«Մանոն» օպերայի հայաստանյան պրեմիերան բուռն ընդունվեց հանդիսատեսի կողմից

Հոկտեմբերի 7-ին Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնում տեղի ունեցավ ֆրանսիացի նշանավոր կոմպոզիտոր Ժյուլ Մասնեի «Մանոն» օպերայի հայաստանյան պրեմիերան:

Հայաստանում կայանալիք Ֆրանկոֆոնիայի գագաթնաժողովի շրջանակներում «Մանոն»-ի Գալա ներկայացումը նախատեսված է հոկտեմբերի 10-ին։

«Մանոն»-ը սիրո ողբերգական պատմություն է: Օպերայի առաջնախաղը վառ եւ հետաքրքիր բեմական լուծումներով ներկայացվեց հայ եւ ֆրանսիացի հանդիսատեսին: Օպերայի եւ բալետի ազգային ակադեմիական թատրոնի դահլիճը լեփ-լեցուն էր: Արձագանքը կարծես թե գերազանցեց սպասումները. «Մանոն»-ն ընդունվեց հոտնկայս ու չդադարող ծափերով: Մանոնի դերում Մերի Մովսիսյանն է, Շեվալիե Դե Գրիյեի` Լիպարիտ Ավետիսյանը:

Դեռեւս մարտ ամսին Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը ՀԺ-ի հետ հարցազրույցում հայտնել էր, որ «Մանոն»-ի բեմադրման հետ կապված թատրոնը բավականաչափ հագեցած գրաֆիկով է աշխատում: Գեղարվեստական ղեկավարը խոսել էր նաեւ գլխավոր դերակատարներից մեկի՝ Լիպարիտ Ավետիսյանի մասին:

«Այժմ մեզ մոտ Ժորժ Մասնեի «Մանոն» օպերային ներկայացման փորձերն են ընթանում: Ներկայացումը բերվել է Մոսկվայի Ստանիսլավսկու եւ Նեմիրովիչ-Դանչենկոյի անվան թատրոնից: Այստեղ են ներկայացման բեմադրող-ռեժիսոր Անդրեյս ժագարսը իր ամբողջ թիմով՝ ոճաբաններ, ովքեր աշխատում են մեր երգչախմբի եւ մենակատարների զգեստների վրա, պարուսույց, ֆրանսերեն լեզվի ուսուցիչ եւ այլոք»,-ասել էր Օրբելյանը:

Ա․Ժագարսի այս բեմադրությունը, որն արժանացել է երաժշտական քննադատների բարձր գնահատականին, առաջին անգամ ներկայացվել է 2016 թվականի հունվարի 29-ին, Մոսկվայի Ստանիսլավսկու եւ Նեմիրովիչ Դանչենկոյի անվան ակադեմիական երաժշտական թատրոնում։ Այդ ժամանակ էլ ներկայացման գլխավոր դերակատարներից է եղել օպերայի եւ բալետի թատրոնի մեներգիչ, տենոր Լիպարիտ Ավետիսյանը:

Կոնստանտին Օրբելյանի խոսքով՝ այս ներկայացումը հատուկ բերել է Լիպարիտ Ավետիսյանի պատվին, որը 2016 թվականի Դե Գրիյեի դերերգի մարմնավորման համար «Լավագույն տղամարդ դերասան» անվանակարգում «Ոսկե դիմակ» մրցանակն է ստացել:Բեմադրությունը կյանքի կոչելու նպատակով Ռուսաստանից Հայաստան են բերվել ներկայացման բոլոր դեկորները։ Օրբելյանի հրավերով բեմադրության ռեժիսոր Անդրեյս Ժագարսը Երեւանում աշխատանքներն իրականացրել է իր ամբողջ ստեղծագործական անձնակազմով, որում ընդգրկված են աշխարհի տարբեր երկրներից հագուստի լավագույն դիզայներները, բեմական նկարիչներն ու լուսային ձեւավորողները։

«Մանոն»-ի բեմադրող դիրիժորն է ԱՄՆ-ից Քրիստոֆեր Օկասեկը։

Տպել
3822 դիտում

Կյանք չի, ելակի մուրաբա է. Սմբատ Գոգյանը՝ պաշտոնից ազատվելու եւ դրա համար երկրորդ դիմումը գրելու պատճառների մասին

Վլադիմիր Զելենսկին չեղարկել է այցը Բելառուս

30 տարի Հրայր Թովմասյանն ու մի խումբ մարդիկ նրա փաստաբանությամբ ՀՀ-ի հետ արել են ամեն ինչ, ինչ հնարավոր է. Ալեն Սիմոնյան

Սա մեր ՈՒԱԶ քշող հարեւաններն են ուղարկում. Ադրբեջանն անցել է տեղեկատվական պատերազմի

Ստեփանծմինդա-Լարս ավտոճանապարհը բաց է միայն բեռնատար տրանսպորտային միջոցների համար

Վատ գաղափար. Իբրահիմովիչը վարակվել է կորոնավիրուսով

Եղել են դեպքեր, երբ երեխան զանգել է ոստիկանություն եւ ասել՝ ինձ ծեծում են. Նելլի Դուրյան

Նավալնիի թունավորման պատճառով կարգելափակվի՞ «Հյուսիսային հոսք-2» նախագիծը

Մտածում եք, եթե Միքայել Մինասյանի տեղը գիտենք, պետք է գնանք, գողանանք, բերե՞նք. Ալեն Սիմոնյան

Որևէ ազգի իրավունք վերապահված չէ սպանություն իրագործել ինքնիշխանության շղարշի ներքո. ԱԳ նախարարի ելույթը

ՀՀ իշխանությունը մշտապես ուղիղ կապի մեջ է ՀՀ քաղաքացիների հետ, մեզ ժողովրդով վախեցնելը ճիշտ չէ. Ալեն Սիմոնյան

«Արարատ-Արմենիան» ևս մեկ արգելք հաղթահարեց Եվրոպայի լիգայի որակավորման փուլում

Մյասնիկյան պողոտայում 3 մեքենա է բախվել․ կան տուժածներ

Զինծառայողները հանձնել են ֆիզիկական պատրաստության ստուգարքներ

ԱՀԿ-ն Հայաստանը դասել է ՊՇՌ թեստը հաջողությամբ իրականացրած երկրների շարքին. ապահովվել է 100 % ճշգրտություն

Սմբատ Գոգյանն ազատվել է Բարձրագույն որակավորման կոմիտեի նախագահի պաշտոնից

Գեորգի Ավետիսյանն ազատվել է սննդամթերքի անվտանգության տեսչական մարմնի ղեկավարի պաշտոնից

Ջրառատ համայնքում մեկնարկել են սուբվենցիոն երկրորդ ծրագրով նախատեսված աշխատանքները

Գրիշա Թամրազյանն ազատվել է ԿԳՄՍ նախարարի տեղակալի պաշտոնից. հրապարակվել է վարչապետի որոշումը

3 անշարժ գույք, 90 հազար դոլար, 10 հազար եվրո․ ՀՔԾ պետի տեղակալի հայտարարագիրը