Պաշտոնապես հիմնադրվեց «Սասնա ծռեր» համահայկական կուսակցությունը

Լուսանկարը՝ «Հետք» պարբերականի

Սույն թվականի հոկտեմբերի 29-ին տեղի ունեցավ «Սասնա ծռեր» համահայկական կուսակցության հիմնադիր համագումարը: Այս կուսակցությունն ունենալու է ոչ թե ղեկավար, այլ 7 հոգանոց քարտուղարություն: Համագումարի ժամանակ քարտուղարության անդամներ ընտրվեցին Գարեգին Չուգասզյանը, Ալեք Ենիգոմշյանը, Գեւորգ Սաֆարյանը, Արեգ Կյուրեղյանը, Ռուզան Եղնուկյանը եւ Վահագն Ավագյանը, իսկ համակարգող ընտրվեց Վարուժան Ավետիսյանը:

Հիմնադիր համագումարին ելույթ ունեցան կուսակցության նախաձեռնող խմբի անդամներ Ժիրայր Սեֆիլյանը, Վարուժան Ավետիսյանն ու Գարեգին Չուգասզյանը:

Վարուժան Ավետիսյանն իր ելույթում ասաց, որ ժամանակն է վերստանձնելու հայության համամարդկային առաքելությունը, որը բխում է «Սասնա ծռեր» էպոսի հավատամքային համակարգից: Ավետիսյանի խոսքով՝ «Սասնա ծռեր» կուսակցությունը որդեգրում է ազգային առաքելությանը միտված եւ Առաջին Հանրապետության ժառանգորդության վրա հիմնված իրավաքաղաքական հայեցակարգ:

Վարուժան Ավետիսյանն իր ելույթում նշեց, որ իրենք պետք է շարժվեն զուգահեռաբար 4 ուղղություններով՝

ա. հիմնադրել նոր հանրապետություն՝ համայն հայության կամքն արտահայտելու հնարավորություն ունեցող, 

բ. մեկնարկել միջազգային իրավունքի սկզբունքների ու նորմերի եւ գործող միջազգային պայմանագրերի հենքի վրա հայրենիքի ու հայության այլ անօտարելի իրավունքների վերատիրացման եւ ռուսական գաղութատիրությունից ազատագրման իրավաքաղաքական գործընթաց,

գ. առաջադրել Նախիջեւանի եւ Կուր գետի աջ ափի տարածքների վրա միջազգային իրավունքին համապատասխան նոր հանրապետության իրավազորության հաստատումը՝ որպես այս գործընթացի հերթական քայլ եւ ձեռնամուխ լինել դրա իրականացմանը, ինչի շնորհիվ նոր հանրապետությունն ամբողջ իր տարածքի վրա կձեւավորվի որպես Կուր-Արաքսյան Հանրապետություն

դ. իրականացնել համակարգային փոփոխություններ՝ հիմնվելով ազգային մշակույթի վրա, եւ ստեղծագործաբար ներառելով միջազգային փորձը՝ ընդունել նոր Սահմանադրություն։ 

Համագումարին ելույթ ունեցավ նաեւ կուսակցության նախաձեռնող խմբի անդամ, «տոնածառի գործով» դատապարտված Գեւորգ Սաֆարյանը: Վերջինս դրա վերաբերյալ կատակելով սկսեց իր ելույթը՝ «Էսօր ափսոս Նոր տարի չի, թե չէ տոնածառ կբերեի»: Խոսելով մեր երկրում տեղի ունեցած Թավշյա հեղափոխության մասին՝ Սաֆարյանն ասաց, որ ինքն այս հեղափոխությունը հրաշք չի համարում, ինչպես շատերն են կարծում. «Ի՞նչն էր հրաշք, երբ կեղեքված, թալանված ժողովուրդը դուրս եկավ իրեն կեղեքող իշխանությունների դեմ: Այդտեղ որեւէ հրաշք չկա»,- ասաց նա՝ հավելելով, որ ինքը նախկին ռեժիմի տապալումը կանխատեսել էր դեռեւս տարիներ առաջ՝ Մաշտոցի պուրակ ոտք դնելու ժամանակ:

Գեւորգ Սաֆարյանն իր ելույթում նշեց, որ ինքը եւ իրենց թիմի անդամները չեն լինի կուսակցական, այլ միայն կուսակցության անդամ. «Մենք մեր ստեղծագործ միտքը չեն մտցնի կուսակցականության կաղապարների մեջ: Մենք միշտ եղել ենք ազատ, հանուն ազատության գնացել ենք անգամ զոհողությունների: Մենք երբեք թույլ չենք տա, որ ինչ-որ կուսակցականություն սահմանափակի մեր ազատությունը: Իհարկե, մենք երբեք ազատ չենք լինի, եւ մեր դռները փակ կլինեն այն քաղաքական ուժերի ու գործիչների նկատմամբ, ովքեր կեղեքել են մեր երկրին: Այդ մարդկանց համար ազատ են միայն բանտի դռները, իհարկե այդ դռներից ներս մտնելուց հետո այդ դռները փակվում են: Եւ վերջում, երեւի թե, պիտի կրկնեմ Վարուժան Ավետիսյանի խոսքերը՝ ՊՊԾ գնդից դուրս գալու ժամանակ. ի գո՛րծ, ի պայքա՛ր, ի հաղթանա՛կ»,- ասաց Գեւորգ Սաֆարյանը:

«Սասնա ծռեր» կուսակցության հիմնադիր համագումարին ներկա էր նաեւ նորաստեղծ «Հայաստանի քրիստոնյա-ժողովրդական» կուսակցության ղեկավար Լեւոն Շիրինյանը: Նա շնորհավորեց «Սասնա ծռեր» կուսակցության հիմնադրումն ու դրա գործունեության հռչակումը. «Սա Հայաստանի չորրորդ Հանրապետության առաջին քաղաքական կարեւորագույն ազդակներից մեկն է, որ ազդարարում է ազգային պետականության կերտումը: Սա նշանակում է, որ վերջ ընկճվածությանը, աղքատությանը եւ երկրի կողոպուտին ու թալանին»,- իր ելույթում ասաց Շիրինյանը:

Ողջույնի խոսքով հանդես եկավ նաեւ «Մոդուս Վիվենդի» կենտրոնի նախագահ, քաղաքագետ Արա Պապյանը: Պապյանը շնորհավորեց կուսակցության հիմնադրումը՝ նշելով, որ շատ կարեւոր է համարում «Սասնա ծռեր» կուսակցության հիմնադրումը, որովհետեւ այսօր Հայաստանի քաղաքական դաշտում բացակայում է լուրջ ազգային եւ ազգայնական քաղաքական ուժ. «Ես վստահ եմ, որ «Սասնա ծռերը» կլրացնեն այդ բացը»,- ասաց Պապյանը: Նա հույս հայտնեց, որ «Սասնա ծռեր» կուսակցությունը Ազգային ժողովի սպասվելիք արտահերթ ընտրություններից հետո իր արժանի տեղը կգրավի խորհրդարանում:

Կուսակցության հիմնադիր համագումարին իրենց ողջույնի խոսքն էին փոխանցել նաեւ օպերային երգչուհի Հասմիկ Պապյանն ու դերասան Երվանդ Մանարյանը:

Տպել
24693 դիտում

Լավրովի նշած «վերահսկման մեխանիզմները» անհրաժեշտ, բայց ոչ բավարար պայման են հրադադարի համար

Մահ ու պայքար՝ Լեռնային Ղարաբաղում. սարսափելի պատերազմի ռազմաճակատից. The New York Times-ի անդրադարձը

Այսօր ՊԲ հակաօդային պաշտպանության ստորաբաժանումները խոցել են 5 անօդաչու թռչող սարք (տեսանյութ)

Պատերազմը չի ավարտվել, դաժան ու սաստիկ պատերազմ է եւ մեր բոլորի ներդրումը չափազանց կարեւոր է. ՊՆ ներկայացուցիչ

Թուրքիայում ապրող հայաստանցիները հայրենիք վերադառնալու ճանապարհներ են փնտրում. նրանք տագնապած են

Արծրուն Հովհաննիսյանը՝ հակառակորդի դիակները հուղարկավորելու մասին

Արցախում զոհվել է «Թևանիկ» ֆիլմի գլխավոր հերոսներից Հովհաննես Խոդերյանը

Ամեն կերպ պետք է օգնել, որ մեր երեխաները դառնան ոչ թե նահատակված, այլ կենդանի հերոսներ. Ալբերտ Հովաննիսյանի հայր

Հյուսիսում թշնամին այսօր կենդանի ուժի զգալի կորուստներ է ունեցել, իսկ հարավում շարունակվել են ծանր մարտերը. Պողոսյան

Այս պահին մարտերի ուժգնությունը որոշակիորեն թուլացել է. Արծրուն Հովհաննիսյան

ԱՄՆ պետքարտուղար Պոմպեոն Վաշինգտոնում առանձին հանդիպումներ կունենա Հայաստանի եւ Ադրբեջանի ԱԳ նախարարների հետ

Մեր տղաները իմիտացիա են անում, իբր նահանջել են, հետևից սողեսող մոտենում են թշնամու տանկին, հարվածում. Հովհաննիսյան

Ադրբեջանի ագրեսիվ գործողությունների հետևանքով վիրավորված Ռոբերտն ու Նարեկը դուրս են գրվել վերակենդանացման բաժանմունքից

Ալեքսանդր Կարապետյանը երրորդ գոլն է խփել Ռուսաստանի առաջնությունում և այն նվիրել հայրենիքի պաշտպաններին

Բախվել են ավտոմեքենաներ․ տուժածները տեղափոխվել է են «Աստղիկ» բժշկական կենտրոն

Վարչապետը հանդիպում է ունեցել արտախորհրդարանական քաղաքական ուժերի ներկայացուցիչների հետ

Կորոնավիրուսը կարող է լսողության կորստի պատճառ դառնալ. կորոնավարակակիրներին սպասարկող բուժկենտրոններն ավելացել են 5-ով

Հայտնաբերվել է արգելված հրապարակումների 108 դեպք. 82-ը՝ լրատվական գործունեություն չիրականացնող անձանց կողմից

Մեր բոլոր միջազգային գործընկերներին կոչ եմ անում պատերազմը դադարեցնելու հստակ հայտարարություն անել. նախագահ

Կոռուպցիայի կանխարգելման հանձնաժողովի մրցութային խորհրդի անդամ է նշանակվել «Իմ քայլի» պատգամավոր Հերիքնազ Տիգրանյանը