ԵԼՔ-ը, ԲՀԿ-ն ընտրություններին մասնակցելու են, ՀՀԿ-ն ռեսուրսներն է հաշվարկում, խնդիրներ ունի՞

Քաղաքական ուժերը պատրաստվում են Ազգային ժողովի արտահերթ ընտրություններին: Հոկտեմբերի 17-ին ավարտվեցին Ընտրական նոր օրենսգրքի շուրջ կառավարություն-խորհրդարան ձեւաչափով քննարկումները, որ մեկնարկել էին հոկտեմբերի 16-ին: Առաջին փոխվարչապետի պաշտոնակատար Արարատ Միրզոյանը հանդիպումներ ունեցավ ՀՀԿ, «Ծառուկյան», «Դաշնակցություն» եւ ԵԼՔ խմբակցությունների ներկայացուցիչների հետ:

Միրզոյանը քննարկումն արդյունավետ համարեց, թեեւ պարզվեց, որ ՀՅԴ-ի հետ եղել են որոշակի տարաձայնություններ: «ԵԼՔ-ի հետ մեր քննարկումն անցավ հիանալի մթնոլորտում՝ ինչպես և ենթադրվում էր: Որևէ կոնցեպտուալ տարաձայնություն չկա և չէր էլ կարող լինել: Կային մի քանի տեխնիկական առաջարկներ, որոնք կլուծենք: Յուրաքանչուր խմբակցության հետ եղել է յուրովի քննարկում: «Ծառուկյան» խմբակցության հետ եղել է մեկ անհամաձայնություն, որի շուրջ փոխզիջումային լուծում ենք գտել: ՀՅԴ-ի հետ քննարկման արդյունքում ի հայտ են եկել որոշակի կոնցեպտուալ տարաձայնություններ: Մեկ-երկու հարցում ՀՅԴ խմբակցության պատգամավորները համաձայն չեն մեզ հետ, ինչպես երևում է, փոխզիջումային տարբերակ էլ չկա»,- ասաց Միրզոյանը:

Ինչ վերաբերում է հարցին՝ արդյո՞ք «Քաղաքացիական պայմանագիր» կուսակցությունը վարչության նիստերում քննարկում է արտահերթ ընտրություններում նախընտրական ցուցակի հարցը, Արարատ Միրզոյանը դրական պատասխան տվեց։ «Բնականաբար, ցուցակը չեմ հրապարակելու, բայց ցուցակը պետք է լինի իսկապես հեղափոխության քաղաքական թիմը, ՔՊ կորիզը, առաջնային շարքերում, իմ կարծիքով՝ կլինեն գործադիրում ընդգրկված անձինք, ասում եմ՝ իմ կարծիքով, քանի որ վարչությունում դեռ չենք քննարկել այդ հարցը, եւ ենթադրյալ ԱԺ ղեկավարությունը, կլինեն նաեւ մարդիկ, որոնք ՔՊ-ից չեն, այսինքն, բացի հեղափոխության ցուցակը լինելուց, պետք է լինի ներառական ցուցակ՝ ընդգրկի տարբեր ոլորտներում հայտնի գործիչների»,- ասաց Միրզոյանը։

Առաջին փոխվարչապետի պաշտոնակատար Արարատ Միրզոյանի խոսքով՝ «Իմ քայլը» դաշինքի համամասնական ցուցակը պետք է աչքի ընկնի տարբեր ոլորտներում պրոֆեսիոնալ մասնագետների հագեցվածությամբ՝ հաշվի առնելով խորհրդարանական հանձնաժողովների, պատվիրակությունների պահանջարկը։ ՀԺ-ի հարցին, թե արդյո՞ք ցուցակում կլինեն մարդիկ, որոնք ժամանակին բարիկադների մյուս կողմում են եղել, Արարատ Միրզոյանը չբացառեց։

«Մենք ասել ենք, որ մեր ձեռքը մեկնած է, մենք չենք կարող մերժողական հասարակություն կառուցել՝ խոսելով այն մասին, որ ուզում ենք նոր Հայաստանն ավելի լավը լինի, մենք չենք վերացնում իրենց Հայաստանը եւ սարքում մեր Հայաստանը, նոր Հայաստանի մեջ իրենք էլ են մտնում եւ պետք չի սա ընկալել ճամբարափոխություն եզրույթով, պարզապես մարդիկ կան, որոնք ուզում են մասնակցել ինչու ոչ պետականաշինությանը»,- ասաց նա եւ ՀԺ-ի հարցին ի պատասխան, թե ԵԼՔ-ի մյուս ուժերը կլինե՞ն ՔՊ-ի ցուցակում, պատասխանեց, որ նրանք ցանկանում են «Լույս» դաշինքով մասնակցել։

«Հայկական ժամանակ»-ի դիտարկմանը, թե իրավաբանների մի խումբ պնդում է, որ եթե վարչապետի ընտրության առաջին փուլում թեկնածու չառաջադրվի, դա խնդիրներ կառաջացնի, Արարատ Միրզոյանը համաձայնեց, որ նման տեսակետներ հնչել են, այս տարբերակը կուսումնասիրեն, եթե օրենսդրության պահանջ լինի, որ լինի առաջադրված թեկնածու եւ այդ դեպքում վարչապետ չընտրվի, ապա կառաջադրեն Նիկոլ Փաշինյանին, որը երկու փուլով էլ չի ընտրվի, որպեսզի խորհրդարանն իրավունքի ուժով արձակվի։

«Բարգավաճ Հայաստան» կուսակցության քաղաքական խորհրդի գլխավոր քարտուղար Նաիրա Զոհրաբյանը, անդրադառնալով իրավիճակին, որ հնարավոր է անհրաժեշտություն առաջանա վարչապետի թեկնածու առաջադրել՝ առաջին փուլի համար, բայց չքվեարկել եւ պատասխանելով հարցին, թե Ծառուկյան-Փաշինյան մակարդակով այս հարցի շուրջ պայմանավորվածություններ եղել են, ասաց. «Մենք հավատարիմ ենք մեր պայմանավորվածությանը: Երկու շաբաթ հետո խորհրդարանն օրենքի ուժով կգնա ինքնալուծարման: Թե ինչ սցենարով կլինի ինքնալուծարումը, կարծում եմ, կլինի այնպես, ինչպես ենթադրում է մեր պայմանավորվածությունը: ԲՀԿ-ն վարչապետի թեկնածու չի առաջադրելու»,-ասաց Զոհրաբյանը:

Զոհրաբյանը նկատեց, որ մեկ բան հստակ է՝ երկու շաբաթ հետո Հայաստանում լինելու է նոր քաղաքական իրավիճակ: Միաժամանակ պնդեց, որ որեւէ քաղաքական ուժ չի առաջադրի վարչապետի թեկնածու:

Խորհրդարանական ընտրություններին դաշինքով կամ առանց դաշինքի մասնակցելու վերաբերյալ հարցին ի պատասխան Զոհրաբյանն ասաց, որ կուսակցությունում քննարկում դեռ չեն ունեցել, սակայն վստահեցրեց` առաջիկա օրերին կլինի քննարկում և իրենց մասնակցության ձևաչափի մասին կհայտնեն բոլորին: «Առաջիկա օրերին կլինեն քննարկումներ եւ դրանց արդյունքները պարզ կլինի բոլորին»: Զոհրաբյանի կարծիքով՝ ԲՀԿ-ի ցուցակը պետք է գլխավորի ԲՀԿ առաջնորդ Գագիկ Ծառուկյանը: Դիտարկմանը, որ նա օլիգարխ է, իսկ Նիկոլ Փաշինյանն ասել է, որ օլիգարխները գործադիր եւ օրենսդիր մարմիններում չեն լինելու, Զոհրաբյանը հակադարձեց. «Ո՛չ, Գագիկ  Ծառուկյանը օլիգարխ չէ։ Օլիգարխը այն մարդն է, ով պետական լծակները օգտագործում է սեփական բիզնես իմպերիայի բարեկեցության համար»։

ՀՀԿ-ն եւս վարչապետի թեկնածու չի առաջադրելու: Հարցին, թե ի վերջո ՀՀԿ-ն կմասնակցի՞ ԱԺ արտահերթ ընտրություններին, Վահրամ Բաղդասարյանը պատասխանեց. «Որոշումը կկայացնենք, կլինենք միասնական: Ռեսուրսները պետք է հաշվենք, ընտրական օրենսգրքից է շատ բան կախված: Ընտրական օրենսգրքի փոփոխություններից հետո կձեւավորվի իմ կարծիքը»:

Նշենք, որ ՀՀԿ խմբակցությունից Էդուարդ Շարմազանովը, Արմեն Աշոտյանը, նաեւ պաշտպանության նախկին նախարար Վիգեն Սարգսյանը կողմ են արտահայտվել ԱԺ ընտրություններին ՀՀԿ մասնակցությանը: ՀՀԿ-ում կա նաեւ տեսակետ, որ պետք է բաց թողնել այս ընտրական պրոցեսը:

Տպել
3687 դիտում

Մհեր Գանդիլյանը նշանակվել է Ռուսաստանի Դաշնության սպորտի նախարարի տեղակալ

Ով է իրականում «BMW» մակնիշի ավտոմեքենայով ավտոկայանատեղիի 3-րդ հարկից ընկած Ռաֆայել Առաքելյան անուն-ազգանունով անձը

Վարչապետի գլխավորությամբ տեղի է ունեցել «Քաղաքացիական պայմանագիր» կուսակցության վարչության նիստ․ ինչ հարցեր են ամփոփվել

Կրասնոդարում 37-ամյա Ռաֆայել Առաքելյանը իր վարած «BMW» մակնիշի ավտոմեքենայով ընկել է ավտոկայանատեղիի 3-րդ հարկից

ՄԱԿ-ի մարդու իրավունքների բարձր հանձնակատարն անդրադարձել է Ադրբեջանում ապօրինաբար պահվող հայ գերիների խնդրին

Հայաստանի բասկետբոլի կանանց ընտրանին պարտությամբ է մեկնարկել Եվրոպայի փոքր երկրների առաջնությունը

Ատելության խոսքը լրջագույն մարտահրավեր է այսօրվա իրականությունում. Անահիտ Մանասյան

«Ոսկե ծիրան» Երևանի 21-րդ միջազգային կինոփառատոնի պատվավոր հյուրերի շարքում է հոլիվուդյան դերասան Քևին Սփեյսին

Պատմական իրադարձություն է․ Միշելը՝ Ուկրաինայի և Մոլդովայի հետ ԵՄ բանակցությունների մեկնարկի մասին

Այս մարդիկ չեն հասկանում՝ որտեղ են գտնվում, պետության մեջ պետություն են խաղում, հո պատուհաս չեն մեր գլխին. Մկրտչյան

Կայացել է «Իմ քայլը» բարեգործական հիմնադրամի հոգաբարձուների խորհրդի հերթական նիստը (տեսանյութ)

Արմավիր-Գյումրի ճանապարհին բախվել են «Mercedes»-ը և «ՈւԱԶ»-ը․ վերջինը գլխիվայր շրջվել է

Ձևավորվում է ՆԳ նախարարին կից հասարակական խորհրդի կազմ․ ովքեր կարող են ընդգրկվել

Հայ խորհրդարանականները Գերմանիայի ԱԳՆ պետնախարարի հետ քննարկել են Հայաստանի և Ադրբեջանի միջև խաղաղության գործընթացը

Մեկնարկել է «Աջակցություն Լեռնային Ղարաբաղից բռնի տեղահանված բնակչության սոցիալականացմանը» ծրագիրը

«Խաղաղության գործընթացում խոչընդոտը ՀՀ Սահմանադրությունն է»․ Բայրամովն ու իր ռուս գործընկերը նույն «երգն են երգում»

ՀՀ-ում երբեք օտարություն չեմ զգացել․ նախագահն ընդունել է Հայաստանում Իրաքի գործերի ժամանակավոր հավատարմատարին

ԵՄ առաջնորդները համաձայնության են եկել Եվրահանձնաժողովի նախագահի պաշտոնում Ֆոն դեր Լայենի թեկնածության շուրջ

Կրթական նոր չափորոշիչներում մեդիագրագիտությունն ամրագրել ենք կարևոր և առանցքային ունակություն․ նախարար

Եվրո-2024․ քիթը կոտրած Մբապեն Ֆրանսիայի հավաքականի մեկնարկային կազմում է Լեհաստանի դեմ խաղում

ՀՀ Սահմանադրությունը և նրա փոփոխությունները Հայաստանի ներքին գործն են. Արուսյակ Ջուլհակյանը՝ ԵԽԽՎ-ում

Թեհրանը կշարունակի բարելավել հարաբերությունները տարածաշրջանի երկրների հետ․ Ալի Բաղերի Քանի

Կիրանց-Աճարկուտ ավտոճանապարհին կիրականացվեն պայթեցման աշխատանքներ

Միջազգային քրեական դատարանը Շոյգուի և Գերասիմովի ձերբակալման օրդերներ է տվել

Վարչապետը կարևորել է սպառողների իրավունքների պաշտպանության ուղղությամբ քայլերը, քննարկվել են ոլորտի բարեփոխումները

Քենիայում ցուցարարները ներխուժել են խորհրդարանի շենք, տուժել է Բարաք Օբամայի քույրը

ՀՀ ԱԳՆ-ն մանրամասներ է հայտնել Արարատ Միրզոյանի և Հաքան Ֆիդանի հեռախոսազրույցից

Տեղի է ունեցել ՀՀ վարչապետի որոշմամբ ստեղծված աշխատանքային խմբի նիստ՝ ուղղված անտառային հնարավոր հրդեհների կանխարգելմանը

Որպես անհետ կորած որոնվում է 21-ամյա Կառլոս Զառագոզաին

Արձանագրվել են հրդեհային անվտանգության սպառնալիքներ․ դադարեցվել է հեղուկ վառելանյութի լցակայանի պահեստարանի շահագործումը

Արարատ Միրզոյանն ու Հաքան Ֆիդանը հեռախոսազրույց են ունեցել

Լինելով ՀՀ-ի ամենաերիտասարդ կին պատգամավորը՝ հասկանում եմ երիտասարդների քաղաքական գործընթացներին մասնակցելը․ Ղազարյան

ԵԽ նախարարների կոմիտեն լիակատար աջակցություն է հայտնել Հայաստանի և Ադրբեջանի միջև խաղաղության գործընթացին․ Լանդսբերգիս

Լոռու մարզի Կաթնառատ գյուղում ինտենսիվ կարկուտ է տեղացել․ Սուրենյանը լուսանկար է հրապարակել

«Հայաստանը մաքուր սպորտի կողմնակից է». Կարեն Գիլոյանն ընդունել է ԵԽ հակադոպինգային կոնվենցիայի ներկայացուցիչներին

Պուտինն ու Էրդողանը պայմանավորվել են հանդիպել Աստանայում ՇՀԿ գագաթնաժողովում. նախագահները հեռախոսազրույց են ունեցել

Վերջին շրջանում զգալիորեն ավելացել են կենցաղային այրվածքներով դեպքերը․ առողջապահության նախարար

Ամիօ ժամանակաշրջան. ստորագրվել է հուշագիր Հայաստանում ֆրանսիական համալսարանի հետ

Ընտիր երեխա էր, համեստ ապրող մարդիկ են. ով է բանակում մահացած զինծառայողը. վարչական ղեկավարը մանրամասներ է հայտել

Ադրբեջանն ամեն ինչ անելու է՝ վիժեցնելու Հայաստանի հետ խաղաղության համաձայնագիր կնքելու գործընթացը․ Ջուլհակյան