Շարմազանովը չի բացառում, որ վարչապետի նշած կաշառակեր պատգամավորը ՀՀԿ-ից է

«Հայաստանի Հանրապետության ընտրական օրենսգիրք» սահմանադրական օրենքում փոփոխություններ եւ լրացումներ կատարելու մասին նախագծի փաթեթի ընդունումն ԱԺ-ի կողմից առկախված վիճակում է: ԱԺ փոխնախագահ Էդուարդ Շարմազանովը «Հայկական ժամանակ»-ի հետ զրույցում փոխանցեց, որ հոկտեմբերի 29-ին գումարվող արտահերթ նիստի ժամանակ ՀՀԿ-ն դեմ է քվեարկելու այս փոփոխություններին: Նա միաժամանակ նշեց, որ մյուս խմբակցությունների եւ ՀՀԿ-ն լքած պատգամավորների կողմ քվեն լիովին բավարար է այդ փաթեթն ընդունելու համար: Նշենք, որ ԸՕ-ի փաթեթը համարվում է սահմանադրական օրենք եւ անհրաժեշտ է նվազագույնը 63 պատգամավորի կողմ քվե:

«Հանրապետական խմբակցությունն իր դիրքորոշումը օրեր առաջ հայտարարել է եւ չեմ կարծում, որ կփոխի: Այն հստակ է եւ չեմ կարծում, որ հիմա կառավարությունը կարիք ունի ՀՀԿ-ի կողմ քվեների, քանի որ կառավարությունն արդեն ունի 63-ից ավելի իրեն սատարող պատգամավորների: Նրանք թուղթ ու գրիչով, ինչպես Պեպոն կասեր՝ բարաթով, հավաստիացրել են, որ պաշտպանում են Փաշինյանին: Ովքեր պաշտպանում են, թող գան ու քվեարկեն: Մեր հայտարարությունը եւ քվեարկությունը պայմանավորված չի լինելու՝ վնասել կառավարությանը: Մեր քայլը ինադու Փաշինյանի կամ կառավարության չէ, սա բացառապես քաղաքական որոշում է:

Մենք ժամանակին ընդունել ենք հարգելի պարոն Փաշինյանի քվեարկությունների քաղաքական լինելը, ակնկալում ենք, որ վարչապետն ըմբռնումով կվերաբերվի մեր քվեարկությանը եւ իրեն չսատարելու մեր որոշմանը, որովհետեւ մենք հստակ գրել ենք պատճառները՝ մեր հայտարարության մեջ»,- ասաց Շարմազանովը:

Անկախ ընտրակարգից Էդուարդ Շարմազանովը կարծում է, որ ՀՀԿ-ն պետք է մասնակցի արտահերթ խորհրդարանական ընտրություններին: Ես կարծում եմ, որ ՀՀԿ-ն պետք է մասնակցի, որովհետեւ ունի ասելիք եւ անելիք: Ակնկալում եմ, որ ՀՀԿ-ն ի վերջո ճիշտ որոշում կկայացնի: Մասնակցության հարցը քննարկման փուլում է, որոշում չկա»,- ասաց նա եւ ընդգծեց, որ նոր իշխանությանը միայն ՀՀԿ-ն կարող է լինել իրական ընդդիմություն:

«Միակ քաղաքական ուժը, որը գաղափարական առումով քննադատում է վարչապետին, դա ՀՀԿ-ն է: Կան քաղաքական ուժեր, որոնք 1-2 օրով դարձան քննադատողներ, հետո էլի ստորագրեցին հուշագիր, ճանաչեցին հեղափոխության հաղթանակը, հավաստիացումներ տվեցին: Ես կարծում եմ, որ ազնիվ է այն քաղաքական ուժը, որ ազնիվ քննադատում է, որովհետեւ այդ քննադատության նպատակը ոչ թե ռեւանշն ու սաբոտաժն է, ինչպես վարչապետն է ասում, այլ՝ մենք պետք է ունենանք այլընտրանքային կարծիք»:

Մի քանի օր առաջ ՀՀԿ փոխնախագահ Արմեն Աշոտյանը կառավարությանը հորդորեց չկրկնել ՀՀԿ-ի սխալները։ Ըստ նրա՝ ժամանակին ՀՀԿ-ականները ստիպված անում էին հայտարարություններ՝ հոգու խորքում համաձայն չլինելով դրանց հետ. «ՀՀԿ-ի իշխանության տապալման պատճառներից մեկն այն էր, որ երբեմն մենք մեզ կեղծում էինք, ասում էինք բաներ, որոնց հետ հոգու խորքում համաձայն չէինք: Իմ որոշ գործընկերներ բաներ են ասում, ովքեր, վստահ եմ, այդպես չեն մտածում: Գուցե մեզ են նմանակում, բայց շատ արագ սովորեցին մեր սխալները: Մի՛ կեղծեք ձեզ: Իշխանության տապալման մեր սխալներից մեկն էլ դա էր, որ մենք մեզ երբեմն կեղծում էինք, ասում էինք բաներ, որոնց հետ հոգու խորքում համաձայն չէինք», մասնավորապես, ասել էր նա:

ՀԺ-ի հարցին, թե ինչո՞ւ են ՀՀԿ-ականները տարիներ շարունակ հայտարարություններով հանդես եկել, որոնց իրենք եւս չեն հավատացել, Էդուարդ Շարմազանովը նշեց, որ Աշոտյանի ասածները չի ցանկանում մեկնաբանել: Ի դեպ, Աշոտյանը ՀԺ-ի այս նույն հարցին ի պատասխան նշել էր. «Դուք, փսիխո վերլուծաբան չեք»:

Միաժամանակ Շարմազանովը նշեց, որ ՀՀԿ-ն, ինչպես ցանկացած քաղաքական ուժ, ունեցել է բացթողումներ, թերացումներ, առավելություններ «Ունեցել ենք մեծ ներդրում պետականաշինության մեջ: Եղել է ե՛ւ թերացումը, ե՛ւ աշխատանքը, բայց իմ համոզմամբ՝ դրականը եղել է ավելի շատ»:

Հոկտեմբերի 24-ին պատգամավորական մանդատից հրաժարվեց Ռուզաննա Մուրադյանը: Մամուլը գրեց այն մասին, որ պատճառը ԸՕ-ի նախագծին կողմ քվեարկելն էր՝ հոկտեմբերի 22-ին: ՀՀԿ խոսնակ Էդուարդ Շարմազանովը մեր հարցին ի պատասխան ասաց, որ  Հայաստանում չի եղել եւ որեւէ տեղեկություններ չունի այս իրադարձության վերաբերյալ:

ԱԺ փոխնախագահը չի բացառում, որ վարչապետի կողմից նշված կաշառակեր պատգամավորը կարող է ՀՀԿ-ից լինել: Մեր հարցին՝ բացառու՞մ է, որ այդ պատգամավորը ՀՀԿ-ից չէ, նա պատասխանեց. «Ես բացառում եմ, որ դա ես եմ: Մնացածը ոչ մի բան չեմ կարող ասել: Ես կարծում եմ, որ, եթե պարոն վարչապետը նման հայտարարություն է արել, ուրեմն իրավապահ մարմինները գոնե պատգամավորի անունը չտալով, պետք է հերքեն վարչապետի ասածը կամ հաստատեն: ՀՔԾ պետը հոկտեմբերի 25-ին երկու պատգամավորի անուն հերքեց (Միհրան Պողոսյան, Արամ Հարությունյան): Եթե կասկածյալ ու մեղադրյալ չկա, ապա ի՞նչ կարիք կար նման հայտարարություն անելու: Եթե արվել է՝ նման բարձր մակարդակով, ի վերջո կասկածյալ պետք է լինի»:

Անդրադառնալով «բարիկադների ապամոնտաժմանը» եւ իրենց իշխանության օրոք եւ այս իշխանության օրոք պաշտոններ ստացող անձանց, Շարմազանովը նշեց. «Ի՞նչ է նշանակում՝ մեր կադրերն են: Կա պետական ծառայություն, յուրաքանչյուրն ազատ է՝ ընդունել առաջարկները, եթե ինքը գտնում է, որ անելիք ունի, ուրեմն պետք է աշխատի: Ես որեւէ բան չեմ տեսնում, որ ինչու այս կամ այն պետական պաշտոնյան աշխատում է: Առաջին օրվանից էլ մարդիկ են աշխատում վարչապետի հետ, որոնք եղել են մեր թիմում, մասնավորապես, պաշտպանության եւ ֆինանսների նախարարները: Այնպես չէ, որ ես կառավարությունում չեմ, ուրեմն կառավարության թշնամին եմ»,- եզրափակեց նա:

Տպել
4795 դիտում

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ

Սիմոն Մարտիրոսյանն ու Հակոբ Մկրտչյանը կմասնակցեն Եվրոպայի երիտասարդական առաջնությանը. ՀՀ-ն գնում է մեծ կազմով

Մեղրին կգազիֆիկացվի, կառավարությունը պատրաստ է տրամադրել գումարը․ Սուրեն Պապիկյան