիչները կարող են օգուտ տալ իրենց ոլորտի հետ կապ ունեցող այն հարցերով, որոնք առնչվում են ֆուտբոլին: Արզումանյանը հակված է 2-րդ կարծիքին:

«Ամեն մեկը կարող է օգուտ տալ, անմիջական կապ կլինի, օրինակ, առողջապահության հարցով: Շատ նորմալ եմ նայում: Եթե մարդիկ կարծում են, որ պետք է նախկին ֆուտբոլիստներ լինեն, այդպես չէ: Կամ ո՞վ լինի ֆուտբոլի հետ կապված, ու դա ի՞նչ կտա: Եթե մտածում են՝ ֆուտբոլային մարդիկ չեն լինելու, ֆեդերացիայում, լինելու են ֆուտբոլային մարդիկ, որոնք որոշումներ են կայացնելու՝ ինչն է լավ հայկական ֆուտբոլի համար, ինչը կարելի է ավելի լավացնել, որոշումներ առաջնության, մարզիչ ընտրելու հարցում... բնականաբար՝ ֆուտբոլային մարդիկ լինելու են, եւ այդ որոշումները այլ մարդիկ չեն կայացնելու»,- ասաց նա:

Ըստ ֆուտբոլային շրջանակներում պտտվող խոսակցությունների՝ գործադիր կոմիտեի նախագահը լինելու է Արմեն Մելիքբեկյանը: Նրա հարցում ֆուտբոլիստների, երկրպագուների ու մարզական լրագրողների կարծիքները ընդհանուր առմամբ համընկնում են: Շատերն են նշում, որ բացառիկ ֆուտբոլային գիտելիքներ ունի, տիրապետում է նրբություններին ու կարող է համապատասխան որոշումների ընդունել: Ռոբերտ Արզումանյանը համամիտ է:

«Ասում եմ ֆուտբոլի մարդ... հենց նա ֆուտբոլային մարդ է: Ճանաչում եմ: Ամբողջ կյանքը ֆուտբոլի մեջ է եղել»,- ասաց նա:

Ֆուտբոլիստը ընդգծում է, որ հայկական ֆուտբոլի նոր ղեկավարները պետք է խորքային աշխատանքներ տանեն մարզաձեւը ոտքի կանգնեցնելու համար: Նշում է, որ խնդիրներ կան բոլոր ուղղություններում՝ մանկապատանեկան ֆուտբոլ, ազգային առաջնություն, տարբեր տարիքային հավաքականներ:

«Մեր ֆուտբոլը ընդհանուր է հետ գնացել. մանկապատանեկան ֆուտբոլը. մենք արդեն չեն կարողանում ֆուտբոլիստներ աճեցնել, որոնք կգնան՝ արտասահմանում խաղալու: Առաջնությունը շատ թուլացավ, դարձավ 6-թիմանոց: Միայն այս տարվանից ենք դարձել 9 թիմ: Բոլոր հավաքականների արդյունքները՝ սկսած 17 տարեկաններից մինչեւ ազգային հավաքական, ամեն ինչ գնացել է դեպի անկում»,- ասաց նա:

Մի շարք երկրպագուների կարծիքով՝ խնդիր է նաեւ ազգային հավաքականի գլխավոր մարզչի հարցը: Ազգերի լիգայի խմբային փուլի առաջին 2 հանդիպումներից հետո ֆուտբոլասերները խիստ դժգոհ են: ՀՀ ընտրանին D լիգայի 4-րդ խմբի առաջին խաղում տանը դժվարությամբ հաղթեց Լիխտենշտեյնին (2:1), իսկ Մակեդոնիային հյուրընկալվելիս պարտվեց դժգույն խաղով (0:2): Բացի այդ՝ Մակեդոնիայի դեմ հանդիպման ժամանակ, երբ հաշիվը 0:2 էր, կադրում երեւաց՝ ինչպես է գլխավոր մարզիչ Վարդան Մինասյանը ինչ-որ բան խոսում ու ծիծաղում իր օգնականի հետ: Խաղից անմիջապես հետո երկրպագուները համացանցում կարծիք հայտնեցին, որ նա պետք է հեռանա: Արզումանյանը նշում է, որ այս պարագայում պետք է հաշվի առնել թիմի ցուցանիշները:

«Ֆուտբոլում յուրաքանչյուր մարզիչ մնում է իր գործին՝ իր արդյունքի շնորհիվ եւ հեռանում իր արդյունքի պատճառով»,- ասաց նա:

ՀՖՖ գործող նախագահ Ռուբեն Հայրապետյանն այդ պաշտոնում է 2002 թվականից: Գործադիր կոմիտեի ու նախագահի արտահերթ ընտրությունները կայանալու են սեպտեմբերի 22-ին: Ընտրությունները արտահերթ պետք է լինեն, քանի որ մինչեւ 2019-ի փետրվարին ՀՖՖ-ն պետք է իրավաբանական անձանց միությունից (ԻԱՄ) վերակազմավորվի հասարակական կազմակերպության (ՀԿ): Սեպտեմբերի 22-ին տեղի է ունենալու նաեւ այս փոփոխությունը:

Տպել
2138 դիտում

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը